وش الحل مع ريحة المكيف

[علي ابونواف]

ياجماعة الخير وش الحل مع ريحة المكيف خصوصاً انه يطلع معاه زي الدخان والسيارة تمشي مع العلم اني مطفي المكيف واذا شغلته زادت الريحة وزاد الدخان

فمالحل بارك الله فيكم

[أبو بسام]

الأخ الفاضل والقدير
علي أبو نواف
حفظك الله ورعاك
السلام عليكم ورحمة الله وبركاته
طال عمرك في البداية نظف فلتر المكيف ومجاري الهواء بالسياره
وأما بخصوص الدخان فهذا بسبب عدم قفل فتحة التهوية الخارجية بأحكام
إما بسبب عطل بالمفتاح الخاص بها أو عطل في نفس مقر دخول الهواء بأن يوجد
هنالك مشكلة تتسبب بعدم قفله بصورة جيده بتعطل الربل أو الباب بأكمله عطلان
ويراد له تصليح تأكد من هذه أخي الكريم
هذا ودمت ومن تحب بحفظ الرحمن
أخوك ومحبك في الله
أبو بسام

[M.O]

سلمك الله مثل ماقال ابو بسام اوزيد عليها امسك لي المويه واغسل الفتحات حقة الثلاجه لأنك يمكن تكون توقف في اماكن شجر وغيره وتسد لك الفتحات انا صارت معي بس يدخل علي غبار والهواء ضعيف

[abo_hoor]

هلا اخوي العزيز حياك الله

مشكلة عندك ممكن تكون من ان هواء خاريجي يدخل داخل سياره من فتحات المكيف
تاكد من انك مسكرهم لان فيه مفتاح يسمح بدخول الهواء داخل سياره جيك عليه انك مسكره
وثاني شي تاكد من ان مفتاح دخول شغال لايكون خربان
قولي نوع سيارتك

[علي ابونواف]

الحقيقة ياجماعة الخير ماقصرتو وفيتو وكفيتو وجزاكم الله خير وجعل ذلك في ميزان حسناتكم

اللهم آمين

بس بغيت اسألك اخويابوبسام وين الاقي ورشة تضبط لي هذا في الرياض بارك الله فيك علما ان موتري ماركيز98

ودمتم بحفظ الرحمن وجزاكم الله خير ماجزى عبادة الصالحون

[you are free]

وقبل لا ترجع فلتر الهواء عطه رشت عطر والا عليك بالبخور سواء عود أو معمول

حفظك الباري....

[you are free]

أقصد فلتر المكيف يالغالي...

[وافي السبيعي]

المشكلة هاذي كانت عندي في اليوكن وطرحت الموضوع في هذا الموقع ولم يفيدني احد وذهبت الي الصناعية
وبالفعل تم تسكير فتحة التهوية وانتهة المشكله تماما الحمدلله

[أبوجهاد التبوكي]

الله يجزاكم خير أفدتنونني وإن شاء الله افدتوا صاحب الموضوع...

[رعدالجنوب]

شوف عندك موية الرديتر تنقص والى لا يمكن يكون عندك تنسيم في رديتر المكيف الحار لانه ياخذ من رديتر المكينه ماء حار ويسخن هواء المكيف اذا فيه تنسيم الغه بقفل ألأهواز الجايه من الرديتر الرئيسي وبعدها ما يكون عندك مكيف حار واحنا نبي البروده دائما وترا اذا فيه تهريب ودخلت المويه داخل السياره والله انك تكره السياره

[أبو بسام]

الحقيقة ياجماعة الخير ماقصرتو وفيتو وكفيتو وجزاكم الله خير وجعل ذلك في ميزان حسناتكم



اللهم آمين


بس بغيت اسألك اخويابوبسام وين الاقي ورشة تضبط لي هذا في الرياض بارك الله فيك علما ان موتري ماركيز98



ودمتم بحفظ الرحمن وجزاكم الله خير ماجزى عبادة الصالحون


حياك الله أخي الكريم
ما سوينا شيء يا أبن الأجواد
وبالنسبة للورش والله ماني من أهل الرياض ولا لي علم بورشه
لكن أخي الكريم أحرص على أن يكون الفني ذا خبرة بالسياره لأنه يحتاج في كثير من
الأحيان لفك بعض الأمور بالطبلون حتى يصل لمكان فتحات التهوية والذي ليست عنده خبره ماغير
يلعب لك بالدنيا وغداً ماغير الطبلون له قربعه لذا أخي أحرص على ذلك
هذا ودمت بحفظ الرحمن
أخوك ومحبك في الله
أبو بسام

