المساعد الشخصي الرقمي

مشاهدة النسخة كاملة : مسحيه الكفرات وش الحل معها


الشمالي 1
29/11/2010, 09:25 PM
السلام عليكم اخواني جميعاً:
موضوعي الله يطول اعماركم على طاعه الله واتباع سنته صلى الله عليه وسلم هي المسحيه او البعض يقول لها الساحكيه اللي تجي في الكفر الامامي وش الحل معها كل شهر تقريبا لازم اروح ميزان لاوبعد ميزان بريجستون كمبيوتر وفترة وتزيد المسحيه عندي وش الحل تكفووووون.
شكرا لكم جميعا اعضاء منتدى مكشات فلقد ارحتموني ونورتوني على الاقل اروح للصناعيه وانا شبه متأكد من العطل اللي عندي.
سعود الحربي
29/11/2010, 09:31 PM
لك مثل دعواتك الطيبه بظهر الغيب


اخوي ان كان سيارتك جيب

المشكله في الرمانات والدوده او الاثنين معا


رح لميزان اليرموك في الصناعيه واحذر من ميزان العضيب فهو اكبر نصاب في الشرق الاوسط

وقلهم شدو الرمانات شد فقط ومن ثم رح لورشات الهدروليك خلهم يكشفون على الدوده هل العيب من الجلد حقتها او من نفسها
والله ييسر امورنا وامورك وامر كل مسلم
الشمالي 1
29/11/2010, 09:39 PM
السيارة كامري من الامارات
وكل يوم افقد الثقه فيها............
الشمالي 1
30/11/2010, 12:08 PM
الله يستر بستره
الشمالي 1
04/12/2010, 07:20 PM
مااحد عنده حل لمشكله السياره
بومهاوش
05/12/2010, 08:23 AM
السلام عليكم اخواني جميعاً:
موضوعي الله يطول اعماركم على طاعه الله واتباع سنته صلى الله عليه وسلم هي المسحيه او البعض يقول لها الساحكيه اللي تجي في الكفر الامامي وش الحل معها كل شهر تقريبا لازم اروح ميزان لاوبعد ميزان بريجستون كمبيوتر وفترة وتزيد المسحيه عندي وش الحل تكفووووون.
شكرا لكم جميعا اعضاء منتدى مكشات فلقد ارحتموني ونورتوني على الاقل اروح للصناعيه وانا شبه متأكد من العطل اللي عندي.

سيارتك جاها صدمات من اول و لا اكلت حفر او مطبات ؟

شيك الكفرات الامامية و المساحة بينها و بين الرفارف اذا فيه فرق فهذا معناه انه واحد من الكفرات راجع شوي على ورا و يبي له سحب

إذا عندك هالمشكلة ترى تحوسك تأكد.
الشمالي 1
09/12/2010, 01:16 PM
هلا وغلا بالجميع:
انا رحت لاابو يمن وقال لي جلب المقصات يبغى لهن تغيير اما الصدم ماادري والله لوفيها صدم من قدام.
لكن باشوف اللي قال اخوي ابو مهاوش.
الشمالي 1
09/12/2010, 09:50 PM
سبحان الله وبحمده
سبحان الله العظيم
ذيب العيص
09/12/2010, 10:08 PM
اخوي الشمالي ............وش موديل سيارتك ؟؟؟
من موديل 2007 وفوق ...كلها فيها مسحيه (عيب مصنعي )..
وعموما الدفع الامامي لازم يمسح ..
لكن روح لميزان محترف (الكمبيوتر كلام فاضي ).ميزان عادي يدوي ..بعدين بدل الكفرات كل 10 الا لاف
اللي قدام حطهن ورا بعملية x ...وجرب
لو انك قريب ينبع ادلك على ميزان محترف ...
عسى الله يوفق لك خير ..
الشمالي 1
10/12/2010, 07:42 AM
ياذيب العيص انا في ينبع ولا تقول لي برجستون غالي على غير فايدة.
عطني الوصف بالضبط واسم المحل.
الوصف وينه من طريق الشاحنات.
وشكرا
الشمالي 1
10/12/2010, 07:58 AM
السياره كامري 2006
ذيب العيص
10/12/2010, 02:27 PM
اخوي الشمالي الميزان امام نادي المجد في المحطه .......معلم اسمه الياس باكستاني
يوزن لك السياره بالملي ...واذا كان تحتاج السياره شي يعلمك ..
صدقني راح تنسى المسحيه كلها .......روح جرب
وبالتوفيق (يوم الجمعه ماتلقاه عنده اجازه)
YUKON_GMC
10/12/2010, 03:10 PM
احياًناً يكون السبب ميل الكفرات بحيث يكون الكفر مايل ييمين او لليسار ويجب فحصه بالميزان المائي والتأكد انه واقف بشكل عمودي 100%
الشمالي 1
11/12/2010, 12:29 PM
يعطيكم العافيه جميعا :
ياذيب العيص اول شيء اكتشفه الياس الكفر مو مقاس السياره من الوكاله.
بدل الكفر الامامي يسار اللي تعبان وحط مكانه الكفره الخلفيه يمين.
يتحدى ان شغله تمام 100% والسياره مايحتاج لها شيء.
شغل يده 100 ريال.
ذيب العيص
13/12/2010, 04:41 PM
اخوي الشمالي 1 ...
ان شاء الله ضبط موترك ...
شغل يده على حسب احيان ياخذ 50 واحيان 80 ريال ...
بس ماعليك اهم شي تضبط السياره ويرتاح بالك..