الحمد لله تم انهاء اعمال الملحق التراثيه الأساسيه

[الشنه]

يا يالربع تدرون قدر الله على وعمرت
وانا الأن خلاص حول ما اسكن


وهذا الملحق خالص والحمد لله وحبيت اوريكم الصور
ونتشرف بجلستن فيه مع رجال شرواكم
ولا نستغني عن مقترحاتكم ونقدكم البناء
وترى العامل باقي له 1500 ريال
يعني بيظبط ويعدل لو فيه شي يحتاج تعديل


في البدايه الملحق مساحته 4.5*5.80 م
كلف 7500 ريال بالمدخنه بكل شي حتى مروحة الشفط رصيته وجابها


الوجار واعمال ديكور الجدران جص مخلوط مع جبس
مب جبس لحاله


ارضية الوجار طوب حراري



وكامل الجدران بالديكور مدهونه بماده كميائيه شفافه
لا الجص بيوصخ الأثاث ولا الطين بيحت ويتهلهل



http://up.foraten.net/uploads/786cfc9c1a.jpg (http://www.foraten.net/)
[






http://up.foraten.net/uploads/afcfde3f12.jpg (http://www.foraten.net/)







http://up.foraten.net/uploads/d42aee48cd.jpg (http://www.foraten.net/)






http://up.foraten.net/uploads/b5bc726bf3.jpg (http://www.foraten.net/)




وباقي العده من برقان ودلال وقز وخلافه اذا سكنت في القريب العاجل بأذن واحد احد وفيتها

[جون الشمالي]

مشالله تبارك الله
لا اله الا الله

مجلس مضبووظ
هههه وانا اخوك اشتري الحطب قبل مايسير غالي
تقبل مروري

[ابوعبود6]

ماشاء الله
الله يجعله منزل السعد
تنزل فيه وتتهنا فيه

[metub1404]

ماشاء الله الله يجعلة منزل مبارك بس لاتنسى تعزم اعضاء مكشات

[ابوشلاخ1]

ماشاء الله
الله يجعله منزل السعد
تنزل فيه وتتهنا فيه

[العنابي 616]

الله يبارك لك فيه
ما شاء الله تبارك الله شغل مرتب

[أجسن الأسماء]

بارك الله لك فيه
مطلوب جوال العامل المنفذ له

[يا سلام سلم]

ما شاء الله ،،،

منزل مبارك ،،،

ومشب مبارك ،،،

اولا : لازم تحط سحاب يمشي عليه المنقل ولازم المنقل تكون له الكفرات الحديد!!!

لا تقول ليه ؟؟

لان المنقل اللي بدون سحاب تمشي عليه الكفرات وبدون كفرات ، يكون صعب تحريكة خاصة اذ امتلا رماد ،،

وفيه نقطة ثانيه اذا رصيت الحطب وشبيتها وجيت تقدمها جوا المدخنه ( في بداية الشبة )

ما راح يمشي معك المنقل الا بصعوبة ويمكن مع قوة الجذب او الدفع تخرب رصة الحطب ويمكن تطيح العودان ، مما يسبب لك حرج كبير واذ كان على المنقل دلال واباريق منتب قادر تسحبه الا لين تشيلها كلها عشان ما تطيح ، ( طبعا انا مجرب هذا الشي واشوف مشب الزملاء متعبهم كثير كثير )

ثانيا : يوم اسوي المشب عندي قالي السوري تبغا المنقل مطلي ذهبي مع يد ذهبيه فخمة شوي ؟؟ قلت شكل هذا السوري بيستغلني لان الفرق بين الذهبي + يد حديد فخمة والا سود يعتبر فرق كثير شوي ،،

قلت له لا ،، وبعدين يوم استخرت قلت يا ولد خسران خسران توكل على الله ،،

وخليته يجيب المنقل مطلي ذهبي +يد مساكة وصراحة من ابدع ما يكون ومعطية شكل حلو ،،

( يمكن يقول احد ان اللون بيروح )

اللون صار له سنتين اللي راح منه الجهة الخلفية والجانبية اللي تتعرض للنار ،،

اما الجهة الامامية ما تغيرة وباقي اللمعة فيها ،،

معلومة للاخوان ( الدلال والاباريق اذا صارت غالية وعليها العلم ) ما تنحط على النار ابدا ،،

ولكن يسحب لها جمر على جنب ليحافظ على رونق الدلة والابريق .....

