الى كل ملاك الفي اكس ار ؟؟؟

[هاوي geed]

السلام عليكم ورحمة الله وبركاته
مساكم الله بالخير ياملاك هذه السياره الجباره ويااعضاء هالمنتدى الجبار...

ندخل بالموضوع مباشره
(( ياشباب شريت لي في اكس ار قبل كم اسبوع موديل 98 قير عادي وفحصته عند الشراء والموتر تمام التمام ويوم مسكت به خط لحظت ان الموتر فيه
1- عدم اتزان بحيث لو كنت ماشي 130 ورفعت رجلك ودعست مره ثانيه تحس الموتر يزحف شوي ع الجنب
2- اذا دخلت البر وشغلت الدبل الكفر الامامي يسار والخلفي يمين مباشره يحفر بشكل غريب ويعلق واذا الموتر تبي تطلعه مع طعس وعطيته الثقيل يبدا يرج يهابد ولا يمشي..
_____________________________________

حل 1/ رحت لميزان اليرموك وتأكدت عند العضيب وفحصت عندهم وعلمتهم ع المشكله وشيكوا لقوا الاتي
أ. ميلان الدفرنس بحيث اليمين الخلفي متقدم واليسار الخلفي متأخر.
ب.الكفر الخلفي يمين طالع برى والخلفي يسار داخل .
ج.وجدوا الاذرعه الداخليه الاماميه وربلة الدريكسون والركب التحتيه كلها تعبانه.

عموما قلت لهم يالله قالي,, اليرموك 1750 نهايه-- عمل الماضي ووزنيات وسحب من غير قطع الغيار...
والعضيب 1200 نهايه --عمل الماضي ووزنيات وسحب من غير القطع
عموما السياره كلفتني 2020ريال مع القطع.. وانتهت المشكله الاولى ولله الحمد وضبطت السياره..
___________________المشكله تكفون..
باقي المشكله الثانيه ارجو مساعدتكم مع العلم ان السياره ممكن جاها ضربة رصيف قبلي
لكن الشاصي سليم ..
** اليوم طقطق العكس الامامي اليمين وثقلت السياره فركبت عكس جديد اصلي ب1100 وشغل يد 150
فياشباب ابغى اعرف ليش موتري يحفر مباشره اذا جااء الرمل مع العلم اني مستخدم واحد نفس المواصفات قبله وماكان كذا...
ثانيا وش هالرجه والمهابد عند تشغيلي الدبل الثقيل ومحارلة الطلوع ..
واعذروني ع الاطاله وبيض الله وجهيكم..

0506444753

[هاوي geed]

ياشباب وين ردودكم

[يكفيني نظرة]

السلام عليكم ..
بالنسبه للرجه شيك على :
-كرسي القير..
- عمود الدبل ..
-رمانات العكوس = تراها تخرب كثير بسبب عمل الدفع الرباعي دائما..
الله يعينك..

[ابوراكان تبوك]

اهم شيء انك كل ما خسرت تنتهي المشكلة والحمد لله

مشكلة حفر الكفر اليسار زياده ( هل الهواء في جميع الكفرات متساوي )

لو انا مكانك اول شيء افحص العكس اليسار + فحص مجموعه الدبل اكيد الأصوات من التروس

ما ادري ليه اشك ان السيارة مسحوب فيها شيء ثقيل نتل بواسطة الدبل لأن حتى الدفرنس على قولتك ليقته لاف والعكوس اللي انت صلحتها وصوت الدبل كلها تدل على ذلك

ننتظر آراء الاخوان

تقبل مروري

[طارق2011]

تاكد من الكفرات هل هي مقاس واحد ام لا

[لاندكروزر11]

تاكد من ضغط الكفرات 35

[القزيز]

