أبي أصيد شيء جديد..

[محمد محمود3]

السلام عليكم

قبل كل شيء، أحب أشكر كل الإخوان في المنتدى من مؤسسين ومشتركين وأنا شخصيا استفدت منه كثير.. جزاكم الله خير

أنا هاوي صار ليي فترة وأنا أحدق من على السيف، وغالبا الصيد يكون من هذي الأنواع:


شعري
مچوة
حاقول
لحلاح
شعم
نيسر
قرقفان
بزيمي
دويلمي
فسكر
وحر
بدح

زمرور
جنم
ربيب



وهناك أنواع لا تؤكل مثل چليب الدو وأبو الطيب والسوّاد وغيرها.. ومادري إذا نسيت شي

السؤال اللي يطرح نفسه الآن، أنا زهقت من هالأنواع هذي أبي أصيد شيء جديد، شتنصحوني فيه؟ مع العلم أن الييم اللي أستخدمه هو الربيان فقط

وسلامتكم.. :)

[O M A A R]

وعليكم السسلآم ورحمة آلله وبركآته

مً ششآء آلله علييك وشش بقيت من نوع مً صدته :D

طيب دآمك تبي ششي جديد جدد آلطعم وغيرهـ خذلك مييد أو أخطبوط أو عجين أو ثوم مخلوط بالعجين أو قوآنص دجآج

ولو تحوول سنوركل وغوص بتلقى أنوآع جديدهـ وتختآر على كيفك :p

كل التوفيق لك أخوي محمد

[محمد محمود3]

مشكور أخوي عمر على الرد.. راح أجرب الميد وأرد لك خبر

وعندي سؤال: ويش يضرب على الميد؟ وينفع أقطعه وأحدق فيه بميدار 12؟

[ابو ناصر22]

قبل كل شي احمد الله انه رزقك هذه الانواع !!!

غير الطعم في انواع كثير للطعم و في شي طعم حي

[محمد محمود3]

الحمدلله رب العالمين.. طبعا يا أخي ابو ناصر لله الحمد في الأولى والآخرة

وإن شاء الله راح أبدل الييم وأشوف، وإن شاء الله نعرض لكم صور الصيد هني :)

[O M A A R]

مشكور أخوي عمر على الرد.. راح أجرب الميد وأرد لك خبر

وعندي سؤال: ويش يضرب على الميد؟ وينفع أقطعه وأحدق فيه بميدار 12؟


العفو أخوي محمد ،، يضضضرب علييه يً طويل العمر حبيب الكل السبيطي

والهآمور طبعآ هذي عن تجربه ششخصيه ،، وإذآ انك نآوي ع السبيطي ششف هالموضوع

القبقب يعمي السبيطي (http://www.mekshat.com/vb/showthread.php?t=338817)

وكل التوفيق لك

[بحرالخبر]

ماشاء الله تبارك الله ماخليت شى اذا بقيت تصيد سبيطي
اولا بسم الله
ثانيا الموقع والوقت والماية والطعوم ثالثا نوع الخيط وقوته والثقل والميدار
رابعا عليك بالصبر وترك الهموم
خامسا تغير ومتابعة الطعم والمكان
سادسا الميد والسلوس تكون الطعوم
سابعا ميدار سبعة اوثمانية هم الأمان
ثامنا والثقل مقاس اثنين له لزوم
تاسعا ربي يوفقك وتصيد سبيطي وهامور

[alwssam6]

الحمدلله رب العالمين

[بحرالخبر]

الحمدلله رب العالمين
اخي الوسام 6
السلام عليكم ورحمة الله وبركاته
جزاك الله خير وماقصرت وشكرا على المشاركة الطيبة وبارك الله فيك قل خير او ....
وانت الذهبي شخليت لغيرك
اخوك ابوعبدالرحمن

[وليد الغربة]

الانواع كثيرة في البحر

الطعم الحي يجيب انواع غير

اخوك وليدالغربة

[accentkool]

نالك الا تغير البحر بكبرة من الخليج الى الاحمر بتصيد النواجل ههههههههههههههه

[محمد محمود3]

الإخوة عمر وبو ناصر وبحر الخبر والوسام ووليد الغربة شكرا لكم على تفاعلكم وردودكم الطيبة

الليلة طلعنا طلعة خفيفة أنا وواحد من الشباب والييم كان ربيان، وجربنا الخثاق ولكن للأسف ما حصلنا فرشّ، أخذنا من النوع اللي ينباع في البرادات في باكيت ومقطّع على شكل حلقات..

الصيد بالخثاق كان شعور وقرقفان :)

المرة الجاية نجرب الميد إن شاء الله ونشوف :)

[محمد محمود3]

هههههههههههههههههههه

أخوي أكسنت كوول والله تصدق فكرت أسافر عمان أشوف بحرهم شلون؟

ترى عن جد أتكلم! :D

[عقده]

ما شاء الله تبارك الله
اللسته 15 نوع :)