قربعه مي طبيعيه بالسياره

[شاهي العلمين]

السلام عليكم ورحمة الله وبركاته


ياشباب قدر الله علي وشريت سيارة لكزس اي اس 300 موديل 2002 << كامري الشيوخ:D

السياره فيها اصوات قربعه من طبيعيه مع المطبات وعيون القطط رحت لكذا ورشه يقولون من المساعدات وسألت عنها لقيتها بـ 6000 ريال بيني وبينكم غاااااااليه وحراام بصرااحه اللي عنده حل تكفوووون يفيدني بأسرع وقت

اخوكم شاهي العلمين

[مكشاتي مغترب]

الله يعينك على المستعمل

المفروض فحصته قبل تشتريه

اعتقد ان مساعدات الكامري العادية تركب

كان الله في عونك

[كاشت وحداني]

القربعه اسبابها واجد
شف الجلد حقت المقصات يمكن تكون متقطعه

[البدايه]

فيه مساعدات تركب ولا هي وكالــه

وادائها جيد

اسأل عنها وترى فيه انواع كثير واسعارها دائما في المستطاع

[هاني 999]

اخي للمعلوميه ان اللكزس
اكثر قطع غياره نفس الفكس ار
يعني تروح تاخذ من الوكاله تقول لكزس يقول 2000 ريال
تقول فكس ار يقو 250 ريال اسئل بنفسك عن شي تعرف عنه انه مايختلف بالسيارتين
وتشوف الفرق

ولا تستعجل بالتركيب

[شاهي العلمين]

والله مو مستعجل ياجماعه بس غاليه وحرام ومساعدات الكامري مثل ماتفضلوا الاخوان ماتركب رحت لكذا ورشه قالوا ماتركب
تكفون اللي له خبره بهالامور يفزعلي لو ترهيم مساعدات اي شيء بس يفكني من هالقربعه اللي فجرت راسي

[mr_red]

يمسيك بالخير

شيك عالركب

موفق,,

[شاهي العلمين]

مسيت بالرضا من الرحمن
نشيك عليها ونشوف يالغالي

تسلم

[(أبو سليمان)]

هذي من المساعدات أو جلدة المقص بالنسة للجلدة لا تغيرة لأنها ما تجي إلا مع المقص كامل وهي أصلاً ما تأثر وبالنسبة للمساعدات اطمر لم جبريال اللي بالصناعية القديمة أرخص وأجود وخذ مساعدات كامري طبعا حقين الورش يقولون ما تركب يبي يريح راسه لكن هي تركب بشرط إنك تغير مسامير التوازن لأنها هي المشكلة فقظ اللي يخليها ما تركب وهي مجربة وركبت مع كثير من اللي أعرفهم ...

أتنمى إني أفدتك وتنحل مشكلتك بأسرع وقت ...

[بروق الشام]

بالنسبة لمساعدات الكامري الي اعرفه انها تركب
لكن يعيبها انها ترفع السيارة من خلف شوي
وبالتوفيق ان شاء الله

[ن م ر]

ركب مساعدات شاص < ناوي يجيب العيد فيه هههههههههههه

عزيزي صاحب كامري الشيوخ الموقر :
القربعه غالبا ناتجه من تلف جلد اسفل السيارة
شيك على الجلد كلها وتلقى كثير منها متآكل ويسبب احتكاك بين الحديد

[mmgarni]

السلام عليكم ورحمة الله وبركاته


ياشباب قدر الله علي وشريت سيارة لكزس اي اس 300 موديل 2002 << كامري الشيوخ:D

السياره فيها اصوات قربعه من طبيعيه مع المطبات وعيون القطط رحت لكذا ورشه يقولون من المساعدات وسألت عنها لقيتها بـ 6000 ريال بيني وبينكم غاااااااليه وحراام بصرااحه اللي عنده حل تكفوووون يفيدني بأسرع وقت

اخوكم شاهي العلمين
سلااام
ابد اجل همك هذي مساعداتها رياضية لها اكثر من وضعية واذا خرب تحس بقساوة واصوات غريبة مع المطبات ولو تغير جديد وتروح الماء على طول تضرب
مساعدات كامري ماتنفع ينزل الموتر لا اعتمادها ع المساعد اكثر من الياي
مالك الا حل واحد وهو افضل شي مساعدات لكزس جي اس تجي زيتية موديل 2003 وخذ لك مايز تراها جيدة من واقع تجربة لا تركب مساعد كامري لانه قصير وضعيف جدا
ومع المطب يحك الكفر في الرفرف هذي نصيحتي جننتني اللكزس ذي وماخليت شي وما ركبتة ولا ضبط معها الا حقت اللكزس جي اس قوية وتتحمل وماراح تندم وتراة موتر كفو يسرق الخط سرق الله يعطيك خيرة ويكفيك شره

[شاهي العلمين]

اخوي النمر ياليت تفيدني اكثر بموضوع الجلد خبري تجي مع المقص كامل