مشورتكم يا اهل الهايلكسات

[ابوقيان]

السلام عليكم ورحمه الله وبركاته

كيف حالكم ان شاء الله بخير

يا جماعه عندي هايلكس 2011 GLX سعودي غمارتين

ما شي حالياً تقرريباً 3300 كيلو توه جديد

ابي ابيعه اليوم وناوي على فتك

انا مركب له جنوط مرسدس( سود) وكفرات خط
ودبة جمس -- مفصله بدون قص ولا تلحيم بس فك مساوير وتركيب الدبة الشد بلد موجودة
ومسجل شاشة حق FJ
وكل اغراضة موجودة


كم ضنكم يجيب لي اليوم ابي ابيعه ومستعجل على بيعته

[عاشق الشتاء]

ماعندي فكره ان شاءالله الاخوان يفيدونك

نصيحه اخويه لا تستعجل بالبيعه ولا تبين انك منحد على بيعته

الشريطيه مايرحمون

[ابو راكانm]

تعال بشتريها منك انا بستخدم ..

0558800941

[ابوقيان]

يا اخوان الموتر نزلت اليوم معارض الشفاء

و وقفت سومته على 73000 ألف

وعلى اخر الوقت قبل اذان المغرب كانو الشريطية كلهم حولي يحاولون على السومه
نط بينهم واحد الله لا .... ( خرب الدعوة كلها )

قال 73500 وانا كنت بامشي قلت تم قال خلاص مشينا لمعرضنا يوم وصلنا
قال دقيقة بدخل انادي الوالد هو دخل ولا ما دخل

طلع وقال الوالد شرى واحد خلاص ما ابيهم بغيت اقتله من القهر

وطلعت من السوق بعد اسبوعين ان شاء الله لي جيت الرياض دخلته النسيم
وعلى فكرة السومة هذي والموتر وكاله كل شي كنت مركبة فيه فكيته

الموتر حالياً ماشي 3500 كيلو لأني جيت به قبل امس من الشرقية

ابو راكان ما راح ادق عليك الا اذا انت صامل وبتفرق عن الـ 73000

[alhrbe]

الله يرزقك البيعه الطيبة

ووفقكم الله

[مخاوي ذيابة]

والله الموتر جديد مشاء الله تبارك الله
نصيحه لاتستعجل ببيعته طببه اليوم الجمعهالمعارض ونشاء بيجيب زياده