هذا اللي طرالي ،، بقوم اللحين اصلي ،،، برجع للموضوع ان شاء الله ،،

واللي تبيه اسال ولا حرج ،، واذا ما رديت ارسل على الخاص ،، تعرف خميس وجمعه لازم خته ،،

[العاذر]

ماشاء الله تبارك الله , منزل مبارك ان شاء الله والله يتمم لك على خير

شف ونا اخوك فيه ثريات دائرية على شكل سرج تتكون من عدد 5 سرج ولونها نحاسي لاتفوتك بيكون شكل المشب روعه

[بوخليفه77]

تبارك الله
الله يهنيك ويوفقك
تحياتي

[عويس]

http://up.foraten.net/uploads/d42aee48cd.jpg (http://www.foraten.net/)














جعلة منزل مبارك
اشوف الشباك بعيد عن التراث الطيني ومخرب الشكل شوي .
يبيلك تركبلة بيبان خشب والباقي كله تمام

[مازن القصيمي]

ماشاء الله تبارك الله
اللهم اجعله مجلس ذكر وعامر بذكر الرحمن
منزل مبارك ولو سمحة موقعك وين واذا في القصيم ابي رقم العامل صراحة ماخفيكم تعبة وانا ادور

[البدايه]

الله يبآرك لك فيه

اتمنى ما تنسى المغسلة اللي تكون اخر رف في الوجار

ولا تنسى اهم شيء يكون في فيش كهرب قريب لك .. تحتاجه تشبك شاحن للجوال مثلا او اي احتياج للكهرباء يكون قريب

وبالنسبة لتفصيل المنقل او المنقد ..

بعضهم يثبت المنقد ويركب زي الغطاء العلوي ويكون هو اللي يتحرك
وبعضهم يخلي المنقد ع كفرات وتكون الاضيه هي اللي تتحرك

والافضل بالنسبة لي الثاني .. لكن بعضهم مع الخيار الاول ويستخدم الغطاء العلوي احيانا كـ مقرصـة :) او يضع عليها الدلال والأبآريق


وانت بالخيآر

[سرهيد]

السلام عليكم

هلا وغلا باخوي الشنة

والمنزل مبارك ويعله بيتك عامر بوجودك آمين

الحقيقة المشب لا غنى للواحد عنه ، وانا ولله الحمد عندي اثنين واحد في البيت واحد في الاستراحة ، وكلها طراز قديم

واعتقد انك سبق وطرحت موضوع تشاور في ذلك وهذا رابطه

http://www.mekshat.com/vb/showthread.php?t=197546

وكنت ودك تسوي النبر فوق بس وش اللي اخلفك رأيك

انا عني مسوية بالطراز القديم اللي النبر فوق المشب وفيه مروحة نفخ للنار من الطراز القديم اللي تسمى مكينة ضو



http://www.mekshat.com/pix/upload/images50/mk40450_teen.jpg

http://www.mekshat.com/pix/upload02/images74/mk40450_teen7.jpg

http://www.mekshat.com/pix/upload02/images74/mk40450_teeen2.jpg

صورة جانبية

http://www.mekshat.com/pix/upload02/images74/mk40450_teeen3.jpg

وعلى العموم اي شيء يكون على مزاج الشخص نفسه فهو الزين وهو اللي يطرب راعيه

ربي يمهلك آمين

تقبل مودتي

[dr.mekshat]

مشالله ملحق مبروك
تقبل مروري يالغالي

[يا سلام سلم]

مثل ما قال اخوي البداية ،،

المغسلة لا تنساها وفيه مغاسل صغيرة وحلوة ،،، وترا المغسلة مهمة جدا جدا،،

وبالنسسبة لفيش الكهرب ،، اذا ما تبي تكسر الجدار ،، انا مديت توصيلة من تحت المساند وجاية مظبوطة ،،

طبعا هذي التوصيلة انا مسويها من محل مواد البناء ،،

اهم شي اني حطيت التحويلة في النهاية علبة مثل اللي بالجدار اقواى واحسن ،،

طبعا التوصيلة مهمة للغاية ( طاحونة ، هيتر كهرب ، شاحن ، ... )

بالنسبة للقز ،، لا يفوتك قز بعلمك عنه اذا بغيت تشتري ،، ممتاز ممتاز ،،

فيه حركة حلوة شفت واحد مسويها بالحطب ،،

لكن انت لاحق على خير ،، اذا خلصت من الاساسيات علمني;) ،،

تقبل المرور ،، واذا طرالي شي بعلمك ،،

[ابورايف]

