موقف طريف حصل لك بالسيارة......

[باث 3]

السلام عليكم ورحمة الله وبركااته







أسعد الله صباحكم-مسائكم بكل خييير


:)


لا يخلو الإنسااان من بعض المواقف الطريفه اللتي تحصل له في قيادته للسياره, وخاصة في بداية تعليمه للسواقه ههع:D


والله من النكبات



وبما أني بديت في الموضوع بأجيب لكم موقف حصل لأحد أخوياي


كان خوينا مستانس وفي قمة السروور تو أبوه شاري له كورلا 2006 أصفار وطبعا ما تعلم إلا عليها وخاصة أنها قير عادي


المهم بعد تقريبا أسبوع الرجال ماشي في طريقه بين مزارع وكان تقريبا يمشي 80 إلى 90 وفجأه ويظهر في وجهه ذااك الكائن الحي ....... وش تتوقعوون;);)






















تيس خخخخخخخخخخخخخخ:D:p:D


ولله ويشل أبو مندوبه وبعد ما وقفت السياره وش تتوقعون صار:eek:






الكبوت-الشمعات-الشبك-رفرف يمين. أنعدمت:eek:


طيب والتيس





حول من الكبوت وقام يركض ما فيه إلا العااافيه :D



وراح الرجال المرور وكان قريب من موقع الكارثه


سأله العسكري وين الطرف الثاني
(إحراااج صح)


قاله خوينا شوفوه هذاك البني خخخخخخخخخخخخخخ:D



والعسكري فقع من الضحك
خخخخخ



موقف لا يحسد عليه




ويا الله يا شباب نبي تفااااعل

[طفران بس بطران]

موقف بغيت انزل امن السيارة وترك ها للراعي المحطة اول مخذت الموترؤ اروح علاه اجيب فطور قلت مقد عبيت بنزين وجايك فرحان عبي يامحمد خمس الريال يوم جا بعبي الا مامعي فلوس قلت وقف وقف موقف قوي

[باث 3]

إحراااااااااج قوي




نورتنا بمرورك














وننتظر تفاعل الشباب

[أبو بسام]

الأخ الفاضل والقدير
باث3
حفظك الله ورعاك
وعليكم السلام ورحمة الله وبركاته
الله يسعد صباحك ومسائك بكل خير
موقفي يا أبن الأجواد قبل 22 سنه ماشي أنا وأم العيال بسيارة الشايب
مع طريق صحراوي كله بطناج والدنيا خاليه من العرب إلا ورائحة البنزين
داخله علي بالغماره ثواني إلا والسياره يوم طفت قلت في نفسي ألله من هالورطه
قطعه بهالخلا لا عارف ولا معروف ولا عربان حولي المهم نظرت تحت السياره
أبشوف هالبنزين إلي فاحت علي ريحته من وين جاي إلا وأشوفه يصب تحت المكينه
فكيت الكبوت وأطيح في صلب المشكله
حصاة طايره من الكفر ومالها عن صفاية البنزين إلي بجانب المكينه وتصكها في
مقر تركيب الهوز { اللي } إلا وهي كاسرتها
وبعد تفكير وإلهام من الله عز وجل قمت بأستخدام القلم الموجود معي بأن ألغيت
الصفايه وأوصلت الهوزين ببعضهما بواسطة أسطوانة القلم السفلى وأشغل السياره
وأكمل مشواري قبل أن يطب علي الليل بهالمقطعه
وهذا الموقف لن أنساه لصعوبته في ذلك الوقت والمكان والزمان
متأسف على الأطاله وشاكر طرحك أخي الكريم
ودمت بحفظ الرحمن
أخوك ومحبك في الله
أبو بسام

[ريان2002]

وعليكم السلام ورحمة الله وبركاته
الموقف اللي حصل معي محرج وهوكالتالي
قبل 7 سنوات تقريباً دخلت مطعم آخذ غداء وكان معي كابرس أبيض ويوم خرجت أحاول أفتح السيارة بالمفتاح عيت تنفتح معي
وقاعد أحاول أفتحها وأناظر في كتاب مرمي على مقعدة الراكب وأقول وش جاب هالكتاب عندي بالسيارة ورفعت رأسي إلا والسيارة حقتي جنب هالسيارة اللي أبغى أفتحها فألتفت جهة المطعم إلا وراعي السيارة واقف في باب المطعم ويناظر فيني
فرحت أعتذر له والرجال يضحك بالرغم من أن داخلية سيارته كحلي والداخلية عندي عنابي لكن كان بالي مشغول وقتها ومادققت
وسلامتكم جميع

[باث 3]

نورتنا بمرورك أخوي أبو بسام


ويعطيك ألف عافيه ع التفاعل

.
.
.
.
وننتظر باقي الأعضاء

[باث 3]

