شوركم يالربع

[البتاااار]

السلام عليكم ورحمة الله
يالربع أبغى شوركم في الشوزن البلجيك الفيوجن بالتحديد هي تستاهل اكثلر من عشرة في السعر

والا البيكال تفي بالغرض وأحسن علما ان استخدامي للشوزن ماهو واجد

وبالنسبة للبيكال ولا يهونوا الربع أبغى شور (أبوصالح )بشكل خاص

وعذرا على الاطالة وسلامتكم

[الكركي الملكي]

وعليكم السلام ورحمة الله
أخي العزيز أنا راح أكلمك عن البراوننق فيوجن مع ان شوزني بيكال لكن انت طلبت رأي أخونا أبو صالح وما نقدر نتكلم قبله .
بالنسبة للفيوجن هل تستاهل هذا السعر ؟
نعم هذا أسعارها المتعارف عليها عندنا في السعودية (الجديدة وغير المستعملة) ويمكن ارخص شوي ويمكن أغلى شوي على حسب المناطق .

أرجو أكون وضحت لك لو شي بسيط من استفسارك .
ودمت في حفظ الرحمن .

[عقيد حرب]

والله دور لك بيكال 30 انش تفي بالغرض وسعرها فيها واذا انت تبي تاصل ل10000 اشتر الماكسوس من من جديد شركة براونق البندق العملاقة ترى حول هالسعر بندق تستاهل هالسعر بحق

[البتاااار]

أخوي الكركي الملكي وعقيد حرب بيض الله وجيهكم وجمل الله حالكم

وعساكم ذكر

وتسلموا على الردود

[مجاوب الذيب]

صباح الخير ,,

حياك الله أخوي , ما ودنا نتعدى على أبو صالح دامك طلبت شوره بالبيكال ..

لكن بالنسبة للشوزن البلجيك إذا تقصد براوننق فيوجن ايفولف ما تاصل العشرة ..
لأني أعرف واحد معه نفس السلاح سبطانه 32 انش ومعها تشك خارجي يصير طولها 34 إنش ونضيفه جداً ما تفرقها عن الجديد
معها أربع تشكات والخامس خارجي وقفل الزناد والكتلوج وجميع اغراضها وباعها بـ 9000 ريال ..

والعلم عند أهل العلم ..

[البتاااار]

أخوي مجاوب الذيب الله يسعد أيامك
وتسلم على الرد