موتري مافيه فزه تكفون فتك 2006

[vtc.6]

السلام عليكم ورحمه الله وبركاته
يااخواني عندي مشكله في موتري فتك 2006 قير تماتيك سوبر سفاري مركب عليه هدرز وفلتر وانتيك والانتيك ماصوره طالعه من المكينه للفلتر سيده طبعا يوم ركبت الهدرز انفصلت عندي حساسات القزوز ولاركبتها ناس قالو ماتضر وناس يقولون تضر والمهم عندي ان الموتر مافيه فزه مكتوم مره وانا واقف وادعس يالله يمشي ثقيل وتحس فيه كتمه وماعرفت المشكله وخايف اروح للورش يلعبون في الموتر طبعا البواجي جديده والصفايه جديده تكفون علموني وافيدوني مضيق صدري مره المفروض عقب الشغل ذا يقوى عزمه بس مدري وش فيه مافيه فزه وعلى الموتر بوالين وجنط 16 الله يرحم والديكم افيدوني ... واسف على الاطاله بس حبيت اشرح المشكله باالكامل وجزاكم الله الف خير

[صلفان.نجد]

اذا بالرياض اتصل على ابو صالح التركي وبتزين امورك ولا تزعل0504118191

[ابوابراهيم333]

الي اعرفه ان الفتك لازم يكون الحساس مشبوك ولا ما يمشي زين

وش نوع الهدرز الي على موترك ووين مركبه

[كل الاتجاهات]

السلام عليكم ورحمه الله وبركاته
يااخواني عندي مشكله في موتري فتك 2006 قير تماتيك سوبر سفاري مركب عليه هدرز وفلتر وانتيك والانتيك ماصوره طالعه من المكينه للفلتر سيده طبعا يوم ركبت الهدرز انفصلت عندي حساسات القزوز ولاركبتها ناس قالو ماتضر وناس يقولون تضر والمهم عندي ان الموتر مافيه فزه مكتوم مره وانا واقف وادعس يالله يمشي ثقيل وتحس فيه كتمه وماعرفت المشكله وخايف اروح للورش يلعبون في الموتر طبعا البواجي جديده والصفايه جديده تكفون علموني وافيدوني مضيق صدري مره المفروض عقب الشغل ذا يقوى عزمه بس مدري وش فيه مافيه فزه وعلى الموتر بوالين وجنط 16 الله يرحم والديكم افيدوني ... واسف على الاطاله بس حبيت اشرح المشكله باالكامل وجزاكم الله الف خير

وعليكم السلام ورحمة الله وبركاتة اخي vtc.6

انا عندي معلومه نقله لي احد ملاك الباترل فوتك وتماتيك وعلى ما اذكر كان عندة شي قريب لما ذكرت بأنه مافيه فزة او عزم عند القومه .

وعلى ما اذكر قال انه حصل قطعه مدري بلاستك ولا ربله تحت دعاست البنزين مدري منفكه مدري متغير مكانه وترد الدعسه شوي ولايحس فيها الواحد واكتشفه بالصدفه طبعاً . انت شيك يمكن تكون مشكلتك بسيطه زي ماكان عنده .

واعذرنا على النقل اذا كان غير دقيق .

وعسا تكون هي العله وتنحل والله لايخسر عليك ان شاء الله :good2:

تقبل مروري
اخوك كل الاتجاهات

[صباح القايله]

اخوي تاكد ان حساس الهواء ماء يتحرك
عندي استفسار هل الانتيك فرق معك ومنين شريته وكم

[بترووول]

صدقني ان المشكله من الفلتر
عندي شوال مرات تطفي معك السياره او فيه صعوبه بالتشغيل
ياليت تجاوب

[vtc.6]

الف شكر لكم وعلى مروركم الجميل وعلى الافادات الرائعه وصدقوني انكم ريحتوني وسعتو صدري وانشاء الله تطلع المشكله بسيطه الله يوفقكم ويجزاكم خير وابجرب اللي قلتولي وانشاء الله خير

