مشاهدة النسخة كاملة : وش أحسن ورشة تركب الونش على الموتر
السلام عليكم
شباب حبيت أسأل وش أحسن ورشة تركب الونش على مقدمة هايلوكس ؟
يستحسن ذكر ورشة بالدمام وإن ماحصل لو في الرياض
ومشكورين
عاشق الجبل
28/09/2005, 09:23 AM
وعليكم السلام ورحمة الله وبركاته
بالنسبة للرياض يوجد ورشة المواهب في الصناعية القديمة
تدخل مع الشارع العام قبل جامع العويضة متجه للغرب بعد 300 متر تقريبآ يجيك المحل وفوقه مجسم لدعامة كبيرة سوداء ( على ايدك اليمين )
غيّام
29/09/2005, 12:35 AM
ولا يهون ابو منصور لكن انا ما انصحك تروح للمواهب ابد لانهم مع احترامي لبو منصور وليس لهم نصابين واسعارهم عاليه واخلاق عمالهم زفت لكن رح للمميز وهو قريب مره للمواهب شغل عدل واسعار معقوله جدا
مع اعتذاري مقدما لبو منصور
اشكركم اخواني عاشق الجبل وغيّام
والله يعطيكم العافية
بس ماعليكم امر ياليت تشرحون لي الموقع اكثر
لأني ما أدل زين بالرياض
وبكم تتوقعون سعر تركيب الونش
والله يعطيكم العافية
الفحل 2003
30/09/2005, 02:28 AM
اخوي ولا يهون الشباب
تبي النصيحة رح لورشة المواهب ازين من ورشة المميز بالف مره واسأل مجرب ووصفها مثل ما قال عاشق الجبل اذا دخلت من عند جامع العويضة متجه غرب تمشي تقريبا 300 أو 400 متر تجيك ورشة المواهب على اليمين ، انت اذا جيت للصناعية اسأل عن جامع العويضة والناس تدلك عليه .
وسلامتك
اخوك
الفحل 2003
الرياض
شكرا لك الفحل
وتسلم على النصيحة
بس أي صناعية ؟
انا خابر اكثر من صناعية بالرياض
الفحل 2003
03/10/2005, 02:51 PM
اخوي
انا اقصد الصناعية اللي عند حله العنوز وانت تجيها من عند الدائري الشرقي واذا جاك مخرج شارع الامير سلمان تطلع معه متجه غرب وتمشي الين تجيك الاشارة قبل الاخيره تلف يسار متجة جنوب كنك متجه جهت مركز تشالنجر للقيور الاوتوماتيك واذا جيت اخر الشارع يجيك حرف T ( اتجاه اجباري يمين ) رح يمين ويجيك حرف T يروح يمين ويسار انت ديور وارجع متجه شرق واذا تعديت أول شارع يروح يمين وتراه سيدين يعني 36 متر ( تجاري ) وانت على نفس الطريق شف ورشة المواهب على يسارك وترى بابها يفتح جنوب واذا ضيعت اسأل عنها في هالشارع وترى ورشة المميز قريبة بس اسعاره عاليه وشغله زي قلته يعني أي كلام .
ارجو أني افدتك
وسلامتك
اخوك
الفحل 2003
الرياض
عاشق المزون
04/10/2005, 01:39 AM
الله يعطيكم العافية على هالوصف
وانا بعد ابي اركب تانكي والكل يمدح المواهب لي ابي اروح لهم وعلى الله احصل مثل ماقالوا الناس لي .
اخوي الفحل 2003
الله يسلمك على الشرح الوافي
وان شاء الله ما أضيع
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir