مـشـكـلـه بـالـبـاتـرول الـصـبـح وقـت الـتـسـخـيـن ...

[عارف الشمري]

السلام عليكم

والله يا اخون كل ما اكتب موضوع يصيبن احباط ما احصل ردود استفيد منها لا اعلم هل هو قصور مني او لا ..

على العموم ابي افصل لكم السالف تفصيل

1ـ استيغض من النوم الساعه 6 الصباح والموتر يكون بارد باترول م90 كبليتر اذا شغلته يشتغل و3 ثواني يطفي بعدها اشغله ويتأخر ما يشتغل يعني (( يطول )) وبالموت يشتغل ..

انا خايف اروح للورشات ويحوسونه لي علمآ بأن الموتر ولله الحمد مافيه تقطيع + ولادخان اسود +وعزمه حلو..


انتظر الجواب الشافي من الاخوان ماذا افعل ..
بنتظارك جعل ايامك سعاده والله يرزقنا المطر انشالله :r :l :r

[JMr_âLwDââ3]

وعليكم السلام
اخوي انا عندي نفس المشكله وموتري 96 وهذي المشكله ترى مع الكل بس انا سمعت ان التشك ينفع ويريحك من هالدوخه
للعلم انا موتري مافيه التشك وفكرت اركبه بس خايف لا يطيح موتري بيد واحد غشيم ومايعرف يشتغل ويلعب بالموتر
لكن تصبر وانا اخوك والربع مايقصرون وان شاء الله راح تلقى الحل عندهم

[قناص من حرب]

السلام عليكم
انا والله خبرتي ضعيفة لكن هذا حال اغلب المواتر الكربريتر
وانا عرض علي ربع نيسان الفين ب 25 الف كربريتر وماشريته
وهو كان للحكومه سابقا

[مولع قنص]

والله وانا اخوك انا عندي سفاري 95 بخاخ

وكان عندي اول 92 كلبليتر الصراحه نصحني مبكانيكي صديقي قالي السوالف هذي مالها حل ميكانيكي ولكن هي توافيق وتختلف من سياره لسياره ولكن انصحك قبل لا تشغل السياره الصبح تدبل بنزين وتتوكل على الله وتشغل

وجربتها وكانت ناجحه معاي في 92 وبعد ما شريت البخاخ صرت اطبق نفس كلامه ادبل واشغل والحمدلله الامور تمام

فانصحك وانا اخوك اذا نجحت معك هالطريقه استخدمها على طول ولا تروح للصناعيه لأنهم بيطلعون لك الف شغله

[ابوفاضل2]

مثل ماقال اخوي مولع قنص
ادبل البنزين مره واحده قبل التشغيل وابعد رجلك عن الدواسه
ويشتغل انشاء الله 100%

[فارس المدى]

انا معي نفس المشكله لاكن ادب دبله بنزين وادق سلف


واشتغل ادوس له دوسه حتى ياصل الكمبريشن رقم 1

يمكن 5 ثواني واطلق الدوسه وتوب على توب ..