[vtc.6]

هلا اخوي باترول مره طفى علي ونعم عندي صعوبه يالتشغيل صدقت والله

[vtc.6]

اخوي صباح نعم فرق عندي فرق كبيررر مره وتلاحظ شي ماتتوقعه وشريته 1350 معه فلتر جديد وغرفه للفلتر والانتيك اللي عندي للبيع لحاله اذا لك رغبه هذا رقمي 0564404414

[vtc.6]

هلا اخوي ابو ابراهيم نوع الهدرز تايواني من محل 4500 بالرياض بحي الربوه

[You Like Me]

وعليكم السلام ورحمه الله

اخوي انا عندي ربع بعد ما ركبت الهدرز
عطاني اطول في مده السياره بنمره بس ضاع العزم
يعني قبل اركب الهدرز كنت بالقومه مع اكسبلورر لحد ما اوصل لـ100 بعدين يوريني شكمانه
الان وبعد ما ركبت الهدرز وفلتر نفس الاكسبلورر يروح ويخليني وانا على سرعه 60
يعني فادني الهدرز بس في المراقا وهو يعطيني مده اطول من البلد
لكن قومة السياره في المدينة ضاعت

[بترووول]

بسم الله
انا عالمك المشكله
الفلتر يدخل هواء كثير للمكينه وطبعا منظم الهواء لازم يوزن بين البنزين والهواء يعني بعد بيدخل بنزين كثير
وتبي تكتم معك المكينه
رجع الفلتر حق الوكاله وبيضبط
سؤال ثاني مرات لاجيت تشغله تشم ريحت بانزين او لا

[ابوابراهيم333]

يالغالي راعي الربع شف اذا هدرزك بعد ركبته على الموتر سوا الي تقول فأكيد نوع الهدرز مهب زين اذا كان سويدي وماخذه من الرياض من عند قايد وغيره فهذا شغل مصانع الشارقة الخوانيج شغل اي كلام
على فكره في ناس عندها اعتقاد ان السويدي واحد لكن للاسف الورش في الامارات كثيرة وكل ورشة يختلف شغلها من بعضها زين والبعض لا
لكن شف حاول اقل شىء تركب نوع الي يجي من دبي اسمها كراج الراشدية هذا لاباس فيه حليل
وعلى فكرة السويدي الاصلي الي من كراج عيال السويدي هذا قيمته حوالي 2500 من نفس الكراج راكب
يعني ليس من المعقول ان بيوصلك للرياض 1500وغيره
قايد الي في الصناعية يركب حق الشارقة بــ 1700 على لاند كروزر وهو راكب هناك من نفس الشارقة بــ1000ريال

وياراعي الموضوع التايواني هذا اغلبيته ستيل تقليد وصبغ اللون فقط ولا مامنه فايدة الستيل الاصلي الراس لحالة فوق 4000سويدي اصلي

لكن للفتك ماله الا البحريني ناس واجد مدحوه عليه ويفرق فرقية واضحة

[You Like Me]

والله يابو ابراهيم مثل ما ذكرت
انا والله ماخذه بنفسي من ورشة الخوانيج بالامارات
سمعت بعدين ان شغلهم محد يمدحه لكني مشكك وانت الحين أكدت لي الخبر :(
لكن يخوي مدام انك تبخص فيها
السويدي الاصلي وين احصله وهل سعره 2500 كامل ؟
ايضاً الراشديه وين احصله وبكم تقريباً الاقيه

[راعي الفتك 9]

المشكله عندك بحساس الشكمان لازم تركبه وتشوف الفرق

[ابوابراهيم333]

كراج السويدي بصناعية دبي

ورقمهم
موبايل منير صاحب القراج: 6526607-050
والمحل: 2850930-04

طبعاً الارقام تضيف عليها فتح الامارات