مشكلة في فرامل اليد والدبل

[قراقيف]

السلام عليكم ورحمة الله وبركاته

تحياتي لكم إخواني المكشاتيين واحدا واحدا


نوع السيارة : ( جيب لاند كروزر , 2008 , GX)

المشكلة الأولى : سلك فرامل اليد يطلع صوت طقة عندر رفعة وتنزيله , وأحس السيارة ثقيلة بالحيل , وإذا وقفت السيارة أشم ريحة ( عطبة ) قوية ويبدو إنها تصدر من الهوبات

- الميكانيكي قال نغير الفحمات , وغيرنا أصلي لكن مافاد ولا زالت المشكلة قائمة

أرجو التوجيه الله يجزاكم خير



المشكلة الثانية : الدبل إذا فريته على الثقيل , وخلصت المهمة ورجعته على وضع (of)
ما يفصل الدبل , ويطلع صوت حنين قوي بالحيل , وما يفصل لين أضطر أطفي السيارة واشغلها ثانية وأعشق الريوس وبعدين ارجعه للدي وبعدين يفصل

بيض الله وجوهكم مقدما

[HW80]

اخوي دامك تقول الموتر ثقيل وتطلع ريحه من الهوبات الظاهر ان الجلنط{فرامل اليد}ماسك تبي تتأكد وقف على نزله خفيفه وفك الجلنط والموتر بالفاضي اذا مادحدر والله العالم انه من الجلنط للمعلوميه هاذا مجرد توقع اسف على الاطاله

[رفيع المقآم]

يالغالي شيك على زيت الفرامل والهوبات الخلفية والكليبرات
ويمكن فيه هواء بالزيت عندك

[قراقيف]

اخوي دامك تقول الموتر ثقيل وتطلع ريحه من الهوبات الظاهر ان الجلنط{فرامل اليد}ماسك تبي تتأكد وقف على نزله خفيفه وفك الجلنط والموتر بالفاضي اذا مادحدر والله العالم انه من الجلنط للمعلوميه هاذا مجرد توقع اسف على الاطاله


بيض الله وجهك

وأنا الله يسلمك سويت ها الطريقة واللي ضيق صدري إن الموتر مشى عادي , واذا مشيت طريق طويل طلعت المشكلة المذكورة

عموما الله يسلم قلبك وشكرا على إشارتك يالغالي

[قراقيف]

يالغالي شيك على زيت الفرامل والهوبات الخلفية والكليبرات
ويمكن فيه هواء بالزيت عندك


الله يسلم عمرك

والحين السيارة في الورشة للتشييك على كل ماذكرت

بيض الله وجهك , وإن شاء الله بس تطلع أعلمك اذا صحيح أو لا

لكن إن شاء الله إنك جبت العلم يالغالي