ابشركم حولنا الباترول لقير عادي لكن فيه مشكله بسيطه

[مولع قنص]

يالله حي اخواني جميعا

انا كان عندي مكشله بقير تماتيك للباترول

والحمدلله بعد اخذ ورد غيرنا القير الى قير عادي

وجربت السياره على خط تمام ولكن الغريب فيه صوت على سرعة 20 ( تك تك تك تك ) ولما اكون على سرعة 40 يزيد الصوت شوي ولما ازيد السرعه يختفي

قالولي هذا صوت الصلبان لأنك لا زم تغيرهم مع القير وقالو لي هذا صوت القير العادي طبيعي

وش رايكم هلى هذا الكلام صحيح ولا لا مع ان السياره زي الحلاوه على قولة المصريين (مية فل واربع طعش )

[ع ى ع 031]

ماشاء الله

والله ودي افيدك لاكن ماعندي خلفية

وودنا تعطينا تقرير عن تحويل القير لان موتري شكل قيرة بيودع عن قريب وفكرة القير العادي داخلة مزاجي

وماقلت لنا وش موديل السيارة

[جيبي جايزلي]

غريبه اللي انا اعرفه ان الصلبان يستمر الصوت ويزود ما يخف وينقطع
بس يمكن فيه شي ما ربطوه زين شيك علي كراسي القير

[مولع قنص]

هلا بكم اخواني

طبعا السياره نيسان باترول سوبر سفاري موديل 95 بخاخ

الحقيقه انا اشتريت القير من التشليح بقيمة 2200 ريال مع الدعاسات والقشره اللي بين القير والمكينه

وبالنسبه للقطع خيرني الميكانيكي بين الوكاله والياباني واخترت الوكاله الدسك الفحمه طرمبة كلتش علبة كلتش كراسي قير

طبعا ما قدر احدد قيمتها بالضبط لأني اشتريت معها طبتين وصوفة مكينه خلفيه وصوفة دبل وعدد اثنين مساعد امامي

المهم حول 1700 تقريبا

وشغل اليد 800 ريال

وبصراحه يوم جربت القير العادي فرق كبير عن التماتيك يعني فعلا تحس انك راكب سياره وتحس في عزمها

والحمدلله الان لي اكثر من اربع ايام والامور تمام

الورشه اسمها ورشة المرشود بسكاكا الجوف وتخصصهم نيسان فقط

[الغريب 2000]

اخوي شيك على الصليبات وكراسي المكينه اتوقع الكراسي مافيه غيره وسلامتك تقبل مروري

[بترووول]

مبروك
امكن الصليبات لن القير العادي مايطقطق

[مولع قنص]

يعطيكم العافيه اخواني

وان شاء الله بنشوف الصليبات ونعطيكم الخبر