عضوجديد يبي يلتمس من بحر العلوم اللي عندكم>>>

[أبو القاسم]

بسم الله الرحمن الرحيم

السلام عليكم ورحمة الله وبركاته

طبعا أحبتي في الله أنا عضو جديد حل بينكم فأرجو منك إفادتي

أنا أملك سياره ددسن 94زين وأبغاكم تعطونن علوم وشلون أو كيف أجعل من هذي السياره

تصلح للمكشات100% وبأقل شي يعني بالفلووس :p :D والله يجزاكم كل خير...

محبكم في الله:

أبو القاسم،،،

[دله وفنجال]

السلام عليكم...
ياهلا والله ويامرحبا بخوي ابو القاسم وتراك بين اهلك وناسك غالي والطلب رخيص..
1: ركبلك اشراع خلفي الي يغطي الصندوق لجل يحمية او بلاستيك الحامي من السليماني او العليان .
2: ركبلك توانك طول ازيلك ستيل لاكنه غالي وانا انصحك ركب حديد لاكن النوع الجيد ابو نجمة لاكن ما اعرف اسمة ويبي يكلفك فوق 300 ريال بس لاتكبر التوانك خلها 150 لتر او اكثر او اقل على حسب مكاشيتك.
3: ركب جنوط مقاس 15 وكفرات خط يعني الي يركبن بلكابرس وهذي لعبت الهايلوكسات يلله وينكم.
4: زين النور ودبل الكتاوت لجل تتضح الرؤية اليلية بلخليان (بلبر) .
5: ارفع الموتر وركبلك مساعدات اما رانشو او جبريال 3 سرعات واذا كان فية شي افضل الاخوان ماراح يقصرون.
6: ارفع الموتر من الخلف عن طريق تقويس السست او تزويدهن وكذالك من قدام لجل مايحك الموتر مع الوجة.
هذي الاشياء الي اشوفة اساسية بنسبه لي واسف على الاطالة واذا كان فية نواقص فنطلب العذر والسموحة.
اما من ناحيت الاسعار والله ماعندي خلفية لاني ماقد شريت ونيت لاكن الي اشوفة من الاخوان اصحاب الهايلوكسات ...

[أبو القاسم]

أحب أشكرك أخي الحبيب على ما ألويت و أسئل الله أن يجعل ماكتبته في ميزان حسناتك

إييييه كذا من أوله

الصراحه استفدت منك فائده ماعي هينه والله ويجزاك لك خير يالغالي محابك في الله: أبو القاسم

[غيّام]

اولا حياك الله اخوي الكريم وترى الددسن مايستهان فيها ابد
ثانيا : عز الله ان دله وفنجال بيض وجيهنا على طول واحسن الاستقبال وهذا هي عادته ذيب ولد ذيب وحياك الله وعقب دله وفنجال مانقول الا الله يسهل عليك وعقبال ما تكشت الربيع الجاي الله يجيب الخير

[أبو القاسم]

بس ياخوي ودي والله بألأسعار

[دله وفنجال]

السلام عليكم...
ماعليك زود اخوي غيام وهذا والله شرف لي ...
اخوي ابو القاسم اما بنسبة للاسعار نبي العذر منك لاني والله ماقد ركبت توانك للونيت الددسن لاكن اذكر ان واحد من الربع ركب تانكي حديد على شاص وكلفه مايقارب 300 ريال اذا كانت ماهيب ازود لاكن التانكي عرضي ماهو طولي يعني قطعه وحدة اما الي اقولك مفصولات كل واحد بشنق على جوانب الموتر اما من ناحيت النور يبي يكلفك من 200 الى 250 يعني تشريلك شمعتين الماني مع التدبيل ولاسلاك وهذا اذا كنت بلرياض تلقاه عند شاهين بشارع الامير ماجد بن عبد العزيز ((النموذجية حي الريان)) وشغلهم جيد وتبي تلاحض الفرق ولاسلاك الي يستخدمة جيدة ماتتأثر بلحرارة اما المساعدات مابين 150 - 300 ...
هذا والله اعلم...
واسفين على اننا ما افدناك من ناحيت الاسعار بتمام...