وعليكم السلام ورحمة الله وبركاته

الموقف اللي حصل معي محرج وهوكالتالي
قبل 7 سنوات تقريباً دخلت مطعم آخذ غداء وكان معي كابرس أبيض ويوم خرجت أحاول أفتح السيارة بالمفتاح عيت تنفتح معي
وقاعد أحاول أفتحها وأناظر في كتاب مرمي على مقعدة الراكب وأقول وش جاب هالكتاب عندي بالسيارة ورفعت رأسي إلا والسيارة حقتي جنب هالسيارة اللي أبغى أفتحها فألتفت جهة المطعم إلا وراعي السيارة واقف في باب المطعم ويناظر فيني
فرحت أعتذر له والرجال يضحك بالرغم من أن داخلية سيارته كحلي والداخلية عندي عنابي لكن كان بالي مشغول وقتها ومادققت
وسلامتكم جميع



خخخخخخخ:D

والله النكبه صدق

يا رجال زين ما قال أنك حرامي كان رحت وطي:D

أشكرك أخوي ريان 2002

[باث 3]

للرفع
للرفع
للرفع
للرفع
للرفع
للرفع

[الربذي]

طيب ممكن الواحد يطلع شوي انا كنت بالسوق واقول للمرة الي بجنبي وش رايك يا كلمه زينه بس مشفره وتطالع فيني استغربت ماردت وانظر الا ماهي زوجتي انواع الاحراج .
السيارة مرة ماشي واشوف اثنين جالسين قلت ابي امزح معهم اعرفهم طبعا اكيد يبون يهجون يوم وصلته ابي امسك بريك وبصحراء تخبرون تتزلحق السياره واحد جته ام الركب يبي يقوم وعجز حصله دفه بالسياره بس سلم الحمد لله وانا اتنافظ احسبني دعسته صرت ماامزح بالسيارة .
مرة مشينا والباب الخلفي الجانبي ماسكرته بنيتي كانت تبي تنزل معي بس ماعرفت تفتحه ويوم لفيت مع الطريق العام وينفتح الباب وهي تطيح بس كنت اسولف وماني مسرع والله ان راسها عن الكفرة الخلفيه اقل من 5سنتميتر يعني معجزة الله سبحانه من انجاها
ويجيني واحد يركض بشر بشر الله يجزاه خير بالرغم اني كنت اقول في نفسي وش يبي وقتها
. جاي يتطمن واذكر اني ماعبرته لجهلي
جميع السيارات المفروض يكون بها لمبة تحذيرية للباب ..

[باث 3]

:p
طيب ممكن الواحد يطلع شوي انا كنت بالسوق واقول للمرة الي بجنبي وش رايك يا كلمه زينه بس مشفره وتطالع فيني استغربت ماردت وانظر الا ماهي زوجتي انواع الاحراج .

وش عنده الرومنسي:Dبس صراحه أحس برد وجهك صح:p:D
السيارة مرة ماشي واشوف اثنين جالسين قلت ابي امزح معهم اعرفهم طبعا اكيد يبون يهجون يوم وصلته ابي امسك بريك وبصحراء تخبرون تتزلحق السياره واحد جته ام الركب يبي يقوم وعجز حصله دفه بالسياره بس سلم الحمد لله وانا اتنافظ احسبني دعسته صرت ماامزح بالسيارة .
والله ما عاد تتعودها(مزح صعايده) خخ:D:p
مرة مشينا والباب الخلفي الجانبي ماسكرته بنيتي كانت تبي تنزل معي بس ماعرفت تفتحه ويوم لفيت مع الطريق العام وينفتح الباب وهي تطيح بس كنت اسولف وماني مسرع والله ان راسها عن الكفرة الخلفيه اقل من 5سنتميتر يعني معجزة الله سبحانه من انجاها
ويجيني واحد يركض بشر بشر الله يجزاه خير بالرغم اني كنت اقول في نفسي وش يبي وقتها
. جاي يتطمن واذكر اني ماعبرته لجهلي
جميع السيارات المفروض يكون بها لمبة تحذيرية للباب ..


الحمد لله ع السلامه:(

وأنتبه لعيالك (فهمت يا بابا):p

شاكر لك تفاعلك,.,

.
.
.

[سعيد بن سعد]

اكثر المواقف المحرجة إذا كان الواحد يفكر بموضوع ماخذ كل تفكيره ..


