أرانب برية في الثمامة ... صدق أو لا تصدق .. صور

[مشغول]

حي الله القناصة

تحبون العلوم الطيبة .. الحقيقة طلعت أنا وبعض الشباب إلى الثمامة الخميس الماضي 25/8/1426هـ .. وفي نصف الليل الشباب سرو للرياض وبقيت انا ومعي واحد من الشباب وبتنا ذيك الليلة فوق الطعوس والله يا هي فله وبراد .. وركدنا الساعة على خمس الفجر علشان نصلي قبل ما تشرق الشمس .. ويوم قمنا ورحت للخلا (( الله يكرمكم )) وناظر ... وناظر زين ... وفرك عيوني .. يا ولد هو صدق :eek: :no: .. قلت ابصبر شوي لين تطلع الشمس وأتأكد من الوضع .. وفعلا .. صارت اثر جرت ارنب وصورتها لكم علشان تتأكدون وتستمتعون

لكن وين من الثمامة هنا السؤال ؟؟؟؟

تفضلوا الصور وعساها تعجبكم ...

http://www.mekshat.com/pix/upload/images10/mk3045_img_0050.jpg
.
http://www.mekshat.com/pix/upload/images10/mk3045_img_0053.jpg
.
http://www.mekshat.com/pix/upload/images10/mk3045_img_0054.jpg

ان شاء الله تكون الصور واضحة

وهلا بكم في كل وقت

[صوعان]

هذي يا طويل العمر يمكن عند مخيم البريدي ...المخيم فيه مالا يقل عن 200 ارنب بريه وتتكاثر عنده وحاط لها شبك كبير يمكن هذي وحده طلعت با الغلط

[مشغول]

هلا اخوي صوعان ...

الحقيقة إني ما ادري هل هي خارجة من المخيم ولا ... لا ... لكن هذا ما رايت ..

وشكرا لك

[LAND CRUSER]

ياخى تقل جرت قطو برى والا انهاا مى واضحه مره

[مشغول]

هلا اخوي لاند كروزر

اللله يحفظك هذه جرة ارنب .. والدليل ان يديه ورجليه قراب جمب بعض .. يعني يناقز يطامر .. اما القط البري فهو يمشي ولا تكون يديه متوافقه مع بعض وايضا رجليه يعني مثل اي حيوان يمشي على اربع

وهلا بك

[_الدلوع_]

السلام عليكم
في اعتقادي انها ارنب عاديه وليس بريه ممكن مفقوده من احد

[رسلان]

قد تكون لأرنب أهلي !!
قلنا الرجل رأى بعينه الأرنب :) ..
الجرة ليست دليل على البري ...

عافاكم الله ....

[الفشق المتوووسع]

السلام عليكم ورحمة الله وبركاته

اخوي مشغول الجره اللي لقيت جرة حصني :j ،والدليل ان الخطوه دائريه والارنب جرتها بيضاويه تقريبا وخاصه
رجليها. والشي الثاني الارنب تلقى خطاويها ثلاث وحده ،ثلاث وحده
تلقاها ثنتين ثنتين (تصف) اذا هي بتربض لكن ماتتباعدعن بعضها لهذي الدرجه
واقبل تحيات اخوك الفشق المتوووسع ;)

[شعاع]

ياشباب ترى شبك المطار مليان أرانب بريه ونا قد صدت وحده بالسيارة قاطعه الطريق ...

تحياتي لكم

[الصياد المحترف]

بسم الله الرحمن الرحيم
السلام عليكم ورحمة الله وبركاته
اخوي الله يهديك هاذي جرة القط الرملي وهو منتشر في الثمامة قرب المخيمات الكبيرة ولا تغلطون وتحسبونة (القرطة) لأن القط الرملي اذا قربت منه انبطح وله ذيل طويل والقرطة ذيلة قصير والدليل انه قط رملي عد الأصابع وشف مقاسهن عند اثر خطواتك .

[عاشق الجبل]

هذي جرة حيوان له مخالب ودليل ذلك الوطية دائرية ويظهر في أخر صورة تباعد الجره عن بعضها وليست جنب بعض


http://www.mekshat.com/pix/upload/images10/mk3045_img_0054.jpg

[جال القلايل]

هذه جرة ثعلب أو حيوان مشابه وليست جرة أرنب بري !!!

جرة الأرنب تكون بيضاوية قليلاً وأصغر من هذه الجرة بقليل لأني قستها على أساس أثر النعال إللي جمبها أجلكم الله ،،

وجرة الأرنب تختلف باختلاف وقتها وحالتها النفسية ، وعادة تلقى مع جرتها فضلات تدل عليها (دمن )

فعندما تكون الأرنب في أول الليل وفي بداية جولتها تكون جائعة وجرتها متتابعة يعني فوق بعض لأنها مستعجلة وتكون فضلاتها ( دمنها ) صغير وقاسي.

