(((عطوني رايكم وش الفراش الزين))))

[ابن عكاش]

السلام عليكم ورحمة الله وبركاته
صبحكم/مساكم الله بالخير كيف الحال إن شاء الله طيبين وصحه وسلامه
عندي فراش تنزاني له تقريباً اكثر من ثمان سنين طلعت به قبل اسبوعين وانفتق السحاب قلنا خلاص راح عمره ماقصر خدم سنين لكن كان عيبه في البرد الشديد ادخل معي بطانيه ثانية ويدخل البرد من السحابات
المهم رحت امس لبرق الحيا اللي في مخرج 15 ناوي اشتري فراش للبر واحترت بين فراش الدرويش تنزاني بـ300ريال معه مخده بس بدون كيس لحفظ للفراش والثاني فراش السنيدي نسيت وش اسمه مدري الصحراء او الخليج المهم بـ315ريال معه مخده وكيس لحفظ الفراش
وش رايكم يالربع فيهم وش احسن من ناحية الدفئ وكيف سحاباتها وش الأفضل هل يتحمل الفراش اقل من الصفر وهل فيه شي افضل وسعره معقول
انتظر آرائكم شاكر لكم مقدماً فزعتكم اخوكم ابن عكاش(ابوصقر)

[النوبل]

عليكم السلام ورحمة الله وبركاته

وصباحك نور

عليك بالدريويش تنزاني والا باكستاني

وإذا قصدك الكيس فصله على ذوقك لأن الدريويش يستاهل

[عبدالله 102]

والله نصيحتي لك اشتر لك بطانية ثقيلة 8 غاط كورية

وخيّط عليها شراع تنزاني في الغرابي وتصير من ازين ما يكون

[أبو رزان 97]

مر على هالموضوع لاخونا ابو مها

راح يفيدك كثير وانت تقرر بعده

http://www.mekshat.com/vb/showthread.php?t=185190

[ابن عكاش]

عليكم السلام ورحمة الله وبركاته

وصباحك نور

عليك بالدريويش تنزاني والا باكستاني

وإذا قصدك الكيس فصله على ذوقك لأن الدريويش يستاهل

مشكور يالغالي على نصيحتك

[ابن عكاش]

والله نصيحتي لك اشتر لك بطانية ثقيلة 8 غاط كورية

وخيّط عليها شراع تنزاني في الغرابي وتصير من ازين ما يكون

فراش القديم هو بطانيه مفصل عليها تنزاني بس المشكلة إذا جاء برد قوي يدخل مع السحابات
بصراحه ودي بشي مجرب وجاهز يكون شغله مرتب اريحلي

[ابن عكاش]

مر على هالموضوع لاخونا ابو مها

راح يفيدك كثير وانت تقرر بعده

http://www.mekshat.com/vb/showthread.php?t=185190

مشكور يالغالي هذا الموضوع حق ابو مها اللي كنت ابحث عنه لأني شفته في المنتدى من سنه ودخل في راسي
بارك الله فيك والظاهر باشتري فراش الصحراء بس على الله مايكون تغير
لاهنت

[moh3192]

اخوي انا اشتريت فراش الخليج من السنيدي بعد بحث طويل والله ممتاز وانصحبه وثير وناعم ودفي مافيه عيب الا كبير شوي وانت شوفه واحكم قيمته 290 لكن مالقيت صغير ودفي

[عاشق السيل]

وعليكم السلام ورحمة الله وبركاته ،،

شف وأنا أخوك قبل فترة قريبة جدا كنت مثلك أتساءل عن أفضل فراش وبدوا الشباب يكبون علي من الأنواع اللي دوخت راسي !!!

بالأخير رسيت على فراش جدا ممتاااااااااااااز ،، عند اليوسف اللي بالريان يجيبون البولستر حق الدريويش ويفصلون عليه تنزاني أصلي بخياطتهم المعروفة وبسحابات أصلية والقيمة ( 270 ) ريال بسسسسسسس !!

خياطة مضمونة وتنزاني أصلي ومقاس واسع وسعر مناسب وممكن تفصل له شنطة بـ 50 ريال من عندهم أو أقل ،، والله يوفقك للي فيه الخير ......

[ابن عكاش]

اخوي انا اشتريت فراش الخليج من السنيدي بعد بحث طويل والله ممتاز وانصحبه وثير وناعم ودفي مافيه عيب الا كبير شوي وانت شوفه واحكم قيمته 290 لكن مالقيت صغير ودفي

مشكور يالغالي بس اخاف إذا جت درجة الحرارة تحت الصفر معد يدفي
ليش الصحراء اغلى منه

[ابن عكاش]

وعليكم السلام ورحمة الله وبركاته ،،

شف وأنا أخوك قبل فترة قريبة جدا كنت مثلك أتساءل عن أفضل فراش وبدوا الشباب يكبون علي من الأنواع اللي دوخت راسي !!!

