افزعووووا لنا ياهل البل تكفووووووووووووووووووووون

[اخو دعجه]

السلام عليكم ورحمة الله وبركاته
يالربع انا عندي قعود .. سنه مفرود .. طبعه تغير بدل ماهو هدي ... صار يعض ويرمح ... واذا فكيته مع البل يعضها .. حتى انه .. ادماء عراقيبها ... ويطرح الحيران الصغار .. واذا شبكته وقيدته .. يهتاش ويحدم وتصير له زبده ويهدر ويعض الركاوي (( يرفع الركوه ويرميها ))
.................................................. .................................................. .......
واذاشاف الناقة باركة يضربها ...... وقالي رجال ان هذا القعود ( ذكر ) .....\
وقالي ان يفخي بالمعاشير .. يعني اللي اضربها الفحل تكسر بسببه لانه يبرك فوقها ....
وانا خايف انه يصير اكله ............ وش الحل ......................زز تكفون ياهل البل.........


سبحانك اللهم وبحمدك ، أشهد أن لا إله إلا أنت أستغفرك وأتوب إليك

[الزمان مغبرنا]

والله مدري لكن الحل عندي انك توديه لاقرب قصاب بس وتذبحه وتخليه للثلاجه .....

لكن اهم شي انك تعزمنا عليه وشكرآ ...

[النوء]

لايصير عاضه حصني ولاكلب مسعور

[ابو الشباب3]

اخوي صك عليه

في محل لوحده وابعده شوي عن الحلال امهاته

وحاول تعطيه خبز وتمر بيدك ابيد العامل الي يحط العلف

حطله رباط مع قيد الين يهدي على شوي شوي وحكك له قارد له

[راع الزلفي]

مفرود....
ويدمي عراقيب البل!!!!!!!
ويضربها!!!!!!!
وتصير له زبده ويهدر ويعض الركاوي!!!!
الله يعينك..

[اخو دعجه]

لا مافيه عظه .... اللي يقول اذبحه هههههههه هذا عليه 16000 الف هههههههههه لا بس انه يحقد ويهتاش اما اذا مااهتاش فهو مسسسسسالم

[ابومحمد71]

كان القعود غالي يمكن وانا اخوك عين
شف من من المقاريد الي شافوه ولا ذكرو الله
متى تغير بعد اي مجلس واجمعهم وخلهم يذكرون الله عليه
وشربه من غسول فناجيلهم
بس اخاف العين من اهل الحلال مثل ماقالوا مايحسد المال الا اصحابه
اذا كان كذا اتبع نفس الخطوات
وترا العين حق
كما قال النبي عليه السلام (العين تدخل الرجل القبر والجمل القدر )

[اخو دعجه]

والله انا جوني ناس اجناب وذكروا الله ... وجوني الاقارب ولا واحد ذكر الله ,,, كلن فاتح فمه ,,, اعوذ بالله منهم ....... صدق من قال الاقارب عقارب

[الزمان مغبرنا]

مرحبا اخوي اخو دعجه انا اقولك انتبه بس منه لا يجي يوم ويقرم راسك مثل الشايب اللي جاه البعير وعضه مع راسه الى ان مات في مكانه ...
ههههههههه

[العابر2222]

أخوي البعير اذا صار أكووول مشكله ماله حل ...

بس اذا هو قعود صغير يمديك بس بيثور بعدين عليك

وحطه في شبك ولا في حوش لحاله لا يقرب الأبل ... لأن المعاشير بتكسر وتفيخ بسببه

والسبب ونخوك ما ضنيت انها عين ... فيه احد يرفع العصى قدام خشمه ويومي على راسه .. حتى لو ما يلمسه بس يخوفه ... وهذا اكبر غلط تخرب البعير

[تاهو2007]

شف طال عمرك لايصير العامل يضرب البعير وخصوصا مع خشمة بالعصا ... حاول تبعده عن البل وتحطه لحاله وتراقب تصرفاته الي اقبل عليه العامل ومنها تحط له خبز وتمر ولاتنسى ترقيه ترى القرآن بركة وشفاء لكل حي...... والله يرزقك ويبارك لك فيما عطاك

[ذيب مجزل]

استخر ولا تستعجل ببيعه

[اخو دعجه]

جزاكم الله خير ....