ماشاء الله تبارك الله
ملحق رائع
جعلة عامر

[jgjc]

ماشاء الله
الله يجعله منزل السعد
تنزل فيه وتتهنا فيه

[azoz466]

ما شاء الله تبارك الله

[تناهيت]

ماشاء الله منزل مبارك

شغل مرتب الله يمتعك بالعافيه وتتهنى فيه مع من تحب

مع ازيد علىملاحظات الاخوان واهمها
1- المغسله ضروريه جداً لراعي المعاميل وخاصة في عز الشتا
2- الدرايش حاول تشوف لك طريقه فيها بحيث تغيرها الى خشب واغلب النجارين يسوونها .
3- يفضل تكحل زخرفه الوجار باللون الأزرق او البني الفاتح مع برتقالي .
4- الرخام اللي على حوايف الوجار اتنى تغيره وتخليه جبس عادي مثل وجار سرهيد او حجر .

تحياتي

[ابوسلمان رولك]

ماشاء الله

[nahham]

في البداية اقول لك ياعله منزل مبارك

شوف كم صورة يمكن تفيدك
http://nahhamm.googlepages.com/mal04.JPG

http://nahhamm.googlepages.com/mal03.JPG

http://nahhamm.googlepages.com/mal02.JPG

الصور اعلاه من موضوع لي في منتدى اخر تحت اسم استراحة ابو فواز

بالمبارك ان شاء الله والله يمهلك ويبارك لك في السكن الجديد

[أبوجهاد التبوكي]

ماشاء الله تبارك الله وعساه عامر بوجودك...

[الجحفة]

مبروك المجلس

[G-X]

مشاء الله شغل طيب والله يجعله منزل مباررك يارب عليكم ..

[معهم]

ماشاء عساه منزل مبارك

[الشنه]

أشكر الجميع على الأطراء والنقد البناء
المغسله فكرت فيها
فيها منافه وضررها اكبر
والحمد لله جنب الملحق دورة مياه ومغسله


بالنسبه للوجار
فكرت اخليه مغطى بالجبس
لكن تعرفون لا بد من كبكبة الشواهي والقهوه وسواد المعاميل
صعب النتظيف
الرخام امسح وخلاص


بالنسبه للشباك
في البدايه كنت حاطه شباكين صغار
لكن بعد طول تفكير فضلت الشباك الكبير
لكون شرقي ويطل على الكراج

وعلى مقدمة البيت
ويعطي نظره اشمل
الملحق راح يكون الجلوس فيه بشكل دائم صيف وشتاء

[يا سلام سلم]

يا شيخنا الشنه ،،

مسى الخير ،،

قريت ردك بخصوص الدريشة وهذا شي راجع لك ،،

اما بخصوص اطراف المشب الرخام ،، فانا اوافقك الراي ،،

لان المشب اللي عندي حجر اللي يجي لونه اصفر مدري بيج ،هذا الحجر تمخشت اطرافه وطلع كنه قطاعة خضار ،،

طلع كله مخوش ،، اجل كيف لو تحط الاطراف جبس ؟؟؟؟

بالنسبة للمغسله ،، ان طعتني ركبها !!!

ترا المغسلة الخارجية عندي اقرب من اللي عندك وانا ما شفت مغسلتكم ،،

وبعدين منتب جالس قدام الرجال رايح جاي !!

مره تغسل الفناجيل ومره الكاسات ( البيالات ) ،،

بتقول احط سطل ،، حط سطل ،، وبتقوم تغسل السطل ،،

تبي تغسل الدلة ،، وتبي تغسل ابريق من فتره ما سويت فيه شي ،،

تبي تغسل شخال القهوة وليفة القهوة ،،

طيب تبي تجدد القهوة والا الشاهي بتروح للمغسلة تكب الحثل والا الورق ،،

و تغسل الدلة والا البريق وترجع ،،

وازيدك بعد ،،

لازم تحط عند المغسلة الخارجية شخال عشان ما يروح الحثل ويسد المجاري والحثل نعمة ولا يجوز كبه مع المجاري ،،،

بعدين وانت رايح جاي قدام الرجال : مره بيقفون يحترونك لين تجي عشانهم في معرض سالفة ،،