بالنسبة لي مع السيارة مرة أخذت سيارة الوالد الله يحفظه سوناتا فضي ورحت الحلاق بالحارة وكان الوقت بالمساء وطلعت مستعجل وأنواع الأفكار في راسي وروح للسيارة قدام الحلاق وأمد يدي واسحب يد الباب ما انفتح وانا ما قفلت السيارة وأحاول وبرضه ما انفتح إلا الدريشة تنزل ويطالعني راعي السيارة ومعاه ثلاثة أخوياه وما انتبهت ان السيارة نفس الموديل واللون بس مظللة كتم .. طبعاً لقطت وجهي وأنا أتأسف . وشكراً على فتح الموضوع .

[NAIFABDALLH]

المواقف كثيرة وان شاءالله ابنقلها حلقات من كثرهـــــــــا /
ااتذكر كنت قادم من الدمام الى الرياض وكان الوقت عصير
المهم حصلت واحد يشر مبنشر وقفت وقلت سم ياعم كان كبير بالسن
الحاصل قال بنشرت ولا معى عفريته قلت خير انا توني شارى السيارة
ولا ادرى مع عفريته او لا المهم فتحت الشنطة لقيت العفريته جديدة ماشاءالله اللى قبلى مابنشر
الحاصل زبطت بنشر الرجال ورجعت عفريتى الى مكانها
وواصلت الى الرياض المهم لما تعديت كبرى الحارس بطريق خريص الا اسمع شىء
اطالع الا مبنشر لاحول ولاقوة الا بالله
يوم اربعاء وبخريص وعدم الكفر
واقعد اغير لمدة نصف ساعه حاله والله هذا الموقف قبل 14 سنة

[N-G-D--KSA]

ههههههههههههه
والله احراج

[اسهيل]

الموقف صار للوالد طلع من المسجد وركب سياره نفس سيارته بعدين مشي فيها يوم ناظر الا السياره تختلف ويقوم ويرجع يوم رجع اللمكان لقى راعي السياره واقف ويوم شاف السياره علطول حلو يوقف قدامه علشان ماينحاش بس يوم شاف الرجال مطوع وكبير في السن قال مافيه مشكله وقاله الوالد اني ركبت بغلط وسيارتي هذي قدامك ههههههههههههههه

[-ظل الجزيرة-]

كنت بادهنا وطلعت قدامي سياره ومسكت فرامل والى وخشمي اااااخخ الدم يصب

[الربذي]

اذكر مره توني متعلم السواقة المهم رحت للمزرعه وكان الطريق بين حفدين وكل حفد عليه شبك المهم وانا مشي واشوف حشره تمشي والف عليها ابي ادعسها الله يغفر لنا جهل واثاريني لفيت قوه وارقى على الحفد وارتبك وادوس بنزين المهم اني حست الامور واقش الشبك واتعلق براس الحفد:p:p بعد ان كسرت الشبك ونشب باسفل السيارة:eek::eek: في وضع مضحك والسياره بعد متعلقه براس الحفد وابلش بعمري وافكر وشلون اطلع الا ويجي واحد رحمه الله وغفر له وقال ماعليك ياوليدي ويدخل تحت السيارة ويقعد يقص الشبك بزراديه حتى خلص الشبك بعد جهد جهيد وعمل مظني وسحب سيارتي بمساعده اخر وخرجت تصدقون انه متقهوي عند ابوي بنفس الليله ولا اطراء له شي ياربي ياربي ارحمه واغفر له توفي قبل سنه تقريبا .رحمه الله.
ومرة اذكر بالجنوب ايام زمان يوم المرسيدس له قيمته رحنا لطائف نتمشى وكنا قطه والفلوس مع واحد لك عليه وكنا مانحبه لانه جلف صراحه وانا وواحد نتمرد عليه ولانسمع منه رحنا نتمشى قال ترا والله ان تاخرتوا نمشي عنكم وكنا بالشفاء ماادري الهداء وسكنا شقه بالطائف كنا طلاب وقتها وقلنا يكون خير مشينا تمشينا خربطنا بفلوسنا الي معنا وكانت القطه معه هو المهم رجعنا الا ماشي عنا هو وخمسه من اخوينا الي مايستحي وتاركنا ول وش السوات ومامعنا الا مبلغ بسيط جدا مايوصلك كيلوا وش نسوي قلت عندي فكره اسمع يافلان ابي اوقف عند المرسيدس على جانب الطريق وكان اصحابها فوق براس الجبل وقلت له اذا ركبنا ابي اسلك المفتاح معك وقل ايه معي زين اتفقنا
واول سياره وتلبق خير اي خدمه المرسيدس الاسود مايلعب قلت خير توصلونا لطائف قل اي خدمه نخدمكم بعيونا وش به سيارتكم قلت ماادري طفت فجاءه قال خلاص اركبوا نوصلكم وركبنا ووصلونا ببلاش ويعرضون علينا اي خدمه اي شي ناقصنا شي
جينا اخوينا قلنا جينا معززين مكرمين وافهم انهم جوا نصهم بالحوض نكايه فينا ونحن جينا بالغماره لا وكان امريكي يكابرس مدري بيوك هذا زمان حيل .

