شوزن نص ام خمس رمنقتون

[عقاب قوقل]

بســــــــــــــــــــــــــــــــــــــــــم الله الرحمن الرحيم

السلام عليكم

وشلونكم عساكم طيبين ..

ابشركم شريت شوزن نص ام خمس رمنقتون مديل 1100 مستعمله بسعر زين ماشاء الله
.. وجرتبها مافيها الا مشكله وحده

البندق ترمي على حبه حبه ماترمي ورا بعض ليش لأن الفشقه الفاضيه ( الصفره )
ماتطلع يعني البندق ماتحذف الفشق الي ترميه

طبعا الكلام ذا وهي ماتنضفت ابد

وش برايكم الحل ؟؟
ومعروفه المشكله ذي في شوازن ام خمس والي يسير معه هالشي يقول

بندقي ( تلك )

الشايقي بالرياض بيصلحها ؟؟

ولا اغير لها قطع غيار من سوق الجرده ببريده ؟؟

تحياتي لكم

[عقاب قوقل]

وين الردود يالربع

[عقاب11]

السلام عليكم
اخوي نفس مشكلة بندقيتك بالظبط صارت معي وديتها كم مصلح
الي يقول مادري والي قال خلها عندي ومن حرصي عليها الانها جديدة
ماخليت احد يلمسها
عندي اسئله وببعث بالصور المشكله الى حصلت عندي وكانت بسيطة جدا
هل الفشقه تطلع بسهوله يدوي بعد الرمي
وان شاء الله اانها تنحل

[ابو صقر 111]

سبق ان اشتريت مثلها وكانت تذب ثلاث فقط ثم تعطلت نهائيا وديتها للجرده لواحد لا أود ذكر اسمه وكان طامع في شرائها وليس تصليحها وقال لايمكن تصلح ولا ترمي بعها علي 000فتركته وذهبت لمصلح راعي ذمه فقال ما عندي لها قطع غيارولكن استطيع اصلاحها ترمي حبه فقلت صلحها فصلحت ترمي حبه فقط ولكني اكتشفت ان قطع غيارها معدوم الا من تشليح مماثل لها وشكرا

[أيام العبور]

اخي الفاضل اسال الله عزوجل ان يبارك لك في ما رزقك

ممكن يكون من النتاش اللي يسحب الفشقه من بيت النار ويحذفها بره .او يكو عندك بيت النار في اوصاخ متراكمه من زيوت واثر البارود وغيره . وكل المشكلتين حلهم بسيط .ان شاء الله تظبط معاك حاول تنضيف بيت النار من الداخل . او غير النتاش مع الاحتفاظ بالاصلي اذا تقدر تفصل عليه واحد يشبهه . وان شاء الله الاخوان يفيدونك .

[عقاب قوقل]

بيض الله وجيهكم جميع
ماقصرتو
بس يخوي عقاب الفشقه عندي تطلع بسهوله يدويا عادي ..بس تكفا لاتنساني لا لقيت حل للمشكله
ابو صقر
انا هالحين مثلك ترمي حبه حبه ولا ادري وش الحل لوني ادري ماشريتها
انا ادفع فيها سعر ام خمس
مادفعت سعر ام حبه !! وتكفى لاتنساني للقيت حل

[dr.mekshat]

هذي من اكبر عيوب الريمنغتون بجميع انواعها
الحين عندك الـ 1100 ام خمس العاديه
تهبل فيك تهبيل لو ترمي بفشق جزال ما تنشته ابد
خلاصه الكلام ان الريمنغتون تواجه مشاكل كثيره مع بعض انواع الفشق
والحل طال عمرك غير نوع الفشق اللي تستخدمه وانشالله تبي تلقا الفشق اللي تنتشه بارودك وترتاح من هالمشكله
تقبل تحياتي
اخوك / ابوصالح

[عقاب قوقل]

هذي من اكبر عيوب الريمنغتون بجميع انواعها

الحين عندك الـ 1100 ام خمس العاديه
تهبل فيك تهبيل لو ترمي بفشق جزال ما تنشته ابد
خلاصه الكلام ان الريمنغتون تواجه مشاكل كثيره مع بعض انواع الفشق
والحل طال عمرك غير نوع الفشق اللي تستخدمه وانشالله تبي تلقا الفشق اللي تنتشه بارودك وترتاح من هالمشكله
تقبل تحياتي

اخوك / ابوصالح


والله يبو صالح قالوه لي ناس كثير قالو ان الرمنقتون تنتش نوع من البارود
قالو جرب انواع الفشق لين تلقا فشق البندق الي تنتشه
وهذا الي بيسير

انت خابر فشق النص رمنتقون الاخضر يقولون انها تنتشه سلام سلام
بس اني ماحصلته
وانا مستعد اشتريه لونه غالي

[محمد الشمروخي]

يا شباب السلام عليكم
نظفوا فتحات الغاز اللي بالماصوره وان شاء الله تزين

[الهديف]

