ابي افضل فراش بر

[مقطع الخليان]

السلام عليكم ورحمه الله :r

اخواني انا عندي فراش بر له اكثر من 10 سنين

وجاء اليوم الي نغيره به

فابي اسم فراش بر عن اصاله وتجربه

ويكون من المقاسات الكبيره والدافئه

ووين القاوه بالقصيم

[بيت النمل]

وعليكم السلام ورحمة الله وبركاته


قول الفصل لإختيار فرشات النوم، وتجربة علمية وعملية..................من( أبو مها )
http://www.mekshat.com/vb/showthread.php?t=185190



عطوني رايكم وش الفراش الزين ...... ابن عكاش
http://www.mekshat.com/vb/showthread.php?t=356770


.

[مقطع الخليان]

ما قصرت اخوي (بيت النمل) وكفيت ووفيت

بس بعد اذنك

نسمع باقي الاراء

[مقطع الخليان]

نستمع لباقي اراء الخبراء

[مطنوخ قطر]

انصحك في فراش الصحراااااااء,,في البرد القارص فقط.

[مقطع الخليان]

ما قصرت يا

مطنوخ قطر

[مقطع الخليان]

نـــــســـــمـــــع

[goldwater]

الله الله بفراش خالد الدريويش
خذه من مصنعهم بالرياض

[جوالة]

جربت الصحراء وممتاز ...
بس تراه يموتك من الحر من دفاه وإذا صار الجو زين خل السحاب مفتوح .

[الكَنْدَرة]

http://www.thenorthface.com/catalog/sc-gear/equipment-sleeping-bags-filter-category-cold-weather-below-0-f/inferno.html

[مقطع الخليان]

يعطيكم العافيه وما قصرتوا
كانت اراء جميله وعن خبره

بما اني بالقصيم

رحت لم ساكو / ولا لقيت فرش شغل محلي.

رحت لم السنيدي / المهم لقيت فرش واجد من الـ80 الى الـ 420 ولا وفقت في الاختيار بسبب ارتفاع اسعارهن.

رحت لم عروق الشمال / بعد لقيت فرش واجد بس لقيت عنده تنزاني ثقيل وحشوته من الدريويش بالرياض وكان من اهم ما اعجبني فيه مقاسه ( 120 * 230 ) سم وقماشه الداخلي امريكي بسعر 290 ريال

توكلت على الله واخذته وادعوا لي بالتوفيق

[مقطع الخليان]

UP,,,,,,UP

[Mohammed_S]

بكل صراحة انا عندي فراشين
1- ابو 70 ريال اللي على الخطوط يباع
2- الصحراء وبكل صدق شريته بعد تقرير ومقارنة ابو مها

واذا تبي الصدق ابو 70 ريال مخليه فراش للبرد الحليو والربيع والليل البارد
اما الصحراء لا طلعت للشمال والدنيا ثلج حولك توكل على الله ونم داخله

[رمال الصحاري]

الدريويش ممتاز

[مقطع الخليان]

ما قصرت اخوي

محمد , رمال الصحاري

[مقطع الخليان]

UP,,,,,,UP

[PATROL]

مقطع الخليان بالنسبه لي انا جربت فراش الصحراء بعز البرد وبصراحه ماحسيت بالبرد ابد بس مايعيبه الا كبر حجمه!
رحت مره للسنيدي وشفت فراش الخليج واعجبني صغر حجمه والبطانه حقته من ملمسها شكلها تدفي

[أبو ستري]

مثل ما يقولون لك الشباب ,, اشتر الدريوش وانسى الموضوع:)
شعار الفراش استمتع بالنوم ودع الدفئ لنا:p

[ماجلان 11]

بكل صراحة انا عندي فراشين
1- ابو 70 ريال اللي على الخطوط يباع
2- الصحراء وبكل صدق شريته بعد تقرير ومقارنة ابو مها

واذا تبي الصدق ابو 70 ريال مخليه فراش للبرد الحليو والربيع والليل البارد
اما الصحراء لا طلعت للشمال والدنيا ثلج حولك توكل على الله ونم داخله
من وين شريته وبكم سعره . وهل تنصح فيه بعد ماجربته؟

[أبومؤيد1]

فراش خالد الدريويش ممتاز شريت الفراش عام 1422هـ وحتى الآن وأنا استخدامه ،، طبعاً شريته من المصنع عند مخرج 17 تلف يمين غرباً والسعر 270ريال
//ومبروك على الفراش ونومة العوافي فيه //
ودمت بحفظ الله ورعايته

[المعرقب]

من واقع تجربه اشووووف فراااش الصحراء لايعلا عليه
بس فيه عذروووب اعرف انك لاطلعت منه بتقضي حاجه الفلونزا فيك فيك
يصفقك البرد تطلع منه ونت عراقااان
توكل على الله وشتره

[صاحب حي]

من واقع تجربتي
فراش القاضي الفصول الاربعة يجي مقاسات احسن
الخليج زين بس عمرة قصير
الصحراء ضيق ماتقدرتقلب فيه
الدريويش يدخل البرد مع السحاب

