يالربع وشو افضل اريل تعبت وانا ابحث؟

[قناص شدا]

صبحكم/مساكم الله بالخير يالربع

انا ابحث عن افضل اريل للمتحرك والثابت على الاطلاق واحترت لان اغلب الموجود مقلد ومو اصلي وقلت اشاور هل الخبرة وان شاء الله احصل الاجابة وغيري يستفيد منكم

ياليت ترتبون لي افضل الانواع كالتالي:

1-
2-
3-

ولكم جزيل الشكر

[أبو حسين 1]

ردو شباب منكم نستفيد

[ذيب الشفا]

نفس السؤال اخوي

[عطيب الشوق]

السلام عليكم ورحمة الله

حي الله اهل شدا اسود الصفي :) على العموم خذ خلاصة التجربه من سنين وارفع ايدك

للسياره : سيريو مديل 2000 ايطالي الصنع وكيله في الرياض المرسلات ( دار البوصله ) وفيه منه نوعين فيه vhf وفيه vhf + uhf وانت واستخدامك يا ذيبان صحيح انه غالي نوعا ما ولكن لك وللزمن وريح عمرك ..

وللسياره كذلك الارخص وممتاز ما عليه كلام اريل اسمه تكسي دبي ربع موجه ميه ميه ولا عليه كلام ولا يبلشك في التفاتيش اذا منت مصرح

واما للثابت فلا يوجد الان اصلي وجيد غير اريل يسمونه الشباب في نجد الفراشه او عند اهل الشرقيه يسمونه الماكس يجي خمس وصل بين فيبر وألمنيوم خيالي بصراحه لكنه غليوي شوي اممم اعتقد بـ 1600 ريال جديد وغير متوفر في المحلات إلا عن طريق بعض المراسلين اللي يجيبونه بمعرفتهم

وعندك الفيبر الثلاث او الاربع وصل لكن مافيه اصلي الا مستخدم او انك تاخذ الموجود في السوق المطور ويعتبر جيد ولا فيه مشكله ورخيص

هذا ماعندي والله يسهل امرنا وامرك يا ذيبان

اي استفسار انا حاضر

ابوسعد

[البتار2011]

اخوي /

السيريو 2000 من دار البوصلة شريته والله ما انصحك تشريه ... والله انه سئ جدا جدا جدا ..اشتريته ب 200 ريال وبعد الخصم 180 وصله وحدة وراسلت عليه انا واحد الزملاء المسافة اللي بيني وبينه لا تتجاوز من 12 الى 15 كم والله ان لااسمعه ولا يسمعني ..مع العلم ان الجو صافي تمام من الغيوم ..
ثم بعدها بيومين تم شراء النوع الاخر ثلاث وصل والله انه لا يفرق عن الوصلة شئ ابدا ..مع العلم جهازي ايكوم 8000 .. والله على ما اقول شهيد ..

[القطاوي490]

الارايل حظوظ

يعني تاخذ لك تجاري يطلع ارساله احسن من اغلى وافضل اريل

[قناص شدا]

بيض الله وجيهكم جميع وحرمها على النار

والله البلشه معقولة مافيه اريل او كذا اريل اتفق عليه الجميع انه الافضل !!!

[على رمشي تمشي]

والله شف انا جربت الاريل إلى يجي مع الجهاز بصراحه ممتاز ويراسل من اروع مايكون
واغلب الناس ماتستخدم الا هو وبصراحه انا انصحك به

[Abu-Nawaf]

تفضل : افضـــل أريــــــل بالشـــــروق الأوســــــــط
http://www.mekshat.com/vb/showthread.php?t=344402

[قناص شدا]

تفضل : افضـــل أريــــــل بالشـــــروق الأوســــــــط
http://www.mekshat.com/vb/showthread.php?t=344402


اطلعت على الموضوع بالكامل واغلبهم مانصح فيه !!!

وينكم يأهل التجربة وينكم يأهل المراسلات!!!

