بالنسبة للرجف ( الندف ) في الشوزن

[ابو حامد888]

السلام عليكم ورحمة الله


اخواني الاعزاء انا استخدمت شوزن ام حبه بس قوية جداً وترجف رجف يعني اكثر من خمس طلقات في اليوم يمكن تكسر كتفك ..



سؤالي هل ام خمس نفس الرجفة للي جرب النوعين ؟؟


ووش افضل شوزن ندفها ورجفتها ضعيفة يعني الواحد يقدر يصبر عليها ولا تأثر عليه ...


شاكر ومقدر لكل من يمر من هنا

[سعودأبوفهد]

وعليكم السلام


لا اكيد اخوي الحين فيه البرتا فيها الكيك اوف مانع الرجف من فيبر مقوى


وعندك البنيلي اقوى رجف شوي من البرتا وفيها البيكال ترجف بس موب زي ام حبه

والبراونق رجفها قوي شوي

بس كل الي ذكرت انا اقل وبواجد من ام حبه

[ابو حامد888]

وعليكم السلام


لا اكيد اخوي الحين فيه البرتا فيها الكيك اوف مانع الرجف من فيبر مقوى


وعندك البنيلي اقوى رجف شوي من البرتا وفيها البيكال ترجف بس موب زي ام حبه

والبراونق رجفها قوي شوي

بس كل الي ذكرت انا اقل وبواجد من ام حبه



يعطيك العافية يابو فهد على التوضويح وننتظر تجارب ومشاركات اهل الخبرة من امثالك يابو فهد

[دخنآوي]

أنآ جربت ام وحدهـ
امريكيه /من القديمآت مره هذي رجفها مااهب بالحيل لكنه قوي
امريكيه الاستفنز الجديده رجفها قوي بعد حول الانجليزية ام سبع ابر
انقليزية /هذي انحش عنها والله من الرجف خخخخ
<<<<<<
وبالاخير كل ام حبه رجفها قوي لكن صيدتها عليها الحلى

وجربت ياطويل العمر بأم خمس
البلجيك اللي هي براوننج ماغيرها اللي يرهمون مواصيرها هذي حليل رجفها لكن قوي بالنسبة لشوازن ام خمس
وجربت ام ذيب التركيه هذي رجفها حليل لكن ترجف
وجربت الروسية ممتازة نوعآ مآ
والبانللي ماله مثيل ريشه ماشاء الله خاصة اذا كان ماارهم له مخزن طلقات اضافي
وسمعت بالبرتا انها اخف من البانيلي واذا كان صحيح فآضمن لك ان البرتا كانك ترمي بساكتون ناري خخخخخ :D




وبالاخير ابو فهد ماقصر عطاك العلم :)


تقبل مروري ْ~

[SKY CRUISER]

وعليكم السلام ورحمة الله وبركاته

عندي الاكستريما2 ماشاءالله ترمي بهاكنك ترمي بهوائية :)

http://img811.imageshack.us/img811/9159/02052008150.jpg

[ام الجمايل]

هــج عن ام وحدة والله اني تعافيت يوم دعستها عقب مقناصن انحديت عليها رجعت للبيت كتفي الايمن يسبق الايسر

[ابو حامد888]

الله يعطيكم العافية عللى ردودكم وتوضيحكم

يعني البرتا اكستريما2 هي الافضل من ناحية عدم الرجف وتجي بعدها البنلي ؟

طيب البيكال كيف رجفتها للي جربها لأن الإيطاليات غاليات بالحيل وتخاف تاخذها بسعر غالي وياخذونها عليك بتفتيش وتموت حسرة وقهر ؟؟

[سعودأبوفهد]

الله يعطيكم العافية عللى ردودكم وتوضيحكم



يعني البرتا اكستريما2 هي الافضل من ناحية عدم الرجف وتجي بعدها البنلي ؟


طيب البيكال كيف رجفتها للي جربها لأن الإيطاليات غاليات بالحيل وتخاف تاخذها بسعر غالي وياخذونها عليك بتفتيش وتموت حسرة وقهر ؟؟




شف البرتا ما ترجف ابددد بس سعرها نار

البينيلي رجفاها اقوى من البرتا بس عادي رجفها يعني ماتتالم منه

البيكال الروسيه رجفها اقوى من البينيلي بشوي ان كان ودك بحوده زينه ورخيصه خذ بيكال رجفها حليل


طع شوري ان كان ودك


تقبل مروري ..