[الربذي]

يا أبن الأجواد قبل 22 سنه ماشي أنا وأم العيال






ماشاء الله عليك ذكي صراحة ورد من ضمن كلامك (( ام العيال)) تذكرت سالفة واحد من الزملاء كلمنا عليه صباح اول يوم زوج له قلنا وينك قال رايح اتمشى انا وام العيال:D ؟ مامداكم ياشن :pخلك رومنسي دلعها شوي :(شكله السنه الجايه يقول انا وعجوزي:(


سالفه اخرى واحد من الزملاء راعي مزح ما تفوته ماشاء الله عليه تزوج واخذ اجازه شهرين حضرنا زواجه ويوم داوم ويجيني بالمكتب يسلم قلت هاه ماجاك مولود ويضحك وهو يقول والله لو كنت ارنب وانا اعوذ بالله تمسك معي ضحك عاد سوالفك ذكرتني مواقف قلت نقولها لكم .


فاعذرني اخي ابو بسام على هذا التطفل .

[الشقردي 999]

مره كنا طالعين بالجيب وانا راكب ورا بالاكسبدشن
واروح اجيب معي الغدا مستعجل وافتح باب السياره الي جمبنا فيها ما يقل عن 7 بنات
وصرااااخ ارتعت انا خخخخ
هاذا موقف محرج

[نجم الصداوي]

اذكر مره توني متعلم السواقة المهم رحت للمزرعه وكان الطريق بين حفدين وكل حفد عليه شبك المهم وانا مشي واشوف حشره تمشي والف عليها ابي ادعسها الله يغفر لنا جهل واثاريني لفيت قوه وارقى على الحفد وارتبك وادوس بنزين المهم اني حست الامور واقش الشبك واتعلق براس الحفد:p:p بعد ان كسرت الشبك ونشب باسفل السيارة:eek::eek: في وضع مضحك والسياره بعد متعلقه براس الحفد وابلش بعمري وافكر وشلون اطلع الا ويجي واحد رحمه الله وغفر له وقال ماعليك ياوليدي ويدخل تحت السيارة ويقعد يقص الشبك بزراديه حتى خلص الشبك بعد جهد جهيد وعمل مظني وسحب سيارتي بمساعده اخر وخرجت تصدقون انه متقهوي عند ابوي بنفس الليله ولا اطراء له شي ياربي ياربي ارحمه واغفر له توفي قبل سنه تقريبا .رحمه الله.
ومرة اذكر بالجنوب ايام زمان يوم المرسيدس له قيمته رحنا لطائف نتمشى وكنا قطه والفلوس مع واحد لك عليه وكنا مانحبه لانه جلف صراحه وانا وواحد نتمرد عليه ولانسمع منه رحنا نتمشى قال ترا والله ان تاخرتوا نمشي عنكم وكنا بالشفاء ماادري الهداء وسكنا شقه بالطائف كنا طلاب وقتها وقلنا يكون خير مشينا تمشينا خربطنا بفلوسنا الي معنا وكانت القطه معه هو المهم رجعنا الا ماشي عنا هو وخمسه من اخوينا الي مايستحي وتاركنا ول وش السوات ومامعنا الا مبلغ بسيط جدا مايوصلك كيلوا وش نسوي قلت عندي فكره اسمع يافلان ابي اوقف عند المرسيدس على جانب الطريق وكان اصحابها فوق براس الجبل وقلت له اذا ركبنا ابي اسلك المفتاح معك وقل ايه معي زين اتفقنا
واول سياره وتلبق خير اي خدمه المرسيدس الاسود مايلعب قلت خير توصلونا لطائف قل اي خدمه نخدمكم بعيونا وش به سيارتكم قلت ماادري طفت فجاءه قال خلاص اركبوا نوصلكم وركبنا ووصلونا ببلاش ويعرضون علينا اي خدمه اي شي ناقصنا شي
جينا اخوينا قلنا جينا معززين مكرمين وافهم انهم جوا نصهم بالحوض نكايه فينا ونحن جينا بالغماره لا وكان امريكي يكابرس مدري بيوك هذا زمان حيل .
..
..الف شكر على هذه القصة..
..
..لكن ما معنى الحفـــد ..؟
..
.. هــل هــو العقَم ( والله من الآآآل عرف العقم) يعني الحـِــبس<<< فسر الماء بعد الجهد بالماء

[الربذي]

:p
..
..الف شكر على هذه القصة..
..
..لكن ما معنى الحفـــد ..؟
..
.. هــل هــو العقَم ( والله من الآآآل عرف العقم) يعني الحـِــبس<<< فسر الماء بعد الجهد بالماء
ياهلا بك اخي الكريم نجم الصداوي الساعة المباركه الي ماعرفت وش الحفد الحفد هو من كلمة يحفد :D
صح هو العقم الترابي
هو الحبس
نقوله الحفد وهو الي يسويه الدركتر تبي صور له :pبس طبعا كان نازل شوي ماهو عالي وكان قديم ومتماسك.