[سلطان الدوحه]

قناص من ناحيتي بقولك شي وطيعني ان تبي تفلح ... جربت كل اريل بالمحلات وجربت ارايل من ايطاليا كنت رايح وشريتها من هناك ومن بريطانيا و و و و ماتتخيل ...

اول شي تسويه تشتري قاعده انا مالقيتها بالرياض لقيت نوعيه تشبهها ولكن ما اثق انها اصليه او لأ
قاعده تتركب بالجنب او بالاسلوب الي تعجبك (ماهي مغناطيس المهم ) نوعية دايموند تشوف القاعده وصلتين سلك عريض واخره سلك نحييف جدآ وبينهم فصال يعني تقدر تفصل السلك وتركبه عادي زي اي سلك موصل تفكه وتركبه عادي يجي بكيسه مختوم ولزق عليه لوكالة دايموند قيمتها 250 ريال لي ركبت هالقاعده ..... ركب اي اي اي اي اريل يكون اصلي ربع موجه او اريل ثلاثه ونص او اي اريل يكون لو شبه اصلي وبتقول وقتها عرفت وش الفرق ...

الشي الي يغيب عن الشباب القاعده الاصليه والدليل جهاز القياس يسوي راجع غير الي مكتوب على الكيس ولكن القاعده هذي تعطيك الراجع بالضبط زي ماهو مكتوب للاريل ..

طيع شوري وادع لي انا لقيتها بأيطاليا هالقاعده ولقيتها بالاحساء عند الي يسمونه كومار ...
http://www.rfparts.com/diamond/k515s.html
نفس هذي بس مو واضحه كلها دورت لك صوره ومالقيت انا اسف ...

اخر مره اهم شي تركب القاعده الاصليه وقيمتها مو اقل من 250ريال ..

بالتوفيق

[alqassimy]

قناص من ناحيتي بقولك شي وطيعني ان تبي تفلح ... جربت كل اريل بالمحلات وجربت ارايل من ايطاليا كنت رايح وشريتها من هناك ومن بريطانيا و و و و ماتتخيل ...

اول شي تسويه تشتري قاعده انا مالقيتها بالرياض لقيت نوعيه تشبهها ولكن ما اثق انها اصليه او لأ
قاعده تتركب بالجنب او بالاسلوب الي تعجبك (ماهي مغناطيس المهم ) نوعية دايموند تشوف القاعده وصلتين سلك عريض واخره سلك نحييف جدآ وبينهم فصال يعني تقدر تفصل السلك وتركبه عادي زي اي سلك موصل تفكه وتركبه عادي يجي بكيسه مختوم ولزق عليه لوكالة دايموند قيمتها 250 ريال لي ركبت هالقاعده ..... ركب اي اي اي اي اريل يكون اصلي ربع موجه او اريل ثلاثه ونص او اي اريل يكون لو شبه اصلي وبتقول وقتها عرفت وش الفرق ...

الشي الي يغيب عن الشباب القاعده الاصليه والدليل جهاز القياس يسوي راجع غير الي مكتوب على الكيس ولكن القاعده هذي تعطيك الراجع بالضبط زي ماهو مكتوب للاريل ..

طيع شوري وادع لي انا لقيتها بأيطاليا هالقاعده ولقيتها بالاحساء عند الي يسمونه كومار ...
http://www.rfparts.com/diamond/k515s.html
نفس هذي بس مو واضحه كلها دورت لك صوره ومالقيت انا اسف ...

اخر مره اهم شي تركب القاعده الاصليه وقيمتها مو اقل من 250ريال ..