ومره انت اللي تسولف وبتظطر تقوم وتوقف السالفه ،،
وهلم جرا ،،،،،،،،،،،،،،،،،،،،

وفيه بعد نقطة ،،

بدال ما تروح في كل مره تغسل المعاميل غسل معاميلك وانت في محلك ،،

لا تقول عندي شغاله !!!،، عندنا شغالتين في البيت والله ما مثل اغراضك وشغلك اذا صار عندك ،،،

وكمان نقطة ،، لا تقول انك ركبت وانتهيت ،، انا ركبت وكل شي ولما طرت لي المغسلة وتاكدت انها مهمة ،،

ركبتها بدون تردد وطلعت احلى حاجة ،،

احس اني غثيتك لكن تقبل المرور ،،،

[شامخ الشيـبان]

ما شاء الله شغل مرتب

الحوسة عندي
مشبي 4.5 * 5
وارتفاع 4 امتار
لاكن الخطاء عندي السقف
العسيب والخشب ( دماااار )
غير مرتب ولا مصفوف زين وكلف 2500

http://www6.0zz0.com/2010/12/01/17/900497751.jpg


اضفت فتحتان بالجوانب فوق

http://www6.0zz0.com/2010/12/01/17/150935454.jpg

مفصل لها درايش تفتح بالشد مثل الصورة

http://www6.0zz0.com/2010/12/01/17/812268059.jpg

والمجلس له دريشتين
وحده مثل الي تحت وخشبها قريب للي فوق
والثانية ثلاثة امتار وصعب احطها خشب وابي اسويها ان شاء الله قزاز عادية مثل الي انت سويت
http://www6.0zz0.com/2010/12/01/17/103067044.jpg

و في الزاوية تحت مكان جلوس المعزب حفرة بانيها
وهي مكان لأسطوانة الغاز
يطلع منها ماصورتين حديد وحده للقز
والثانية للوجار تصير تحت مكان النار ولها عين واستخدمها لشب النار
مع ان فيها خطورة كبيرة لاكن الله يستر

http://www6.0zz0.com/2010/12/01/17/426412130.jpg

[منتعش]

ما شاء الله
منزل مبارك والله يمهلك وييسر أمورك
وتحلو الجلسة أكثر أوقات الشتاء مع شبة الضوية
الله يوفقك ويحفظك ويرعاك .

[alhrbe]

ما شاااااء الله تبارك الله

جعله منزل مبارك

[alwssam6]

ماشاء الله تبارك الله الله يعطيكم العافيه على مجهودك الطيب

[فهد33]

ماشاء الله مبرروووووك عليك ولك أنا الآن بصدد عمل مشب سويت المدخنة والوجار باقي اصلح بالملحق الطين والجبس فلذا ............:) ابي منك تعطيني رقم هاللي صلحوا لك هالزين ولو على الخاص شاكر ومقدر أسأل الله أن يجعله منزل مبارك عليك وتتمتع به بصحة وعافية أنت وأهلك وأحبابك .

[ساري بريدة]

مشالله تبارك الله الله يهنيك

[بن سليم]

ماشاء الله تبارك الله

منزل العافية

[مسامر القمرا]

ماشاء الله منزل مبارك والله يبارك لك فيه عز الله انك اخترت وانه عز الجلسه ويجب المحافظه على تراثنا وتراث اجدادنا

عندي مشب من تصميمي وشوف عشان تستفيد بعض الاشياء من خلال تجربتي المتواضعه

http://sub3.rofof.com/img4/012mfkxn2.jpg

يبدو الكمار والمشب المتنقل وتبدو المساند قماش ابو طير المغربي والرسمه متسوايه وظغط الاسفنج 60 اذا تبي المحل اللي سواه على عيني والفرش من النوع القديم من سوق العرب بالحراج ابن قاسم

http://sub3.rofof.com/img4/012lfynh2.jpg

وهذا الشباك مثل ماهو بين المنيوم بس قلبته خشبي بالالوان الزيتيه وبالتجليده الخشبيه عشان الطابع التراثي وامن تصميمي وتنفيذي



واي خدمه تبيها او استفسار انا حاظر

تحياتي لك

[هاوي الفلة]

الله يجعله منزل مبارك ويجعله عون لك على طاعة الرحمن .
قل آمين .

