رجة الدركسون رجة مخي

[واثق الخطوه-]

السلام عليكم ورحمة الله وبركاته

عندي فتك 2009 فيه رجه خفيفه في الدركسون مابين 80 الى 120 وش الحل علماً بأن الرجه من شد بلادها والحين ماشي 60.000 الف وغيرت الكفرات مانفع وكبست عمود الدركسون ضبط شهرين ورجع والكفرات حقت شد بلادها برجستون

[جار طويق..]

رصص والله يعيننا واياك على هالمواتر وغثاها

[واثق الخطوه-]

شكراً على سرعة الرد

اخوي الرجه مالها دخل بالكفرات انا غيرتها جدد ورصصت مانفع

[فرامل]

اخوي.. أنت صحيح رصصت .. لكن ما كل ترصيص ترصيص..

كان عندي جيب وكفرات دنلوب جدد ورصصت عشرين مرة ولا راحت الرجة ، ورحت ورصصت عند شركة دنلوب اللي بشارع الضباب بالرياض ، ولقوا الخلل في الجنط خلل لا يرى بالعين اللي في الراس!!. وركبت جتط الاسبير ورصصوا لي وضبط كل شي..

الخلاصة : ما كل ترصيص ترصيص وعلى قولة الشاعر:
ماكل زولن يسدّ بزول ** ولا كل الازوال مملوحة !!!.

أتمنى لك شتاءً بلا رجه << أقصد رجة الدركسون لا يروح بالك بعيد هههههه

موفق يا الغالي..



فرامل.. عالمٌ من ترصيصي!!.

[iippoo]

سلام عليكم .اخوي الغالي
نيسان دايما رجتها تتعب وانا مجرب الموضوع هذا
ولكن في جده تروح شارع بن لادن ميزان الجيلاني وترصص دينمو يدوي وحتروح الرجه كليا السعر 40 ريال للكفرين الاماميينامام الجزيرة للدهانات
ولك تحياتي..

[مولع بالطير]

اخوي مشكلتك انشالله هينه وبسيطه سو له ترصيص ارضي وراح يضبط معك انشالله انا سويته لجيب لاند كروز وضبط معاي والله يوفقنا وياك تقبل مروري

[واثق الخطوه-]

الاخ فرامل

الاخ iippoo
المشكله ماهيب من الترصيص رصصت ارضي مانفع

[واثق الخطوه-]

الاخ مولع بالطير المشكله ماهيب من الترصيص هذي المشكله اتوقع عيييب مصنعي لأن السفاري من الموديلات القديمه لحد موديل 2009 فيه رجه في الدركسون

[عبد الله 99]

وحده من الثنتين يا انك تدبل المساعد في القصيم و بيكلف عليك تقريبا 200 او انك تشوف حل اخوي على هالرابط
http://www.mekshat.com/vb/showthread.php?t=251739&highlight=%E3%D3%C7%DA%CF+%C7%E1%CF%D1%DF%D3%E6%E4 +%C7%E1%C8%C7%CA%D1%E6%E1

[WRWRWR]

انا صافق طبلوني من قوقل يوم شفت رجه دركسون دريت ان السالفه فيها نيسان اسألني عن النيسان اذا تبي الحل ركب مساعد عرض اصلي وكاله وانحش عن كفرات البلون اذا منت بمضطر عليها

[مكشات واحد]

مرك بالون
اذ انت بالرياض عندي الحال

[سفاري959]

اذا كنت في الرياض فيه واحد في الصناعيه القديمه مجرب خذ رقمه ودق عليه يوصفلك الورشه بس علمه باللي سويت كله ولاتنسانا من دعواتك هذا رقمه 0566341060 احمد

[أبو مسفر]

مثل ما قالوا الاخوان رجة الباترول معروفة وحلها في تركيب مساعد ويركبونه في القصيم خلال نصف ساعة

[عاشق صمت]

السلام عليكم
اذا ماراحت الرجة بعد تركيب مساعد الدركسون زي ماقلو الاخوان وانصحك بالمساعد الاسترالي .
ركب فرار يمكن الرجة من الدبل والله اعلم

[قطع عشره]

اخوي السلام عليكم حلك انشالله انه عندي ارسل رقمك ومايسير الخير

[واثق الخطوه-]

وحده من الثنتين يا انك تدبل المساعد في القصيم و بيكلف عليك تقريبا 200 او انك تشوف حل اخوي على هالرابط
http://www.mekshat.com/vb/showthread.php?t=251739&highlight=%E3%D3%C7%DA%CF+%C7%E1%CF%D1%DF%D3%E6%E4 +%C7%E1%C8%C7%CA%D1%E6%E1

تدبيل المساعد ما اقتنعت فيه وحل اخونا البدراني بإنتظار رده وشكراً لك اخوي عبدالله99

[واثق الخطوه-]

انا صافق طبلوني من قوقل يوم شفت رجه دركسون دريت ان السالفه فيها نيسان اسألني عن النيسان اذا تبي الحل ركب مساعد عرض اصلي وكاله وانحش عن كفرات البلون اذا منت بمضطر عليها

اخوي الرجه في اغلب الجيوب مثل الشاص والشروكي بس في السفاري اكثر والمساعد اللي راكب فيه شد بلد والموتر جديد والكفرات البالون ما اقتنعت فيها لأني راعي خطوط

[واثق الخطوه-]

مرك بالون
اذ انت بالرياض عندي الحال

مافهمت قصدك يمكن تقصد ركب بالون
وانا في الرياض وشو الحل

[واثق الخطوه-]

اذا كنت في الرياض فيه واحد في الصناعيه القديمه مجرب خذ رقمه ودق عليه يوصفلك الورشه بس علمه باللي سويت كله ولاتنسانا من دعواتك هذا رقمه 0566341060 احمد



الله يعافيك اخوي ابي امره واشوف وش يبي يسوي واذا كنت مجربه هل ضبط معك وكم لك مزينها وهل لاحظت تغير في السياره وشكراً

[واثق الخطوه-]

مثل ما قالوا الاخوان رجة الباترول معروفة وحلها في تركيب مساعد ويركبونه في القصيم خلال نصف ساعة


شكراً لك اخوي ابو مسفر تدبيل المساعد ما اقتنعت فيه

[واثق الخطوه-]

السلام عليكم
اذا ماراحت الرجة بعد تركيب مساعد الدركسون زي ماقلو الاخوان وانصحك بالمساعد الاسترالي .
ركب فرار يمكن الرجة من الدبل والله اعلم

نفس الكلام تدبيل ما اقتنعت فيه والفرار الرجه من الدركسون مالها دخل بالدبل وشكراً لك اخوي

[واثق الخطوه-]

اخوي السلام عليكم حلك انشالله انه عندي ارسل رقمك ومايسير الخير

شكراً لك اخوي لديك رساله خاصه

[هوايتي مكشات]

الله يعينك ياغااالي

[K.S.A.A]

النيسان معرفو برجته بس دامها خفيفه وماتأثر خلها وأنا أخوك وريح راسك
أحتمال بنسبه بسيييطه انه من عمود الدبل . لكن ماأعتقد لان العمود يأثر بالعره بس وماأعتقد له دخل بالرجه
لكن انت فك عمود الدبل وجرب ممكن تكون منها , بعدها أشتر فرارات وريح راسك وموترك
وأما طلعت منها فريح راسك ,
دامك شيكت على الكفرات والجنوط والترصيص والمساعدات والأذرعه ولا راحت يعينك الله تصبر عليها
والموتر إذا صرت تداري خاطره وتدلعه يدبل كبدك بالخرابات والعاطلات ..

نصيحة مجرب وشايف .

[Tech1]

السلام عليكم ورحمة الله وبركاته

عندي فتك 2009 فيه رجه خفيفه في الدركسون مابين 80 الى 120 وش الحل علماً بأن الرجه من شد بلادها والحين ماشي 60.000 الف وغيرت الكفرات مانفع وكبست عمود الدركسون ضبط شهرين ورجع والكفرات حقت شد بلادها برجستون


اخي العزيز واثق

حصلت لي نفس المشكلة في سيارتي كامري كان الدركسون يرتج ارتجاج خفيف بين سرعة 80 و 120. غيرت كفرات ورصصت احسن ترصيص وقلبت كفرات سويت وزن لكن ما زالت المشكلة موجودة.
واخيرا اكتشفت الحل وكان السبب في المساعدت الامامية وغيرتها وراحت الرجة بوضوح.
تاكد من المساعدات في سيارتك.
اتمنى لك التوفيق