كتبت بقوقل صور البحث وكلمه حفد ترابي طلعلي حفيد الترابي زول سوداني :(http://alboqah.a3a3.com/file.php?f=36


واعتذر من صاحب الموضوع صار كله ردود لي ماعليش ياباث3

[الصقر الحربي]

خذ هذا الموقف لأحد الأقارب


الرجال أخوانه الصغار نشبه بمعنى الكلمة
يقول مره وانا خارج من البيت عاد توني متزوج ومرتي معي ولا ودي يفشلوني معها شافوني خرجت من بيتي
حسيت انهم بيلزقون في
عاد المدام استغربت من سرعتي المهم يوم ركبت السيارة وادق السلف وهجيت وأنظر وراي ومسوي فيها ثقيل والا النشبه جايين يجرون ونسيت السيارة وانا انظر فيهم واصدملي سيارة وجه لوجه ومن قوة الصدمة راسي كسر القزاز عاد شوف الإحراج وجهي راح ألوان عندها
واخواني يوم شافوني صدمت شردوا ولا كنهم سووا شي .

قمة القهر والإحراج

[باث 3]

ما شاء الله تبارك الله

لا أعرف كيف أشكركم على هذا التفاعل

وبالنسبه لأخوي الربذي ليش هذي الردود الواااجد:mad:
:p:p
أمزح

منور الموضوع يا الغالي

ونشوف أكثر من هذه المواقف.

[محمد الظاهري]

السلام عليكم ورحمه الله وبركاته
احب ان اشكر صاحب الموضوع
الذي جمعنا في موضوعه
والذي وسع صدورنا في سالفته
وسؤلف اخواني الاعضاء


صراحه المواقف بلنسبه لي كثيره جدا
منها في البر
ومنها في داخل المدن


اريد ان اسرد لكم سالفه حصلتلي وهي قصيره وطريفه


وهي حصلتلي في احد الاسواق
وتعرفون الاسواق وليلة العيد
مره من المرات
كنت نايم ويجون الاهل قم قم ودنا ودنا
الوقت راح علينا
وانا اقوم في هاك اليوم وبراسي مليون الف شيطاني :D
ولي المعلوميه السوق يبعد عنا 130كم
لئن نحن في ديره تبعد عن بريده حولي 130كم
المهم
مسكنا الخط :burnout2:
وندخل ومن اشاره إلى اشاره
والمهم انا مثل السوالق
ويقولون يامحمد رح يم المكان الفلاني قبل ندخل السوق والزحمه
ورح كذا
ورح كذا
المهم انا دخت
ويوم جينا السوق
ولف ولف ولف
لين لين حصلت موقف ويالله حصلته
وانا اوقف وقلت يا الله حولو وانا في السياره
اذا قضيتم تلقوني في السياره
ولا تتئخرون فاهمين
وهذا انا وهذا انا
وثلاث سعات في السياره واحتريهم
ومره انزل اشوفهم وإلا وين تلقاهم زحمه زحمه
والمشكله هم مامعهم جوال
وهذا انا وهذا انا
ومره اطفش
وانزل اروح واشوف اي شي يسد الجوع
وانا انزل ومعصب معصب مرررررره
واروح وادخل السوق ويالله لقيت واحد يبيع
وانا اشتري لي
وانا رااااااجع والجنون فوق راسي
ومعصب ومسرح
وانا اركب الجيب وإلا الحريم الي في الجيب يصارخون
حرامي حرامي :director:
وانا مدري وش الدنيا فيه
ويقولون حرامي حرامي
المهم
نعله في راسي
ونعله تصك المسجل
ونعله طالعه مع القزازه
ونعله فوق الطبلون الله يكرمكم
وإلا على طول انزل وافكر وإلا السياره نفس سيارتنا
ونفس الموديل
وتوه واقف يوم انا رحت اشتري

وهاذا الموقف لا انساه طول عمري
وكل ما قصيته لحد يموت ضحك

ارجو ان القصه اعجبتكم
وااشكركم على قصصكم الرائعه
واخص شكري لي الغالي باث

وتحياتي لكم
اخوكم

[باث 3]

