مشكلة فى السيارة

[مجرد وسم]

اليوم سيارتي فجأة وبدون مقدمات


كنت موقف السيارة انتظر اهلي ويوم مشيت بالموتر خف عزم الموتر مرررة وادعس بنزين ولا يمشي وطفى


وولعت لمبة


Check gases


والموتر مو راضى يشتغل خير شر



ياليت تفزعون لنا للى له معرفة بالمشكلة هذي



الموتر تاهو باب واحد 99

[ابن عكاش]

الله يسر امرك لو اعرف ساعدتك لكن الشباب مايقصرون

[مجرد وسم]

الله يسر امرك لو اعرف ساعدتك لكن الشباب مايقصرون



جزاك الله كل خير يابن عكاش

[هلا حبي]

خاف انهاااا طربت البنزين خربانه

[ابونايف2010]

حياك الله اخوي
الله العالم انها طرمبة بنزين

[محمد العوني]

عزالله هذي حركات طرمبة البانزين ..

ااذا غيرتها غير الصفايه معها وغسل تانكي البانزين..

لأنك اذا غيرتها لحالها بترجع تخرب اعرف واحد كل شوي يغير طرمبه يوكن لأنه ماغير الصفايه ولانظف التانكي

[كاشت وحداني]

اذا كان الموتر يدق سلف ولا تقوم المكينه وتشتغل هذي الطرمبه
ونصيحة اذا ثبت ان الطرمبه عندك خربانه
غيرها بحقت vxr
ولا تروح تشريها كامله
شف لك كهربائي فاهم وبيعطيك شكل القديمه وتجيب المضخه نفسها بدون القاعده والعوامه وتجيب فلتر جديد
تقريبا سعرها ب 430 تزيد شوي تنقص شوي
وموفق خير

[جيبي جايزلي]

طيب شيك علي الخفيف افحص الفيوزات واحد واحد يمكن كتاوت للبنزين
او سلك منفك اواواو ابد بالخفيف والله يسهل امرك

[مجرد وسم]

اليوم رحت وشيكت على الطرمبة سليمة طلعت المشكلة بالكهرب مايوصل للبخاخ البنزين والديلكو حسب كلام الفني


والمشكلة ان الطرمبة تحتمى وحسب كلامه يقول ياصلها كهرب زيادة


ونبى نشوف والله لايخسر

[VIP-503]

شف الله يحييك هذا مدير ورشه سعودي اسمه ابو راكان العتيبي انا قبل اسبوع ركبت عنده للجمس حقنا مديله 96 طرنبه بنزين حقت فكسار ولله الحمد عنده كهربائي مبدع بمعنا الكلمه اسم الكهربائي افجل ومشاء الله وشف نصيحه انحش عن السوري في الورش نصيحه اخ لخ ورقم ابو راكان وهو في صناعيه السلي بالرياض وصف الورشه شارع الميه نهايته تدخل مع الخدمه مع حقين اللديترات حلو تلف يمين يجيك شارع جكرتا سايدين منور بين السيادين سيارات امش يجيك على يدك الورشه وهي اخر ورشه قبل الساحه تلقى اللوحه ورشه المورقي ولك احترامي رقم ابو راكان بندر المورقي 0506241817 وقله انه انت جاي من طرف المنتدى والي علمك عنه فواز السبيعي لك احترامي وتقديري

[وحداني بعرعر]

ماقريت ردود الشباب لاني مستعجل واتمنى افيدك..
احتمال كبير طرمبة البنزن ( نصيحة : لما تغيرها فك التانكي ونظفه وركب ايضا صفاية جديدة )
قد يكون احد الحساسات أو سلك الكويل مضروب ومايوصل كهرب.