من جرب ماطور الهواء (كمبرسر) اللي عند ساكو ؟؟؟

[عود رمث]

السلام عليكم

أعزائي ...

من ضمن عروض ساكو هذا الشهر ماطور هواء كمبرسر - خزان هواء بسعة عشره لتر منظره وذف بلحيل وقيمة 300 ريال

السؤال من جربه ؟

وهل العشرة لتر مناسبة لكفر جنط كبير فاضي مرة ؟؟

===

الحاجة الثانية

حصلت ماطور كمبرسر صيني على ما أعتقد 15 لتر ميزته يشتغل على البطارية ... ما ادري أحد منكم مر عليه ؟ ولا يعرف عنه ؟؟


شاكرا ومقدرا مروركم ولو بدون رد .. :) .. ترى ما هيب طردة .. ;)

وسلامة الجميع

[مشعل العيسى]

والله ودي افيدك لكن ما عندي خلفيه ... لكن لعلي ارفع الموضوع ...

وحبيت اسجل اعجابي الشديد بتوقيعك ...

[raed]

المشكله ان كهربا السياره ما تقوم الماطور او بقوة تعبي الدبه
كنت مجربه وما نفع ودك بالكبر جرب شارع الريل عندهم واحد ب ۹۰۰ ريال

[درب الكشات]

السلام عليكم

تعتمد قوة ضاغطات الهواء Air Compressor's ( الكمبروسر ) على قوة الماكينة بالحصان المكانيكي Horse Power اولا و بقدرة انتاج كم بالدقيقة الواحدة ضغط هواء مقاسة بالرطل لكل انش مكعب ،، او الكيلو لكل سم مكعب ،،،

انا بالنسبة لي عندي صيني قوتة واحد حصان للأستعمال المنزلي ممتاز و رخيص و للكفرات يفضل انك تنفخ في الكفر بدون ما يكون راكب بالسيارة او ترفع السيارة و تنفخ التاير حيث يتسبب وزن السيارة مقسوما الي اربعة بالضغط الراجع على مكبس و ذراع الماطور ( الضاغط ) و مع مرور الوقت تجد الماطور يفقد قليلا قليلا من قدرته لأنتاج الهواء كما أول مرة استعمال .

انت لاتحتاج اكثر من 55 ال 65 رطل بالبوصة Psi لتعبئة الكفرات و افتكر يوفي لك و زيادة و الصيني يوصل 180 رطل بالبوصة كحد أقصي في حدود 3 دقائق ثم يتوقف اتوماتيكا و يعطيل عمل 5 دقائق متواصلة .

هذا موجر للضاغط الصيني الصغير حيث انني استعملة حاليا
و اذا كنت تطلب الأصلي و المكافح و القوي عليك بالماركة الأمريكية ( نفس الحجم ) بس ادفع قيمة الصيني 10 مرات و أخذ شغل صح و انت مرتاح و قطع الغيار متوفرة مع كفالات
الصيني ما عليه اي كفالة ,

http://www.plumbersurplus.com/images/prod/5/DeWALT-D55146-rw-73804-19821.JPG

و لا تقارن الماطور اللي يعمل بكهرباء السيارة بماطور يعمل على تيار متغير فاقوة اكبر بكثير و أسرع بأنتاج الهواء بشكل عام .

و الله يوفقك بما تسعى له .

أخوك درب الكشـــــــــــــــــات

[صلهامه]

عليكم السلام ورحمة الله

انا جربت ابو عشرة لتر والصراحة انه غير عملى على كفرات السيارات , يعنى كل كفر لازم تعبيه هواء مرتين وصوته مزعج وعلى غير فايده

لكنه زبن لنفخ كور القدم وما فى حجمها

[عود رمث]

والله ودي افيدك لكن ما عندي خلفيه ... لكن لعلي ارفع الموضوع ...

وحبيت اسجل اعجابي الشديد بتوقيعك ...


حضورك يالغالي كله فايده لو ما عندك خلفية ..

والله يجزاك خير وينفعك وينفع بك







المشكله ان كهربا السياره ما تقوم الماطور او بقوة تعبي الدبه
كنت مجربه وما نفع ودك بالكبر جرب شارع الريل عندهم واحد ب ۹۰۰ ريال


معلومة مفيدة عن اللي يشتغل على البطارية

لكن أبو 900 وش حجمه ووش من لحية ؟؟ :)

الله يعافيك

[تركي1]

وعليكم السلام

قبل 4 سنوات اشتريت من محل العليان (طريق خريص -الرياض)ماطور هواء ب 165 وعليه ضمان ستة شهور متوسط الحجم ويميل للصغر... ويتم تركيبه داخل الكبوت في مكان مخصص لذلك ويتم وصل أسلاكه بالبطارية (يتم ذلك في ورشة العليان ب50 ريال) وماشاء الله إلى الآن والماطور تمام ويملأ الكفر في حوالي دقيقتين

بالتوفيق اخي الكريم

[اصيل نجد]