^^^

هلا بالحرامي خخ:D

يا مرحبا أخوي محمد
عز الله أنك طحت في موقف مجنوووون:D:D

وفتح عيووونك زين ثاني مره خخ

أشكر لك مرورك الرائع والأسلوب الممتاز

أكرر شكري لك

[الربذي]

المهم
نعله في راسي
ونعله تصك المسجل
ونعله طالعه مع القزازه
ونعله فوق الطبلون الله يكرمكم
وإلا على طول انزل ولا اول مانت نازل ياقو قلبك!!! واخص شكري الي الغالي باث


وتحياتي لكم


اخوكم


وعليكم الــــــــــــــــــــــــــــــــــــــــــــــــ ــــسلام :D:D:Dصدق صدق موقف لاتحسد والله الي تعشيت زين هذا اسمها فشة خلا فش خلئك مثل مايقولون بتعين صيدا وبروت:p
فيه شي ماهو ظاهر بالمشهد كيف طعم السندوتشات افلقن اذا تهنيت فيهن

هذولن اكيد يقربن لمنظر الزيدي http://www.sockandawe.com/ طبعا مع فارق الثرى عن الثريا مااشبك ببوش تكرم الف انت طاهر الجسد والروح ,وقريبا حرامي السيارات الي يبي يسرقهن وفيهن حريم ؟؟!! امزح ياغالي بس موقفك صراحة دسم واجد والدسم بالبرد مضر !!!
لكن اتخيل المشهدانواع عروض الشباشب فوق راسك وانت في موقف ههه
عسى مالقيت بكيس اكلك شبشبن شارده وطاحت فيه ومن الروعه تقول ليش مزود الطلب :D
هذا موقف اعوذ بالله صراحه احرج موقف انا استحيت وتفشلت من قصتك وشولون انت :D

ذكرتني بقصة وااحد مره رحت انا وفلان على سيارتي نتمشى ومقفنا عند محطة الشرق الاوسط الي على طريق رفحا الحفر وكان علينا عجاج من الصبح وقفنا عند محطة وانا جاي الا اشوفه يوم انطلق ركض للحمامت وش عنده ممغوص ولا وش سالفته واتحراه بالاخير جاء قلت وش فيك اتحراك كم لي اعوذ بالله وين رحت وبعدين وشبك تركض للحمامات قالي واسمعوا وش قال ابي اركب تعبان من السفر ومشوش واحسبتها سيارة خويي وافتح الباب واجره الا يوم صار ثقيل قلت اكيد من الهوا لانه كان عليهم هواء صلف قوي مع عجاج كثيف واجر ويعيي يفتح واجره قوه الا يوم صاحت الحرمه وي وي وانحاش وازبن الحمامات الي كانت تعج بالناس .:p

تعليقي طبعا اكيد هي تحسب له مارب اخرى يوم صاحت انحاش والمسكين غلطان:(

[قلب الرحلة]

السلام عليكم

الموقف اللي صار معي اني كنت واقف بسيارتي عند محطة بنزين وكان الموقف اللي يساري فاضي وبعدما رجعت من السوبرماركت فتحت السيارة "وهي متروسه حريم شكل الرجال متزوج ثنتين " الا وخذ من الصراخ .. واسكر الباب بسرعه على جية صاحب السيارة .. وتوقعت يجي كلام كثير بس قلت له عذرا ذي سيارتي زي سيارتك وانا غلطت واعتذر .

تدرون وش قال ؟!
.
.
.
.
.
.
.
.
.
.
.
.
.
.
.
.
.
.
.
.
.
.
.
والله قال : ياليتك اخذتهم وفكيتني منهم

ههههههههههههههههههه

[خالد23]

مره وديت امي للمستشفى قلت لها بنتظرك في السيارة هي راحت وانا على طول رحت للبقالة اشتري عصير
رجعت للسيارة لقيت امي بالسيارة قلت لها ليش رجعتي بسرعة ما ردت علي بعدها عدت عليها السوال ما ردت
دخلني شك يوم برقت فيها الا المره ماهي امي بعدين تشطرت عنها وكلي هواجيس
الزبده جت امي ولقت المره الغريبة بالسيارة قالت لها من انتي المره المسكينة علمتها بالسالفة انها تحسبها سيارتهم
يعني كانت غلطه بالسيارة وسيارتهم كانت مشابهه لسيارتي
انزلت وهي كلها خجل من الموقف الطريف :p

[همر1010]

مره بنروح للاستراحه اناوخويي وسيارتي خربانه اخذنا سيارة السواق مازدا 82 وحنا بطريق القصيم شوي وينفك الدركسون علي بسرعة 100 بس الحمدلله رجع الدركسون بمكانه بعد حكات بالصبه

[القزيز]