هاوي geed
ياخوي اذا تشبك الدبل الخفيف وتحس ان السياره فيها ثقل غير العاده يعني اقرب ماله يحجر وهو مشبوك الدبل اعرف ان الكرونه الاماميه مغيره ومركب له حقت شاص وهي مقاس 37 على 9 والصالون 39على 10
لان المشكله صارت معي بس بعد ماطاح الفاس بالراس وانفرطت الكرونه الخلفيه جيب جي اكس 93ويوم فكينا الكرونه لقيناها تقل متفجره ومتكسره قطع رغم قوتها
وبعد ماشريتها وكاله ب 3200 قال الميكانيكي ماهي نفسها لان اللي كانت مركبه حقت شاص لانها ارخص 2800
واضطريت اني اشريها وركبها لاني خفت ان اللي قدام مغيره حقت شاص ايضا وشغل يد الرجال 450

اخوك/ ابونايف

[صديق كلم رفيق]

تاكد من الكفرات هل هي مقاس واحد ام لا

رأيي من راي اخوي طارق .

[هاوي geed]

السلام عليكم ..
بالنسبه للرجه شيك على :
-كرسي القير..
- عمود الدبل ..
-رمانات العكوس = تراها تخرب كثير بسبب عمل الدفع الرباعي دائما..
الله يعينك..
كلام ممتاز لكن بالنسبه للعكوس فأنا غيرتها واحد جديد وكاله يمين واليسار مستعمل مع الضمان..
وماتغير شي
بيض الله وجهك وابشيك ع الباقي

[هاوي geed]

اهم شيء انك كل ما خسرت تنتهي المشكلة والحمد لله

مشكلة حفر الكفر اليسار زياده ( هل الهواء في جميع الكفرات متساوي )

لو انا مكانك اول شيء افحص العكس اليسار + فحص مجموعه الدبل اكيد الأصوات من التروس

ما ادري ليه اشك ان السيارة مسحوب فيها شيء ثقيل نتل بواسطة الدبل لأن حتى الدفرنس على قولتك ليقته لاف والعكوس اللي انت صلحتها وصوت الدبل كلها تدل على ذلك

ننتظر آراء الاخوان

تقبل مروري
بيض الله وجهك ياغالي
بالنسبه للهواء متساوي
العكس اليسار غيرته لكن فيه فضاوه وغيرت الفلنجه الداخليه وانا رجعت السياره له عشان ابغير عكس ثاني
ماعندي علم هل انسحب او لا...
ماقصرت الله يعطيك العافيه

[هاوي geed]

تاكد من الكفرات هل هي مقاس واحد ام لا

نعم جميعها مقاس واحد
ماقصرت الله يعافيك

[هاوي geed]

تاكد من ضغط الكفرات 35
تأكدت منها بيض الله وجهك

[هاوي geed]

هاوي geed
ياخوي اذا تشبك الدبل الخفيف وتحس ان السياره فيها ثقل غير العاده يعني اقرب ماله يحجر وهو مشبوك الدبل اعرف ان الكرونه الاماميه مغيره ومركب له حقت شاص وهي مقاس 37 على 9 والصالون 39على 10
لان المشكله صارت معي بس بعد ماطاح الفاس بالراس وانفرطت الكرونه الخلفيه جيب جي اكس 93ويوم فكينا الكرونه لقيناها تقل متفجره ومتكسره قطع رغم قوتها
وبعد ماشريتها وكاله ب 3200 قال الميكانيكي ماهي نفسها لان اللي كانت مركبه حقت شاص لانها ارخص 2800
واضطريت اني اشريها وركبها لاني خفت ان اللي قدام مغيره حقت شاص ايضا وشغل يد الرجال 450

اخوك/ ابونايف
ياهلا وسهلا بك اخوي ابو نايف
اذا شبكت الدبل السياره طبيعيه جدا جدا لاثقل ولاغيره
لكن مشكلتها ان الكفر الامامي يسار والخلفي يمين تتحرك وتحفر بسرعه ومباشره تعلق السياره
بيض الله وجهك يااخوي

[هاوي geed]

رأيي من راي اخوي طارق .
والله ونعم فيكم جميع ولاهنتم لكن نفس المقاس