اللي عندة ابل يدخل اماغيرة لو تكرم لاينكب عفشي

[طفران بس بطران]

سلام وعليكم استفساري ابشتري 3خلفات ابا تكلفتها شهريا اقصد علفها وشعيرها ابا بدقة يعني مبغا تقريبا ابابدقة

[راعي الإبل999]

مانقدر نقول لك كم بدقه

لان الاسعار مره ترتفع ومره تنقص

لكن لو حسبتها على الاسعار الحاليه

تكلفك ١٨٠٠

واسف على القصور

[روقي نجد]

تكلفك طال عمرك حووول الـ 900 ريال شهريا

على الأسعار الحالية

الشعير بـ 50 والبلكة للبرسيم 20

[طفران بس بطران]

بيض الله وجيهكم يعني 900 +1000+800

[قرشعو]

شف يا خووي دامك تبي تحسب ما نك حاط البل دايمممم

[طفران بس بطران]

ياولد حسبتها صارت نص راتبي فالبل ولكن مهب خسارةالرياجيل باعوا ارواحهم

[مدور مهره]

دامك مبتدى
طع شوري

بدال هالبل 3 خلافات كم يبن يطلعن عليك 15 الف خلفات على اقل تقدير

لو قلتلك شوري ونت على راحتك
مثلا 15 الف ريال ب ثلاث خلفات والعلف 1500 ريال شهرين كم تبي تبيعهن بعدين بخساره علفهن الي طلعته مكسبك يعني مافيه فايده

طيب لو قلنا 15 الف ريال شريت فيها 15 عنز مضرع وصبرت عليهن شهر شهرين وولدن عندك

تبيع الراس الواحد من 1500 ريال 22500 ريال قل العلف 2500 ريال مع الخساير ومبلغ 2500ريال مبالغ فيه على 15 عنز تطلع بفايده 5000 الاف ريال شي يخلي الريح جي

[طفران بس بطران]

مدور مهره قسم جبتها ونا نيتي فالبل ط
رب ووناسة

[بازار شريف]

ياخوي من حسب الديه ماقتل

[مساعد بن خالد]

اخووي اذا انت راعي حليب وتبي تمنح البل لاتحسب للخسااااره

لاني مجربها والخلفات ماتعطيها شعير اذا كنت تشرب حليب بس برسيم وملح وتمر هذا احسن شي للخلفات ((( لان شعير سبب رئيسي لمرض المالطيه )) الحليب فقط وليس اللحم

بس البرسيم مايفضى من الحوض يعني تقريبا 2 الا 3 بلكات يوميا لاتنسى عيالها لها نصيب من البرسيم وعيالها

لابد تطعمها شعير وبرسيم علشان تطلع لان اغلب الحليب بتشربه انت وربعك لكن الشعير يسمن على طول ويقوم الحاشي

بلكة البرسيم 20 الزينه والمشدودة احسب 3 بلكات ب 60 يال يوميا من غير الشعير 60 x في 30 ايام الشهر تطلع 1800 ريال راتب رجل امن لو تحطه حارس لبيتك

من غير الشعير تقريبا واقل شي 4 اكياس شهريا من 50 بتلطع 200 يعني المجموع 2000 ريااال شهريا

من غير راتب العامل لان انت منت حالبها لحالك وبتتعب من 3 ايام لان حلب الناقه عقوووبه لازم واحد يمسك الطاسه والثاني يحلب والثالث يرد ولدها الي بيذيك وانت تحلب

احسب راتب العامل 800 ريال بالاخير انت االخسران

[F-15 ذيب خزاز]

دامك مبتدى
طع شوري

بدال هالبل 3 خلافات كم يبن يطلعن عليك 15 الف خلفات على اقل تقدير

لو قلتلك شوري ونت على راحتك
مثلا 15 الف ريال ب ثلاث خلفات والعلف 1500 ريال شهرين كم تبي تبيعهن بعدين بخساره علفهن الي طلعته مكسبك يعني مافيه فايده