المشكلة بالضبط أن الريمنقتون النص شوزل
مصممة تحذف فشق النص القصير فقط لاغير
وغالبية المنتشر بالسوق حالياً فشق طويــــل
مايصلح لها أبد يعني طلقة طلقة ومش حالك
عليكم بأم وحده ياشباب أوالبحث عن أم خمس
ماركة أخرى

[عقاب11]

لسلام عليكم
الغاز مهم ودقيق ربلات الغاز الموضحة بالصور
http://www.mekshat.com/pix/upload04/images189/mk105714_imga0416.jpg
http://www.mekshat.com/pix/upload04/images189/mk105714_imga0415.jpg
ربلات العاز بطريقة صحيحة تذب الخمس في ثواني
http://www.mekshat.com/pix/upload04/images189/mk105714_imga0413.jpg
ربلات الغاز بطريقة خاطئه ولايمكن ان تذب الفشق

http://www.mekshat.com/pix/upload04/images189/mk105714_imga0408.jpg
كذا هذه طريقة صحبحة
http://www.mekshat.com/pix/upload04/images189/mk105714_imga0409.jpg
انتبه لهذه الخاتم الحديدي خلة بتجاهه هذا
http://www.mekshat.com/pix/upload04/images189/mk105714_imga0410.jpg



ياليت تصور كيف ركبت الربلات

[عقاب قوقل]

وين موقعها هذي بالضبط وياالغالي عقاب 11 انا حاولت اراسلك لاكن ماقدرت لأن مشاركاتي قليله ياليت يالغالي
نتواصل لين نحل هالمشكله بأذن الله انا يوم الاربعاء بودي البندق لمحل تصليح في الرياض اسمه الشايقي
وبرد لك اذا كان بيصلحها ولا لا
ويارب يصلحها
وانت هالطريقه حقت ربلات الغاز نفعت معك ؟؟
وياليت تعلمني موقعها في البندق وكيف احصلها

[عقاب11]

وين موقعها هذي بالضبط وياالغالي عقاب 11 انا حاولت اراسلك لاكن ماقدرت لأن مشاركاتي قليله ياليت يالغالي
نتواصل لين نحل هالمشكله بأذن الله انا يوم الاربعاء بودي البندق لمحل تصليح في الرياض اسمه الشايقي
وبرد لك اذا كان بيصلحها ولا لا
ويارب يصلحها
وانت هالطريقه حقت ربلات الغاز نفعت معك ؟؟
وياليت تعلمني موقعها في البندق وكيف احصلها
صدقني بتدقك مافيها شي هالمديل صعب يخرب صناعة صح انا فكيت كل شي فيها مايخرب فيها شي الا في عبث جائر
فك الحا ضن تلقى هذه الربلات تبي طريقة الفك ارسلك

[عقاب قوقل]

صدقني بتدقك مافيها شي هالمديل صعب يخرب صناعة صح انا فكيت كل شي فيها مايخرب فيها شي الا في عبث جائر
فك الحا ضن تلقى هذه الربلات تبي طريقة الفك ارسلك


يعني نفعت معك الطريقه ذي وانحلت مشكلتك ؟؟

وياليت تصور البندق كامله بدون الحاضن وتوضح الربلات

لأني صراحه مالقيتها !!

[عقاب11]

ال
سلام عليكم
http://www.mekshat.com/pix/upload04/images189/mk105714_imga0417.jpg
http://www.mekshat.com/pix/upload04/images189/mk105714_imga0418.jpghttp://www.mekshat.com/pix/upload04/images189/mk105714_imga0419.jpg
http://www.mekshat.com/pix/upload04/images189/mk105714_imga0420.jpg
http://www.mekshat.com/pix/upload04/images189/mk105714_imga0421.jpg
http://www.mekshat.com/pix/upload04/images189/mk105714_imga0422.jpg

[عقاب قوقل]

بيض الله وجهك لقيتها زابنه في دائره القاضب حقت الماصوره متعلقه هناك

عالعموم ماقصرت يالغالي

بس ماجاوبتني الطريقه ذي نفعت معك وحلت مشكلتك ؟

[عقاب11]

السلام عليكم
اخوي كانت ربلات الغاز مقلوبة وعدلتها وزانت
لو تصور تركيب الربلات هل المشكله منها ولا لا

[عقاب قوقل]

والله نسيت كيف شكلها يوم فكيتها لاكني نضفتها
ورجعهتها نفس الطريقه الي تحت

ووديتها عند الشايقي راعي محلات الشايقي هو براسه واسمه ابو تركي

علمته بالمشكله قال المشكله من ربلات الغاز ركب لي ربله مطاط جديده

وفيه فتحه مسدوده للغاز فتحها طبعا مسدوده من البارود

والا الان ماجربتها ان شاء الله تضبط

[غيث11]

أذا للبيع راسلني على الخاص
تري شراي وصامل
وفق الله الجميع

[ابوسلطان911]

بعطيك الحل من واقع تجربه
اشترلها الرصاص الي نفس نوعها الامريكي
صح غالي شوي
بس هذا النوع من النص ما ينتش الا هذا الرصاص
غيره انسى يقذف الطلقة
جرب وعلمني على الخاص