اللي فاهم في الباترول يدخل ويحل مشكلتي

[راعي الونيت79]

السلام عليكم

اخواني ابي فزعتكم عندي جيب ربع باترول موديل 89
مشاء الله تبارك الله في الخط ولا احلى لاتقطيع ولاشي
بس مجرد اني ادخل في الطعوس ارقى طعس الا يطفى علي ويبطي مايشتغل

قالو ديلكو غيرت الديلكو وكاله قالو اسلاك بواجي غيرت بواجي واسلاك قالوبلاتين غيرت البلاتين صفايه بنزين غيرت صفايه كل شي سويته وباقي هالمشكله
ولاحضت مع المطناج امبير الظغط يبدا يلعب ويقطع الموتر اذا اسرعت عليه في المطناج
طرمبه البنزين قالي واحد دام الموتر في الخط سليم لاتغيرها خلها
ههههه من جد حاله صعبه بس تكفون يالنشاما لاتخلوني ابي فزعتكم

[راس طويق]

اخوي شف الكلبيتر قد يكون منه اذا كانه ينتع بعدين يطفي او اطرمبت البنزين


مع اني والله ما ابخس في المواتر مرة

[ابوصالح77]

ممكن من الكلبريتر

[قطر65]

انا متأكد من الكربريتر له وزنية خاصة للهواء والبنزين ادا قلت ننسبه يطفي

[HW80]

اشوف انا كلام اخوي قطر65 اقرب شي الله اعلم والله يعينا وياكم

[راعي الونيت79]

انا متأكد من الكربريتر له وزنية خاصة للهواء والبنزين ادا قلت ننسبه يطفي





اخوي قطر بس في الطريق والا احلى منه مافيه اي تقطيع ولاشي صافي مره
بس في البر يبدا يحوس ورحت خبير كلبريتر قال لاتسوي فيه شي مره نظيف

[قناص بالحارث]

طيب وإذاهديت مايطفي

[المتفائل15]

الله يزينهاااااا

[غاوي رومانس]

انا عندي باترول 97 وكانت معي نفس المشكلة

يتفتف بس مع الخط مية المية

لما قال بس هذا مكاني في وسط البر

بعدين وديته للورشة وغيروا لي طرمبة البنزين لانها كانت تعبانة واخر شي خربت

والحين الموتر لاتفتفة ولا شي والعزم مية المية وماشي الحال الحمد لله

تأكد من طرمبة البنزين وان شاء الله يصير خير