هل الحطب المحلي ممنوع ؟

[ابن عاشور]

السلام عليكم
الحطب المحلي الذي يورد من المدينة والوادي والجنوب
هل نقله إلى الرياض يعرضه للمصادرة أم لا ... وشكرا

[طير المحبه]

و الله اللي أعرف إنه يصادر ..

و الاخوان يفيدونك بحول الله

[ابن عاشور]

الله لايهينك
أنا في السوق أمس وسمعت ناس تقول أن المنع معلق
وفيه دينات جاية من الجنوب والوادي

هذا اللي حيرني

ومعروض علي حطب من الوادي وأخشى أن أشتريه ثم يصادر مني في نقاط التفتيش
وتخبرون أنظمتنا مثل تظليلة السيارة يوم مسموح ويوم ممنوع

ياليت العلم الصحيح الله يجزاكم خير

[ابن عاشور]

اللي يجيب العلم له شحنة

[swead]

لا بد تصريح .. والا بيصادرونه عليك .. فانتبه لا يضيع مالك ..

[ابن عاشور]

من أين أطلع التصريح

[نفود حائل]

من أين أطلع التصريح



على ما اعتقد من الامارة

ومن نفس الديرة اللي ناوي تشتري منها

[ابو تركي9]

السلام عليكم ورحمه الله
التصاريح المقصود بها المهنه ( حطاب ) على مااعتقد
لكن الى يشتري ومعه فاتوره يصادر افيدونا جزاكم الله خير

[طفران بس بطران]

حتى الحطب لاازم تصريح

[ابورايف]

اذا مافية تصريح يصادر
ومن اقرب دورية
لابد ان الي ينقلة لك شخص مكلف بذلك
وبمهنة (حطاب) ولكن السؤال بكم بينقلة لك
اكيد بيكون سعر النقل غالي
اتمنى اني افدتك

[ابن عاشور]

الله يعافيكم ياشباب كل باسمه ... ماقصرتم

[رسمال]

شراء الحطب المحلي مساعدة على قطع الاشجار لبرية
لا تساهم في تدهور البيئه
اعتقو الاشجار لله

[ابوصالح3]

فيه تعميم يقضي بمنع بيع الحطب المحلي نهائيا ابتداء من 1/1/1430 وحصر الكميات الموجوده بالاسواق واعطاء اصحابها مهلة لبيعها والاكتفاء ببيع الحطب المستورد

[ديزب]

والمستورد وين القاه ووش الفرق بين المحلي والمستورد ؟؟ اليس المصدر واحدا ؟؟

[محب الشبه]

والمستورد وين القاه ووش الفرق بين المحلي والمستورد ؟؟ اليس المصدر واحدا ؟؟

في الدمام