أبي حل في سرعة الباترول 2000

[شقران755]

السلام عليكم ورحمة الله وبركاته كيف حالكم اخواني
حبيت استشيركم في الباترول
معي باترول موديل 2000 في الخط مايتعدى ال 140 ولافيه أمل واذا كان الجوا فيه هواء مايتعدى ال120 واذا كان فيه طلوع بالخط يموت عزمه على طول. مع اني مغير بواجي واسلاك بواجي وفلتر هواء .
ننتظر الحل. اواللي حصل معه نفس الموقف يعيطن الحل .

[مكتف الكدري]

والله انا مثلك موديله1999 اكثر من كذا مايجيب بس بالكفر البالون والكفرات العادية لا يمشي اقنع نفس اقول من البالون بس في مثلة بالون ويمشي طبلونه

[ناصر2005]

هل هوبخاخ ولا كاربريتر

[محمد العوني]

غير صفاية البانزين وراح تدعيلي ..

[rayes3]

السلام عليكم
اخي الكريم مرت علي الحالة واتضح السبب طرمبة البنزين
السرعه بين 130 و140 يصير تقطيع طلوع الطعوس مستحيل
عندالتشغيل صباحا تفتفه شديده والحمدلله بعد تغيير الطرمبه رجعت السيارة من احلى مايكون للعلم الموديل 98م بخاخ

[ابوارياف]

اخي العزيز المشكله حصلت معي انا شخصيا لسيارتي النيسان موديل99بخاخ وكل يوم ونا عند الورش كلن يدلي بدلوه المهم0
المشكله الي صارت هي اطرنبة البنزين الي فالتانكي غيرتها والحمد الله 0
عليك الذهاب الي مهندس مختص وخله يختبرالطرنبه الي فالتانكي وغير الصفايه ظروري تلقاهاواصله حدها من الترسبات وشكرا00

[بياله شاي]

نعم طرمبه البنزين داخل التانكي ماتركب الا عن طريق ورشه بس شفلك ورشه ممتازه
وصفيه البنزين تحت السياره من عند الجهه اليمن انت تركبها بدون مهندس
أنا قطع معي على طريق الملك فهد والشيك على الصفيه واحصله سودا من الوسخ
واغيره مع الطرمبه اصليه لأن الطرمبه ضعيفه جدا ماتعطي دفع بنـزين
ولك مني اجمل تحيه

[شقران755]

الله يعطيكم العافية اخواني وماقصرتوا وبيض الله وجيهكم

[عاشق الغضا]

احتمال كبير من طرمبة البنزين

[جيبي جايزلي]

الله يسهل امرك واذا زانت امورك لا تخلي تانكي البنزين ينزل عن الربع

[YUKON_GMC]

احتمال مشكلة حساسات بالمكينه او وصخ بالبخاخات

تقدر تفحص الموتر كمبيوتر ويعلمونك ويش المشكله بالضبط

[شقران755]

الله يجزاكم خير ويسهل اموركم

[لاندكروزر11]

افتح الطرمبه

[بومهاوش]

أخي شقران

أنا عندي نفس مشكلتك بنيسان باترول سلق 2000 عليه بوالين ماكسيس 900

يمشي تقريبا 150 على الطريق رغم انه اداءه عالي جدا بالبر

لكن اللي انت ما حسبته هو فرق ارتفاع البوالين عن باقي الكفرات

يعني لما تركب بوالين يصير الطبلون يعطي قراءات خاطئة يعطيك اقل من السرعة الحقيقية

لكن اللي لاحظته انه البوالين فعلا تاكل من عزم الموتر و ابغيرها خاصة انها اقرفتني برجتها الغبية و ازعاجها على الخط و زحفها اللي تزحفه من يوم ما تشم ريحة تراب او ارضية ناعمة بس طبعا هذا كله ما يمنع اني اعترف بانها اكثر من رائعة في البر

[شقران755]

مشكور اخوي بومهاوش والله يعطيك العافية

[التعـ King ـديل]

الموتر اذا نظيف يصفط ال 200 بالراحه حتى بالبالون


كان عندي 98 وعليه بالون كربريتر كنت اطق عليه 200 بالراحه وكذلك 99 بخاخ وكفري المفضل دائما البالون صيف وشتاء


لكن مشكلتك من الصفايه + طرمبه البنزين