افضل ورشة سمكرة بالرياض

[الؤلؤي 2006]

مساك الله بالخير يا شباب
الله لا يهينكم ابي افضل ورشة سمكرة بالرياض عندي دقشه صغير برفرف يمين موتري 2010 ابي ردكم عاجلا لا هنتو
اخوكم / الؤلؤي 2006

[ابونواف 999]

السلام عليكم
اخوي فيه مركز وفاء للسمكره في الصناعيه القديمه ممتاز مره
مرعليهم وشف شغلهم ان شاء الله يعجبك والله يسترعليك

[fusfus]

مع احترامي لوفاء صحيح شغلهم نظيف بس صراحه يجلدون الواحد جلد انا شخصيا اعرف ورشه شداد بالصناعيه اخر شارع الجمعيه وخلف جيركو مباشره رخيص وممتاز وتلقى صاحب الحلال دايم متواجد وسعودي ورجل طيب وسمح ارجو اكون افدتك تحياتي.

[امير الامراء]

اخوي على ذمتي ورشه الشباب في الصناعيه القديمه جنب ورشه الغامدي شغل احسن من الوكاله ورح شف المواتر الي عندهم حتى تقتنع والله مجرب وممتاز جدا بس غالي شوي فيه يماني اسمه ناصر وشكرا

[عبدالرحمن السالم]

لا ازيد كلامي عن كلام امير الامراء ولايهنون الاخوان
وبرضو عندك ورشه الغامدي ممتازه جداً لا بالسمكره ولا بالرشه
بالتوفيق والحمد الله على سلامتك

[alimuhammed]

لازم سمكرة و لا تتعدل بدون سمكرة

[الؤلؤي 2006]

صباحكم الله بالخير
شاكر ومقدر مروركم وافادتكم والله يجزاكم خير على تفاعلكم



وش وضع ورشة الوفاء صناعية الدائري مخرج 18 ؟؟؟؟؟
وانشاء الله بمر ورشة شداد وورشة الشباب واشوف الشغل والقيمة والله ييسر الامر
وجزاكم الله خير


اخوكم / الؤلؤي 2006

[مقطع العروق]

2010

اتمنى تمر الوكالة وتشوف بكم يصلحونها

اذا الفرق 100 او 200 فصلحها بالوكالة

تفرق عليك حتى بقيمة السيارة لاجيت تبيعها

ويمدحون شغل الشامل بصناعية العاصمة <<< ماجربته

والله يسهل عليك دنيا واخره

[عاشق الماركيز]

الوفاء ماشالله تبارك الله مجرب شغل وكاله بس غالي

[الؤلؤي 2006]

مشكور على المرور والافادة
والله يسهل الامر يارب

تحياتي

[العتيبي نت]

عندك ياخوي ورشة الخبراء في صناعية الخليج اشوف عندها سيارات غاليه يسمكرون عندهم باين ان شغلهم زين والله يوفقك