(عاجل)ياجماعة الموتر جديد والوكالة يقولون تصليحة ب38الف نبي فزعتكم

[الإمبراطور1]

السلام عليكم

أخواني قدر الله على احد زملائي وحصل عليه حادث بموتره جيب جي اكس ار 2009

المهم الصدمة ماكانت قوية مع الوجه الشبك ماجاه شي والانوار ماجاهم شي ماعد الفيبر جاه شي بسيط المهم

مشى الرجل الي صدمه وبعدها هو مشى 50 متر ثم وقف وناظر لقى الزيت بدى يتسرب طلب سطحه وشاله ووده الوكالة قالوا تغيير قير (اتوماتيك قيره ) والسعر مع الشغل بحدود38 الف

بصراحة عجزت ابلعها وشلون تجي 38 الف


نبي شوركم ياجماعة علماً أن الحادث حدث في مدينة بريدة وياليت اهل بريدة يساعدوننا في الورش المتخصصة أن أمكن

[أبو قريب]

وعليكم السلام ورحمة الله وبركاته



عندك القافلة الي بصناعية السليم


به واحد أسمه أبو رمزي شغله زين ومليان مواتر

[راشد الحربي]

الحل الافضل بوجهة نظري يغير القير كامل من التشليح افضل .. وإلا مر على ابوسليمان الهبيش بورشته رجل ذمة وثقة وخبرة ... احسبه كذلك والله حسيبة ..
لاني تعاملت معه كم مرة ...

[abo_hoor]

اي اخوي سعر صحيح غالي لان اكيد بغيرون كل مافي القير ويحطون شي جديد
وانا معاك سعر غالي بس مشكله سياره جديده وحرام تركب لها شي اي كلام
حاول معاهم ودش على مدير واشرح لهم وان شاء الله يهديهم وينقصون لك

[عاشق الكابرس]

لا يستعجل خله يروح اكثر من ورشه ومركز فحص ممكن مايحتاج تغر او توضيب كامل ممكن حجات بسيطه

[الإمبراطور1]

الله يبيض وجيهكم ويرحم والديكم


اخوي راشد ممكن توصف لي مكان الأخ سليمان الهبيش واكون شاكر لك


تحيتي لكم

[أبو شيبة]

أخوي السلام عليكم ورحمة الله وبركاته

عندك في بريدة ورشة الشيبان بخضيراء

[لاندكروزر11]

الوكاله حراميه لاتغبر عندهم شي

[على رمشي تمشي]

وش دخل القير اذا الصدمه خفيفه - اخاف هذا ماء الرديتر او زيت الدركسون او زيت القير ماهو دخل جرم القير كامل خصوصاُ ان الصدمه بسيطه
خله يكشفه عند العضيب او اليرموك وانا افضل اليرموك
والحمد الله على سلامه خويك

[العابر2222]

اخوي هذا اديتر مبرد زيت القير انشق وسرب زيت

لاكن السؤال ... هل القير صار فيه مشكلة ... يعني بعد الصدمه ومشى طلع صوت ؟؟ وقفت السيارة غصب ؟؟

اذا مافيه صوت وكانت تعشيقات السيارة تمام ... يطلعه ويشتري اديتر جديد ويعبيه زيت ويتوكل على الله وان شاء الله مافيه الى العافيه

بس اذا هو مشى عليه فترة طويله الين طلع صوت او جيم لازم جديد

والوكالة دائما تبني على الأضمن

[النبع الصافي]

يمن لي مفقوع
ولا قير ولا شي

[احب الحيا]

سلام عليكم
مثل ما قال اخوي النبع الصافي
شيك عند واحد ثقه ويكون راعي ذمه لان الوكاله الذمه عندهم لك عليها

والتهريب من عند الاديتر ولا من تحت القير نفسه هذي نقطه مهمه عشان تعرف مكان التهريب والقطع الي ممكن انك تغيرها ممكن انها تكون خربانه وتغيرها بسعر ما تعدى ال200 ريال

عليك براعي الذمه ولا يهمك

[راشد الحربي]

ورشة الهبيش على طريق خضيراء ببريدة .. قريب من ورشة الشيبان ..
لكن نصيحتي ترا الشيبان مع احترامي الشخصي له عمالته كلهم حرامية ونصابين خاصة السوداني المسؤول عن الورشة اللي عنده من تجربة وانا اخوك ..

وهذا رقم جوال الهبيش 0503142571

او اتصل علي اوصف لك الورشة 0 3 0 5 0 5 9 0 5 0 ابوتركي

[أبـو عــزام]

عزيزي انصحك تروح لم ابو سليمان الهبيش ممتاز جدا رجل ثقة وامانة وخبرة ..

