الجيب عندي يهرّب زيت من القير والماكينة .. محتاج نصائحكم

[الوهم]

مساء الخير

عندي جيب gxr موديل 2006

فيه تهريب زيت من الأسفل من جهة القير وفيه تهريب ثاني من جهة الماكينة

جيت ورشتين قالوا صوفة القير وصوفة الماكينة تحتاج تغيير

ولايكون التغيير الا بفك القير والماكينة

اسمع كثيرا ان القير والماكينة اذا تم فكهم لايمكن يرجعوا زي اول ابدا

حيث تبدا الاصوات والطقطقة و ......

بس هم قالوا لي مو ضروري تقوم بتغيير الصوفة في هذا الوقت لأن التهريب قليل وماعليك الا ان تزيد الزيت كلما نقص

طبعا انا اعاير الزيت اجد ان النقص قليل جدا ولكن التهريب ملاحظ

حيث انني عندما امشي مسافة طويلة واتوقف اشم رائحة الزيت المحروق


المهم

انصحوني بما افعله .. ولكم شكري مقدما

[المريكبات]

والله وانا اخوك نفس حالتك بالظبط انا سيارتي تنقص الحين تقريبا نص علبه الين تجي التغيره القادمه

واشوف شوية تهريب زيت على راس المكينه ونفس الشي توقعت انه صوفه

خليته على وضعه الحمدلله

سيارتي 2005

[قصمي]

غير الصوفه وارتح
http://www.mekshat.com/pix/upload04/images190/mk189038_sunset.jpg

[بومهاوش]

لا يخرطون عليك وش اللي فك قير و مكبنة

اذا المكينة تهريبها من قدام فالصوفة الاماية تتغير و المكينة بمكانها

اذا التهريب من ورا عند القير ينزلون القير 250 -300 ريال و بكذا يقدرون يغيرون صوفة الجير و يقدرون يغيرون صوفة المكينة بدون فك مكينة مجرد ما ينزل القير يفكون الحذاف ( 4 بلوط) و تصير الصوفة الخلفية واضحة تماما

و الصوف مو غالية يمكن 20 و لا 30 ريال الوحدة اذا مو اقل

[ملك الفكتوريا]

يالغالي رح لورشة محترمة حتى لو غالية يعني بدل ما تنزل القير بـ 350 ريال رح لواحد فاهم وبـ450 ريال مو مشكله


انا سيارة اخوي اكسنت غيرنا صوفة القير يفك القير ويغير الصوفه ويرجع يركب القير وبدون مشاكل

[هوايتي مكشات]

صوفه وتخلي القير والمكينه ينقصن

[عاشق الماركيز]

يالغالي لايلعبون عليك انا مغيرها بسيارتي القديمه كابرس لافكو لامكينه ولاهم يحزنون كل الي سووه فكو القير وضبطو كل شي وماخذ من وقتي ساعتين والصوفه قيمتها ثلاثين ريال

[ابوصالح77]

حبييبي
إذا كان تعريق فقط لاتسوي شيء لكن شيك على زيت القير كل فترة
ومن تشخيص الورشات موترك قير عادي
أما إذا كان التهريب واجد فلازم تغيرها
وبالنسبة للتعريق في أغلب الأحيان يتوقف من نفسه أهم شيء لا تزود الزيت
وأنا موتري فيه تعريق بين القير والماكينة ( ومطنشه)
وفيه تعريق من صوفة القير الخلفية وبدلتها ورجع التعريق .
وفيه تعريق من صوفة الصدر له سنة وبدلتها بعد ماشفتها زاد التهريب (صوفة ووجهة طرنبة الزيت)
تقبل مروري