[سفاري959]

الله يعافيك اخوي ابي امره واشوف وش يبي يسوي واذا كنت مجربه هل ضبط معك وكم لك مزينها وهل لاحظت تغير في السياره وشكراً

هلا بك اخوي نعم انا مجربه وراحت الرجه انت مره وشغلته ماراح تاخذ منك اكثر من نص ساعه ويعطيك ضمان على الشغل بس قله عن اللي سويت كله وياليت تتأكد من الكفرات واحد من الشباب مطلع نفس موترك جديد وفيه رجه ما خلا شي ما سواه طلعت من الكفرات ولاتقول جديده يكون فيها عيب مصنعي وهي جديده علمنا وش يصير معك موفق خير ان شاء الله

[واثق الخطوه-]

الله يعينك ياغااالي

وياك اخوي وشكراً

[واثق الخطوه-]

النيسان معرفو برجته بس دامها خفيفه وماتأثر خلها وأنا أخوك وريح راسك
أحتمال بنسبه بسيييطه انه من عمود الدبل . لكن ماأعتقد لان العمود يأثر بالعره بس وماأعتقد له دخل بالرجه
لكن انت فك عمود الدبل وجرب ممكن تكون منها , بعدها أشتر فرارات وريح راسك وموترك
وأما طلعت منها فريح راسك ,
دامك شيكت على الكفرات والجنوط والترصيص والمساعدات والأذرعه ولا راحت يعينك الله تصبر عليها
والموتر إذا صرت تداري خاطره وتدلعه يدبل كبدك بالخرابات والعاطلات ..

نصيحة مجرب وشايف .

شكراً لك اخوي

[واثق الخطوه-]

اخي العزيز واثق

حصلت لي نفس المشكلة في سيارتي كامري كان الدركسون يرتج ارتجاج خفيف بين سرعة 80 و 120. غيرت كفرات ورصصت احسن ترصيص وقلبت كفرات سويت وزن لكن ما زالت المشكلة موجودة.
واخيرا اكتشفت الحل وكان السبب في المساعدت الامامية وغيرتها وراحت الرجة بوضوح.
تاكد من المساعدات في سيارتك.
اتمنى لك التوفيق


شكراً لك اخوي مشكلتك في الكامري غير عن السفاري انا من طلعتها من الوكاله وعندي رجه

[واثق الخطوه-]

هلا بك اخوي نعم انا مجربه وراحت الرجه انت مره وشغلته ماراح تاخذ منك اكثر من نص ساعه ويعطيك ضمان على الشغل بس قله عن اللي سويت كله وياليت تتأكد من الكفرات واحد من الشباب مطلع نفس موترك جديد وفيه رجه ما خلا شي ما سواه طلعت من الكفرات ولاتقول جديده يكون فيها عيب مصنعي وهي جديده علمنا وش يصير معك موفق خير ان شاء الله


الكفرات متأكد منها زين وابي امره يوم الخميس واشوف وش يبي يسوي وفيه ميزان الباديه يصلح رجات السفاري يمكن اروح لمه

[ابن عكاش]

فيه حل ماسويته
شف لك واحد تعرفه معه سفاري وخله يعطيك جنوطه مع الكفرات وعطه جنوط موترك وكفراتها وجرب الموتر لأنه يمكن فيه جنط منطعج او منكسر
الله يدلك ويسر امرك والفتك يعجبني بس كل مانويت اشتريه ترددت

[سفاري959]

الكفرات متأكد منها زين وابي امره يوم الخميس واشوف وش يبي يسوي وفيه ميزان الباديه يصلح رجات السفاري يمكن اروح لمه

ميزان الباديه نصيحه انحش نصابين مر الرجال هذا اذا ما نفع معك رح لورشه ابو صالح التركي متخصص باترول اعرض عليه مشكله السياره وشف وش يقول واسأله عن ميزان الباديه قله وش رايك فيه هو بنفسه جاه زباين لاعبين في سياراتهم ميزان الباديه تراني ناصح لك وانت بكيفك

[سامي900]

'طيب لاتدبل مساعد دركسون
بس فك حق الوكالة وركب مساعد امريكي حق جمس لأنه أقوى ويركب بمحل حق البلد

[المنيعي1]

السلام عليكم ورحمة الله وبركاته

عندي فتك 2009 فيه رجه خفيفه في الدركسون مابين 80 الى 120 وش الحل علماً بأن الرجه من شد بلادها والحين ماشي 60.000 الف وغيرت الكفرات مانفع وكبست عمود الدركسون ضبط شهرين ورجع والكفرات حقت شد بلادها برجستون


أخوي لا تدقق واجد من جيوب نيسان وتويوتا كله جربته لابد ما يصير فيها رجه ولو بسيطه .