[علي ابونواف]

حياك الله أخي الكريم

ما سوينا شيء يا أبن الأجواد
وبالنسبة للورش والله ماني من أهل الرياض ولا لي علم بورشه
لكن أخي الكريم أحرص على أن يكون الفني ذا خبرة بالسياره لأنه يحتاج في كثير من
الأحيان لفك بعض الأمور بالطبلون حتى يصل لمكان فتحات التهوية والذي ليست عنده خبره ماغير
يلعب لك بالدنيا وغداً ماغير الطبلون له قربعه لذا أخي أحرص على ذلك
هذا ودمت بحفظ الرحمن
أخوك ومحبك في الله

أبو بسام


بارك الله فيك يابوبسام والحقيقة انك افدت واجدت وجزاك الله خير

[أبو بسام]

بارك الله فيك يابوبسام والحقيقة انك افدت واجدت وجزاك الله خير


الأخ الفاضل والقدير
علي أبو نواف
حفظك الله ورعاك
السلام عليكم ورحمة الله وبركاته
الله يبارك بعمرك يا أبن الأجواد
تسلم أخي الكريم هذا من طيبك وحسن أخلاقك الله يحفظك
فائق تقديري وأحترامي لحسن ردك
دمت ودام كل من تحب بحفظ الرحمن
أخوك ومحبك في الله
أبو بسام

[علي ابونواف]

إخواني الأعزاء بارك الله فيكم

أشكركم جزيل الشكر لما قدمتموه لي من نصائح وتوجيهات حيال مشكلتي مع ريحة المكيف وحبيت أبلغكم إني اليوم كنت في الورشه بعد المغرب وكشف عليها وتبين إن المشكلة في الثلاجة تحتاج تغيير وجزاه الله خير خيرني بين حلين قال يا إنك تغير الثلاجة وهذا بيكلفك تقريباً 1000 ريال قيمة الثلاجة + فك الطبلون وهذا بعد غير شغل اليد ...
والحل الثاني هو انك تلغي شي اسمه الحار وبكذا ماراح يكلفك إلا 50 ريال بس قلت أجل خلنا على الثاني والغ الحار ...
بصراحة ما اذكر اني شغلت المكيف على الحار

وبعدها راحت الرياحة والوضع صار تمام التمام وانتهت مشكلتي مع المكيف والريحة اللي تطلع منه

ودمتم بود

[أبو بسام]

إخواني الأعزاء بارك الله فيكم



أشكركم جزيل الشكر لما قدمتموه لي من نصائح وتوجيهات حيال مشكلتي مع ريحة المكيف وحبيت أبلغكم إني اليوم كنت في الورشه بعد المغرب وكشف عليها وتبين إن المشكلة في الثلاجة تحتاج تغيير وجزاه الله خير خيرني بين حلين قال يا إنك تغير الثلاجة وهذا بيكلفك تقريباً 1000 ريال قيمة الثلاجة + فك الطبلون وهذا بعد غير شغل اليد ...
والحل الثاني هو انك تلغي شي اسمه الحار وبكذا ماراح يكلفك إلا 50 ريال بس قلت أجل خلنا على الثاني والغ الحار ...
بصراحة ما اذكر اني شغلت المكيف على الحار


وبعدها راحت الرياحة والوضع صار تمام التمام وانتهت مشكلتي مع المكيف والريحة اللي تطلع منه



ودمتم بود


الأخ الفاضل والقدير
علي أبو نواف
حفظك الله ورعاك
السلام عليكم ورحمة الله وبركاته
الله يبارك بعمرك يا أبن الأجواد
لا شكر على واجب يالحبيب ما سوينا شيء
خير ما أخترت
والحمد لله أن المشكلة أنحلت
ويتضح لي أخي الكريم أن ما كان يزعجك ليس بدخان وإنما رائحة بخار ماء الرديتر كان يتسرب إليك عبر فتحات التهوية بسبب ثقب بسيط في الثلاجة الموجودة داخل الطبلون
الغريب في الأمر أنك لم تلحض نقص ماء في الرديترأو قطرات الماء تحت السيارة
على العموم أنتهت المشكلة بفضل الله وإن شاء الله تنعم بقيادة مريحه
فائق تقديري وأحترامي لحسن ردك
دمت ودام كل من تحب بحفظ الرحمن
أخوك ومحبك في الله
أبو بسام