بالأخير رسيت على فراش جدا ممتاااااااااااااز ،، عند اليوسف اللي بالريان يجيبون البولستر حق الدريويش ويفصلون عليه تنزاني أصلي بخياطتهم المعروفة وبسحابات أصلية والقيمة ( 270 ) ريال بسسسسسسس !!

خياطة مضمونة وتنزاني أصلي ومقاس واسع وسعر مناسب وممكن تفصل له شنطة بـ 50 ريال من عندهم أو أقل ،، والله يوفقك للي فيه الخير ......
لاهنت يالغالي ابي وصف اليوسف اللي في الريان يبيله زياره ضروري علشان نشوف اللي عنده

[راع الولع 00]

السنيدي له عندي سنتين ما يحتاج ناعم ودافي وعيبه مثل ماقال اخوي انه كبير لكن ممتاز
وتحت الصفر لو اي فراش ما راح يدفيك لازم تحط معه بطانية ثانية

[NAIFAT]

بعد ما اقلنا التنزاني الاول للتقاعد شريت الدريويش وعزالله انه فراش عليه الكلام .

تبون نصيحتي يا اخوان . كل واحد ياخذ له الكماده حقت الما وعند النوم يحطها في الفراش عند رجليه بعد مايعبيها ما حااار وعند الفجر باذن الله تصير دافيه ويتوضا منها .

[ابن عكاش]

السنيدي له عندي سنتين ما يحتاج ناعم ودافي وعيبه مثل ماقال اخوي انه كبير لكن ممتاز
وتحت الصفر لو اي فراش ما راح يدفيك لازم تحط معه بطانية ثانية
مشكور يالغالي بس كان الدعوى كذا قعدنا على فراشنا القديم

[ابن عكاش]

بعد ما اقلنا التنزاني الاول للتقاعد شريت الدريويش وعزالله انه فراش عليه الكلام .

تبون نصيحتي يا اخوان . كل واحد ياخذ له الكماده حقت الما وعند النوم يحطها في الفراش عند رجليه بعد مايعبيها ما حااار وعند الفجر باذن الله تصير دافيه ويتوضا منها .
مشكور يالغالي على النصيحه بس هل جربت الفراش في وقت درجة الحرارة تحت الصفر

[العاذر]

الدريويش أفضل
من فراش السنيدي
مجربها كلها
خذ الدريويش وبس

[أ ب ت 1980]

أما من طرفي،،،، أنا عندي فراش الصمان من القاضي ،،، جميل جداً

[ابن عكاش]

الدريويش أفضل
من فراش السنيدي
مجربها كلها
خذ الدريويش وبس

من اي ناحية يالغالي هل في الدفى وتحمل درجات حراره تحت الصفر مثلاً
لاهنت

[ابن عكاش]

أما من طرفي،،،، أنا عندي فراش الصمان من القاضي ،،، جميل جداً
اشكرك على ابداء رأيك

[PATROL]

شف وانا اخوك عندك فراشين لاتعداهن
فراش الصحراء وفراش الخليج تلقاهن عند السنيدي

[أبوسلامة]

من واقع تجربه أنا أضم صوتي لصوت أخوي أ ب ت 1980 فراش الصمان من القاضي لايعلى عليه
لاني جربته ودرجة الحراره تقريباً تحت الصفر والجو ممطر مطر خفيف كل اللي كانو معي اللي قام من البرد
واللي حس بالمطر الا انا مسكره ماخليت الافتحه قليله جداً عشان التهويه مع العلم اني اقلهم نوم عشان ماحد يقول
نومك ثقيل ويسدك ياخي معه وساده وكيس عشان تشيله وقماشه لامن ناحية برا ولاجوا الصراحه انه فراش بمعنى الكلمة ...

[SIF]

الدريويش تنزاني فرو

كأنك نايم في بيتك

[عاشق السيل]

لاهنت يالغالي ابي وصف اليوسف اللي في الريان يبيله زياره ضروري علشان نشوف اللي عنده

أرسلت لك الوصف بالخاص مثل ماطلبت ،،

وبحط الوصف هنا ليستفيد الجميع ،، شارع الإمام الشافعي بين حي الريان والمنار اتجه شمال بعد إشارة حرس الحدود يجيك مستشفى اليمامة على اليمين ووجهك شمال بعد مسافة تجي محطة الدريس على يمينك وفيه على يسارك يوتيرن ارجع معاه ويصير وجهك جنوب وبعد مية متر تقريبا يجيك المحل على اليمين ،،،

[على رمشي تمشي]

شف فرش القاضي للخيام لاتفوتك
فيه فراش اسمه الصمان وفيه الفصول الاربعه ممتازه والله

[سعود محمد]

فراش الفصول الاربعة ولا تشاور

[سال السيل]

فراش الفراسة..
البطانة للدرويش ومن برى الفراسة الصراحةة مميز جدا..
أحد الزملاء كده 10 سنين ولا قال اش..

وتجربة اخونا ابو مها موجودة لكن لن تحتاج إلى هذا المستوى من التدفئة إلا إذا كنت راعي شمااال
وتجد حرارة منخفضة جدا في طلعاتك الكثيرة فأبومها ما قصر ..

[اتجاه السحاب]

فراش الخليج عند السنيدي رائع جدا من تجربه

[ابن عكاش]

اشكر جميع من شارك وابدى رأيه وعز الله ان هقوتي فيكم ماخابت الله يوفقكم دنيا وآخره والمسلمين اجمعين
إن شاء الله بمر محلات الرحلات واختار واحد من الفرش واعطيكم علومه :good2:

[bb5599]

ارشح لك فراش السنيدي (الصحراء) من واقع تجربة ...بعز البرد ماتحس ..

[نجدي أصلي]

أنا شفت عند الرماية أنواع ولكن التنزاني أفضل له معي حوالي 4 سنوات ولكن عيبه السعر غالي شوي حوالي 800 ريال ويتحمل إلى درجة 5 تحت الصفر تحياتي

[ابوصالح77]

الخليج + الصحراء =السنيدي
او
الفصول الأربعة = القاضي

[ابن عكاش]

رحت للسنيدي علشان اشتري فراش الصحراء المهم وراني العامل الفراش شكله ممتاز بس فيه عيب بنسبه لي لون القماش الداخلي فاتح مره وعليه رسمات تشجير يعني يقبل الوسخ ما اعجبني سألته قلت مافيه لون ثاني للداخلي قال لا
شكلنا بناخذ الدرويش هل ألقاه في الغرابي

[PATROL]

ابن عكاش شف فراش الخليج من داخل لونه حلو تقريبا لونه رملي

[شوير الشيخ]

السلام عليكم
موجود لدى برق الحيا رمادي سادة الخليج والصحراء ،،
وانا مجرب الخليج في الصمان وسط الفياض في درجة حرارة منخفضة وكان فضيع في الدفء.
موفق...

[عبرود النيمس]

الفصول الأربعة فراش ممتاز لايفوتك

[ابن عكاش]

لاهنتو شكلي اباخذ فراش الخليج اشكركم

[شوير الشيخ]

لاهنتو شكلي اباخذ فراش الخليج اشكركم

أنا اشوف الخليج مثل الصحراء ولكن الفرق في الخارجي بالنسبة للصحراء اخشن
قماش من الخليج اما الداخلي واحد ...

[قوافل نجد]

والله انا احب فراش ابوبطانيه رخيص ويدفي ....................
اخذته من محل المروج .....:good2:

[ابن عكاش]

أنا اشوف الخليج مثل الصحراء ولكن الفرق في الخارجي بالنسبة للصحراء اخشن
قماش من الخليج اما الداخلي واحد ...

لاهنت يالغالي على النصيحه وشكلي باخذ فراش الخليج

[ابن عكاش]

والله انا احب فراش ابوبطانيه رخيص ويدفي ....................
اخذته من محل المروج .....:good2:

ماقصرت يالغالي وابوبطانيه مجربه

[الريصي]

مساء الخير أخي من واقع تجربه فراش القاضي الفصول الاربعة ممتاز جدا وفيه مقاس كبير وعادي لايفوتك لو السعر شوي مرتفع ولاكن يستاهل

[x24]

الفرش المحلية زينة ولا بأس بها ( تمشي الحال ) ولكن الجودة والمتانة لن تجدها الا في الاسواق الامريكية ، وانا املك فراش قمت بشراءه من الخارج يتحمل درجة -15 تحت الصفر ، وممتازجدا جدا في البر ومواده اللي مصنوع منها لا يكفيها وصف او شرح ، وهذه صورة الفراش :-

فراش النوم ( EUREKA )
http://t0.gstatic.com/images?q=tbn:ANd9GcQyITXS2EQeBxhiUc1iqugmqibNnVTR5 ALY-dPRn66GCMF8_i4V



وسلامتك

[goldwater]

السلام عليكم
انا اخذت فراش خالد الدريويش من مصنعهم قبل اسبوع تقريبا
والله ان الفراش شيخ شيخ وماعليه اي كلام ولن تندم اذا اخذته
تنزاني اصلي من الداخل مخمل (نمري)والسحابات كبيره والدفى مايحتاج كلام
انصحك به

[مخاوي الليل1]

السلام عليكم ورحمة الله وبركاته

اخوي واستاذي / ابن عكاش

نصيحه خذ فراش الصحراء

فراش ممتاز مره

وخفيف في الحمل

ولاياخذ مكان في السياره مثل الدرويش

والله يوفقك يارب



وفي انتظار جديدك يالغالي



اخــــــــوكـ


مخاويـ الليلــ

[سمناني]

شف ونا اخوك انا مجرب كل هالفرش اذا جا برد قوي مايفيدنك
عليك باالامريكي كولمن اونوع ثاني مااعرف اسمه برضه ممتاز
تلقاه عند الهدف للوازم الرحلات

[عاشق الطرمبه]

عليكم السلام ورحمة الله وبركاته

وصباحك نور

عليك بالدريويش تنزاني والا باكستاني

وإذا قصدك الكيس فصله على ذوقك لأن الدريويش يستاهل



اوافقه الراي