صارت معي رجه بلباترول أستمرت تقريباً سنه كاملة رصصت ووزنت ماراحة بلاخير مريت ميزان قالي الذراع الطويل عندك يبيله كبس كبسته وراحت نهائياً ولله الحمد .

[الطرشي]

الله يكون في عونك انا مثلك بس سيارتي كامري 2003 وكالة بأسمي وزي العسل ومن سنة والرجة راجتن مخي غيرت كفراااات رصصت ارضي علوي يدوووي غيرت مساعدات فحمات قمااااشات اذرعة
خفت الرجة بنسبة 80% وبقي 20% تقلقني خصوصا من 80 الى 120 مثل ما ذكروا الاخوان والله ان ميزان العضيب فرع البديعه شارع عائشة وميزان اليرموك اللي فالصناعية خذوا مني مبالغ هايلة لكن شكواي لربي مافيش فائدة لدرجة اني مليت من السيارة واحس ببيعها

[مهتوي الكشتة]

تقدر ترصص الكفر ترصيص داخلي (لزق)
احد الزملاء معه سفاري 99 عذبته الرجة وما لقالها حل لين رصص عند العضيب كاني ماني واهم ولقو المشكلة في الجنط وحله ترصيص داخلي

[واثق الخطوه-]

شكراً لكل من رد على موضوعي والرجه راحت مريت اليوم الصبح ميزان الباديه وقتنعت من كلامه رجال شايب كبر جدي بس يشيش ههههه وجربتها اليوم ضبط مافيه رجه واللي سواه انه فك الفريولات وداهن للمخرطه وغيرة صوفت الدفرنس لأنها كانت تهرب من قبل علشان الرجه وان شاء الله ماترجع مره ثانيه

[واثق الخطوه-]

ميزان الباديه نصيحه انحش نصابين مر الرجال هذا اذا ما نفع معك رح لورشه ابو صالح التركي متخصص باترول اعرض عليه مشكله السياره وشف وش يقول واسأله عن ميزان الباديه قله وش رايك فيه هو بنفسه جاه زباين لاعبين في سياراتهم ميزان الباديه تراني ناصح لك وانت بكيفك


شكراً لك اخوي مريت اليماني ما اقتنعت من شغله ومريت ورشة ابو صالح التركي وغير موجود الصبح مايداوم الا بعد العصر والعمال اللي عنده ما يسون شيئ الا لما يكون موجود ومريت الشايب ميزان الباديه واقتنعت من كلامه وزينتها عندهم وراحت الرجه بس ان شاء الله ماترجع

[brbksa]

بالتوفيق اخوي اذكر واحد من الشباب يقول فيه هالرجه هذي

وزينها بورشه بالقصيم المهم انشالله ماترجع مررة ثانيه

[واثق الخطوه-]

بالتوفيق اخوي اذكر واحد من الشباب يقول فيه هالرجه هذي

وزينها بورشه بالقصيم المهم انشالله ماترجع مررة ثانيه

وياك يالغالي

[بياله شاي]

أنا عندي سفاري 99 كان فيه رجه كبس الاذرعه وضبط وبعد فتره طويله الحقيـقــه
رجعت الرجه مرة اخرى بالذات الا وصلت السرعه 80 او فوق كشفت على المــوتـر
طبعا من عند الامام وحصلت جلب أماميه وخلفيه أعتقد انها المقص واثنتين عند الكفر
اليمن واثنتين عن الكفر الايسر فيها خلل غيرتهم وانضبط الموتر لبغيت اتغيرهم غيرهم
عنـد مــيزان العضيب لانهم يفكونها عندهم بدون المخرطه ارخص من الورشـــــــه
اعرف انه جاء ردي متاخر حبيت ادلي بدلوي لأنـه حصلت عنــدي هذا المشــكله
ولك تحياتــــــــــــيى,,,