[صقرحايل]

ما شاء الله تبارك الله
وشكر لك
لو سمحت ابى رقمه وانت وين باحايــــــــــــــــــــــل
والى يعرف احد باحايل لايبخل على بارقمه

[ابوصالح3]

مبروك مشب ممتاز والله ينزلك المنزل المبارك

[ال حميدان]

[CENTER]http://up.foraten.net/uploads/afcfde3f12.jpg (http://www.foraten.net/)[/CENTER

ماشاء الله تبارك الرحمن الله يجعله منزل مبارك ان شاء الله

[غربي هواوي]

الله يجعله مجلس عامر إن شاء الله

[ملك الكيرم]

مبروك منزل مبارك انشاء الله
ارسلي رقم العامل الله لايهينك

[القنـاص2008]

الله يهينك فية مجلس مضبوط

[المحذوف]

الله يطعمك من خيره وجعله منزل مبارك لك ولعيالك

[al_rayan]

ما شاء الله تبارك الله

الله يجعله منزل مبارك

ياليت اخوي ترسل رقم العامل على الخاص

الله يجزاك كل خير

[درب الكشات]

الله يعطيك على قدر ما سعيت له
دام انك تعبت و سويت ، ياليت الديكور الجبس الأبيض تعطية وجه بوية اصباغ ( أكريليك ) و هي بها خاصية تسوي الشيء المصبوغ بها مثل السيراميك ( الصيني ) مقاومة جدا للبقع و لامعة و سهلة الغسيل
ما راح تكلف زود الا يمكن 100 ريال بس .

الله يباركلك في مجلسك التراثي الجميــــــــــــــل جدا .

[الشنه]

الله يعطيك على قدر ما سعيت له
دام انك تعبت و سويت ، ياليت الديكور الجبس الأبيض تعطية وجه بوية اصباغ ( أكريليك ) و هي بها خاصية تسوي الشيء المصبوغ بها مثل السيراميك ( الصيني ) مقاومة جدا للبقع و لامعة و سهلة الغسيل
ما راح تكلف زود الا يمكن 100 ريال بس .

الله يباركلك في مجلسك التراثي الجميــــــــــــــل جدا .

الجدران كلها مدهونه ماده كميائيه شفافه
تستخدم لزيادة قوة الأسمنت وخاصه عند التلييص

لو تمسح بيدك على الجبص او الطين ما يلحقها شي

[الشنه]

اشوف كثيرين يسألون عن رقم المعلم الذي استلم الشغل

وبعد اذن الأداره ابحط رقمه اخشي يفوتني رد
ولا تنسون للعمال طرق كثيره لرفع السعر
احياناً يكون مشغول
فيضع سعر عالي اذا قبل الزبون ممتاز واذا رفض ولم يحصل اتفاق فالعامل لديه عمل وليس متوقف

حسن اختيار التوقيت
تدرون الأن كثيرين يفكرون في المشب والطين
فترتفع الأسعار
اعتقد ان الصيف انسب وخاصه قبل رمضان
اتفق معه على كل التفاصيل
وكن صادق في تعاملك لتجد التوفيق من الله ط
واعط الأجير اجره قبل ان يجف عرقه

وهذا رزق من الله
والرجال نصوح ودقيق في المواعيد وصادق
يحط امامك الصور والأشكال وانت تختار وتقدر تستفيد من خبرته
ونصايحه

وهذا رقمه وهو الأن في باكستان وبيرجع خلال شهرين
يستقبل المكالامات وهو هناك
0503214657

[فتى الوادي]

الله يجعله منزل السعد
ابي اسالك عن السقف ؟ مسلح ؟
وهل ممكن صور للمشب من الخارج؟

[أبو هاجوس2000]

جعله منزل مبارك . ومشكور على طرح الموضوع ....

[الستانس]

ماشاء الله تبارك الله شغلك نظيف ومتكتك


واهم شي لا تزيد الزباريق تروح حلاوه المجلس

مروحه الشفط فيه لها فيش خاص تتحكم بالسرعه شفته في استراحه واحد من العيال واعجبتني الحركه

انصحك فيها وبقوه وخله قريب منك

الفرشات اذا فرشت عند الوجار خذ من نفس النوع وقصه وحطه فوق الفرشه حوالين الوجار عشان اذا طاح جمر ولا شي

واذا جاك ضيوف تشيلها وتطلع الفرشه الجديده

الشباك ان دامك حطيته الله يبارك لك فيه وحط فوقه ستاره سدو ولا قماش من نفس المحيط بني مزبرق ولا تتكلف في الزبرقه للستاره

الباب ثم الباب ثم الباب اهم شي يكون معزول



والله يبارك لك في بيتك

[عتيق]

ماشاء الله تبارك الله

الله يجعله منزل مبروك

[شقران نجد]

ماشاء الله تبارك الله منزل مبارك ياخوي ....

