الله لايهينكم يا اصحاب الخبره ...بخصوص العزبه

[التقرير]

بسم الله الرحمن الرحيم

السلام عليكم ورحمه الله وبركاته

ودي اشتريلي عزبه كامله مكمله من الى بس تنقصني الخبره يعني
1 ابي شنطه للرحلات احط فيها الاغراض
2 الدافور
3 السكين
4 القدر
5 ثلاجه للمويه
6 ثلاجه للبارد
7 الفرشه
ابيها عزبه كامله الله لايهينكم وشكرا

[ابوشعيل97]

وعليكم السلام

ان كانك بالرياض عندك محلات كثيره
السنيدي الدايري الشرقي مخرج 12 وانت موجه للمطار
برق الحيا مخرج 15
ذئب الصحراء شمال الرياض قبل العويس من الشمال

بتلاقي ان شاء الله كل العزب عندهم موفق

[ابوشعيل97]

واي شي ابشر بعزك

[سعود الحربي]

مافهمت قصدك تقول عزبه وتبي تشيل فيها ثلاجات وفرشه

العزبه شل فيها كل شي ماعاد الثلاجات والفرشه وانصحك ان تاخذ متوسطة الحجم شراع تنزاني

وبالتوفيق

[nahham]

نصيحتي لك خلها شنطتين وحده للطبخ والثانية للقهوة والشاهي
الشنطة الحدة ثقيلة ومتعبة في الشيل والحط والطلعات الخفيفة يمكن ما تحتاج لشنطة الطبخ

والرأي الاخير لك

[جت كذا]

نصيحه خذ لك عزبتين وحده صغيره وخفيفه للقهوه والشاي والثانيه وسط لعزبة الطبخ والسنيدي فيه كل ما حتاج و كل ما كان الشي خفيف واصغر حجم كل ما كان اسهل وارغب في استخدامه واذا بتصرف لي انتداب جيت وشريته لك . والله يجيب المطر .

[قناص مزاجي]

بسم الله الرحمن الرحيم

السلام عليكم ورحمه الله وبركاته

ودي اشتريلي عزبه كامله مكمله من الى بس تنقصني الخبره يعني
1 ابي شنطه للرحلات احط فيها الاغراض
2 الدافور
3 السكين
4 القدر
5 ثلاجه للمويه
6 ثلاجه للبارد
7 الفرشه
ابيها عزبه كامله الله لايهينكم وشكرا

عندك الغرابي تلقى جميع انواع الشناط ورخيصه وجوده في الصناعه

واكثر المحلات تشتري منهم

شناط السنيدي لا انصحك بها لانها تتقطع بسرعه العلاقات والسحاب يخرب

اما من ناحية الاواني

ما يحتاج تشتريها شوف انت تبي تطلع البر منت برايح تشخص بالعزبه او تصور معها

الافضل لك خذ الاواني من المنزل وخصوصا القديمه والشي اللي ينقصك ولا هو موجود في المنزل اشتره من برا

واذا تبي محلات الاواني افضل لك شارع السباله كل شي فيه انواع واشكل من الاواني

لانه مركز بيع الجمله هناك

[abuyazeed]

مثل ما قالوا الأخوان
عزبة صغيرة للشاهي والقهوة هذي ما تنزلها من سيارتك أبد

وعزبة متوسطة الحجم للطبخ واحرص انك ما تحشرها من هالمواعين فقط حط فيها الأشياء الضرورية والأساسية
ترا كثرة المواعين في البر تضيق الصدر

[محلات الكشاتة]

يمكنك مرور المحل
ومشاهدة كل ماتريد
والشباب ماراح يقصرون معك

[ابوصالح77]

بسم الله الرحمن الرحيم

السلام عليكم ورحمه الله وبركاته

ودي اشتريلي عزبه كامله مكمله من الى بس تنقصني الخبره يعني
1 ابي شنطه للرحلات احط فيها الاغراض
2 الدافور
3 السكين
4 القدر
5 ثلاجه للمويه
6 ثلاجه للبارد
7 الفرشه
ابيها عزبه كامله الله لايهينكم وشكرا

وعليكم السلام والرحمة
1- الشنطة قماش تنزاني أو كوري ( ومثل ما قالوا الربع شنطتين للقهوة وللطبخ )
2- الدافور خذ بريموس أو إيطالي .
3- السكين وارد السيف أو أي سكين .
4- القدر إحرص على الستيل سواء فرنسي أو الصيني
5- ترمس خذ الحجم الصغير
6- ثلاجة (حافظة) خذ بروميد
7- الفرشة على حسب إستخدامك خذ مدات بالشتاء وسجادة في الصيف
تقبل مروري

[سديراوي نت]

أخوي ابوصالح.. كيف ياخذ مدة في الشتاء؟ اللي اعرفه ان المدة تمتص البرودة.. او قصدك علشان المطر.. آمل الإيضاح.

[هاوي الفلة]

فعلا كلام الأخوان سليم خذ شنطة لأدوات الطبخ وحبذا تكون تنزاني وشنطة لأغراض القهوة وكذلك حبذا تكون تنزاني
مع ملاحظة عدم المبالغة في أحجام الشنط .
وأسأل الله للجميع التوفيق

[التقرير]

الله لا يحرمني منكم ويوفقكم ويستر عليكم كفيتو ووفيتو
ونعم المنتدى ونعم الرجال .........باذن الله راح اسمع كلامكم
شكرا