[واثق الخطوه-]

أنا عندي سفاري 99 كان فيه رجه كبس الاذرعه وضبط وبعد فتره طويله الحقيـقــه
رجعت الرجه مرة اخرى بالذات الا وصلت السرعه 80 او فوق كشفت على المــوتـر
طبعا من عند الامام وحصلت جلب أماميه وخلفيه أعتقد انها المقص واثنتين عند الكفر
اليمن واثنتين عن الكفر الايسر فيها خلل غيرتهم وانضبط الموتر لبغيت اتغيرهم غيرهم
عنـد مــيزان العضيب لانهم يفكونها عندهم بدون المخرطه ارخص من الورشـــــــه
اعرف انه جاء ردي متاخر حبيت ادلي بدلوي لأنـه حصلت عنــدي هذا المشــكله
ولك تحياتــــــــــــيى,,,

يعطيك العافيه اخوي

[سفاري959]

شكراً لك اخوي مريت اليماني ما اقتنعت من شغله ومريت ورشة ابو صالح التركي وغير موجود الصبح مايداوم الا بعد العصر والعمال اللي عنده ما يسون شيئ الا لما يكون موجود ومريت الشايب ميزان الباديه واقتنعت من كلامه وزينتها عندهم وراحت الرجه بس ان شاء الله ماترجع

الحمد لله انها راحت وعارف الفلسطيني هاللي ماسك الشيشه وبس والله يستر من شغلهم كنت عارف انه بيسوي نفس الحركه المشكله حصلت مع كم واحد اشتغل عنده بعد ما يخلص يطلع تهريب عنده بصوف العكوس واحد سواها اكثر من ثلاث مرات عنده وكل ما طلعه كم يوم ويهرب لين مربه على ابو صالح وزبطه له ما اقول هالكلام حاقد على الرجال والا امدح ابو صالح للعلم مالي دخل ولا معرفه فيهم بس من باب النصيحه وان شاء الله ما عاد تحس بالرجه ابد تقبل تحياتي

[S4500]

اخوي كم كلف شغل سيارتك ؟؟

لان معي باترول 99 ونفس المشكلة رجة

[أبو محمد2010]

من واقع تجربة المساعد الإسترالي ممتاز الي عند الرماية...

[واثق الخطوه-]

الحمد لله انها راحت وعارف الفلسطيني هاللي ماسك الشيشه وبس والله يستر من شغلهم كنت عارف انه بيسوي نفس الحركه المشكله حصلت مع كم واحد اشتغل عنده بعد ما يخلص يطلع تهريب عنده بصوف العكوس واحد سواها اكثر من ثلاث مرات عنده وكل ما طلعه كم يوم ويهرب لين مربه على ابو صالح وزبطه له ما اقول هالكلام حاقد على الرجال والا امدح ابو صالح للعلم مالي دخل ولا معرفه فيهم بس من باب النصيحه وان شاء الله ما عاد تحس بالرجه ابد تقبل تحياتي


هلا بك اخوي بالنسبه للتهريب انا كان يهرب موتري من قبل علشان الرجه وبعض الناس يصلح الرجه ولا يغير الصوف وبكذا يزود التهريب ويقول سببه اللي صلح الرجه بس الله يستر بصراحه شكلي استعجلت بس لحد الحين مالاحظت تغير بالعكس راحت الرجه

[واثق الخطوه-]

اخوي كم كلف شغل سيارتك ؟؟

لان معي باترول 99 ونفس المشكلة رجة


هلا بك اخوي تصليح الرجه بـ 350 ريال

تغيير الصوف مع قطع الغيار بــ 200 ريال

يعني المجموع بــ 550 ريال

[واثق الخطوه-]

من واقع تجربة المساعد الإسترالي ممتاز الي عند الرماية...



هلا بك اخوي مشكور على التجربه

[واثق الخطوه-]

من واقع تجربة المساعد الإسترالي ممتاز الي عند الرماية...



هلا بك اخوي ومشكور على التجربه

[ابو سلطان س]

ماقلت لنا جنط 17 او 16

[واثق الخطوه-]

ماقلت لنا جنط 17 او 16


موديل موتري 2009 يعني جنط 17