فورد 2001 سعودي

[هبوب الحجاز99]

السلام وعليكم ورحمة الله وبركاته

عندي فورد 2001 سعودي فكتيوريا فيه تفتفه واذا عشقت الرويس ولفيت الدركسون او رفعت رجلي يطفا وكذلك بD اذا لفيت الدركسون يطفا والصباح به الايام لازم ادعس علي البنزين كذا دقيقه لين يحمي واذا كان بالفاضي تحس الموتر يرج ويبي يطفي وش الحل

وسلامتكم

[shabrsh]

يفيدونك الاخوان ان شاء الله .. للرفع

[VIP-503]

باذن الله تلقى الحل عند بندر المورقي بصناعيه السلي اذا انت من اهل الرياض فعنده كهربائي ممبدع ولله الحمد اسمه افجل واتوقع موترك يبي له تصفيه بخاخات وبعد بواجي وينوز باذن الله اعطيك وصف بندر المورقي ابو راكان وهو نهايه الصناعيه وانت مع شارع الميه تجيك على يدك اليمين حقين اللديترات ولوحه عليها مكتوب شارع جاكرتا تلف يمين معها بعد حوالي كيلو او اقل وانت على امتداد الشارع تجيك الورشه ولوحه واضحه ورشه المورقي باذن الله راح ترتاح عند ابو راكان وبعد ازيدك من الشعر بيت بان اسعاره معقوله جداً وهذا جواله ان بغيت استفسار منه ولا شي 0503241817 وعطه خبر انه انت جاي عن طريق المنتدى ولك احترامي اخوك فواز السبيعي

[دل البحار]

أخوي المشكله عندك هي:-
1- صفاية البنزين تغيير
2- البواجي
3- اسلاك بواجي كويلات
4- تنظيف التانكي
5- تنظيف فلتر الهواء وتغيير الفلتر افضل
6- تنظييف البخاخات وأبر البخاخات بالكامل
10- أضافة ماده سائله اسمها استوب فيه انواع نوع رخيص ونوع لكامل السياره ينظف جميع الاجزاء بالمحرك والبلوف وكذلك مواسير البانزين قيمته حدود 45 ريال اضفه بعد ان تقوم بتعبيئة السياره اقل من الفل يعني فوق النص وأدعيلي