ولكن زي ما قال اخونا باقي على الزين تكه قفل الشباك ببيبان خشب وعقبه دربك خضر ولا تنسانا من النزاله:D;)

[abosaad9119]

منزل مبارك ان شاء الله

[ابوريان2011]

الله يجعله مسكن عافيه ورزق لك ولاهلك

[ابومشعل3]

ماشاء اللة ناقصة شيبان يسولفون عن ايام زمان @@@@ اللة يديم الجلسة فية # تحياتي

[الشنه]

الله يجعله منزل السعد
ابي اسالك عن السقف ؟ مسلح ؟
وهل ممكن صور للمشب من الخارج؟


السقف مسلح والمدخنه من الخارج عاديه زي كل المداخن ارتفاعها 3.6 متر

[الشنه]

ماشاء الله تبارك الله شغلك نظيف ومتكتك


واهم شي لا تزيد الزباريق تروح حلاوه المجلس

مروحه الشفط فيه لها فيش خاص تتحكم بالسرعه شفته في استراحه واحد من العيال واعجبتني الحركه

انصحك فيها وبقوه وخله قريب منك

الفرشات اذا فرشت عند الوجار خذ من نفس النوع وقصه وحطه فوق الفرشه حوالين الوجار عشان اذا طاح جمر ولا شي

واذا جاك ضيوف تشيلها وتطلع الفرشه الجديده

الشباك ان دامك حطيته الله يبارك لك فيه وحط فوقه ستاره سدو ولا قماش من نفس المحيط بني مزبرق ولا تتكلف في الزبرقه للستاره

الباب ثم الباب ثم الباب اهم شي يكون معزول



والله يبارك لك في بيتك



هذا اسمه ( دايمر)
وممد له لي الكهرب

وجود حمايه حول المشب ضروري شكراً للتنبيه

[القلب الطيب]

الله يجعله منزل مبارك و لكن الوجار لا بد أن يكون الضيوف على الجهة اليمين وليس اليسار

[ابو سلطان 6]

يا يالربع تدرون قدر الله على وعمرت



وانا الأن خلاص حول ما اسكن


وهذا الملحق خالص والحمد لله وحبيت اوريكم الصور
ونتشرف بجلستن فيه مع رجال شرواكم
ولا نستغني عن مقترحاتكم ونقدكم البناء
وترى العامل باقي له 1500 ريال
يعني بيظبط ويعدل لو فيه شي يحتاج تعديل


في البدايه الملحق مساحته 4.5*5.80 م
كلف 7500 ريال بالمدخنه بكل شي حتى مروحة الشفط رصيته وجابها


الوجار واعمال ديكور الجدران جص مخلوط مع جبس
مب جبس لحاله


ارضية الوجار طوب حراري



وكامل الجدران بالديكور مدهونه بماده كميائيه شفافه
لا الجص بيوصخ الأثاث ولا الطين بيحت ويتهلهل


ممكن استفسار
التكلفة الإجمالية للملحق من البداية حتى النهاية
(( العظم وما بعد العظم من إصلاحات))

[فتى الوادي]

السلام عليكم ...
جعله مبارك .. ممكن صور للمشب بعد الأنتهاء ... وصور من الخارج والداخل



ممكن استفسار
التكلفة الإجمالية للملحق من البداية حتى النهاية
(( العظم وما بعد العظم من إصلاحات))

[ابو ركاد]

الف مبروك
وان شاء الله تشعم النار به دايم انت وابناءك
1- ضرورى مغسله صغيره
2- وجار سحاب على تواير
3- عمل باب للمدخنه من الخارج لتنظيف الوجار اذا كان لديك مجال
4- رفع منارة المدخنه كثر ماتقدر والسبب منع الدخان من الدخول للمجلس
ولن تحتاج للمروحه لانها تقضى على الحطب بسرعه ومزعج صوتها
5- وضع مجرى بالطوفه للهوز (اللى) حتى يكون الغاز بالخارج
والله يوفقك
واسمحلى على الاطاله