حسبي الله عليك يالجميح ، سياراتي جديدة والدفرنس عطلان !!

[زياد بن محمد]

حسبي الله عليك يالجميح ، سياراتي جديدة والدفرنس علاطن !!




[ يا فرحة ما تمت ]


قدّر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
السيارة هي :يوكن 2010 4X4 طبعاً شريتها على الزيرو جديده
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة


خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!


المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات محبّله يبي لها تغيّر !!
الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..


الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية
يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها
وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!


بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..


----------
الأن وضبوا الدفرنس ، وقالوا لي تعال استلم السيارة
كل هذا بدون ما يشاورن !!


ورحت لمكتب حمد بن عبدالعزيز الجميح ..
ودخلت مدير مكتبه وقلت له أبي أقابل الشيخ حمد
قال وش تبي فيه ؟
قلت إذا دخلت عنده بقول له
قال لا ما تدخل إلا إذا قلت لنا أسمك وإللي تبيه منه وانا اقول له ، بعدين هو يسمح لك تدخل أو لا .. !!
قلت له أسمي ومشكلتي ،
قال / أهااه ، معروفه ، وصلت لنا المشكلة بس ترا ما راح يفيدك الشيخ حمد
قلت له / انت رح قل له اني أبي أقابله وأكون لك شاكر ..
وراح وقال له ..
بعدين رجع لي مدير مكتبه وقال / الشيخ حمد يقول لا يدخل علي مالي دخل في الموضوع ، رح للمعرض وتفاهم معهم !!
قلت لمدير المكتب / ياخي انا انغشيت في بضاعتكم ، بعتوني سيارة مصدومه ودفرنسها خربان
قال / هذي غلطتك المفروض ما تاخذها وهي مصدومه ، ولو درى الشيخ عن هالكلام بيزعل عليك ويهاوشك !!


حسيت إني بدخل على أمير ..!!
وآخرتها مالي دخل .. وهي غلطتك انت يالعميل الضعيّف ..


ومع هذا الاستهتار أزداد أصرارعلى المواصلة في المطالبة
قمة الجشع !


وأيضاً


اليوم كان موعدنا في وزارة التجارة مع وكالة الجميح على اساس انه يجي مديرهم أو وكيل شرعي ينوب عنه ..
وانتظرت وكما هو متوقع ، محد جاء واخذت خطاب ثاني منهم ..
وقلت للمسؤول بالوزارة السالفة كلها قال ما نقدر نطالب الجميح بتبديل السيارة ، قلت وش فايدتكم انت مكافحة الغش اذا ما وقفتوه عند حده من راح يوقفه قال هذا نظامنا
وصدر أمر سامي من الملك إنّا ما نطالبهم بتبديل السيارات
فقلت له / أجل الكلام إللي سمعته صدق ، يقولون إن وزارة التجارة مع التجار ؟ من أروح له ؟
قال / قال تبي تشتكي علينا اشتك ، والشرهه علي أنا فازع لك !!


بالله يا ناس وش فزع لي فيه ، وش فادني فيه
والرجال ما أدى إلا إللي عليه إن ما كان أقل بعد .. وهذي وظيفته إذا ما خدمنا وش يبي يسوي ؟! لازم يمّن علينا وكأن له فضل ..
حسبي الله ونعم الوكيل عليهم ، والله فوضى ما تُطاق ، من يوم شفت مكاتبهم حوسه وكلها أوراق منطّله وريحة المجاري داخله عندهم في بعض أسيابهم وأنا غاسل يدي ..



وأخيراً أعيد وأكرر وأقول لكم إن الوكالة هي [ الجميح ]
انتبهوا منهم
و أسأل الله أن ييسر لي ولكل مسلم أمره ..
والله العظيم يا جماعة هذا اللي حصل لي و لا افتريت على أحد ..
بس ما أقول غير ..
حسبي الله ونعم الوكيل


1432/1/1هـ
الثلاثاء


صورة السيارة


http://www.mekshat.com/pix/upload01/prof012/mk51394_dli94028.jpg

[زياد بن محمد]

اللي في نفسي يا جماعة هو غبنه ، طريقة تعاملهم تقهر !!
وين تقدير العميل ، إذا جينا نشتري السيارة ينشبون فينا لييين نشتري ..
وياخذ الرقم ويدق ووو ..
ويوم شريت طلعت خدمة ما بعد البيع ( زفت ) مع الأسف ..
أنصح كل من يقرأ ما كُتب أعلاه بعدم التعامل مع الجميح ..

جاء في تفسر البغوي ..
قوله : ( لا يحب الله الجهر بالسوء من القول إلا من ظلم )( 148 ) سورة النساء
يعني : لا يحب الله الجهر بالقبح من القول إلا من ظلم ، فيجوز للمظلوم أن يخبر
عن ظلم الظالم وأن يدعو عليه .

[ملك الفكتوريا]

الاشكال هذي ما يبيلها الا الشدة والقوة والصياح



اول شئ وقف سيارتك عند باب الخدمه ولا تحركها



الامر الاخر وقت الذروة والحين على قولتهم عروض ادخل بالمعرض وصايح وقول بصوت عالي مشكلتك والمشكلة الاهم بسيارتهم خراب القير بعد 60 الف بدون ضمان





وبعدين راسل الشركه بدبي واذا ما فاد راسل الشركه الام

[مجرم الددسن]

حسبي الله عليك يالجميح ، سياراتي جديدة والدفرنس علاطن !!



[ يا فرحة ما تمت ]

قدّر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
السيارة هي :يوكن 2010 4X4 طبعاً شريتها على الزيرو جديده
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة

خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!

المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات محبّله يبي لها تغيّر !!
الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..

الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية
يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها
وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!

بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..

----------
الأن وضبوا الدفرنس ، وقالوا لي تعال استلم السيارة
كل هذا بدون ما يشاورن !!

ورحت لمكتب حمد بن عبدالعزيز الجميح ..
ودخلت مدير مكتبه وقلت له أبي أقابل الشيخ حمد
قال وش تبي فيه ؟
قلت إذا دخلت عنده بقول له
قال لا ما تدخل إلا إذا قلت لنا أسمك وإللي تبيه منه وانا اقول له ، بعدين هو يسمح لك تدخل أو لا .. !!
قلت له أسمي ومشكلتي ،
قال / أهااه ، معروفه ، وصلت لنا المشكلة بس ترا ما راح يفيدك الشيخ حمد
قلت له / انت رح قل له اني أبي أقابله وأكون لك شاكر ..
وراح وقال له ..
بعدين رجع لي مدير مكتبه وقال / الشيخ حمد يقول لا يدخل علي مالي دخل في الموضوع ، رح للمعرض وتفاهم معهم !!
قلت لمدير المكتب / ياخي انا انغشيت في بضاعتكم ، بعتوني سيارة مصدومه ودفرنسها خربان
قال / هذي غلطتك المفروض ما تاخذها وهي مصدومه ، ولو درى الشيخ عن هالكلام بيزعل عليك ويهاوشك !!

حسيت إني بدخل على أمير ..!!
وآخرتها مالي دخل .. وهي غلطتك انت يالعميل الضعيّف ..

ومع هذا الاستهتار أزداد أصرارعلى المواصلة في المطالبة
قمة الجشع !

وأيضاً

اليوم كان موعدنا في وزارة التجارة مع وكالة الجميح على اساس انه يجي مديرهم أو وكيل شرعي ينوب عنه ..
وانتظرت وكما هو متوقع ، محد جاء واخذت خطاب ثاني منهم ..
وقلت للمسؤول بالوزارة السالفة كلها قال ما نقدر نطالب الجميح بتبديل السيارة ، قلت وش فايدتكم انت مكافحة الغش اذا ما وقفتوه عند حده من راح يوقفه قال هذا نظامنا
وصدر أمر سامي من الملك إنّا ما نطالبهم بتبديل السيارات
فقلت له / أجل الكلام إللي سمعته صدق ، يقولون إن وزارة التجارة مع التجار ؟ من أروح له ؟
قال / قال تبي تشتكي علينا اشتك ، والشرهه علي أنا فازع لك !!

بالله يا ناس وش فزع لي فيه ، وش فادني فيه
والرجال ما أدى إلا إللي عليه إن ما كان أقل بعد .. وهذي وظيفته إذا ما خدمنا وش يبي يسوي ؟! لازم يمّن علينا وكأن له فضل ..
حسبي الله ونعم الوكيل عليهم ، والله فوضى ما تُطاق ، من يوم شفت مكاتبهم حوسه وكلها أوراق منطّله وريحة المجاري داخله عندهم في بعض أسيابهم وأنا غاسل يدي ..


وأخيراً أعيد وأكرر وأقول لكم إن الوكالة هي [ الجميح ]
انتبهوا منهم
و أسأل الله أن ييسر لي ولكل مسلم أمره ..
والله العظيم يا جماعة هذا اللي حصل لي و لا افتريت على أحد ..
بس ما أقول غير ..
حسبي الله ونعم الوكيل

1432/1/1هـ
الثلاثاء

الله يعينك ويفك كربتك
والصراحه انها غبنه
مــــــــــــــــــــــرهـــ
بس وش تسوي
العين بصيره واليد قصيره

[عريدان]

عليك الاتصال بمكتب الشركه جنرال موتورز الشرق الأوسط - بدبي وإنت وحظك معهم بعد بس شكل اللي قاللك إنه إشترى 7 سيارات كلها سليمه عارف إن هاذي هي العطلانه وتركها.... الله ينتقم من الظلمه ولا تحسبن الله غافل عما يعمل الظالمون...

[oula]

والله يابوي ماينفع الا دبي ارسل لهم ائيميل وكلمهم صدقني تاخذ الي تبي (( على كلام زميل موظف في صيانة الجميح ))

[الشقردي 999]

يا زين بالبيد
المهم لا توقف رح خاطم الام
وانفظهم نفظ

[ابوعزااام]

((حملة خذ حقك بيدك لأن الطاسه ضايعه))
ودك يتجمعون المتضررين ويكسرون المعرض فوق روسهم....

[يوكون وبس]

والله اللي اشوفه انا
اذا خلاص مابيدك حيله خذلك قماش ابيض كبير
واكتب عليه المشاكل اللي واجهتها في السياره ووقفها قدام المعرض
تدري الحركه ذي سواها صاحب بانوراما يمكن اكثركم شافها ووقفها قدام الوكاله
ياشيخ الوكاله لو يقدرون يسلمون على يده سلموا
عشان يشيلها وبعدها عوضوه على حسب ماسمعت بسياره جديده

[hightech]

حسبي الله ونعم الوكيل يعني وش بيخسرك يالجميح لو عوضت الرجال بسيارة وهذا من حقه غصب عنك وانت الشركه الام بتعوضك اكيد×

لان السيارات مأمن عليها من هناك .........سبحان الله مدري وشلون ينام وهو ظالم له مسلم×


شد حيلك ولا يردك الا الشركه الام راسلهم عن طريق ايميل الشركه وعنوانهم ولا تخلي باب لك فيه امل حتى لو بس تغثهم لبارك الله فيه هو وشركته×

[ابوعبدالعزيز6]

اسمع وانا اخوك لا يردك الا ديوان المظالم
بس ارفق رقم معاملتك عند وزارة التجارة وانهم ما افادوك بشي
ديوان المظالم

[moog2006]

السلام
زياد بن محمد عندي لك حل .................................................. ............
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السفاره الامريكيه

[زياد بن محمد]

اسمع وانا اخوك لا يردك الا ديوان المظالم
بس ارفق رقم معاملتك عند وزارة التجارة وانهم ما افادوك بشي
ديوان المظالم


إللي أعرفه إن ديوان المظالم له علاقة بالمشاكل إللي تكون بين شركة وشكره
أو مواطن مع جهه حكومية ..
هل هذا صحيح ؟
وأشكرك على مبادرتك


---------
moog2006
وش دخلني بالسفارة الأميركية ؟؟


----------
ابوعزااام
حتى لو كشرو المعرض والسيارات اللي فيه ما راح تستفيد شي
لأني كل قطعة عنده مأمن عليها ..!!


------
عريدان
هذا أكثر واحد غابني ..

=====
ملك الفكتوريا
أما أصارخ ..
بيقولون وش هالمريض ..
ويقول المثل
لا تلعب مع الكبار ..
يقلبونها عليك

[الباثفندر 3.5]

حسبي الله و نعم الوكيل
شنو اللي صاير مع هالتجار و الله لو يهود ما سووها
اخوي لا تسكت عن حقك و حاول بكل الطرق انك تأذيهم بالوكاله
صج انه المواطن ضعييييف امام التاجر اللي عمره ما عرف ربه
لا حول و لا قوة الا بالله
الله ييسر امرك

[فهد بن مشبب العاصمي]

الله يعينك ويسهل امورك

بس نصيحه أخوي ،، جب ارواق شراء السياره وواللي يثبت انك دخلتها عندهم بعد ماشريتها عشان يغيرون الدفرنس والخرابات اللي فيها ،، ومر كم ورشه من كبار الورش خلهم يشيكون على الموتر وخذ برنت عن المشاكل اللي فيها ووش تحتاج من قطع وكم التكلفه ،، وخل كل اوراقك موجوده وصور منها كم نسخه وخل الاصل عندك احتفظ فيه ،، وسلمك الله رح للمحكمه واشتك عليهم واذا طلبوا المحكمه الاصل جبها ، أنا خويي شرا باثفندر 2003 من ابو جميل مستعمل وصار فيه راس المكينه واشياء ثانيه اشتكى عليهم وكم جلسه وصلحوا سيارته ب 18 الف ..

.. ونصيحه خل نفسك طويل لاتمل ترا الدنيا يبيلها صبر

[ع العمرو]

اتصل على دبي على هذا الرقم 0097143325023 والله يجعلك من كل ضيق مخرج.

[YUKON_GMC]

مالك الا تسوي بهم مثل راعي السبارو .. حطها قدام الوكاله واكتب عليها عطلانه وهي وكاله وخرب سوقهم وصدقني ان يعطونك سياره بدالها وبلاش


http://i638.photobucket.com/albums/uu102/mk11mk/DSC00330.jpg
2
http://i638.photobucket.com/albums/uu102/mk11mk/DSC00322.jpg
3
http://i638.photobucket.com/albums/uu102/mk11mk/DSC00321.jpg


او مثل راعي البنز ..

ترى هو اول من اخترع هذه الفكره عام 2005
http://forum.df66.com/uploaded/7399_01165915755.jpg

[سعود محمد]

وكل محامي وخل التكاليف يتحملها الجميح وش وشلون بيترجاك تتنازل .
ولاتنسى الجرايد تمرهم وتعرض مشكلتك.

[الصقر الحربي]

حقها تدخل على المدير بالكلاش وتطير عقله عشان يعرف ان أموال الناس ماهي لعب
حسبي الله عليهم
الله يفرج كربتك
ولا تيأس

[moog2006]

ياخوي مر السفاره واطلب الممثل التجاري وقدم شكوى ضد جنرال موترز وحط رجل على رجل

[زياد بن محمد]

ياخوي مر السفاره واطلب الممثل التجاري وقدم شكوى ضد جنرال موترز وحط رجل على رجل

السفارة السعودية ؟
ما ظنيت يفيدوني ..

