رفعت الموتر وماشفت خير

[هيبه ملك]

شباب اليوم رفعت الموتر من الخلف بكعكات تقريبا 7 صانتي كان عندي صوت حنه في

الكرونه خفيفه وبعد مارفعته زاد الصوت ارجو من ملاك الباث او اي شخص مرت عليه

نفس المشكله اخباري للافاده وشكرا

[Fmejrad]

ودي افيدك يالغالي لكن للاسف ماعندي علم ..لكن يالغالي عندي سؤال .. وين فصلت الكعكات فيه ؟ هل هو بالرياض . اذا كان بالرياض ياليت توصف لي المحلات الي تفصل الكعكات وبكم يسوي لك الثنتين ولا عليك آمر ..

[مكشاتي مغترب]

7 صانتي !! وش الله حادك

المهم

الرفعه اللي زي كذا بدون تنزيل مستوى القير تخلي الكارونة تنجرش

لو انك رافعة 2 - 3 صانتي ماهي مشكلة
لكن اكثر من كذا لازم تنزل مستوى القير علشان مايجي الكارونة شي .
واحد من الشباب معه جي اكس رفع الموتر 5 صانتي وراح عليه الكارونة
رح لم ميكانيكي فاهم وخله ينزله واذا ماراح الصوت الله يعينك غير كارونة

تحياتي

[vza]

اكيد ما انت معيّن خير
7 سانتي ؟ واجد بالحيل يالغالي ..
3 الى 4 سانتي معقول

[AMAZ]

الكعكات كلام فاض ضررها اكثر من نعفها لانك ما تستفيد من رفع السياره وقت التحميل ترجع زي اول لكن افضل شي لرفع السياره المساعدات الاستراليه . انت الان خربت وزنيت سيارات والعمود صارمشدود وتغيرت وزنته مما تسبب في الضغط على تروس الدفرنس . الله يعينك الدفرنس مجرد يطلع فيه صوت ما عدا يروح لكن الحل والوحيد انك ترجع السياره كما كانت وتغير زيت الدفرنس بزيت اصلي من عند وكالة جي ام سي سعر العلبه الواحد 40 ريال ومعاه مثبت 30 ريال وتجرب ان شاء الله تضبط امورك .

[شاص]

الشباب أفادوك .. رفع 7 سم كثيييييير .. لازم ينزل القير شوي .. وأرى أن اليايات أفضل من الكعكعات لحل مشكلة النزول

[رحال الجوف]

يا نـــــــــــــــــــــــــــــــــــــــــاس يا عالم وش تبون با التعديلات الي ما وراها الا ضرر السياره

[هيبه ملك]

اشكر الجميع على افادتهم وعلى مرورهم العطر

[كاشت وحداني]

والله رفعته واجد بدون ماتنزل القير
اكيد بيضر الكرونه واشياء ثانيه .
الله يدلك ووييسرلك تصليحه

[هيبه ملك]

ودي افيدك يالغالي لكن للاسف ماعندي علم ..لكن يالغالي عندي سؤال .. وين فصلت الكعكات فيه ؟ هل هو بالرياض . اذا كان بالرياض ياليت توصف لي المحلات الي تفصل الكعكات وبكم يسوي لك الثنتين ولا عليك آمر ..
هلافيك ياالغالي

انت ماقصرت يكفي مرورك اخي الكعكات شريتها جاهزه من محلات القطع تجي مقسات

وبتحديد محلات قطع غيار الامريكي تحصلها بالهبل عندهم

تحياتي

[شاحط اليوكن]

الله يكون في عونك بس الزيت لاتغيره انا غيرته وراح الدفنس عندي

[عاشق الكابرس]

شيك على زيت الدفرنش اذ ناقص زته ونزل الموتر شوي وذ مارحت الحنه ممكن تحتاج توضيب الكارونه
واحذر من ابو يمن والنصبين الي يحطون اسعار مرتفعه لتوضيب الكرونه ونشالله ماتحتاج حق توضيب

[على رمشي تمشي]

ياخي غلط ترفع السياره 7سم اولاً يشوه المنظر ثانياً اضراره اكثر من منافعه
الرفع الطبيعي 3سم إلى 4سم فقط - اكان الله في عونك

[بدوي جنوبي]

دائما انصح بعدم الترفيع
لانه السبب في تلف الكرونا

[المحترف800]

رفعت الموتر واجده ..

[hz1oo]

نزل القير شوي ويروح الصوت وزيت الكارونة اصح تغيره يبي يزيد الصوت والارتفاع الزايد مضر

[alimuhammed]

الصوت اللي يطلع عندك ثابت ولافي وقت دون وقت

اقصد اذا طلع تقدر في نفس السرعة تخفيه بالدعس او التهدية او وزن الدعسة
اذا جوابك الاخير فبحث عن ميكانيكي شاطر يشد مسمار البنيون و باذن الله بيختفي الصوت او بيخف

[هيبه ملك]

الصوت اللي يطلع عندك ثابت ولافي وقت دون وقت

اقصد اذا طلع تقدر في نفس السرعة تخفيه بالدعس او التهدية او وزن الدعسة
اذا جوابك الاخير فبحث عن ميكانيكي شاطر يشد مسمار البنيون و باذن الله بيختفي الصوت او بيخف
كلامك صحيح اخوي الغالي الصوت يروح ويجي على سرعات معينه واذا خففت السرعه

يختفي الصوت بس انا ماعرفت وشو مسمار البنيون لو سمحت ممكن توضحلي

اشكرك على مرورك

[على رمشي تمشي]

اتوقع الصوت طبيعي بحكم انك رافع السياره من ورى حتى لو تنزل السياره بتلاحظ بأن الصوت بيختفي

[هيبه ملك]

اتوقع الصوت طبيعي بحكم انك رافع السياره من ورى حتى لو تنزل السياره بتلاحظ بأن الصوت بيختفي

مشكور ياالغالي

[هيبه ملك]

http://www.mekshat.com/pix/upload04/images193/mk186542_img0082a.jpg[/img

[راعي اليتامى]

والله انا اعاني من نفس المشكلة

بس سيارتي يوكن اكس لارج