المساعد الشخصي الرقمي

مشاهدة النسخة كاملة : سير السوبربان


أبو سارة2
04/12/2010, 07:37 PM
السلام عليكم ورحمة الله
يعطيكم العافية شباب, أنا باختصار
عندي سوبربان 2004 سعودي, السنة الماضية طلع عندي صوت بالسيور مستمر
ويزيد مع الدعسة, غيرت سير الماكينة وبكرة الشداد والحمد لله مشى الحال..
الاسبوع الماضي طلع نفس الصوت, ومباشرة غيرت البكرة لان السيور جديدة, وراح الصوت يومين ورجع أوقى من الاول.
رحت لأكثر من كهربائي ومافيه فايدة..
رحت لاكثر من ميكانيكي برضه مافيه فايده..
جربت البودرة مافيه فايدة..
الشحم سمعت انه يضر السيور بشكل كبييير..
بخاخ للسيور مالقيت..
تكفون انا مسافر شهر عسل على السيارة ومايصير أطلع عليها بهالحالة..واللي عنده عن الموضوع لايبخل.. والأهم تقبلوني ضيف عليكم
عميد سامودة
04/12/2010, 08:35 PM
مادام وانا اخوك تقول غيرت السير والشداد جديد
اكيد تلقى السير مرخي ماهو مشدود .. لان السير اذا ما شديته مظبوط يزعجك
تأكد من كلامي
عشق الجنوب
04/12/2010, 11:18 PM
هلا بك اخوي وحياك وشهر عسل ان شاء الله حافل بكل الخير
تأكد من مقاس السير و تلقائي ينشد عن طريق البكرة وحط فيه شوي شحم اصلي ولا تكثر وتقبل مروري
حزوبر
04/12/2010, 11:25 PM
السلام عليكم
مبروك الزواج مقدما"
بالنسبة للسير ، انا عندي نفس المشكلة وغيرت البكرة والسير، ورجع الصوتن سألت المكانيكي، وفتح الكبةك وحط على السير ماء بسيط، وراح الصوت
استمر الصوت مدة، والأن الحمد لل راح الصوت، وسافرت على الموتر، والأمور تمام وراح الصوت
أبو سارة2
05/12/2010, 12:08 AM
الله يعطيكم العافية على مروركم, ويبارك فيكم جميع..
حقيقة لم أتوقع سرعة الرد, ولكن تفاعلكم السريع دليل نجاح هذا المنتدى الجميل,
الراقي بمن فيه..
عموما بأحاول أناقش الحلول اللي ذكرتوها, وربك يكتب اللي فيه الخير..
ولكم كل الشكر.
ملك الفكتوريا
05/12/2010, 08:45 AM
والله خويي معه ماركييز كان فيه نفس الصوت


شرينا بخاخ الكترونيات ـ13 ريال

رشينا على السير والبكرات والشداد وشغل السيارة وراح يطلع اصوات قوية بس لا تطفي امش شوي لين يروح الصوت وإلا يومك ما عاد طلع الصوت

بس هو كان دخل طعوس وتوسخ السير والبكرات وطلع صوت ومنظف الالكترونيات نفع
ابوغسان 2
05/12/2010, 03:18 PM
أخي الكريم
احيانا يكون السير جديد ومع ذلك يصدر صوتا بسبب انه مخزن بطريقه غير سليمه او انه غير اصلي وتقبل تحياتي
أبو سارة2
05/12/2010, 07:00 PM
اخوي ملك الفكتوريا يعطيك العافية, المشكلة زي ماقال الاخ ابو غسان, السيارة فعلا واقفة ماتتحرك الا بالشهر مرة أو مرتين بالكثير في الويك اند, وطوال الشهر واقفة, وبصراحة كثير قالوا لي إن الوقفة تخرب الجموس بالخصوص..
يارب تتيسر الأمور, وشاكر لكم مروركم..
Magellan
05/12/2010, 11:32 PM
أخوي صار لي تقريبا نفس سالفتك ..
مره انقطع السير بالخط وشحنته بسطحة وغيّر لي عامل محطة السير مع رمان البكرة الثابته...
اللي اكتشفته بعد التغيير صوت يظهر + بكرة الشداد تلعب
رحت لورشة وغيرت البكرة ولافاد
المهم زاد الصوت قبل يومين واكتشف ان السير منحرق على الرغم مامشى 20000 كياو
طلبت سير اصلي منGM وليس ACDelco وغيرته مع رمان البكرة الثابتة
المفاجئة اكتشفت إن عامل المحطة غشني وركب سير اكبر وكان مرتخي السير وهو اللي خلى يطلع صوت ويلعب الشداد
للمعلومية موتري تريل بليزر
عاشق الكابرس
06/12/2010, 02:13 AM
شيك على رمان البكرات يمكن خرب او يحتاج تشحيم
YUKON_GMC
06/12/2010, 01:36 PM
شغل السياره وصب قارورة ماء على السيور

