للي مر عليه مشكلة المثبت افزعوووا ،،

[العتيبي 88]

السلام عليكم ورحمة الله وبركأإأته ..
أسعد الله أوقاتكم بكل خير
كيف حالكم أإأخواني
أخواني الي مرت عليه مشكلة مثبت سرعة الباترول موديل 98 99 2000 صراحه لعب فيني ماخليت أحد مارحت له المشكله أن المفتاح الي بالطبلون شغال والزر الي بالطاره مايشبك ... سويت فحص كمبيوتر ولا بين اي خراب .. غيرت المفاتيح الي بالطاره .. ولا فيه فائده ..
أحد يكول يمكن من المسجل وأحد يقول من الاسطبات الخلفيه ... ولا أإادري وشلووون ...

الي عندهـ معلومه ولا شي يفيدنا لاننا خلاص .. علمنا ان احد الاخوان عنده نفس المشكله .. وراح للوكاله وقال فحص بــ 1000 ريال .. مهي معقوووله .. وأنا أتوقع ان الدعوى شي مايستاهل .. لاكــــــــــــــن على الله نحصل حل والبركه فيكم ..

[ولد الشقحاء2]

والله يأخوي العتيبي أنا صارت معي بسيارة كابرس و أخر شي صار السبب أن احد أنوار الاصطبات ما يولع وركبت المبه بريال واحد وشتغل المثبت ، بأنت شيك على جميع لمبات الاصطبات و لمبات الى تجي في باب الشنطة يمكن منها . تحياتي

[نجم000الشمال]

اخوي العتيبي :
غالبا المشكلة تكون التماس باسلاك الاسطبات الخلفية الجانبية والعلوية ، واذا صرت باليل في ضلام دامس والسيارة شغالة والانوار طافية شف الاسطبات يمكن تلقاها تومض شوي . لان المثبة يفصل باقل كهرباء تجيه من البريك ولا يشبك . والله اعلم.
انا صارة معي يوم غيرت اسطبات زينة في اليوكن ، واذا حلية المشكلة ياليت تفيدنا علشان نستفيد .
وتقبل تحياتي