ضعف موقد كوفيا

[الكايف 888]

السلام عليكم

البارح بعد انقطاع من استخدامه عدت اليه بحنين ورغبه في اثبات وجوده امام الضيوف

حيث مازحني احدهم وش بيسوي هالصغير قلت الوعد الميدان لاكن انخذلت وقعد ابريق

الزجيبل اكثر من نص ساعه عشان يسخن مو يوفوح ....

انه موقد العقرب من كوفيا

http://www.mekshat.com/vb/showthread.php?t=241462

طبقت التنظيف لاكن المشكلة باقيه

انا استخدم عليه دبابه بغيار او معادة التعبئه

برائيكم وش الحل ؟ افيدوني مأجورين



×

[اصيل نجد]

مساك الله بالخير اخوي الكايف الامر سهل جدا فك الموقد يعني فك راس الموقد وسوف تجد المامه تحت الراس فكها ونظفها تجدها ترجع زي الجديده واحسن ويبيض وجهك عند ضيوفك اذا عقرب كوفيا مابيض الوجه وش خليت تحياتي لك :good2::good2::good2:

[الذيب 502]

بيبيض وجهك أن شاء الله

بس شكله يبغاله تنضيف وجمب معك علبة غاز ذات الاستخدام الواحد أحتياط

[hih313]

هلا اخوي الكايف
موقدك و الله اعلم يبغاله تنظيف
عندي نفس هذا الموقد و استخدمة للشاهي و القهوة و اكثر من رائع
عليه شعله ماشاء الله تقول لحام
دائماً استخدمة عشان اغلي الموية في البريق الالمنيوم الكبير مقاس 15 و الموية تكون ماليه البريق
و بكل صراحة الموية تغلي في وقت سريع مع العلم اني استخدمة مع الدبات الزرقاء معادة التعبئة و اشبكة بواسطة لي ابوعبدالله (سرهيد) الله يجزاه خير

نظف القز بنفس طريقة الاستاذ الكبير ابو مها و ان شاء الله تنحل المشكلة