لوسمحتو ابي رايكم في الكشافات من الصين

[ا ببوعبدالعزيز]

السلام عليكم
ارجو من لديه معلومه ان يفيدنا حيث انني كلفت قريب لي رايح للصين ان يسأل عن الكشافات التي تشحن 12بالبطاريه او220 بالبيت وحصل ان اسعارها جيده حيث انك تضيف 10% مربح وتبيعها اقل من اللي بالسوق بمبالغ جيده وتوفر على الزبون لكن المشكله هل التجار لا يرغبون او انهم شبعوا او يوجد مشكل لا اعلمها حيث اني ارغب ان استورد طبعآ عن طريق مؤسسة وشغل مرتب لكني اريد ان اعرف الحقيقه حيث اني اكتشف اسعارها في الرياض مبالغ فيها كثير ارجو اللي عنده علم لا يبخل علينا مع الشكر للجميع

[مسامر القمرا]

عليك بكشافات برايت لايت تقنيه المانيه والتصنيع صيني تراعا زيييينه بالحيييل

والله يرزقك

[وسم الشما ل]

وعليكم السلام ورحمة الله وبركاته
جرب تمباس وماراح تندم الصناعه الماني المدى 1000متر الهيكل مصنوع من حديد الوزن اقل من كيلو وهاذي الصور



http://www.al-sharq2010.com/download.php?img=1221

[مكسر اللمبات]

أخوي والله انا شريت يباني 170من الرويضه العرض وانا مسافر والله حلو

[ابا الصلابيخ]

يا الحبيب والله يرزقك
فيه واحدن من الربع راح لصين وتمشى بذلك المبني الكبير جدأ
وهو مجموعة شركات
من ضمن مشترياته كشافات صغيرة اطول من اصبع الرجال بشوي
وهي على 3 احجار
الكشافات طيبة با الحيييل
يقول اول ماقالوا بـخمسين ريال للواحد
وبعد المفاصلة نزلوا من اسعارهم الشيئ الكثير
قال لهم انا اباخذ مجموعه تنزلون ولا سلام عليكم
قالوا تعال ننزلك طلع الرجال ذيب قالهم خلاص مانبغى منكم شيئ

اخيرأ والله انه شرى الكشاف بريالين
وانا حصلته اخوة من امه وابوه بمحطات الشرقيه 35 ريال شف الفرق

[جومانشي]

المفروض اخوي شريت نوعيات تجربه وعرضتها

بالسعر اللي يربحك ولا يخسرك

تعرف مدى قبول الزبون له

وبعدها اشتر ووزع في كل مكان

اما انك تستشير وحنا بالاساس ما نعرف النوعيه ولا الشكل وقوتها

فهذا ما راح يفيدك بشي

وتقبل مروري

[صقرحايل]

ماشاءالله تبارك الله
والله يرزقك ان شاءالله

[مقرع الحق]

المفروض اخوي شريت نوعيات تجربه وعرضتها

بالسعر اللي يربحك ولا يخسرك

تعرف مدى قبول الزبون له

وبعدها اشتر ووزع في كل مكان

اما انك تستشير وحنا بالاساس ما نعرف النوعيه ولا الشكل وقوتها

فهذا ما راح يفيدك بشي

وتقبل مروري

مابعد كلام المطلق كلام

[nahham]

اخوي المسأله كلها تعتمد على حسن التصريف اكرر التصريف يعني التسويق
غالبا اكثر المبيعات على محطات البنزين في الطرق السريعه

الله يوفقك ويرزقك