طيب لو قلنا 15 الف ريال شريت فيها 15 عنز مضرع وصبرت عليهن شهر شهرين وولدن عندك

تبيع الراس الواحد من 1500 ريال 22500 ريال قل العلف 2500 ريال مع الخساير ومبلغ 2500ريال مبالغ فيه على 15 عنز تطلع بفايده 5000 الاف ريال شي يخلي الريح جي


قال عنز هههههههههه

[طفران بس بطران]

العنز نعمة ووناسة

[طفران بس بطران]

ياناس ابقول الشايب اظنة يساعدني فيها

[قزيزالنعام]

ياناس ابقول الشايب اظنة يساعدني فيها
مرحبا يا طفران بس بطران الله يطول بعمر الشايب ان شالله تبي وناسته اشتر له ناقتين فيها حليب وعطهن نصف كيس شعير ونصف ربطه برسيم وونس شايبك اما انت بصرك تجيب عنز او نعجه هذ راجع لك اما الشايب خله على الابل رجع ماضيه القديم

[طفران بس بطران]

تقوله صادز والله بكيت عند ة اشتر اباعر عيا لكن ابشتري له خله يتونس

[طفران بس بطران]

مرحبا يا طفران بس بطران الله يطول بعمر الشايب ان شالله تبي وناسته اشتر له ناقتين فيها حليب وعطهن نصف كيس شعير ونصف ربطه برسيم وونس شايبك اما انت بصرك تجيب عنز او نعجه هذ راجع لك اما الشايب خله على الابل رجع ماضيه القديم
بيض الله وجهك

[كتام]

اخوي طفران
إذا بتحسب....والله ما تحط شي
نصيحه لوجه الله....إذا بتضغط على نفسك عشان تحط ابل....لا تحط.
إذا تقدر على مصاريف خلفتين.....توكل على الله.

[طفران بس بطران]

مشكورررررررر كتام

[أبوعتقان]

قال عنز هههههههههه

وش فيها العنز
التكبر شين الله لايبلانا
خذ ابل وخذ تيوس وكل من خلق الله واحمد الله

[أبوعتقان]

اخوي طفران
اذا انت بتتكلف وتظغط على الحاله الماديه عشان الخلفات فخلها بعدين اريح لك..ملحوق عليها

لانها بتكلف واجد وما بتقل عن تسعمية ريال شهريا

[العبرود1]

اخوي
البل توسع الصدر
وانا من راي انك مادام انك تبي تحط العدد القليل
انك تدور راعي حلال من ربعك وتحطها معه
اول شي تقل مصاريفها من ناحية العلف والراعي
بعدين ترا البل تشبع بالنظر
يعني اذا يكفيها ربطه برسيم وحطيت لها اقل من ربطه تبي تاكل ربطتين
واذا حطيت في المعلف ربطتين ممكن تاكل اقل من ربطه
يا ما حلا المسرى بعيد عن الأنذال = في ليلةٍ يطرب لها كل ساري
مسرى مع الفج الخلا عز وجلال = متشطرٍ ما خضت في عرض غاري
على خطاة مشومرٍ يقطع اللال = تدفن مداهيله هبوب الذواري
اجمع من البل عشر وتصير وبّال = واختر فحلها مع جنبها يباري
البل لها في مهجة القلب منزال = منايح القصار سفن الصحاري
مراجلِ يشقى بها كل رجال = افلاس بايعها نواميس شاري
يكفيك ابن هندي ومسلط وهذال = ومن شمر العاصي وبرغش وضاري
لقيت فالوحدة سكون وسعة بال = بعيد ما عندي من الهم طاري
ارجّع الذكرى على روس الاجذال = وارقد خلا بين الحجل والقماري
ما همني جمع المرابي للأموال = عزيز لو أمسيت جيعان عاري

[مرعي السرحاني]

العنز نعمة ووناسة


يا حبيبي والله :D

عشان اريحك وقل بذمة السرحاني

حساب علف البل :
الناقة اذا بتكرمها نص بلكة برسيم اخضر واهم شي ناشف باليوم .
الشعير <--- خله يولي
الملح ضروري ...
الخبز ممتاز جداً ناشف ومهو دايم.

