الفزعه ياهل البل افزعوا

[اخو دعجه]

السلام عليكم ورحمة الله وبركاته
يالربع انا عندي قعود .. سنه مفرود .. طبعه تغير بدل ماهو هدي ... صار يعض ويرمح ... واذا فكيته مع البل يعضها .. حتى انه .. ادماء عراقيبها ... ويطرح الحيران الصغار .. واذا شبكته وقيدته .. يهتاش ويحدم وتصير له زبده ويهدر ويعض الركاوي (( يرفع الركوه ويرميها ))
.................................................. .................................................. .......
واذاشاف الناقة باركة يضربها ...... وقالي رجال ان هذا القعود ( ذكر ) .....\
وقالي ان يفخي بالمعاشير .. يعني اللي اضربها الفحل تكسر بسببه لانه يبرك فوقها ....
وانا خايف انه يصير اكله ............ وش الحل ......................زز تكفون ياهل البل.........
:(:(:(:(:(:(:(:(:(:(:(

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[البيطار2]

ماله دواءغير الحام يعنى الجزارهذااعلاجه بهشتوه00000

[نايف 1996]

ينفعله كوي

[مرعي السرحاني]

ياخو دعجه تقول مفرود انت و المفاريد ما عمري شفت او سمعت انهن يضربن او يعبطن او يصير لهن هداره او يزبدن لكن اذا زبده خضر ترا القعود صاده غلاث

[طفران بس بطران]

الجزار علاجةوتراني ماني خبير لاتاخذ بكلامي يجونك هل البل تراني من اهلها بس معرف علاج اللي يشتكي منه انياقك

[الرويضة اون لاين]

السلام عليكم...


اذا كان قعودك يالغالي طايش ويهدر يبي يضرب النياق وكنه ماكل فياغرا ههههههههههههه خلة يشرب من الموية الحلوووة اسبوع ومنه وان شاء الله بيركد وبيبرد هياجة...

هذي مجربة...

والله يطرح لك فية البركة

[البهلول]

الطبيب البيطري , إن كان القعود فيه عله أو مرض تفتك إبلك بالوقاية , لأن يمكن فيه غلاث أو مشكلة عقلية , ويمكن القعود طيب ويعصب .
وإن كانه سليم وأنت ما أنت قانيه لأجل الإنتاج ولا تبيه فحل , وطلع سليم أنسفه عند الجزار .

ولكن حلله عند بيطري أوكد لك وترى لو تحوش له مع القعدان الثانية يركد إن كانه طبيعي أو أربط معه أثنين . وأبعدهم عن بعض ما يتقاطعون وخلهم في صف واحد يشوفون بعض .
وأحذر لا يوغر قلبه عليكم .
هذا إن كانه سليم
وأنا أشك إنه سليم ,

والله أعلم

[البهلول]

وإن كانه مفرود وييفيخ المعشر يعني يستشمل ؟! .. هذا غريب , عموماً بعض العقدان وهي لقايا تلقح .
إن كانه زين أصبر عليه

[السهل 494]

اذا كنت ناوي تفحله اعتقد انه مايصلح لك اهم شي في الفحل طبوعه اذا ماكان هادي مايصلح اذا القعود عادي ماهو مزيون كثير بيعه ويعوضك الله بأزين منه مابها قل الجمال تبي تلقى غيره

[راعي العشاير]

السلام عليكم ورحمة الله وبركاته

طبع القعود مع البل طبيعي انه يثورها من مبركها ويبرك عليها ومثل ماقالو ماتربع البل ومعها حق .. وبالنسبه انه يفيخ بالبل احتمال كبير انها تفيخ لاكن طال عمرك لاتربط القعود حطه في شبك وجلله حط على القعود جلال وقيده وحط معه بكرتين مفاريد وبأذن الله انه يزين طبعه

[اخو دعجه]

يالربع القعود طيب بالحيل .... لا مافيه غلاث ... .... .... فيه ناس قالو لي حطله رسن لان يصير مطواع .. هل ينفع معه

[البهلول]

يالربع القعود طيب بالحيل .... لا مافيه غلاث ... .... .... فيه ناس قالو لي حطله رسن لان يصير مطواع .. هل ينفع معه

أي قعود تربطه لوحده , وفيه بعارين ثانية أو قعدان ثانية مع الإبل , يحدم !
هذا طبع في البعارين عند الناس كلها .
أربطه مع قعود ثاني , ولا تفك مع الإبل إلا واحد فقط ! لأنه يشوف غيره يستن على الإبل وينقهر ترى له قلب زي الأوادم ..!
ويزين طبعه مع الوقت
ولا تحط له رسن وتعسفه , تنكسر ناهته ويصير ضعيف شخصية ما يحوط الإبل ولا يعزل أمهاته من البعارين الثانية وسط الطروش .

وترى تقريباً نفس المشكلة اللي عندك عندنا , معنا حق , ومشغل الإبل , وجانا واحد من الربع مع حق وخلاه عندنا وركدوا أثنينهم . ولكن يشبك عليهم سوى ويطلعون سوى وبالقيد .
ولكن ما عندنا فحل وسط الإبل يشوفه , لأن البعارين تتعلم بالتقليد والمحاكاة , والعقود يشوف البعارين الكبار ويقلدها .