افزعولي لاهنتم قبل لا يخبط الموتر

[ابو عبود565]

السلام عليكم ورحمة الله وبركاته
اما بعد .... كل عام وانتم بخير
انا عندي كراون فكتوريا وإذا شغلت وهو بارد اسمع طقطقه بالمكينه ورحت الميكانيكي وقالي هذا جنزير التايمن
وابي ورشه مظبوطه تغير جنزير التايمن
في الرياض

وربي يوفقكم ويجزاكم خير


واحلا تحيه للمشرفين على ذا المنتدى الاكثر من رائع

[---عبادي---]

اخوي اذا الصوت يطلع والسياره بارده مع التشغيل هذا مو جنزير هذا صوت التكايات ولا عصافير البلوف
واذا الصوت مستمر هذا من الجنزير...
انا معي ماركيز ويطلع الصوت مع التشغيل فقط ورحت كذا ورشه قالو التكايات يبيلها تغيير
ولا غيرتها وماشيه معي السياره يارب لك الحمد
بس اهم شي انتبه من الزيت لا ينقص ويخبط عليك الموتر
اتمنى اني افدتك وانشاء الله الشباب مايقصرون معاك ....

[ابو عبود565]

اخوي جزاك الله خير
الصوت مثل ماقلت مايطلع إلا وقت التشغيل وهو بارد ولاكن إذا دقيت سلف وخليته دقيقه وشغلت مايطلع الصوت


وش العصافير هاذي يعني شدادات الجنزير او الشحطات

[عبدالرحمن السالم]

يعني إلى فهمته منك اذا شغلته الصبح وهو بارد تسمع الصوت لا احتمى الموتر يروح صح؟!

[العابر2222]

هذي التكايات أخوي يتأخر الزيت ما يرتفع ... اغلب السيارات تعاني من الشي هذا

والسبب حسب التجارب .. السيفون التجاري + لزوجة الزيت او جودته

[بدوي جنوبي]

يبو عبود لا تستعجل
ويش نوع الزيت اللى تغير وكم رقمه

وكم الفتره يجلس الصوت بعد التشغيل
ومتى يختفى
وهل يظهر الصوت بعد ما تشغل مره ثانيه

[YUKON_GMC]

اذا يطلع الصوت وهو بارد هذا عادة يكون السبب الصبابات او التكايات في اغلب السيارات الامريكيه

ولكن بالاول لازم تتأكد ان الزيت جديد والفلتر اصلي وان ساعة ضغط الزيت بمستواها الطبيعي حتى نظمن عدم تعطل طرمبة الزيت

الاصلاح .. لو قادر على الاصلاح لازم تفك المكينه .. وحتى تغير الصبابات لأنها داخل المكينه بس بالاول حاول توزن البلوف

[ابو عبود565]

اذا يطلع الصوت وهو بارد هذا عادة يكون السبب الصبابات او التكايات في اغلب السيارات الامريكيه

ولكن بالاول لازم تتأكد ان الزيت جديد والفلتر اصلي وان ساعة ضغط الزيت بمستواها الطبيعي حتى نظمن عدم تعطل طرمبة الزيت

الاصلاح .. لو قادر على الاصلاح لازم تفك المكينه .. وحتى تغير الصبابات لأنها داخل المكينه بس بالاول حاول توزن البلوف
اخوي سفاري الله لا يهينك على التفاعل
لاكن الصوت يختفي بعد التشغيل من دقيقتين إلى خمس دقايق
ومن ناحية الزيت استخدم سوبر شل والسيفون ماهو بوكاله النوعيه الي تحت الوكاله

[ابو عبود565]

يبو عبود لا تستعجل
ويش نوع الزيت اللى تغير وكم رقمه

وكم الفتره يجلس الصوت بعد التشغيل
ومتى يختفى
وهل يظهر الصوت بعد ما تشغل مره ثانيه
اخوي بدوي جنوبي ربي يوفقك
بالنسبه للزيت استخدم سوبر شل المعروف الاحمر
والصوت إذا كان بارد يطلع مع التشغيله على طول وياخذ من دقيقتين إلى خمس دقايق ويروح يعني اول ماشغل قوي وبعدين يخف الصوت إلين يروح

وإذا احتما مايطلع الصوت



ومشكورين جدا" جدا"
على المنتدى الرائع

[ابو عبود565]

يعني إلى فهمته منك اذا شغلته الصبح وهو بارد تسمع الصوت لا احتمى الموتر يروح صح؟!


اخوي عبدالرحمن لاهنت على المشاركه
بالنسبه لصوت يروح بعد ما يحتمي الموتر

[---عبادي---]

اخوي انت تستخدم زيت سوبر شل الاحمر اعتقد انه من نوع الزيت لاني كنت استخدم كاسترول

ولا كان بها شي السياره ومن يوم غيرت نوع الزيت لسوبر شل صار يطلع الصوت مع التشغيل

نصيحه غير الزيت الى كاسترول وخذ لك سيفون اصلي من قطع الغيار مو من البنشر سعره 15 ريال

وانا ان شاء الله حتى انا بغير الزيت الى كاسترول...

وان شاء الله تضبط الامور

[YUKON_GMC]

غير الزيت نوع 10على 30

لأن السوبر شل 20 على 50

[بدوي جنوبي]

بحث عن أسباب صوت المكينه عند التشغيل صباحا فقط لاغير (http://www.mekshat.com/vb/showthread.php?t=355694) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=355694) 2 (http://www.mekshat.com/vb/showthread.php?t=355694&page=2) 3 (http://www.mekshat.com/vb/showthread.php?t=355694&page=3))

[الباش مهندس]

ابو عبود ولا يهونون الشباب الجنزير عندك مرتخي

[ابو عبود565]

اخوي الباش مهندس

جزاك الله خير

وكنت متوقع انها من الجنزير لاني إذا دقيت سلف قبل التشغيله وخليته خمس دقايق اشغل مايطلع الصوت
بما معناه شدادت الجنزير تشد الجنزير لوضع التشغيل


على العموم لاهنت على افادتك

ولا هانو باقي الشباب الله يجزاهم خير