ابي نصيحتكم ياهل ام خمس

[مولع قنص]

السلام عليكم ورحمة الله وبركاته

اخواني انا الحقيقه مجرب الشوزن ابو حبه بجميع انواعه وعندي معلومات كامله عنه

ولكن بالنسبه لأم خمس بصراحه انا اجهل عنها معلومات كثيره

وبصراحه حاب اني اشتري لي وحده يكون سعرها معقول وبنفس الوقت سلاح مكده

فيه واحد من الشباب مدح لي براوينغ نفس اللي معاه قلت غاليه شوي علي


قال اجل دور لك وحده واذا بغيت انا اعطيك سبطانة احتياط عندي ترهمها على سلاحك لا شريت احسن لك




وش رايكم وش اشتري وكم تقريبا السعر واعتبروها نصيحة اخ لخوه وجزاكم الله كل خير


اخوكم / ابو سلطان

[عاشق الوعل170]

وعليك السلام البيكال بندق ممتازه وعمليه وسعرها رخيص بحدود 5000 الاف

[ابو سفيان]

البيكال من دون ترهيم كويسه
وان نفسك ترهيم وتلعب في حسبه البندق خذ سوابر البنلي لانها كويسه وتكد معك
لكن خذ بلجيكي من دون ترهيم احسن وشوفك اي واحد خبره المنتدى مهما قلنا لك لازم معك واحد
وتقبل مروري

[صيد البط]

السلام احسن شوزر رخيصه وتمشي حالك التركيه اللي عليها رسمت اسد وشكرا هاوي البر

[Auto-5]

السلام عليكم ورحمة الله وبركاته
في البداية ادعو الله لك بالتوفيق والهداية لما فيه خيري الدنيا والآخرة . . .
الأخوان ماقصروا وسادلي بدلوي مع أخواني لأخي :
اللي جاي من أم وحده لأم خمس بيحس بفرق كبيرسواء بهدوء الندف ومتعه الرمي وسرعة النتش وووووو لأي نوع من أم خمس , هذا جانب ,
فثق ثقه تامه بتقول حسافه عمري مع أم وحده اللي فات وهذا الكلام من واقع تجربه ومن مشاهده للأخوان بعد التبديل لأم خمس .
بقولك شيء وافعله بعد الاستخارة , إذا ماقدرت تشري اكستريماتو أوسوبربلاك ايقل تو فأنصحك بقوة بالبراووننج أوتو فايف لأسباب لا تقول هذا هي بندقه ويمدحها لا والله لو بمدح أمدح الأكستريما تو بلا خجل ثم السوبربلاك ايقل تو فما مرعلي مثلهن ..لكن الاوتو فايف سعرها فيها وبندق لها عشاقها وبتخطب منك وقطع غيارها تلقاها في اي مكان تخيل لو قانص بعيد عن الديرة وانكسرمعك نتاش أوابره أو فلنجه بتحصلهن مع اقرب راعي جيب وهن هذولن بمخباء موتري ما ينزلن , أما البنادق اللي ذكروها الشباب مثل الروسية اللي هي البايكال mp153 والتركيات بأنواعها فأسعارهاببحرالسته لكن بعد الاستعمال بتنزل قيمتها وقدلاتجد من يشتريها بحجة ان سعرها رخيص ويقولك آخذ جديدة بدل المستعمل لكن الأوتوفايف تلقاها من الخمسه الى الثمانية ولوبغيت تبيع ممكن تكسبك أو على الأقل راس المال !
أخيرآتؤسفني الإطالة واعتذرعنها وخذصورة الـ browning Auto-5shotgu automatic بجسر هدية لعيون البواردية :


http://www9.0zz0.com/2010/11/01/22/247589837.jpg (http://www9.0zz0.com/2010/11/01/22/247589837.jpg)

ملاحظة / استعملت m2 من بينللي ماقنوم وهي خيال الخيال لوحصلتهالاتدورغيرها لكن مالها سمعه مع الناس سمعتها بالكويت قبل الـXtrema2 من بيريتتا .

[مولع قنص]

الله يعطيكم العافيه

والبحث ما زال جاري

[سعودأبوفهد]

اخوي انا ضد سالفت الترهيم


اخوي الحين الشركه حقت البندق ما حطو ماصورتها عبط


يعني يقدرون يحطون 32انش بس ما حطوها


انت عاد انتبه من سالفت الترهيم والله خطره


وجهة نظر لا ترهم ولا شي خذ لك بيكال تجي عروسه ولا احلى منها


تقبل مروري