مشكلة في مكيف موتري فكسار 2001

[راشد الحربي]

السلام عليكم ورحمة الله وبركاته .., وصبحتم / مسيتم بالخير
عندي موتري فكسار 2001

خف التبريد قبل شهر .. وتوقعته مجرد فريون وعبيته امريكي بـ 150 ريال ..
مع اني كنت اشك ان فيه مشكلة ..

اليوم شغلت المكيف وحصلت تبريده وسط .. لاحظت ان جهة الراكب تبريدها بالمرررة ضعيف ..
وجهة السواق تبريدها اقل بكثير من المطلوب ..

لاحظت ملاحظة ثانية ان الثلاجة -اللي بالنص - تبرد اذا شغلت المكيف وفيها صوت خفيف وفيها برضه رطوبة ..

ماهي الحلول ؟؟ هل فيه فلاتر انظفها ؟او ثلاجة مكيف تحت الثلاجة اللي بالنص ؟؟

[famr55]

طيب المكيف الخلفي يبرد والا نفس حال الامامي اذا يبرد فاتوقع مشكله احد الحساسات


وتبريد الثلاجه طبيعي نفس اول والا متغير

واتوقع والله اعلم ان المشكله من احد الحساسات الخاصه بالمكيف تجي راكبه بمواصير المكيف


تحيتي

[راشد الحربي]

مالك لوا اخوي المكيف الخلفي نفس الشي مايبرد ..

الثلاجة اذا شغلتها تثلج من زين التبريد ..

بس انا اقصد انها الان اذا شغلت المكيف الامامي الثلاجة تشتغل معه على الخفيف ...

[الصارم 444]

السلام عليكم

نفس المشكلة اخوي راشد معي جكسار 2004 ولا لقيت حل للحين

لكن عسى الشباب يفيدونا بالحل

[راشد الحربي]

وعليكم السلام اخوي الصارم ..

انت مارحت لمحلات كهرباء سيارات ؟؟

لانه بالنسبي لي مارحت لاحد إلى الان ..

[الصارم 444]

رحت للمحلات بالرياض لكن مافيهم فايدة كل واحد يقول لي ان الحل عنده وخل السيارة يومين اشوف الحل

[HAS5SAN]

نضف فلتر المكيف
وهو موجود داخل الثلاجة إلى خلف الدرج الكبير أمام الركاب
وبإذن الله تنتهي المشكلة
طبعاً بتلاحظ فيه ريحه للمكيف ما تقدر تقول زينه ولا تقدر تقول شينه

[راشد الحربي]

الله يعين اخوي الصارم .. والله انا بجدة واحتمال اروح لواحد تركي يمدحونه ولو جد جديد راح اخبرك بإذن الله ..

اخوي حسن الفلتر اللي تقصده تحت الدرج الكبير اللي قدام الراكب ؟؟ ويجي فلتر او فلترين ؟؟ وهل ممكن ان اي واحد يفكه ؟؟او لازم واحد فنان ..؟

[ماجد28]

سبحان الله وبحمدة سبحان الله العظيم

[راشد الحربي]

جزاك الله خير اخوي ماجد ...

[فني الشروكيات]

قد يكون الفلتر متسخاً يحتاج تنظيف، أو ثلاجة المكيف نفسها تحتاج فك وتنظيف وغسيل وهو ما يغلب على ظني..

يسر الله أمرك..

[هوايتي مكشات]

تاكد من الفريون

[راشد الحربي]

الف شكر لمروركم وجزاكم الله خير ..

الفريون عبيته قبل اقل من شهر وطار ..

[راشد الحربي]

فريت المغرب على اكثر من كهربائي وسألت عن افضل واحد في جدة طبعا حول الحي اللي انا ساكن فيه .. دلوني على واحد اسمه ردوي .. رحت له قال لازم نفك الثلاجات الثلاث وننظفها ونشوف اي اللي فيها تنسيم ونغيرها ..

طبعا شغله يده 800 ريال ..

هل كلامه معقول للخبراء .. والسعر كيف ؟

[باجيرو 99]

يا طويل العمر معي جكسار 2000 صارلي مثلك طار الفريون كل شهر اعبية و نفس ما قلت جهت الراكب ضعيف مرة اما السواق ابرد
مالك الا تركب رديتر مكيف صيني ب 400 و تعبية فريون اصلي لأان عندك تهريب في راس الرديتر ولا يتلحم الراس لازم تغيرة و بتذكر كلامي

[ابن عكاش]

اسم يالغالي اولاً لاتستعجل السعر غالي والمشكلة إن شاء الله مهيب كبيره
ثانياً تأكد من بلف المكيف يكن هو السبب ترى صارت معي في كورلا
إذا انت في الرياض ادلك على واحد يصلح المكيف بإذن الله

[راشد الحربي]

يا طويل العمر معي جكسار 2000 صارلي مثلك طار الفريون كل شهر اعبية و نفس ما قلت جهت الراكب ضعيف مرة اما السواق ابرد
مالك الا تركب رديتر مكيف صيني ب 400 و تعبية فريون اصلي لأان عندك تهريب في راس الرديتر ولا يتلحم الراس لازم تغيرة و بتذكر كلامي


الله يعطيك الف عافية .. عزالله اني جيت يماني اليوم وقالي نفس كلامك غير الرديتير حق المكيف ..

[راشد الحربي]

اسم يالغالي اولاً لاتستعجل السعر غالي والمشكلة إن شاء الله مهيب كبيره
ثانياً تأكد من بلف المكيف يكن هو السبب ترى صارت معي في كورلا
إذا انت في الرياض ادلك على واحد يصلح المكيف بإذن الله

بلف المكيف هذا وين يكون فيه ؟؟

لاوالله انا في جدة الفترة الحالية ... الله يعطيك الف عافية

[راشد الحربي]

تم تغيير الثلاجة الامامية وفك جميع الثلاجات وتنظيفها وتغيير الفلتر واحد الحساسات ...
وسيتم تجربته هذا الشهر وعسى الله مايخسرنا واياكم ..!!

[الصارم 444]

الله يعينك

لكن تكفى عطنا النتائج علشان نصلح او نغير

والله يوفقنا ويوفقك ويوفق جميع المسلمين لما يحبه ويرضاه

[راشد الحربي]

للفائدة تم تغيير الثلاجة واحد الحساسات .. كلف تقريبا 2300 ريال ..
الثلاجة 1580 والحساس تقريبا 100 .. وشغل اليد 600 ريال .. طبعا غير الثلاجة .. ونظف الثلاث ثلاجات الباقية كاملة ..
الكلام هذا صار له اقل من شهر بس ماحبيت اذكر الحل إلا بعد التأكد من فاعليته .!!

اشكركم جميعا !!