عبارة Low Oil Pressure " ضغط الزيت منخفض

[احلى البشر]

السلام عليكم ورحمه الله وبركاته


اخواني الكرام عندي همر2003



قبل اسبوع كنت ماسك خط حائل- الفصيم.. وتبهذلت بالطريق ماشي 160
يمكن ومثبت على هالدعسه وكل شوي تطلع لي هالعباره ..
تطلع وتختفي وتطلع وتختفي وتبهذلت ,,,,
ومع العلم ببداية الطريق كان كل شي تمام
لكن بعدها ساعه تقريباً بدت تطلع لي هالعبارهـ



low oil pressure



تطلع اذا دعست كل الدعسه وانا ماشي 160 ..
مع العلم اني ماعندي صوت " تك تك تك تك " ..



ناس قالوا الطرمبة وناس قالو حساس الزيت .. وناس يقولون
لازم توظيب الماكينة مع العلم اني ماعندي صوت " تك تك تك تك "
مع العلم اني سويت فحص كمبيوتروطلع العطال من الطرمبه ضعيفه.



وانا عندي امبير ضغط الزيت خربان .. هل تتوقعون هو السبب ؟



هل اذا كان الامبير خربان تطلع لي هالرساله ؟
low oil pressure




المشكله اني رحت للورشه وطلبت منه تغير الطرمبه
قالي حتى لو صلحت الطرمبه راح تخرب
وقالو لي لازم توضيب الماكينه توضيب الماكينة
ممكن تفيدوني بارك الله فيكم بالحل ؟
وجزاكم الله كل خير





تحياتي لكم



احلى البشر

[shabrsh]

السلام عليكم ورحمة الله وبركاته

هلا اخوي انا كانت تطلع عندي هاذي العبارة بالجمس موديل 2000 وصوت : تك تك تك خفيف :

ورحت للورشة وقال : حساس طرمبة الزيت او شيء زي كذى المهم ما اذكر باظبط المهم ان الدعوى ما لها

اي علاقة بتوظيب المكينة ...ابدا اول شيء باصغير غير الحساس وان شاء الله يضبط , ولو ما ضبط الله يعين

غير الطرمبة بس انا متاكد ان شاء الله ما لها دخل بالتوظيف ........

وبالتوفيق

[ابوعقل]

هذي بعض المشاركات

ان شاء الله تفيدك

والتوضيب ان شاء الله ما توصله



حياك اخوي نفود بريدة

سؤال
اثناء استخدامك للموتر
وش وضع انبير الزيت ؟؟؟
هل هو نازل ؟ هل ولعت لمبة حمراء حقت الطرمبة ؟
هل هو يلعب مرة على الثلث ؟ مرة على الربع ؟
قد يكون سبب المشكلة ضعف الطرمبة او تهريب صوفة ماصورة الكرتير
او الموتر محتمي سابقا !!!



رد لموضوع سابق


و عليكم السلام و رحمة الله

طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع

طبعا لو خربت اللمبة راح تولع لمبة حمراء
((ضغط طرمبة الزيت منخفض))
+ الانبير يطيح على الصفر
و هذا دلالة على خراب الطرمبة
ايضا +
راح و انت واقف عند اشارة مثلا
صوت طقطقة للمكينة همن اذا دست بنزين راح الصوت
لان الزيت رقا للمكينة بسبب سرعه دوران طرمبة الزيت مع سرعه المكينة

طبعا غالب الامريكي عند اشتغال الموتر و هو بارد خصوصا في الصباح
يظهر صوت احتكاك و ططقطقة للتكايات و البلوف
لمدة 5 او 7ثواني همن اذا رقا الزيت اختفى الصوت :good2:
و سالت اصحاب ورش + الوكالة يقولون الصوت طبيعي جدا
بسبب نزول كل الزيت الى الكرتير

دلالة خراب الطرمبة => اللمبة الحمراء + طقطقة بالمكينة + انبير الزيت
على الصفر


عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

فيه ناس غيروا انبير العداد ب150 ريال و ضبط الموتر :good:
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت

دام موترك اذا وقفت مافيه صوت لا تحرك ساكن :no2:


عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النض :good:
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر :no:
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:

(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)

ان شاء الله في الايام القادمه اذا الله يسر
راح انزل موضوع عن الطرمبه بالصور

هذي ماصورة الطرمبة ماصور الشفاط و لاحظ السيلة او الوجه

http://www.mekshat.com/pix/upload03/images134/mk53291_vsvsv1.jpg

http://www.mekshat.com/pix/upload03/images134/mk53291_dbbf11.jpg

http://www.mekshat.com/pix/upload03/images134/mk53291_gnng2.jpg



لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/pix/upload03/images134/mk53291_dbdf3.jpg



هذي الطرمبة الجديدة الكابرس و الجمس نفس بعض

http://www.mekshat.com/pix/upload03/images134/mk53291_bdfb4.jpg



http://www.mekshat.com/pix/upload03/images134/mk53291_bffbf5.jpg


جزاك الله خير
اذا دست بنزين و الموتر واقف
همن طفت الرسالة + اختفاء الصوت
فالمشكلة باذن الله
صوفة او سيلة ماصورة الكرتير
او من بلف الطرمبة فاتح ما يسكر
او من صوفة صدر المكينة اللي راكبه على
الطرمبة
و هذا احتمال ضعيف

http://www.mekshat.com/pix/upload03/images134/mk53291_ssv111.jpg


http://www.mekshat.com/pix/upload03/images134/mk53291_gnbdb222.jpg









http://www.mekshat.com/vb/showthread.php?t=252543

[احلى البشر]

shabrsh



ابوعقل





http://fsfs.jeeran.com/7.gif

[famr55]

السلام عليكم

اول شي عاير الزيت لا يكون ناقص

ثانياَ فلتر الزيت تأكد منه وركب اصلي والزيت انصحك بالترا سفن بترومين

ويمكن يكون الحساس مايعطيك القراءة الصحيحه .. تأكد من الحساس

بالنسبه لتغيير الطرنمه فلا يحتاج لفك المكينه بالكامل او توضيب بس الكرتير يفك وتغير الطرنبه .


اتمنى لك التوفيق

[احلى البشر]

اشكر كل ساهم معي على حل المشكله

الحمدلله ياخواني انحلت المشكله وطلعت المشكله من طرمبة الزيت
وتم اصلاحها ولله الحمد