[صياد القويعيه]

اخووي انا ولدي في سادس ابتدائي والله يرمي بها رمي اربع ثلاث ورا بعض
والشوزن بيكال

[أبوباسم455]

أخـوي شـكـل الشـوزل اللـي معك إنجليزيه او ايطاليه لأن الإستيفنس السيلانيه ماترجـف أبـد !!
وأخـوي ام خـمـس ماتـرجـف أبـداً كـأنك ترمـي بـسـاكتون مقارنه بالشوزل الـلـي مـعـك !!






http://dc03.arabsh.com/i/00113/5cvbd8pn7ipm.gif












http://dc03.arabsh.com/i/00099/fz6vdqqe8do9.gif

[قناص طيبه]

والله يا الحبيب أنا اول ما شريت ام حبه كنت اخاف منها من الكلام اللي سمعته تكسر الكتف ومن هالكلام, وبعد كشتتين خلاص تعودت عليها شد كتفك وبس .(الظاهر انه بعض الضغوط عليها رجف....)

[عقيد حرب]

ريح باالك كل الشوازل ترجف

[مجاوب الذيب]

مساك الله بالخير أخوي ..

أثني على كلام الإخوان جميعاً ما قصروا أفتوك كلن بعلمه ..

يقولك إسأل مجرب ولا تسأل طبيب , وأنا طال عمرك أبختصر لك المسألة :
الشوزن عموماً ما تجمع السوق الطيب والراحة أبدن أبد ..
يعني تبي سلاح طيب وسوقته تبري العلة لازم تصبر على رجفته ..

طبعاً أم حبة ترجف بنسبة كبيرة خصوصاً القديمة منها بعكس أم خمس ..
وأنا أنصحك بالسوبر البنيلي لو إن سعره غالي لكن تستاهل ..
أخف رجف وأطلق سوق ..

والعلم عند الله ..

[ابو حامد888]

الله يعطيكم العافية جميع وبيض الله وجيهكم على الردود والظاهر اني بدور لي بيكال مثل ماقال ابو فهد وعساي الاقي شي زين وسعره طيب

[محمد الهديب]

ابو حامد موجود طلبك عند واحد من الربع بــــ 6500 بيكال فيبر 30 انش جديده لك نظر ارسل لي على الخاص

[a7md al-q9em]

كل الشوآزن ترجف ..

لآكن كل وحدهـ تختلف عن الثآنيه ..

المعروف ام حبه اقوى شي وتكسر الكتف .. :D

جميع امهات خمس يرجفن لآكن آقل بكثير عن ام حبه ..

ولو ترمي بـ ام خمس .. وام خمس اخرى من نوع اخر مارآح تلاحظ فرق كثير .. :)

بالتوفيق ..

[أبوجهاد التبوكي]

يفيدونك الاخوان ان شاء الله...

[متألق بطبعي]

اخوي ابو حامد 888
والله ام حبه رميتها طرب وانا اخوك تطربك طرب وتحس انك ترمي بشوزل صح
وام خمس مافيها كلام
وبالنسبه لأم حبه رح الى الرماية عندهم تركيبه عشان الرجف وهي بلاستيك تحطها في آخر البندق وخذ لك ثنتين ولا عاد تحس بالرجف ابد انا عندي ام سيلان ستيفنس وحاطها فيها وما شاء الله .