حساب علف المعزا :
كل 50 راس لها ثلاث مدالي شعير باليوم يعني كيس الا ربع + بلكتين برسيم.

وسلامتك

[طفران بس بطران]

ولد عمي عندة مزرعة بس مشكلة كل يوم اقط وجهي عنده هو مهب قايل شي بس احس فيها خسارة على الرجال وكل يوم افتح الباب اللي جا من بطران

[نجم الصداوي]

شف يا خووي دامك تبي تحسب ما نك حاط البل دايمممم

..
.. رد .. قطع صوت كل خطيب
..
.. نعم .. بيض الله وجهك على ذا الرد .. وبيض الله وجيه الحاظرين من زوار وأعضاء كرام..

[طفران بس بطران]

لازم حساب اجل اخليها عميا متصير

[الزمان مغبرنا]

انا اقول اشتر خلفتين وشف الوناسه خاصه اذا صارن هديات في الحلب يعني ولايف مهب قشر توطيك وتعضك وترمحك ...

اهم شي انها وليفه بس ...

[طفران بس بطران]

عاد انا رمحة رايح فيها مشكوررررررررررررررررررررررررررررررررررررررررر

[خوي الساري]

عاد انا رمحة رايح فيها مشكوررررررررررررررررررررررررررررررررررررررررراذاكا ن وضعك على اسم معرفك انصحك تقعد عند الدفايه0000

[ابومعتز99]

ياولد حسبتها صارت نص راتبي فالبل ولكن مهب خسارةالرياجيل باعوا ارواحهم
يعجبني الهياط الي كذا:good:

[اخو دعجه]

انا عندي خلفتين ... احطلهن يوميا بلكة برسيم .......

[ثقيل الرجلين]

لا تحسب العلف بس

غيره الراعي و المكان والخيمة البيتيه وكل من جاك يبي يستانس ويدور الحليب بتوجبه وكل القريبين حولك اذا اسمعو ان عندك ابل اكيد بيسيرون عليك لان الابل تجمع الناس سبحان وتنومس بشيفتها لو انها ناقه وحده
والدعوى مطوله ويبي لها طولة بال ومخبى مليان عشان كذا اذا انت تحسب للخساره انا اشوف انك تصرف نظر

يا حلالاة ان الوقت و الفرغه موجوده كان عزالله اننا حطيناها لو افقرتنا

[صبي غلباء]

السلام على الجميع
اخوي متى ما صار وضعك زي الجزء الاخير من معرفك (بطران) حط البل وفل حجاجك
اما اذا وضعك زي الجزء الاول من معرفك (طفران) نصيحه ما انت ملزوم وتحمل نفسك فوق طاقتها ليش رزقك ورزق عيالك الزم عليك
لان هذا العدد للوناسه مهب للتجاره
انا مع الشباب انها وناسه مالها قيمه والدليل ان اكبر التجار يتركون السفر والمنتجعات ويربعون مع البل وكثير منهم يقووول ما احس بالنعمه الا اذا شفت الابل لا عماير ولا اراضي احس فيها مثل الابل فصحيح هي حمر النعم لكن رجل بيكلف على عمررره وينقص من ضروريات حياته عشان الابل لا مو صحيح
والله يرزقك ويفتح باب رزقه عليك ونشوفك حاط مهب ثلاث الا ذود كامل
ولرأي الاول والاخير لك

[فهد 333]

لان حلب الناقه عقوووبه لازم واحد يمسك الطاسه والثاني يحلب والثالث يرد ولدها الي بيذيك وانت تحلب

صراحه أول مره أسمع هالكلام نحلب الناقه ونمسك الطاسه ولا يرضعها ولدها
بالنسبه لك اخي الغالي اذا تحط ناقتين بس والله ماتشوف منها الا الخساره أسال مجرب
عليك بالغنم نصيحه لوجه الله وانت بكيفك

[المزروعي]

تقوله صادز والله بكيت عند ة اشتر اباعر عيا لكن ابشتري له خله يتونس

رضى الله من رضى الوالدين , خله يتونس بالإبل الله يجعله في ميزان حسناتك وإن شاء الله يبرون بك اولادك .

اخوك المزروعي