[abo naser 1]

لاتستعجل هذا مبرد الزيت يجي في الامام مع الاديتر شف واحدا فاهم ممكن ان قيرك سليم بس يحتاج اصلاح للمبرد ...واذا كان القير مروح لاتاخذ الى من التشاليح وتوفر نص نصب الوكالة .............

[قليط]

يالربع الرجال يقول


38 الف :heart:


وهو يخبرالوكاله ويدله


ولكن تعودنا بمنتدانا الحبيب الفزعه


1
2
3
4

[مكسر اللمبات]

أخوي نصيحه عليك والله بتشليح الوكله كذبين ولاتشليح بتحصل قير 2010 ونصف السعر

[مكشاتي مغترب]

اخوي زي ماقالو الاخوان هاذا مبرد زيت القير فقط !!

لايغرونك الوكالة

[slj1416]

الصدمه بسيطه وحمد الله على السلامه
التهريب من المبرد او الليات ومواسير القير

[alimuhammed]

حتى لومشى عليه ما يخرب القير

اهم شيء يستعجل عليه و يظهره من عندهم و يبادر باصلاح المشكلة يمكن يكون دخل ماء في القير من اثر الصدمه
الحل بتنظيف القير من الماء كرتون زيت قير بعد اصلاح التهريب
لكن لا يتأخر اذا داخل القير ماء فيخرب القير

ابحث عن ميكانيكي ثقة

[قصمي]

دور ولاتستعجل تلق ارخص من كذها الله يوفقك

[بيق مان]

لاتستعجل هذا مبرد الزيت يجي في الامام مع الاديتر شف واحدا فاهم ممكن ان قيرك سليم بس يحتاج اصلاح للمبرد ...واذا كان القير مروح لاتاخذ الى من التشاليح وتوفر نص نصب الوكالة .............
اؤيد ما جاء بعاليه بنسبة كبيرة .. فهو عين الصواب ان شاء الله.

[سوبر152]

اخوي هذا اديتر مبرد زيت القير انشق وسرب زيت

لاكن السؤال ... هل القير صار فيه مشكلة ... يعني بعد الصدمه ومشى طلع صوت ؟؟ وقفت السيارة غصب ؟؟

اذا مافيه صوت وكانت تعشيقات السيارة تمام ... يطلعه ويشتري اديتر جديد ويعبيه زيت ويتوكل على الله وان شاء الله مافيه الى العافيه

بس اذا هو مشى عليه فترة طويله الين طلع صوت او جيم لازم جديد

والوكالة دائما تبني على الأضمن

وأنا مع اخي العابر
وإذا القير خربان عليك بالإمارات رح وجب قير أخو الجديد

[bassam7770]

الله يعيضه بالجنه

ياخوي شوف الامارات ممكن تحصل قير هناك

سمعت ان في الشارقه كل شي تبغاه من انواع السيارات

ولو لزم الامر اشحنه للأمارات اكيد انه بيكون صيانته ارخص بكثير او بالامكان الاتصال على الوكاله بالامارات او اعمان وخلك من الورش الي هنا بالسعوديه

[YUKON_GMC]

ماعيليك من الوكاله نصابين ... هذا كسر في مواصير القير حقت المبرد او المبرد فقط واصلاحه مجرد تلحيم ,,

او تغيير مايكلف ألفين ريال

الا إذا مشى على الموتر بدون زيت حتى خبط القير فالله يعينه

[الكونتر]

وين التامين

[ArMaDa1398]

اخوي افحص السياره عندك كذا ورشه وان شاءالله الامر بسيط ولو انحديت تاخذ قير فمثل ما قال الاخوان عليك بالتشليح
وانتبه لا يجيبون لك قير مفكوك خلهم يفكونه من السياره وانت تشوف وتاكد ان السياره المصدومه في التشليح ما تكون صدمته قويه في الوجه واصله المكينه او مع الجنب علشان ما تاثر على القير لان لو جت الصدمه قويه ووصلت المكينه اكيد بيتاثر القير لانهم ومع الاستخدام يطلع في صوت او يتاكل الرمان ويبدا يهرب من جديد

[الإمبراطور1]

قولوا آمين الله يرحم والديكم


والعذر على التأخر بالرد


لكن أنا أشهد أنكم رجال من صلب رجال وأشكر لكم وقفتكم بالردود التي أن دلت فأنها تدل على طيبتكم


ابشركم راح خوينا بالسيارة لورشة ببريدة وعبى راعي الورشة القير زيت ومشى عليها تمام وقال له راعي الورشة ابطلب لك( لي) من وكالة جدة وموضوعك سهل مررره

والحمدلله

لكن مااقول الا حسبي الله عليكم ياوكالة عبداللطيف جميل اجل 38الف ريال ومع التخفيض التقديري لعيون خيوينا طلع بـ34الف

[ابوصالح77]

فيه ورشات بتشاليح بريدة
الصمعاني والعثمان