باث 3
يعطيك العافيه على الطرافه
والجيب هذ (( ا ب هـ)) ماهو غريب علي
اظنه دون الحديثه
هههههههههههههههههه

[باث 3]

باث 3
يعطيك العافيه على الطرافه
والجيب هذ (( ا ب هـ)) ماهو غريب علي
اظنه دون الحديثه
هههههههههههههههههه



خخخخخخ

لا أبشرك غيرنا اللوحه:D

[باث 3]

نعطيكم سالفه حصلت لي شخصيا>>الله يستر خخخ

مره من المرات واقف عند بوفيه :redcar:بييب جا الهندي وطلبت(وش طلبت هااه) تشباااتي خخخخ:p

المهم جنب البوفيه في مستوصف صغير حق أسنااان ولا وعيت إلا بابي اللي ورا ينفتح أطالع ورا إلا (وش تتوقعون)؟
.
.
.
.
.
.
.
.
.
.
.
.
.
خدامه خخ:D


ركبت معي وسكرت الباب :eek:


أنا أحس جسمي عرررررق أقول لها حولي ..ما حولت وأقول لها مره ثانيه وما حولت الظاهر أنها ما تعرف عربي ,,

والمشكله أني بشارع مزحوم شوي وأنا تقفل معي وفي نفس الوقت مرتبك وأعطيها هذيك الصيحه المدويه :director:حوووووولللللييي :D
وهي تحول المسكينه وبغت تطيح من السياره :D

آخر شئ دريت أنها جديده ومضيعه كفيلها اللي كان قدامي بسيارته خخخ:D



واتمنى أنها حازت على رضاااكم ;)

وواصلوا إبداعاتكم:)
.
.
.

[كاشت وحداني]

المواقف كثيره
اذكر لكم منها مره في مطار ابهاء رحنا على موعد رحلتنا وتفاجاءنا ان الحجز مكنسل طبعا بعد صياح عليهم دبرو لنا حجز على الرحله اللي بعدها
المهم يوم تدبر الحجز وانا اركض ابي اجيب الشنط من الموتر
وفيه موتر يشبه موترنا واقف ماهو جنبه بعيد شوي بس طاحت عيني عليه وانا اروح افتح الشنطه وتنفتح ولا فيه شنط
وارجع لابوي قلت الشنط انسرقت قال معقوله ويروح ويجيبها من موترنا الاصلي
وارجع اتاكد من الموتر اللي رحت له طلع موتر يشبه له ومع الليل والربكه ما دققت
والموقف الثاني ليس لي بس صادفته
وكان في رمضان مسكت بعد الفجر زرقه الى مكه
وتوكلت على الله ومسكت الخط
وبعد ما تعديت الخاصره تعديت لي مازدا قديمه فيها 3 اشخاص ولاحظت حركتهم بايديهم كانهم ياشرون لي وهديت السرعه وهم وقفوا على جنب ورجعت لهم لقيتهم باكستانيين
سلمت عليهم قلت وش اخدمكم به
قال صديق كم باقي ووصل بريده
قلت كيف وين تبي تروح قال بريده مستشفى بريده اخو مريض هناك
قلت هذا طريق مكه قال انا حصلت واحد قال لي امش قدام حتى تحصل بريده
طبعا ما بغيت ارجعه مع الطريق القديم قلت له ارجع الرياض وخلي عماره مملكه على يدك اليمين وسيده 330 كيلو متر
وعاد روحو ومشيت وانا اضحك ومتالم في نفس الوقت
اضحك من الموقف المساكين ماغطين اكثر من 350 كيلو عالفاضي
ومتالم من اللي قالهم قدام وهم ماسكين طريق مكه .
والمواقف كثيره والف شكر لك اخوي صاحب الموضوع باث3

[الحوار الصريح]

اذكر كان معي سياره دوج

حوض...

وهالموقف غريب يمكن يختلف عن بعض مواقف الاخوة


الموقف يااخوان ...

ان السياره كنت موقفها فوق طعس

وانا جالس قدام وجه الموتر

ولحالي ولا معي احد....


الا السياره يوم قامت تناقز من قدام

مثل هاالسيارات اللي يقولون تتراقص

والله ياجماعه هذا اللي حصل...

واسمي بالرحمن واركب السياره وامشي..