لو اختفى الصوت الله يعينك تغير السيور اصلي او ترش زيت 10على السيور وتزين ان شاء الله ومايضر زيت ال 10

لو الصوت باقي بعد رش المويه ف مشكلتك رمان الشداد او الدينمو او علبة الباور
الباسلي
06/12/2010, 08:26 PM
السلام عليكم ورحمة الله

يعطيكم العافية شباب, أنا باختصار
عندي سوبربان 2004 سعودي, السنة الماضية طلع عندي صوت بالسيور مستمر
ويزيد مع الدعسة, غيرت سير الماكينة وبكرة الشداد والحمد لله مشى الحال..
الاسبوع الماضي طلع نفس الصوت, ومباشرة غيرت البكرة لان السيور جديدة, وراح الصوت يومين ورجع أوقى من الاول.
رحت لأكثر من كهربائي ومافيه فايدة..
رحت لاكثر من ميكانيكي برضه مافيه فايده..
جربت البودرة مافيه فايدة..
الشحم سمعت انه يضر السيور بشكل كبييير..
بخاخ للسيور مالقيت..

تكفون انا مسافر شهر عسل على السيارة ومايصير أطلع عليها بهالحالة..واللي عنده عن الموضوع لايبخل.. والأهم تقبلوني ضيف عليكم



اخوي ابو سارة بالنسبة للصوت مداااااه اسبوع ويروح من حاله ليش؟
لان السير موراكب بالمسارات الموجوده بالبكرات
النصيحة كالاتي :
غير سير جديد وتوكل على الله :good2:
من واقع تجربه
أبو سارة2
07/12/2010, 10:24 PM
بيض الله وجيهكم على هالحلول, بإذن الله بكره الصباح بأطلع للصناعية, وهالمرة ان شاالله ماني راجع الا بحل..
وأبشركم فيه.. جميع الحلول اللي ذكرتوها لها عندي كل الاعتبار, فلكم كل الشكر سلفاً...
fhd261050
08/12/2010, 11:35 PM
غيييييييييييييييير السيييييييييييييييييييييييييييير هذي كل المشكله ......من واقع تجربه .. كل الرمانات غيرتها وما نفع الا يوم غيرت السير حق المكينه .. مع العلم ان شكله جديد وما يبين عليه شي ...واهم شي خذ نفس الرقم حق القديم .. ويركب بالقوة .. يبيله سعة بال ..........
fhd261050
08/12/2010, 11:39 PM
غيييييييييييييييير السيييييييييييييييييييييييييييير هذي كل المشكله ......من واقع تجربه .. كل الرمانات غيرها وما نفع الا يوم غيرت السير حق المكينه .. مع العلم ان شكله جديد وما يبين عليه شي ...واهم شي خذ نفس الرقم حق القديم .. ويركب بالقوة .. يبيله سعة بال ..........
لاندكروزر11
09/12/2010, 04:56 PM
شحم السير وشف
أبو سارة2
12/12/2010, 11:30 PM
والله ياجماعة الخير احترت فيه..
حطيت بودرة, دقايق ورجع الصوت.
تركته عند واحد ثاني أعرفه من زماااان, صلح صنفرة للبكرات ولقى الاتوماتيك حق المروحة تعبان, نظفه ومشى حاله, وأنا طالع مع باب الورشة رجع..
بالنسبة للشحم ماأظن يصلح للسيور, مع العلم اني جربته وزاد معه الصوت.

لازالت المعاناة مستمرة, لكن لابد من سعة وفرج من رب العالمين. إلا وش رايكم بكفر كوبر(أمريكي)
هل يختلف عن كوبرا؟ وكيف جودته؟
أنا بصراحه غيرت طقم جديد وأحس انه افضل من بريجستون..