[أبوغيث 2003]

الله يعينك ويفرج لك مصيبتك


بالنسبه لراعي السوبارو


http://i638.photobucket.com/albums/uu102/mk11mk/DSC00330.jpg


ترى ما عوضوه بالعكس اشتكوا الشركة عليه على حركته هذي وكبرت المشكلة والى يومك هو والشركة شيل وحط فما انصحك تسوي مثله


ما اقول الا الله يعينك ويعوضك


وش تبي تسوي؟!!


ارفع راسك انت سعودي مهضوم حقك ولا تقدر تسوي شي :(

[جون الشمالي]

الله يعينك ويفك كربتك
والله الحين ماعندك احد لا مكافحه الغش الله ينصرك عليهم وتأخذ حقك

[moog2006]

ياخوي السفاره السعوديه وين بتلقاها فالرياض؟؟؟؟؟؟؟؟؟؟؟؟؟؟؟؟
السفاره الامريكيه

[عبد الله 99]

الله يعينك ويفرج لك مصيبتك



بالنسبه لراعي السوبارو


http://i638.photobucket.com/albums/uu102/mk11mk/DSC00330.jpg


ترى ما عوضوه بالعكس اشتكوا الشركة عليه على حركته هذي وكبرت المشكلة والى يومك هو والشركة شيل وحط فما انصحك تسوي مثله


ما اقول الا الله يعينك ويعوضك


وش تبي تسوي؟!!



ارفع راسك انت سعودي مهضوم حقك ولا تقدر تسوي شي :(

ما اتوقع
يكفي انه خسر عليهم زباين بالعكس بيدقون عليه يقولن تكفى نبي نغيرها بس فكنا من الفضايح
و الرجال ما سوا غلط و حق هنا في السعوديه ما تاخذه الا كذا او انه معك واسطه و تاخذه غصبا على الشركه و المحاكم .....
حسبي الله و نعم الوكيل


اخوي لا تسكت عن حقك و خذه غصبا عليهم والله اني اعرف ثلاثه من الربع تعطل عليهم القير و وضبوه ب 13 الف او ما وصلت السياره لـ 100 الف كيلو
و لا ترضى الا بالبديل و ان ما سلكو معك لا يردك الا لوحه و حطها على طبلون الموتر و عند القزاز و اكتب بيديك و رجليك و وقفه عند الوكاله والله ان تاخذ حقك و زوود
انت خاطب الوكيل الاقليمي في دبي و شف ان ما تفاعل معك ذب الموتر عند الوكاله و اكتب عليه

[أبوغيث 2003]

ما اتوقع
يكفي انه خسر عليهم زباين بالعكس بيدقون عليه يقولن تكفى نبي نغيرها بس فكنا من الفضايح
و الرجال ما سوا غلط و حق هنا في السعوديه ما تاخذه الا كذا او انه معك واسطه و تاخذه غصبا على الشركه و المحاكم .....
حسبي الله و نعم الوكيل






أنا اعرف الرجال راعي السوبارو نفسه

اترك مسألة انه خسرهم زباين لكن هو نفسه ما عوضوه بالعكس رفعوا عليه قضية

وصار الطالب هو المطلوب





اعرف ثلاثه من الربع تعطل عليهم القير و وضبوه ب 13 الف او ما وصلت السياره لـ 100 الف كيلو

هذاك قلته بنفسك وضبو القير

اخونا زياد اللي يفرج مصيبته نفس الشي قالوا له نوضب لك الدفرنس


الوكالة عند وجود أخطاء تمدد للشخص مدة الضمان تغير الشي الخربان بش جديد لكن موتر جديد صعبة الا اذا الدعوة فيها واسطة.

وانا اقول لاخونا زياد لا يسكت بل يطالب بحقه وحنا ندعي له

عسى ربي ييسر امورهـ

[ابو نايف التميمي]

بسبب غياب الرقيب..الكل يتلاعب

تجارنا فجّار.. لو خيروني لطلبت ان يمسك الوكلات عندنا يهود ولا يمسكها الجميح وجميل والحمراني..الخ من الـ....

الله يكون بعونك

===

حاول تتواصل مع الشركة الام عن طريق البريد لعل وعسى تستفيد

[عذب الروح]

لاحول ولاقوة إلا بالله

نصب وغش عيني عينك

كثر هذا في الأونة الأخير من الوكلاء

إذا الوكلاء يخشون أجل الشريطية وش يسون

والمشكلة لاتأخذ حقك إلا بشق الأنفس......هذا إذا أخذتة

تحيتي

[زياد بن محمد]

اتصل على دبي على هذا الرقم 0097143325023 والله يجعلك من كل ضيق مخرج.

بتصل عليهم بإذن الله ..
أشكرك من أعماق قلبي على حرصك ..
الله يسعدك

[التميمي 20]

من تجار السيارات الى المواد الغذئية (الرز والسكر ) الى تجار الحديد حتى البهايم ماسلمت منهم لعبوا بالشعير !!!

وزارة التجار زاد شرها وبلاها وأصبح التجار (اللصوص) يتسابقون على رفع الاسعار !!!

وعلى طاري اللصوص والحرامية كثرت سرقات البيوت والسيارات بشكل مرعب ووصل الى حد الارهاب وكره البلد والتفكير بالهجرة ؟؟؟

اللهم أهلك من آذى المسلمين اللهم انتقم منهم شر انتقام يارب العالمين !!

[قرناس صلا]

اتصل على دبي على هذا الرقم 0097143325023 والله يجعلك من كل ضيق مخرج.
:good2:

أويد اخوي ع العمرو
فيه واحد اتصل على الرقم بدبي (مدير GM فى الشرق الاوسط) وبعدها صار الوكيل
عندنا يتصل على الرجال ويترجاه يجيب السيارة ,وبعده كل صياناته عندهم لها اولوية وسيارة بديلة وقت الصيانة.
المهم تعرف كيف توصل مشكلتك للشركة الام. سواء بدبي او فى امريكا او اليابان , باي طريقة
لان الجميح وغيرة عارفين ان لا حماية مستهلك ولا وزارة تجارة تقف مع العميل.



حسبي الله على كل وكيل وتاجر جشع ياكل حقوق العملاء.

[أبو حمد200]

في عام 2002 شريت جيب gxr من شركة تويوتا وبعد أسبوع من تاريخ الشراء لاحظت رجه بألأمام بعد سرعة 100 توجهت على الفور للشركه أخذو السيارة وعطوني كامري لمدة أسبوع وكل يوم أراجعهم مافيه فايده قالو مافيه شي ما شيكنا عليه آخر شي قالو بنرسله لجدة بعد ما صلحو المستحيلات يصلحو ويطلعو يجربو لين هلكو السيارة غيرو كفرات جدد 4 ما فيه فايده وزن دركسون أذرعه مافيه شي كل شي تمام آخر شي صديق لي أقترح الذهاب معي كالعادة لشركة تويوتا الصيانه لأنه صار فطوري عندهم كل يوم لين كرهت السيارة فشافها صديقي قال هل غيرو الجنوط قلت والله مدري قال وين الكبير حقهم قلتله بالمكتب توجهنا له على الفور قاله ممكن تغيرو الجنطين اللي قدام ففعل المهندس وكانت المفاجئه راحت الرجه وفي تقريرهم عن الخلل أنه عيب تصنيعي وزيادة وزن بأحد الجنوط طيب يا تحف رصصو السيارة من أول طلع الجنط يبيله كيلو رصاص ما ينفع نهائي
الزبدة أني حينها طلعت بكفرات 4 جدد أفضل من الصفر حقت بلدها وفاتورة قيمتها 6400 تحملتها الشركه

الله يعينك أخوي هذا أمر مألوف في جميع الشركات

[* ابو باسل *]

اول ماتجيهم عروض واسلوب عسل وبعد ماتشتري وياخذون الدراهم ماعد يعطون الواحد حتى حق الاستفسار عن كيفية الاستخدام وغيرها الله يعينك على بلواك ويخسراهم خساره ماتتعوض مثل مايخسرون المسلمين .
وهم عارفين ان حقك ضايع ضايع ولا واره ماطالب او جهه تقف لهم وتحاسبهم على شان كذا يلعبون على كيفهم

[riyadco]

الله يكون في عونك يا اخي زياد انا شاري منهم جمس وكالة على الزيرو وطلع القير يهرب زيت انصح اتصل على جنرال موتورز في دبي لعلهم يفيدونك للأسف ربعنا ما يتحركون الا اذا تسلط عليهم اقوى منهم عليهم من الله ما يستحقون

[selsss55]

حسبي الله عليك يالجميح ، سياراتي جديدة والدفرنس علاطن !!




[ يا فرحة ما تمت ]


قدّر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
السيارة هي :يوكن 2010 4X4 طبعاً شريتها على الزيرو جديده
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة


خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!


المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات محبّله يبي لها تغيّر !!
الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..


الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية
يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها
وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!


بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..


----------
الأن وضبوا الدفرنس ، وقالوا لي تعال استلم السيارة
كل هذا بدون ما يشاورن !!


ورحت لمكتب حمد بن عبدالعزيز الجميح ..
ودخلت مدير مكتبه وقلت له أبي أقابل الشيخ حمد
قال وش تبي فيه ؟
قلت إذا دخلت عنده بقول له
قال لا ما تدخل إلا إذا قلت لنا أسمك وإللي تبيه منه وانا اقول له ، بعدين هو يسمح لك تدخل أو لا .. !!
قلت له أسمي ومشكلتي ،
قال / أهااه ، معروفه ، وصلت لنا المشكلة بس ترا ما راح يفيدك الشيخ حمد
قلت له / انت رح قل له اني أبي أقابله وأكون لك شاكر ..
وراح وقال له ..
بعدين رجع لي مدير مكتبه وقال / الشيخ حمد يقول لا يدخل علي مالي دخل في الموضوع ، رح للمعرض وتفاهم معهم !!
قلت لمدير المكتب / ياخي انا انغشيت في بضاعتكم ، بعتوني سيارة مصدومه ودفرنسها خربان
قال / هذي غلطتك المفروض ما تاخذها وهي مصدومه ، ولو درى الشيخ عن هالكلام بيزعل عليك ويهاوشك !!


حسيت إني بدخل على أمير ..!!
وآخرتها مالي دخل .. وهي غلطتك انت يالعميل الضعيّف ..


ومع هذا الاستهتار أزداد أصرارعلى المواصلة في المطالبة
قمة الجشع !


وأيضاً


اليوم كان موعدنا في وزارة التجارة مع وكالة الجميح على اساس انه يجي مديرهم أو وكيل شرعي ينوب عنه ..
وانتظرت وكما هو متوقع ، محد جاء واخذت خطاب ثاني منهم ..
وقلت للمسؤول بالوزارة السالفة كلها قال ما نقدر نطالب الجميح بتبديل السيارة ، قلت وش فايدتكم انت مكافحة الغش اذا ما وقفتوه عند حده من راح يوقفه قال هذا نظامنا
وصدر أمر سامي من الملك إنّا ما نطالبهم بتبديل السيارات
فقلت له / أجل الكلام إللي سمعته صدق ، يقولون إن وزارة التجارة مع التجار ؟ من أروح له ؟
قال / قال تبي تشتكي علينا اشتك ، والشرهه علي أنا فازع لك !!


