وش رايكم في الموقد

[D.luffy]

وش رايكم في الموقد ممتاز ولا هل يوجد له قطع غيار عند السنيدي ولاhttp://www.mekshat.com/vb/showthread.php?t=234371

هذا سؤال السؤال الثاني انا مكلم السوداني الي يشتغل في السنيدي يقول ان تيرا اصلها كوفيا بس مغيرين الاسم كلامه صحيح ولا ؟!

[كوفيا 1]

أخي العزيز: سأجيبك عن الشق المتعلق بكوفيا من سؤالك:
لا يوجد أي علاقة لمنتجات تيرا بمنتجات كوفيا، منتجات كوفيا تباع في المملكة العربية السعودية تحت ماركة كوفيا فقط، وهي متوفرة في معظم محلات الرحلات.

[سرهيد]

السلام عليكم

اما ان تيرا هي كوفيا بس مغيرين الاسم هذي ليست صحيحا نهائيا .

بس صدق جاد السوداني وهو يقولها والا مسكين وباين ما عنده سالفة .

تيرا شركة تختلف عن كوفيا اختلاف جذريا .

واللي اعرفه ان السنيدي يؤمن القطع لأي موقد حسب ما وصلني من معلومات ولك ان تغيره بموقد آخر اذا لم تجد له قطعة فيما يخص منتجات تيرا .

بعدين ما عاد ورا موضوع اخوي سطام شيء ، اذا انت من هواة مثل هالمواقد ، ولاتفوتك ايضا نوعية عند محلات برق الحيا هندية قريبة من هالشكل واعتقد سعرها بـ 45 ريال

http://www.mekshat.com/pix/upload03/images149/mk40450_img_0208%20[800x600].jpg

تقبل احترامي

[بن.حسن]

اخي الكريم

بخصوص الموقد لم اجربه ولاكن

الاخ العزيز سطام وضح به كل شئ

وبخصوص قطع الغيار اتوقع انها لا توجد

ويمكنك التوصل مع السنيدي في القصيم اوالرياض

لمعرفة إذا تتوفر قطع الغيار ام لا

وبخصوص سؤالك الثاني

كلام السوداني غير صحيح

كوفيا شركة مستقلة وتيرا شركة مستقلة

والشركتان في كوريا ولهما إنتجهم الخاص

تقبل تحيتي

-------

[D.luffy]

ضيقتو صدري انا شاريه امس يعني ردي ولا مثله مثل كوفيا

[العاذر]

موضوع له صلة
http://www.mekshat.com/vb/showthread.php?p=5163810

تحياتي

[wafi4sa]

ضيقتو صدري انا شاريه امس يعني ردي ولا مثله مثل كوفيا



اخي الكريم // لا يضيق صدرك وانا اخوك
شركة تيرا ممتازة
ومبروك ما شريت والله يعطيك من خيرة
ويكفيك شره امين

[D.luffy]

ارجعه ولا الله يعافيكم ويتزاكم خير

[سرهيد]

ضيقتو صدري انا شاريه امس يعني ردي ولا مثله مثل كوفيا

يا اخي قلت لك موضوع اخوي سطام فيه الخير والبركة وما قصرت عرض عليك تقرير كامل وفي الختام قال ما عليه خلاف ويمدح فيه

شركة تيرا شركة جديدة على السوق السعودي والخليج ووكيلها السنيدي هرم ما يحتاج والميزة في ذلك انه متكفل بالقطع واي شيء يكون بسب الصناعة وهذي كافية لانك تنبسط من موقدك .

يعني مع الوقت ستراها منتشره بس اصبر شوي ...

وما اقول الا عليك بالعافية ويعطيك خيره ويكفيك شره فديت ذا الوجه

ولا يضيق صدرك ولا شيء ترى الدعوى موقد لا راح ولا جاء شبه عليه واضبط قهوتك وشاهيك عليه وانت اللي بتحكم طال عمرك

ويكفي ان الموقد كوري فهذي تكفي للاستخدام .

تقبل مودتي

[العاذر]

الأخوة الكرام
ما المنتج المشابه لـــ(TIERRA (TB-100 من منتجات كوفيا

موقد (TIERRA (TB-100
الصناعه كوريا
السعر 95 ريال
المقاس 140مم في 140 مم ارتفاع 105 مم
الوزن 381 جرام
الاستهلاك 125 جرام في الساعه
مزود بقداحه وذرايه لحفظ الحراره

اقصد هل اجد منتج من كوفيا يشابه مواصفات منتج تيرا .. أعلاه؟؟

[D.luffy]

على العموم الله يطرح فيه البركه امس جربته مشاء الله على طووووووووووووول فاح الشاهي الله يعافيكم ويجزاكم خير

[D.luffy]

طيب سرهيد يمديني ااطبخ عليه ضاغط 6 لتر ولا ما يتحمل

[ابوسلمان رولك]

اخوي انا مجربه ممتاز جدا ولا فيه خلاف

[Avalanche]

لا يضيق صدرك وانا اخوك ... شركة تيرا ممتازة ومعروفة

امتلك موقد (TIERRA (TB-100 استخدمه للشاهي و القهوة .... ولله الحمد ممتاز جدا :good:

[wafi4sa]

طيب سرهيد يمديني ااطبخ عليه ضاغط 6 لتر ولا ما يتحمل

بعد اذن اخي ابو عبد الله:

اخي الكريم ممكن تطبخ عليه لكن اخذر من الطيحة بس وازن القدر
ولا احد يقرب حولة
انا الله يسلمك طابخ على هذا الموقد ( اصغر من موقدك ) قدر كاتم 8 لتر والنتيجة رائعة
بس زي ما قلت لك تخاف يطيح
http://www.mekshat.com/pix/upload04/images190/mk148373_123.jpg
وهذي صورة طازجة على شانك

[سرهيد]

السلام عليكم

اخي الكريم مسألة الطبخ على مثل هذه المواقد انا شخصيا لا افضل ذلك مع انها تتحمل ويكفي ما قاله اخي الكريم
(http://www.mekshat.com/vb/member.php?u=148373)wafi4sa (http://www.mekshat.com/vb/member.php?u=148373)
(http://www.mekshat.com/vb/member.php?u=148373)
لذا اشوف انك تخليه للقهوة والشاي افضل والطبخ يكون على واحد اوسع واقرب للارض اريح في الطبخ

تقبل مودتي