هلا باخوي عود رمث صباح الخير والصباح موصل للاخوه المتواجدين كلهم كلا باسمه بالنسبه لماطور الهواء اذا كان قصدك على البطاريه صراحه ابو جمل الاصلي لاتعداه انا مركب بسياراتي الثنتين له الان حةوالي خمس سنوات اذا ماهو اكثر ماشي زي الساعه ماشاء الله ومثبته بالمكينه وبالنسبه للكهرب صراحه جربت ابو 10 لتر بستم يعني ماهو زي حق البنشريه له ماطور وسير لا زي اللي عند المنجدين حقين الاثاث ويستخدمونه للدباسات بس صراحه صوته مزعج جدا وليس عملي بعدها شريت واحد ايطالي الاحمر 2 حصان 100 لتر نفس اللي عند البنشري وله سير وماطور ومكره وعلي فكره المكره هاذي مهمتها غير يركب عليها السير مصممه كمروحه تبرد علي الماطور اثاء التشغيل صراحه الماطور هذا دواء وانصحك فيه بقوه لك وللزمن وعلى قولت المثل هي هالموته تحياتي لك واسف على الاطاله .

[عود رمث]

السلام عليكم

تعتمد قوة ضاغطات الهواء Air Compressor's ( الكمبروسر ) على قوة الماكينة بالحصان المكانيكي Horse Power اولا و بقدرة انتاج كم بالدقيقة الواحدة ضغط هواء مقاسة بالرطل لكل انش مكعب ،، او الكيلو لكل سم مكعب ،،،

انا بالنسبة لي عندي صيني قوتة واحد حصان للأستعمال المنزلي ممتاز و رخيص و للكفرات يفضل انك تنفخ في الكفر بدون ما يكون راكب بالسيارة او ترفع السيارة و تنفخ التاير حيث يتسبب وزن السيارة مقسوما الي اربعة بالضغط الراجع على مكبس و ذراع الماطور ( الضاغط ) و مع مرور الوقت تجد الماطور يفقد قليلا قليلا من قدرته لأنتاج الهواء كما أول مرة استعمال .

انت لاتحتاج اكثر من 55 ال 65 رطل بالبوصة Psi لتعبئة الكفرات و افتكر يوفي لك و زيادة و الصيني يوصل 180 رطل بالبوصة كحد أقصي في حدود 3 دقائق ثم يتوقف اتوماتيكا و يعطيل عمل 5 دقائق متواصلة .

هذا موجر للضاغط الصيني الصغير حيث انني استعملة حاليا
و اذا كنت تطلب الأصلي و المكافح و القوي عليك بالماركة الأمريكية ( نفس الحجم ) بس ادفع قيمة الصيني 10 مرات و أخذ شغل صح و انت مرتاح و قطع الغيار متوفرة مع كفالات
الصيني ما عليه اي كفالة ,

http://www.plumbersurplus.com/images/prod/5/DeWALT-D55146-rw-73804-19821.JPG

و لا تقارن الماطور اللي يعمل بكهرباء السيارة بماطور يعمل على تيار متغير فاقوة اكبر بكثير و أسرع بأنتاج الهواء بشكل عام .

و الله يوفقك بما تسعى له .

أخوك درب الكشـــــــــــــــــات



مشكور جدا ومعلومات جديدة علي

أفهم إن قياس القوة بالحصان .. وحصان واحد كافي للإستعمال المنزلي
لكن هل عشرة لتر كافية ؟؟ أو آخذ 24 لتر !! وانا يهمني الحجم جدا .. فلا أرغب بالكبير ..

شاكرا لك مرة أخرى

[:: AhMaD ::]

وعليكم السلام ورحمة الله وبركاته ...

إن كنت تقصد الماطور الموجود على الرابط التالي :
http://www.saco-ksa.com/product_details.php?p_c=75&s_c=130&pr_i=5728&lang=EN

فأنا شريته في رمضان الماضي ..
واستخدمته مرتين بس .. وكلها كانت شغل خفيف جداً ..
مثل تنظيف لوحة مفاتيح جهاز الكمبيوتر عندي ..
وبعدها خرب ..

ورجعته لساكو على الضمان .. وهو إلى الآن في صيانتهم .. لا هم اللي صلحوه ..
ولا هم اللي ردوه لي أصلحه أنا على حسابي ..

وأنصحك .. إذا تبي لك شي لك وللزمن .. فالإيطالي ولو كان غالي .. <<< طلعت حلوه :D

وبالتوفيق للجميع ..

[عود رمث]

عليكم السلام ورحمة الله

انا جربت ابو عشرة لتر والصراحة انه غير عملى على كفرات السيارات , يعنى كل كفر لازم تعبيه هواء مرتين وصوته مزعج وعلى غير فايده

لكنه زبن لنفخ كور القدم وما فى حجمها


ياهلا بك

الله يعافيك وتجربة نافعة لك ولغيرك

وفقك الله

[عود رمث]

وعليكم السلام

قبل 4 سنوات اشتريت من محل العليان (طريق خريص -الرياض)ماطور هواء ب 165 وعليه ضمان ستة شهور متوسط الحجم ويميل للصغر... ويتم تركيبه داخل الكبوت في مكان مخصص لذلك ويتم وصل أسلاكه بالبطارية (يتم ذلك في ورشة العليان ب50 ريال) وماشاء الله إلى الآن والماطور تمام ويملأ الكفر في حوالي دقيقتين

بالتوفيق اخي الكريم

أشكرك أخي الكريم تركي1 على المعلومات وياليتك حطيت اسم الماطور للفائدة ..
أما سؤالي فكان عن الكمبرسر أبو اسطوانة ( خزان هواء )




هلا باخوي عود رمث صباح الخير والصباح موصل للاخوه المتواجدين كلهم كلا باسمه بالنسبه لماطور الهواء اذا كان قصدك على البطاريه صراحه ابو جمل الاصلي لاتعداه انا مركب بسياراتي الثنتين له الان حةوالي خمس سنوات اذا ماهو اكثر ماشي زي الساعه ماشاء الله ومثبته بالمكينه وبالنسبه للكهرب صراحه جربت ابو 10 لتر بستم يعني ماهو زي حق البنشريه له ماطور وسير لا زي اللي عند المنجدين حقين الاثاث ويستخدمونه للدباسات بس صراحه صوته مزعج جدا وليس عملي بعدها شريت واحد ايطالي الاحمر 2 حصان 100 لتر نفس اللي عند البنشري وله سير وماطور ومكره وعلي فكره المكره هاذي مهمتها غير يركب عليها السير مصممه كمروحه تبرد علي الماطور اثاء التشغيل صراحه الماطور هذا دواء وانصحك فيه بقوه لك وللزمن وعلى قولت المثل هي هالموته تحياتي لك واسف على الاطاله .

عذرا أخي أصيل نجد فأنا أقصد الماطور أبو خزان هواء فيه نوع يشتغل على بطارية الساعة ... أما أبو جمل فهو عندي ومثل ما تفضلت ما ينتعدى .. وليتك تبين وشلون ثبته لأنه غاثن بالشنطه وودي أثبته ...

أما اللي ذكرت الكبير 100 لتر فهو كبير بالنسبة لي وأنا يناسبني إلى 30 لتر كحد أقصى .. وأبي موتتي عليه :)

شاكرا لك

[يوسف الزعيم20]

يعطيك العافية

[عود رمث]

عذرا أخي أصيل نجد فأنا أقصد الماطور أبو خزان هواء فيه نوع يشتغل على بطارية الساعة ... أما أبو جمل فهو عندي ومثل ما تفضلت ما ينتعدى .. وليتك تبين وشلون ثبته لأنه غاثن بالشنطه وودي أثبته ...

أما اللي ذكرت الكبير 100 لتر فهو كبير بالنسبة لي وأنا يناسبني إلى 30 لتر كحد أقصى .. وأبي موتتي عليه :)

شاكرا لك

عذرا على الخطأ الإصبعي :) أقصد بطارية السيارة

.

[سمرقندي]

أخوي ابو عبدالرحمن لا يفوتك ماطور ساكا فعلا عملي وسعره معقول

[عود رمث]

وعليكم السلام ورحمة الله وبركاته ...




إن كنت تقصد الماطور الموجود على الرابط التالي :
http://www.saco-ksa.com/product_details.php?p_c=75&s_c=130&pr_i=5728&lang=EN


فأنا شريته في رمضان الماضي ..
واستخدمته مرتين بس .. وكلها كانت شغل خفيف جداً ..
مثل تنظيف لوحة مفاتيح جهاز الكمبيوتر عندي ..
وبعدها خرب ..


ورجعته لساكو على الضمان .. وهو إلى الآن في صيانتهم .. لا هم اللي صلحوه ..
ولا هم اللي ردوه لي أصلحه أنا على حسابي ..


وأنصحك .. إذا تبي لك شي لك وللزمن .. فالإيطالي ولو كان غالي .. <<< طلعت حلوه :D


وبالتوفيق للجميع ..



حي الله شكشبان

وتجربة جيدة ومفيدة للمستهلك .. وإن كنت أنت من دفع ثمنها .. لكن على أجر إن شاء الله :)

نعم اللي أقصد هو بعينه واعلمه اللي بالصورة ... الحمد لله إني ما شريته

وفقك الله وعوضك عنه خير

وعبارتك وردك كله حلا x حلا :good2:


.

[عود رمث]

يعطيك العافية


الله يعافيك

شاكرا لك المرور

.

[عود رمث]

أخوي ابو عبدالرحمن لا يفوتك ماطور ساكا فعلا عملي وسعره معقول


هلا ومرحبا بك

ياليتك أفدتنا أكثر عن هذا الماطور

وفقك الله لكل خير


.