هل يوجد قطع غيار لموقد بريموس عنكبوت؟

[دلبوح]

الإخوة الأفاضل


عندي بريموس عنكبوت وابي له قطعة غيار

رحت للوكيل بالرياض ولكن للاسف ما عنده إلا الضعوي
:mad::mad::mad:

[بن.حسن]

اخي العزيز


ياريت تحدد نوع القطعة المطلوبة


عشان نقدر نساعدك


-------

[دلبوح]

الله يعطيك العافيه


القداح

[Loard]

مرحبا اخوي عندك اللورد سرهيد يفيدك ابو عبداللة

[دلبوح]

أبو عبدالله ما يقصر ولا يهون باقي الاخوان

لكن ما نبي نطلف على أحد

[ابو عبدالملك 2]

انا عندي نفس الحكاية القداح تكسر طبعا اقصد اللي يطلع منه الشراره اما الزند باقي على حاله

[سعود الحربي]

شرحكم سراء نفس المشكله

وين ابو عبد الله
شكله نايم بدري الليله

[ابوسلمان رولك]

فعلا وكيل ظعوي وكيل الفلس

[بن.حسن]

اخي دلبوح

إذا كان القداح انكسر فقط الرأس

فيمكنك ترهيمه من اي قداح لموقد قديم

اما إذا كن لا يعمل نهائياً

فوجودة ليس ضروريا ويمكنك إستعمال

اي ولاعة او قداحة لإ شعالة

اوانتظر الخبير ابوعبدالله يمكن يفيدك

او يدبر لك قداح إن شاء الله

----------

[سرهيد]

السلام عليكم

اعتذر عن التاخر والبارح فعلا نومة مبكرة في هالبرد ، صار الفراش يستوهيني ... انتوا خابرين الشيبان يزبون الدفى في مثل هالليالي :):)

وكيل ... الله يرحم حالنا بس قل آمين .... هذا مو وكيل هذا وكيل بيع فقط فقط ، ومن يقول انه وكيل يخدع نفسه ...

للآسف لا يتوفر اي قطع غيار ... لهذا الموقد والا الشنطة ..

القطع مجرد مامات وشرابيش لانواع معينه وجلد وصواميل تنسيم وباسعار دبل عن ما يوجد في سوق الزل .

والغالب في ما يتعطل في هذا النوع من مواقد بريموس هو القداح ....

وعلى العموم حضره لي ويكون خير ابشر بالسعد ، بس هو القداح الاحمر ام الاسود .

وارسل جوالك على الخاص وحاضرين نخدم الجميع بما نستطيع

تقبل احترامي