[علي ابونواف]

الأخ الفاضل والقدير

علي أبو نواف
حفظك الله ورعاك
السلام عليكم ورحمة الله وبركاته
الله يبارك بعمرك يا أبن الأجواد
لا شكر على واجب يالحبيب ما سوينا شيء
خير ما أخترت
والحمد لله أن المشكلة أنحلت
ويتضح لي أخي الكريم أن ما كان يزعجك ليس بدخان وإنما رائحة بخار ماء الرديتر كان يتسرب إليك عبر فتحات التهوية بسبب ثقب بسيط في الثلاجة الموجودة داخل الطبلون
الغريب في الأمر أنك لم تلحض نقص ماء في الرديترأو قطرات الماء تحت السيارة
على العموم أنتهت المشكلة بفضل الله وإن شاء الله تنعم بقيادة مريحه
فائق تقديري وأحترامي لحسن ردك
دمت ودام كل من تحب بحفظ الرحمن
أخوك ومحبك في الله

أبو بسام


عزالله انك صدقت اخوي ابوبسام لكن خبرتي ما سعفتني في معرفة السبب وانا اخوك ماهنا خبرة بارك الله فيك
وبالنسبة لارتفاع الحرارة الحقيقة لاحظت ارتفاع بدرجة الحرارة يعني تعدت النص بس مته؟ في ذلك اليوم اللي وديتها للورشة يعني ارتفعت وانا رايح بالطريق للورشة وبعد ماخلص فاصل الحار عبى الاديتر مويه

الله يجزاك خير ويغفر لك وللجميع بهاليوم الفضيل

اللهم آمين

[أبو بسام]

عزالله انك صدقت اخوي ابوبسام لكن خبرتي ما سعفتني في معرفة السبب وانا اخوك ماهنا خبرة بارك الله فيك
وبالنسبة لارتفاع الحرارة الحقيقة لاحظت ارتفاع بدرجة الحرارة يعني تعدت النص بس مته؟ في ذلك اليوم اللي وديتها للورشة يعني ارتفعت وانا رايح بالطريق للورشة وبعد ماخلص فاصل الحار عبى الاديتر مويه

الله يجزاك خير ويغفر لك وللجميع بهاليوم الفضيل

اللهم آمين


الأخ الفاضل والقدير
علي أبو نواف
حفظك الله ورعاك
السلام عليكم ورحمة الله وبركاته
تسلم يا أبن الأجواد الله يبارك بعمرك
هذه ونا أخوك وقعت فيها قبل 7 سنين
بالكابرس كل ما تفقدت ماء الرديتر ألقاه ناقص وأدور مكان التهريب ولا أجده المهم هذاك اليوم حطيت نقري من نقره وقلت لازم أطلع مكان التهريب وأخرتها أجده ينقط من تحت السياره ويسقط على الكنداسه ويتبخر على الفور لأنها حاره ويتضح لي التهريب من الرديتر الخاص بالحار إلي وسط الطبلون وتطلع قيمته بهذيك الحسبه وتركيبه أقشر منها قلت في نفسي لا والله الفكه منه أزين من حبي للمكيف الحار
إلي ما وراه إلا الصفقه
وسوي سواتك ونا أخوك وأقوم على لياته وأفصلها وأوصلها ببعض وجلس على هالحال إلى أن بعته ولله الحمد
عاد ونا أخوك الدنيا مدرسه كل يوم نتعلم فيها شيء جديد
وأكبر نعمه يوم يكون الأنسان سالم غانم
من بعض دروسها
أخي الفاضل
فائق تقديري وأحترامي لك
وجزاك الله كل خير ورحم الله والديك
على دعواتك الطيبة
جعلها الله في موازين حسناتك إن شاء الله
دمت ودام كل من تحب بحفظ الرحمن
أخوك ومحبك في الله

أبو بسام