[عاشق الماركيز]

الموقف من المواقف الي صارتلي موقف مانساه طول حياتي قبل اسنتين بالضبط كنت انا بالديره معي الوالد والوالده رايحين بنصلي العيد المهم خلصت الصلاه رحت ابي اجيب السياره علشان اهلي مايتعبون الان السياره بعيده جيت لسياره لقيت عندها شايب ركبت السياراه وشغلت جيت ابعشق الى الشايب الله يسسامحه ياحرامي انت سارق سيارة ولدي حسبي الله عليك يالي فيك مايخطيك احول افهم الرجال وروشني ذاك اليوم بتفاله لين جا ابوي وفهمه ان هاذي السياره شارينه جديده مع ذلك التفت على الشايب قالي حسبي الله عليك خليت صوتي ينبح بالعيد والمشكله سيارة الوالد وابوي قاعد يضحك علي الى اليوم يذكرني بالموقف ويضحك

[alrsash911]

نعطيكم سالفه حصلت لي شخصيا>>الله يستر خخخ



مره من المرات واقف عند بوفيه :redcar:بييب جا الهندي وطلبت(وش طلبت هااه) تشباااتي خخخخ:p


المهم جنب البوفيه في مستوصف صغير حق أسنااان ولا وعيت إلا بابي اللي ورا ينفتح أطالع ورا إلا (وش تتوقعون)؟
.
.
.
.
.
.
.
.
.
.
.
.
.
خدامه خخ:D



ركبت معي وسكرت الباب :eek:



أنا أحس جسمي عرررررق أقول لها حولي ..ما حولت وأقول لها مره ثانيه وما حولت الظاهر أنها ما تعرف عربي ,,


والمشكله أني بشارع مزحوم شوي وأنا تقفل معي وفي نفس الوقت مرتبك وأعطيها هذيك الصيحه المدويه :director:حوووووولللللييي :D
وهي تحول المسكينه وبغت تطيح من السياره :D


آخر شئ دريت أنها جديده ومضيعه كفيلها اللي كان قدامي بسيارته خخخ:D




واتمنى أنها حازت على رضاااكم ;)


وواصلوا إبداعاتكم:)
.
.

.

ههههههههههههههههههههههه روعت المسيكينه تلقاها للحين تركض
باث 3

[alrsash911]

والله انه موضوع مشوق اشكرك على فتح هيك مواضيع


هذا موقف حصل لواحد من الشباب .. طالع من بريدة ماسك طريق الرياض عند اول محطة بداية السريع جاء واحد سوري سأله يالخو وين طريق المجمعة قال ابو الشباب بثقة زائدة خلك وراي وقبل المخرج بوقف ودلك عليه المهم مسكو الخط الخوي قدام والسوري وراه سواليف هو والمدام واعياله الصغار ما تنبه الا قبل صلبوخ 40 كيلو الا هو يذكر الرجال يناظر بالمراية الا والله السوري شاعب السيارة شعب خوينا راعي سرعة مسيكين السوري كبير بالسن ويمشي وراه حوالي 150 الى 160 يقول قمة الأحراج .. توقعون وش سوى
:
:
:
:
:
:
:
:
:
:
:
:
:
:
:
:
سحب عليه يقول امشي 180 عشان اهج عنه
يقول طاح وجهي ما ادري وش اقوله

[باث 3]

للرفع
.
.
.
.
.

[عبد الله 99]

والله انه موضوع مشوق اشكرك على فتح هيك مواضيع



هذا موقف حصل لواحد من الشباب .. طالع من بريدة ماسك طريق الرياض عند اول محطة بداية السريع جاء واحد سوري سأله يالخو وين طريق المجمعة قال ابو الشباب بثقة زائدة خلك وراي وقبل المخرج بوقف ودلك عليه المهم مسكو الخط الخوي قدام والسوري وراه سواليف هو والمدام واعياله الصغار ما تنبه الا قبل صلبوخ 40 كيلو الا هو يذكر الرجال يناظر بالمراية الا والله السوري شاعب السيارة شعب خوينا راعي سرعة مسيكين السوري كبير بالسن ويمشي وراه حوالي 150 الى 160 يقول قمة الأحراج .. توقعون وش سوى
:
:
:
:
:
:
:
:
:
:
:
:
:
:
:
:
سحب عليه يقول امشي 180 عشان اهج عنه

يقول طاح وجهي ما ادري وش اقوله

ههههههههههههههههههههههههههههههههههه

ذكرتني بواحد قبل سنه وشوي طالع الفجر الخميس واعد العيال بطلعهم المهم انا مقصدي سعد و انا على الملك فهد متجه شمال يكبس لي راعي كرسيدا بوكس وش تبي صار يبي حي المصيف عنده شغل بويه او زي كذا قلت الحقني ما تذكرته الا يوم وصلت تفتيش سعد و اناظر بالمرايه الا ذا وراي و اوقف و اعطيه 50 ريال و اوصف له قلت معليش انا نسيتك
و يستلمني هاوش هالي ما يستحي اثاريه مواعد هنود بيمرهم و يوديهم لبيت واحد يشتغلون به الحمد لله اني تذكرته ولا كان مخليه يراقي ورانا

موضوع كذا:good2: