اسعفوووووني

[سلٍيم]

ياشباب انا بعتلي موتر بالبرحه واخذت عربون وذهبنا لمعرض يعرفه المشتري وقالولي دخل موترك للمعرض ووقع على المبايعه وفلوسك تاخذها من المعرض اذا نقلنا السياره باسم المشتري يوم السبت وصار بيني وبينهم جدال بكره فحبيت استشيركم وانا مالي خبره بالمبايعات اسال الاجراء هذا صحيح وكيف

[بواردي الدلم]

المفروض ماتوقع على المبايعه الا في حاله استلام المبلغ والتأكد من عدد الدراهم لانهم احيانا بعد ماينقلون الموتر باسم المشتري يبدون يقولون لقينا في الموتر عيوب والموتر اقل من القيمه بكذا وكذا وياخذون سعي المعرض من جيبك بالعربي مع العلم انك لازم تكون بايع الموتر بالسعر الفلاني صافي وليس كدر لكن اذا بدت الخربطه عربونهم في جيبك قل اتفقنا على السعر الفلاني بتجيبونه ولا أخذت موتري ومشيت

الله يستر عليك ان شاء الله

[أبوحمد 505]

المفروض ماتوقع على المبايعه الا في حاله استلام المبلغ والتأكد من عدد الدراهم لانهم احيانا بعد ماينقلون الموتر باسم المشتري يبدون يقولون لقينا في الموتر عيوب والموتر اقل من القيمه بكذا وكذا وياخذون سعي المعرض من جيبك بالعربي مع العلم انك لازم تكون بايع الموتر بالسعر الفلاني صافي وليس كدر لكن اذا بدت الخربطه عربونهم في جيبك قل اتفقنا على السعر الفلاني بتجيبونه ولا أخذت موتري ومشيت

الله يستر عليك ان شاء الله
:good::good::good::good:

كلام صحيح من يوم عرفت نفسي إذا بعت سيارة أخذ عربون وبعد الفحص وقبل توقيع المبايعة أستلم المبلغ كامل ثم أوقع المبايعة
متأكد مية بالمية السالفة فيها نصب

[محمد العوني]

منول كان يعطون البايع قيمة السياره من المعرض بمجرد بيعها وكتابة المبايعه..

لكن حاليآ لو تفحط ماتاخذ من الفلوس الا العربون وتاخذ ايصال في باقي المبلغ لأنهم يخافون يكون البايع مطلوب ..

تحجز الفلوس والسياره في المعرض

قبل اسبوعين بايع سياره رفضو يعطوني المبلغ ومن معرض الى معرض كلهم رفضوو الا يعطوني ايصال ..

وفي الاخير رضخت تحت الأمر الواقع واخذت الايصال وجيتهم من بكره بعد مانقلت السياره بأسم المشتري واخذت الفلوس

[الهوى الصافي]

منول كان يعطون البايع قيمة السياره من المعرض بمجرد بيعها وكتابة المبايعه..

لكن حاليآ لو تفحط ماتاخذ من الفلوس الا العربون وتاخذ ايصال في باقي المبلغ لأنهم يخافون يكون البايع مطلوب ..

تحجز الفلوس والسياره في المعرض

قبل اسبوعين بايع سياره رفضو يعطوني المبلغ ومن معرض الى معرض كلهم رفضوو الا يعطوني ايصال ..

وفي الاخير رضخت تحت الأمر الواقع واخذت الايصال وجيتهم من بكره بعد مانقلت السياره بأسم المشتري واخذت الفلوس
ما ازيد على كلام الأخ محمد
هذا نظام جديد مطبق من العام الماضي وفيه تعميم من المرور والداخليه غريبه انه ما وراكياه ،، ولكن في حال انك بايع خله غصب على وجهه يكتب في الايصال اللي عطاك اللي فيه العربون انه اذا لم يتم نقل الاستماره باسم المشتري من قبل المعرض بكره او بعده على كيفك تكون المبايعه باطله وملغيه ويختمه ،،
واذا كنت مشتري يكتب في الايصال بشرط ان تبقى القيمه والسيارة لدى المعرض لحين نقل الاستماره ولمدة يومين فقط ويختمه ،، وبكذا على اقل شي تكون حفطت حقك من الضياع،،
والنضام هذا بسبب امور كثيره منها ان اكثر اللي يبيعون في البرحه السياره اصلا مهيب له اما سارقها او لابوه وبينه وبين ابوه سوء تفاهم او خويه وهكذا ومن يوم يأخذ العربون ويروحون للمعرض يقوم اللي باع السياره ويختفي ويزرف العربون ،، ثمن يتوهقون بالسياره اصحاب المعرض ،، ولذلك تشوف ابو يمن اذا شرى ما يعطيك عربون الا ميتين ريال ولو تدقق معه وتقول هات الف والا ما طلعت من البرحه دقق معك وقال هات اثباتك هات الاستماره وهذا من تجربه لي ومواقف حصلت معي ودمتم بخير

[sgl2002]

أخوي ....
أنا توني بايع موتري يوم الخميس واستلمت الفلوس اليوم ...
الرجال أخذت منه عربون وسوينا عقد المبايعة في المعرض والرجال أعطاني مقدم من الفلوس وأنا رفضت قلت بيني وبينك المعرض ...

المعرض أخذ منه 3500 وعدها وعطاني إياها وسوالي وصل بالاستلام وبالباقي وأنا قلت لراعي المعرض أنا ما أعرف إلا المعرض فلوسي عندكم أخذها بعد النقل ...وهو قالي هذا النظام إن فلوسك ما تأخذها إلا بعد النقل وعطاني إيصال بالباقي مكتوب فيه تسليم الفلوس المتبقية بعد النقل ...

[سبتان]

كان عليك أن توثق مبايعتك بسند ، ولكن كلام الأخوان الذين سبقوني بالمشاركات يطمئن . عموماً موفق ولاتخاف الدعوى ماهي هجانه .

[ابومشعل3]

اخوي لو تبيع سيكل خذ الدراهم اول وسلمت