ولكن في آخر الليل عندما تكون شبعانه وفي آخر جولتها فأن جرتها تكون متقاربة وتكون أحياناً على شكل مثلت وتجد آثارها متداخلة مع قريناتها وتكون فضلاتها أكبر بقليل وهشة.

وأهم شيء هو عندما تنتهي من جولتها وتكون تبحث عن مكان الإختباء فإنها تجعل شعر أقدامها يأتي تحتها كي يختفي أثرها وبذلك تصعب مهمة من يقص جرتها.

[طويل خطام]

الله لايشغلنا الا في طاعته يامشغول

فيه مخيم فيه ارانب ... والا شبك المطار مليان

والا لو أنك في القعد .... ماعليك من الكلام

هذي ماهيب جره ارنب

هذي جرة ثعل .... الله يهديك

والصوره واضحه مره مايبي لها توضيح

تقول مخالب كلب .... وخذ الكلام الصحيح من هل الرمله

اخوك / طويل خطام

[غيّام]

اؤؤيد كلام الفش المتووووسع فجره الحصني مشابهه لجره الارنب

[بعيد المعشى]

اخوي مشغول صدقني ماحولك بالثمامه ولاعظام أرنب أكلوها الرجال مبطي

يالله تلقى لك وحده بجبال الطوقي عقب ماتكسر سيارتك وظهرك وشلون تلقاها بأرض رمليه

فهالجره ياهي جرة قطو بري أو يمكن حصني لابس كنادر ارنب :D

[..@القناص@..]

هذا ليس دليل

[عاشق تمير]

الله يعطيك العافيه

[عين الداب]

الله لايشغلنا الا في طاعته يامشغول

فيه مخيم فيه ارانب ... والا شبك المطار مليان

والا لو أنك في القعد .... ماعليك من الكلام

هذي ماهيب جره ارنب

هذي جرة ثعل .... الله يهديك

والصوره واضحه مره مايبي لها توضيح

تقول مخالب كلب .... وخذ الكلام الصحيح من هل الرمله

اخوك / طويل خطام
كلام سليم ومشكوررررررر

[برق برقان]

لقد رأيت الموضوع ورأيت الردود
لاكن لاحضت أن هناك مصدق ومكذب
لاكن خوذو رايي والذي يكون أغلبة للصواب
سلمك الله أخوي(مشغول)يأن الي بالصورة أنت مسويها بصابعك ولا أنها جرة حصني ولا يكون بالفعل أرنب أو أي حيوان آخر المهم أن كانت أرنب فأكيد100%أن أحد حطه هناك أو جابة يب يتعشا ولا يتغدا علية وهج الأرنب أو يكون بالفعل كما قال الأخوة هج من أحد المخيمات...
أما إن كان حيوان آخر فلا عجب أن يكون هناك,,,
...أرجو بأن تتقبل مروري...

[المزروعي]

لا يا أخي العزيز !! هذي مش جرت أرنب . هذي أما ثعلب أو هر .
فرق كبير بين جرت الارنب و الثعلب !!!!!!!!!!

[The End]

هاذي جرة قرد <<<< داخل غلط

[المزروعي]

هاذي جرة قرد <<<< داخل غلط





والله ما حصلت أي تفسير لردك هذا !!! الله يصلحك

[خط الساحل]

مادري ليه الاخوان غير مصدقين انه قفر ارنب ،
انا بأم عيني رايت ارنب بري ولاكن في المنطقة الجنوبية ،
وتعيش حول الرديف .
ويتم اصطيادها بنفس طريقة الجرذان او الجرابيع ،اي بالانوار الكاشفة .

[حر الحباري]

la,,,,,,,,,,,,,,,,,,,,,,,,,,,,,,v

[القصيلي911]

هذي ماهي بجرة ارنب

[حق الفيتو]

دايم للامنا خيمنا نشوف انواع الجرات


لكن اتوقع واانا ما ادري وش الطبخه انها من الفيران المتواجدة هناك

وشقرن

[مشغول]

حي الله الجميع كل باسمه

يا جماعة الخير الموضوع هذا من تاريخ 1/10/2005 يعني من ثلاث سنوات ..

الله يهديك يا سلطان القناص نبشت الموضوع وهو ما يستاهل من يرفعه ..

شاكر لكم مروركم

[قشاع الرمث]

هذي جرت حصني

[جارح العين]

طيب ليش ماقصيت الاثر وشفت وشو؟

[ساري بريدة]

هذا بس يعني قط او هر اواواو