محاولة حر بين الصميد والسلجة من الثلاثاء الى اليوم الخميس

[الرماوي]

تم محاوله حر خضر تام داهيه من كبره ماتقول هذا حر لقيه خالي حامد بن ناصر التلبحي يوم الثلاثاء الصبح 24/12 وحاوله واتصل علينا وجيناه من المدينه وحصلنا الطير يوم الاربعاء واليوم الخميس ولا الله كتبه لنا وضروف الدوام حدتنا على الرجعه حيث انهم ماوافقو على طلب الأذن من الدوام وحبيت ابلغ اهل المنطقه يقنصون له عسى الله يكتبه لهم الطير في منطقه يقالها الصميد قريبه من الرايس و بدر الطير يهد الصبح جهة صمدان مانعرف اسمها بس يقول خالى هالصمدان تحتها بحر البريكة يعني يوم تدربل على البحر تشوف بحر البريكة الطير حصلناه يوم الاربعاء الصبح بدري على راس سرحه جنب حزم تحته مزارع واجد يقول خالي حامد هذي الصميد والخميس نفس الحكاية لقيناه على راس السرح اللي فالصميد من جه الحزم تراها قريبه من الخط اقنصوله يالقناصه عسى الله يوفقه للمسلمين

[ذراع الذيب]

السلام عليكم ورحمة الله وبركاته,,
مسيت بالخير يالرماوي,,

خبر جدد فيني النشاط والحيويه والحماس يازين طراة الحر في مثل هالايام,,
عزالله اسعدتني بهالخبر الله يكتبه لكم ان شالله وتجينا بالخبر عنه لاهنت,,
تحياتي لك,,

[راعي طلاع]

بيض الله وجهك والله يكتبلكم اياه وجعل فالكم بعد النادر على نيتك الطيبه يالطيب.....

[قرناس شماالي]

الله يرزقكم بالي ابرك منه
ولاكن ماهو مقسوم وان شاءالله بتجيب خبر
ابرك من هلخبر