بالتوفيق


طيب ممكن نوصل للاخ كومار رقم او توصيف او احداثيه اي شي :)

[سلطان الدوحه]

الاحساء ...مقابل جامعة الملك فيصل ..بقرب السجن..محلات ثلاثه هي 911 والدوحه و ألو هو الي اسمه ألو الظاهر انت بس قول وين كومار ..وبتلقاها عنده في نوعين ناقويا وهذي موجوده بالرياض وممتازه ونفس سعر الدايموند ولكن ما اثق فيها انا شخصيآ مع ان الشباب جربوها ممتازه ولكن هذي الدايموند مستحيل تتغلد لان حتى السلك مكتوب عليه اسم الوكاله ..

[BEN SADEQ]

محل كومار اسمه "الو" على اليمين اخر واحد .. بجنب الدوحه الاتصالات

ماعلينا


اخي سلطان لايكون اللي تقصد قاعده مغناطيس ؟؟؟

تجيك سوداء ومكتوب عليها دايموند وسعرها بي 250 رياال

هل صحيح هذي هي ؟؟

او عطنا اسم القاعدهـ

او اذا رحنا له وش نقول له ؟؟ خخخخخ >>> محتار

[أبوجهاد التبوكي]

أفدتوني وأفدتوا صاحب الموضوع...

[سلطان الدوحه]

لأ لأ ذكرت انها مو مغناطيس تجي سلك عريض لونه اسود وقبل توصل نهاية السلك يصير فصال زي فيش سلك الفيديو او (مدري شلون اشرحها ) فصال عادي يعني لو سحبت السلكين فصلتهم عن بعض وتشبكهم عادي بس بيكون الي من جهة اليسار سلك طويل والي من جهة القاعده تقريبآ متر ونص سلك نحيف مرررره وبالنهايه القاعده الي يركب فيها الاريل وعشان تثبتها بالسياره تحتاج القاعده الحديد الي تركبها ممن الجنب الي يركبونها الجيوب على جنب السياره ..
انت لي جيته قولوله ورني سلك سياره ناقويا مشابهه جدآ جدآ للقاعده دايموند بس يفرق اللون والفصال فالدايموند متحرك يعني تقدر تفكه بس بالناقويا لأ فصال بس ثابت ...
الناقويا ايضآ جيد ولكن انا ما اضمن هل هو اصلي او لأ
اما الدايمنود تشوف على كيسته ختم واستكارات دايموند وعلى السلك نفسه مكتوب اسم الوكاله ..

تجي اخرها زي الي بالرابط انا حاطه بالضبط ...

[alqassimy]

يعطيك الف عافيه اخوي ماقصرت توصيف واضح :)

[ابن بااارود]

منكم نستفيد

[الإستراتيجي]

قاعدة أصلية + سيريو أصلي راح تحصل إرسال ولا أروع


حاليا في السوق سيريو وصلتين من دال البوصلة بسعر 180 ريال بدون قاعدة خذه بدون قاعدة

تراه بيحط سعر 250 للوصلتين وسعر 200 للوصلة قل له أبي وصلتين بسعر 180

أنا مآخذه

رح للمحل إلي جنبه تصور أوقف قدام محل دار البوصلة يجي يمينه محل أدخل عليه

قل أبي قاعدة مغناطيس خاصة بالسيريو أصلي

تحصلها بسعر 50 بيعطيكها بسعر 40 بيقول لك هذا سعر جملة قل بآخذها بسعر الجملة تراه ينزل السعر ,,,

لو سألك لا تقول منتديات ولا حاجة قل صديق لي لأنه لو ذكرت المنتديات راح يرفع سعره للأسف ...


علما أني أستخدم لارسلن أمريكي أصلي هذا أبو وصلتين أحسن منه في الإستقبال والإرسال يفرق برج وبرجين في بعض الأحيان


أستقبل الرياض الآن يبعد عني 200 كم أستقبل القصيم بريده يبعد عني 240 كم أستقبل الدوادمي 160 كم

للمعلومية إستقبلت النداءات التالية :

نيكل من القصيم وشباب الله يهديهم سب وشتم

أستقبلت شباب من الدوادمي ليزر و فيتو وما أدري الإسماء


من حلبان 220 كم أستقبلت المعترض

من الرياض أسمع نداءات الهدد و ملبس أو ملبق والله ما أدري و النخيل وحاجات زي كذا


طبعا فترات قديمة الآن مطفي الجهاز ولله الحمد بسبب السب والشتم في الجهاز للأسف


الكشاته ما عاد أسمعهم ولا أدري وين مواقعهم

بعض الشباب للأسف لو تراسل بحكم أنك متحرك يجي يقطع عليك يعني أني قوي :p


للأسف كل هذه تخليك تطفش من الجهاز وتسكه وتخليه ديكور في البيت

[alqassimy]

يعطيك العافيه ماقصرت

القاعده مالها اسم ؟

طيب القاعده اللي تجي بكيس ايكوم الابيض تعطي نتيجه حلوه ؟

[عبدالرحمن السالم]

قاعدة أصلية + سيريو أصلي راح تحصل إرسال ولا أروع
حاليا في السوق سيريو وصلتين من دال البوصلة بسعر 180 ريال بدون قاعدة خذه بدون قاعدة
تراه بيحط سعر 250 للوصلتين وسعر 200 للوصلة قل له أبي وصلتين بسعر 180
أنا مآخذه


انا ماخذ ابو وصله وحده بـ180ريال بدون القاعده وقال ابو وصلتين بدون القاعده بـ200ريال
اهب شكله تسذب على :mad:

[البتار2011]

في الدمام عند العامة اللي جنب القناص ....سعره السيريو2000 وصلتين ب 90 ريال فقط

[alqassimy]

في الدمام عند العامة اللي جنب القناص ....سعره السيريو2000 وصلتين ب 90 ريال فقط\



تاكد منه يمكن تقليد انا شفت الاريل مالقيت مكتوب عليه سيريو

عموما واحد من الشباب بيجيب لي سيريو من الرياض وهو جاي

وبسوي مقارنه بينهم واعطيكم خبر انشاء الله

[قناص شدا]

بارك الله فيكم على نصائحكم جميع

عندي قاعدة اصلية من دايمند تجي دائرية لونها اسود مغناطيس وش رايكم فيها ؟ تنفع مع الاناتل اللي ذكرتوها ولا لازم اغيرها؟

[abosgr]

عزيزي اذا انت متحرك خذلك اريل النخيل بثلاثين ريال

ولو ثابت في البر خذلك الدايموند الوصلتين ستة ونص ديبي ولو تدف عليه امبي يتحمل ل٢٨٠ واط من البوصله ستة ونص ديبي السيريو ٥ ونص ديبي وميتين ريال ويتحمل ميتين واط وياكثر التقليد في السيريو
رقم ابو عبدالله النخيل

0504429940

تحياتي×

[عبدالرحمن السالم]

انا جربت السيريو ابو وصله وحده والله ممتاز وارساله جداً روعه وقوي ماشاء الله
اهم شى القاعده اصليه

[alqassimy]

السيريو اللي عند العامه تقليد شفته امس ومهب مكتوب عليه سيريو اصلا

اخوي (abosgr (http://www.mekshat.com/vb/member.php?u=18814)) لاهنت وشو امبي ووين احصله او صوره اي شي

ياخي ابي اقوي ارسالي تعبت ونا ادور

شاري قاعده دايموند اصليه وانتل دايموند اصلي ولا في فايده

بالكثييييييير 30 كيلو

[أبوعمر1]

مشكور أخوي على هذا السؤال كم أنا بحاجة لهذا الأريل من زمان وأنا ابحث عن آريل يكون قوي ارساله.

هل السيريو يصلح للمتحرك وكم مداه وهل الوصلة أفضل أو الوصلتين وكم طول الوصلة الواحد الله يجزاكم الجنة

والسؤال اللي طرح نفسه هل الجهزة تختلف باختلاف الآريل
أنا جهازي أيكوم8000 أفضل أريل له؟

[آلنخيل]

عزيزي اذا انت متحرك خذلك اريل النخيل بثلاثين ريال

ولو ثابت في البر خذلك الدايموند الوصلتين ستة ونص ديبي ولو تدف عليه امبي يتحمل ل٢٨٠ واط من البوصله ستة ونص ديبي السيريو ٥ ونص ديبي وميتين ريال ويتحمل ميتين واط وياكثر التقليد في السيريو

تحياتي×

تحيه للجميع
يعطيك العافيه بو صقر وهذا الرابط للفائده
http://www.mekshat.com/vb/showthread.php?t=366266

[السرررو]

السلام عليكم
اسمع يا رجل طع شوري اذا توك ما شريت رح للبوصلة وخذ اريل اسمه كومنت 500 w
سعرة من 550 الى 700 ريال لكن ميزاته لا تعد ولا تحصى اول شي قوي جداً وخيالي لدرجة انك اذا راسلت احد وانت واقف ما راح يشعر انك تراسلة من سيارة وطولة متر وتقدر تعفطة ويصير ارتفاعة شبر واحد والارسال ما يختلف الا بسيط وشكلة خقاق المنيوم سميك لونة سلفر يعني فضي قريب للابيض وبه مقويات ومكثفات مثل الي بالستيشن
ويتحمل قوة 500 واط تدري ايش يعني ركب بطارية قوية او ثانية بالموتر وحط علية امبي ازرق 300 والله انك بتراسل وممكن تلحط بعض الثابتين
وهذي تجربة شخصية انا شلتة من السيارة وحطيتة بالبيت وركبت علية علية امبي 200 تايوان والله اني الحط راعين الستيشات واراسل ديار تبعد عن الرياض 150 كيلو .
ما عرفت اضيف الصور ولا كان وريتك اياه

[اليارم]

الفزعة يالنشاما ياهل العز ودار بومتعب اشلون يوصلني اريل سيريو بوصلتين لدولة قطر تكفون وهذا صندوق بريدي بعد اذن الادارة طبعا .دولة قطر ص.ب/ 16976 ودمتم بخير

[قناص شدا]

السلام عليكم
اسمع يا رجل طع شوري اذا توك ما شريت رح للبوصلة وخذ اريل اسمه كومنت 500 w
سعرة من 550 الى 700 ريال لكن ميزاته لا تعد ولا تحصى اول شي قوي جداً وخيالي لدرجة انك اذا راسلت احد وانت واقف ما راح يشعر انك تراسلة من سيارة وطولة متر وتقدر تعفطة ويصير ارتفاعة شبر واحد والارسال ما يختلف الا بسيط وشكلة خقاق المنيوم سميك لونة سلفر يعني فضي قريب للابيض وبه مقويات ومكثفات مثل الي بالستيشن
ويتحمل قوة 500 واط تدري ايش يعني ركب بطارية قوية او ثانية بالموتر وحط علية امبي ازرق 300 والله انك بتراسل وممكن تلحط بعض الثابتين
وهذي تجربة شخصية انا شلتة من السيارة وحطيتة بالبيت وركبت علية علية امبي 200 تايوان والله اني الحط راعين الستيشات واراسل ديار تبعد عن الرياض 150 كيلو .
ما عرفت اضيف الصور ولا كان وريتك اياه

بيض الله وجهك ياغالي ياليت تضع لنا الصور ورابط المنتج ولا عليك امر

وش فايدة الامبي ؟ وهل ال 300 كافيه ام لا؟

[sadoon]

افضل اريل مجرب وصناعه امريكي وجربته على جهاز فحص الارسال ايكوم 55 وات اعطاني65 والراجع 1.5
MFJ -1728B
https://www.hspshop.it/epages/167668.mobile/en_GB/?ObjectPath=/Shops/167668/Products/MFJ1728B&Locale=en_GB

طلبته من امريكا واصل مع الشحن 300 ريال تقريبا وصراحه ابداع