[الدوسري قااال]

فراش الخليج عند السنيدي روعة

[القلب المحروم]

خذ من القاضي فراش اسمه فراش الصمان
مقاس 1.2 في 2.4 مريح ودااااااااافيء جدا
العام الحرارة 2 تحت الصفر وداخل الفراش العرق يصب
بس تراه غالي شوي300 ريال

وهو نفس فراش الفصول الاربعة بكل شي بس الفرق بينهم الطبقة الصيفية زائدة
وبالصيف مانحتاج فرش عسانا نبردوسعر الفصول الاربعة حول 400وشوي

[PATROL]

الله يهديك ياصاحب حي! فراش الصحراء لو تبي تحط اهلك كلهم معك بالفراش اخذهم! انا اشوف انه اكبر فراش الى الان بس المشكله اذا صفته يجي كبير ويضيق على العزبه شوي

[مقطع الخليان]

ما قصرتوا يا شباب

والله يعطيك العافيه اخوي ابو مويد

وقد تم شراء فراش في الصفحه الاولى

[العاذر]

أخوي مقطع الخليان
عز الله انك شريت فراش
الدريويش لا يعلى عليه
واختيار موفق
تحياتي

[فادي الثواب]

فراش الفصول الأربعة من القاضي للخيام

ما راح تندم

[سعود محمد]

لاتتعدى الفصول الاربعة وخذ المقاس الكبير 1.50*240

[ابن بااارود]

القاضي ممتاز

[ماجلان 11]

من واقع تجربه اشووووف فراااش الصحراء لايعلا عليه
بس فيه عذروووب اعرف انك لاطلعت منه بتقضي حاجه الفلونزا فيك فيك
يصفقك البرد تطلع منه ونت عراقااان
توكل على الله وشتره


وين احصله فراش الصحراء . وبكم سعره؟

[abo swelh]

انا جربت حق المقناص صار له معي تقريبا 5 سنوات وهو زين والعيال بعضهم يستخدم حق خالد الدريويش يمدحونه
7
7
7
ان كنت تبي تفصل رح للمحل وانسدح وقل يالله ابي فراش على مقاساتي يصير تقل ثوب : ) تصير تتمدد وتتقلص على كيف كيفك وباي مكان وزمان هههههههههههههه

[قناص حرة العل]

تكفون ياليت صور و مقاسات فراش الصحراء

[عقيد حرب]

والله ياغالي جربت فراش الخليج الي عند السنيدي لة سمعة كبيره سعره ب295ريال لكن الحقيقة على هذا السعر المفرض يكون بالقمة لكن حقيقة على هذا السعر مايسوى هذي وجهت نظري وفية شي روعة بس غالي جداا ياصل 400 وفوق
فراش القاضي سمعت عنة لكن ماجربتة
هذا الي اعرفة تقبل مروري

[Mohammed_S]

من وين شريته وبكم سعره . وهل تنصح فيه بعد ماجربته؟

شريته طال عمرك من السنيدي
وصراحة أنصح به بحكم تجربتي له
الله يوفقك

[عبدالله614]

احرص انه يكون تنزاني

[TARTOOSH]

انا انصحك بان تختار لك فراش
بحيث ما يكون كبير
على شان ما ياخذ مساحه في عفش السيارة

[حاتم العمر]

الدريويش افضل لكل الطقوس .. هذا وجهة نظري

[سليل الطيبين]

شوف اخوي انا تقريبا جربت اغلب الانواع جربت حق الرماية حلو وممتاز كنا نطلع كانت درجة الحرارة عني توصل 6 وكان ممتاز وجربت السنيدي ايضا حلو ولا كن افضل شي جربتة حق القاضي ممتااااااز

[سمراني]

فراش المرباع نوع ( هاي ) مخمل أو بطانيه وإن شاءالله تدعي لي..

[_Abu Omar]

اللي أعرفه ان الدريويش هو الأفضل

بالتوفيق

[من بريده]

غير

فراش الفصول الاربعه لاتدووووووور

يوجد عند عروق الشمال بالقصيم

[omar 3]

الفصول الاربعه دافي بالحيل


أسأل مجرب

[fof6666]

فراش الصمان عند القاضي 1.2*2.2
ب260 ريال

[سحابة معتق]

هاذا تلقاه في محلات السليب باقات افضل سليب باق السنيدي وانا مجربه التدفئه voLوكويس جداُ

[اصيل نجد]

شف اخوي الدرويش انا مجربه عزالله دواء وشكشكه يعني دواء عن البرد وشكشه وذف بصفطه وشيله لك تحياتي

[المشكل]

الصحراء ماله مثيل لاكن اليوم لرحت لم السنيدي ببريدة حصلته بـ453 ريال والله حرام أنا ماره قبل شهر تقريبا كان سعره 390 ثمن صعد الى 420 ثمن الى 453 والله حرام وش الخربيط خراص والله يزود 70 ريال على الفراش 70 ريال به فراش جديد أنا بأذن الله أباخذ فراش خالد الدرويش ممتاز وسعره جيد