إهداء الى ريف النشامى

[المرقاب]

السلام عليكم ورحمة الله وبركاته
هذه قصيده موجهه للشاعر ريف النشامى من صديق لي قام بنظمها اثناء تصفحي لخيمة الشعراء الأسبوع الماضي وسلامة الجميع.
الى القصيده:
ريف النشامى هاجسي صكني صك
وأصبحت أهليبه على قو صكه
أهل النوايا الطيبه مابهم شك
لو جت من اشباه الحريم المشكه
و الذيب ما يمزح بتحريكه الفك
ترى البلى والموت من تحت فكه
واهل الكرم ما تقبل الباب ينصك
تموت وابواب الكرم ماتصكه
والجلد بعض أحيان يحتاج للحك
لكن مابه مثل ظفره يحكه
ويا مدور الحسنى عسى اليوم تفتك
لو ها لزمن ما من بلاويه فكه
وريف النشامى للنشامى معه صك
و المنتدى الله للنشامى يفكه

[ريف النشاما]

السلام عليكم ورحمة الله وبركاته

أشكرك أخي مرقاب وأشكر صاحبك على هذه الهدية الجميلة
والله يكتب لكم التوفيق والسداد ويعيننا على رد الواجب
وتقبل هذه المتواضعة
""

بسم الله أبدى في جوابي لنظمك= ياصاحبي مرقاب لأحلى نظمكه
بأبيات شعر ٍ بالحشاء ضكها ضك= مثل المسيل إل يا تضايق وضكه
على قواف ٍ شاعره سكها سك = مثل الذهب لا صاغ فنان سكه
فيها أقول لصاحبي ياهلا بك= وأشكرك أنا أعداد من زار بكه
والله يهونها إل يامنه جك= ويكتب لك التوفيق من عقب جكه
وهذي حوال الوقت ملزوم صبرك = أصبر ترى صبرك على الوقت فكه
وأنا كما عود ٍ مع أعواد لاشك= مكشات يجمعنا على غير شكه
""

[محمد عايد]

ريف النشامى هاجسي صكني صك
وأصبحت أهليبه على قو صكه
أهل النوايا الطيبه مابهم شك
لو جت من اشباه الحريم المشكه
و الذيب ما يمزح بتحريكه الفك
ترى البلى والموت من تحت فكه
واهل الكرم ما تقبل الباب ينصك
تموت وابواب الكرم ماتصكه
والجلد بعض أحيان يحتاج للحك
لكن مابه مثل ظفره يحكه
ويا مدور الحسنى عسى اليوم تفتك
لو ها لزمن ما من بلاويه فكه
وريف النشامى للنشامى معه صك
و المنتدى الله للنشامى يفكه












صح لسانك ولاهنت ياشوق البنت

[رسلان]

صح لسانك أخوي وصح لسان خويك ....
وصح لسان ابو عبد العزيز ...
قصائد جميلة ...
يعطيكم العافية .....



ليتك ياريف النشاما لنـا جـار=يوم أجيك ويـوم مثلـه تجينـي
وليت المسا فله بيني وبينك جدار=والباب بنصف البيت بينك وبيني
جيتك ولك مـع العـز مقـدار=وأيضا تساوي بالغلا مثل عيني

[حـاتـم]

ماشاء الله

ونعم القصيد

مشكور اخوي المرقاب وريف النشاما

والله انكم نشاما

ومشكورين

والله يجمعنا على خير ومعزه

اخوكم / حاتم

[دله وفنجال]

السلام عليكم...
صح السان اخوي مرقاب وصح السان ابو عبد العزيز قصيدة جميلة وردية اجمل والله لايهينكم.

وريف النشامى للنشامى معه صـك و المنـــتدى الله للنــــشــامى يفكه

وأنـا كمـا عـود ٍ مـع أعـواد لاشـك مكشـات يجمعنـا علـى غيـر شـكـه

تسلمون وماقصرتو اتحفتونا...

[ابو طنب]

تسلم لنا يالمرقاب انت ورفيقك يا عل لسانه يصح

قصديه اعذب من الماء الزلال في شخص اطهر من نقاء الغيم

يكفي انها في شاعرنا واستاذنا ريف النشاما الذي لا اعرف عنه سوى سمعته الطيبة

التي تعدت المنتدى لتصل الى المنتديات الاخرى صح لسانك اخي ريف النشاما

والله يجمعنا وإياكم على طاعته انشاء الله

ابو طنب

[ذيب الجبال]

بسم الله الرحمن الرحيم
السلام عليكم ورحمة الله وبركاته,,,,,,,,,,,,,,
مسيتوا بالخير جميعا
في البدايه ولو انها جت متأخره شوي!! كل عام وانتوا بخير ,, ومبروك عليكم الشهر الفضيل
انا انقطعت عنكم ( ضروف قاهره) مده جدا طويله لكن يعلم الله انكم لم تغيبوا عن بالي
مابي اطول بالكلام الـ((بايخ)) .
يسلم لسانك يالمرقاب على هالابيات
تحيات للجميع
وارجوا انكم تقبلونها

[krar]

والله قصيدة وافية ويستاهل من قيلت فيه
ورد طيب لاشك