بالله يا ناس وش فزع لي فيه ، وش فادني فيه
والرجال ما أدى إلا إللي عليه إن ما كان أقل بعد .. وهذي وظيفته إذا ما خدمنا وش يبي يسوي ؟! لازم يمّن علينا وكأن له فضل ..
حسبي الله ونعم الوكيل عليهم ، والله فوضى ما تُطاق ، من يوم شفت مكاتبهم حوسه وكلها أوراق منطّله وريحة المجاري داخله عندهم في بعض أسيابهم وأنا غاسل يدي ..



وأخيراً أعيد وأكرر وأقول لكم إن الوكالة هي [ الجميح ]
انتبهوا منهم
و أسأل الله أن ييسر لي ولكل مسلم أمره ..
والله العظيم يا جماعة هذا اللي حصل لي و لا افتريت على أحد ..
بس ما أقول غير ..
حسبي الله ونعم الوكيل


1432/1/1هـ

الثلاثاء

انا يا اخ زياد حدثت نفس القصة مع الجميح الله لا يحله ولكن كان الدبل خربان والسيارة ما مشت الايوم بغيت اجرب الدبل ما اشتغل وكان الموديل 2006 يوكون

[ابوعقل]

وكالة الجميح الله يهديهم

واجد اللي يشتكون من تعامله

[لاندكروزر11]

حسبي الله ونعم الوكيل

[نجد داري]

والله ما أقول إلا الله يكون بعونك ويعينك على هالنصابين والمحتالين , لكن والله ما عليهم شرهه !!!! لأن من أمن العقوبه أساء الأدب , وعلى قولت أخوانا المصريين ( اللي ما لوش كبير ... يشتري له كبير ) وهالنوعيات تلقاهم مشترين كباااااااااااااااارين ماهب كبير واحد بس !! يعني بالنهاية بتلقا نفسك تنطح جبل .

على فكرة !!! عنوان موضوعك (( ســيــارتـي جـديـدة والـدفـرنــس عـطــلان )) يصلح مطلع قصيدة مـرثـيـة ههههههههههههههههههههه , لاتزعل علي وانا اخوك بس حبيت امازحك ونسيك همك شوي والله يفرجه لك ويرد لك حقك في الدنيا والأخرة ,,,

[خيالي123]

هلا اخوي
فيه سالفه قريبه من سالفتك كانت مع واحد من اصحاب الوالد
مع سياره سوبارو
المهم ماعطوه اي تعبير لمدة اسبوع
وارسالهم بلفاكس للفرع الرئيسي
خطابات جاهزه الى وزارة التجاره وحقوق الانسان وشي ثاني ناسيه
المهم ما مر يوم الى داقيني عليه وحلو مشكلته واعطوه سياره بديله

[عيون جهجاه]

يرفع لمناصرة القضية

[دل البحار]

الافضل شف لك محامي اشطر محامي موجود بالبلد وقل له لا اقبل بغير ان تبدل السياره ولا يمشونهاعليك ترى الدفرنس للجمس والشفروليت ما يتوظب لو بأمريكا بمصنعه ما يتوظب ولا يمكن بأي شكل من الاشكا انه يكون على وزن المصنع حال صنعه بعكس الفورد يمكن تركب القطع التالفه بجديده ولا يخرب معاك في الوزن اليوكن استحاله التوظيب والسبب أستحالة وزن التروس بالدفرنس
يعني لو بيصلحوها لك غير الدفرنس جديد من عندهم ولا تفكر انه يوظب الدفرنس لو أيش ما يتوظب ولو توظب ما بينوزن ولا يمكن يكون بحالة الوكاله
بعدين انت شاري كاش على طول روح لديوان المظالم لو كاش
لو تقسيط رجع سيارتهم والله يعينك على الي انت دافعه اما تكون مطالبة ومحاكم على استرداد المبلغ الي انت دافعه او اعادة السياره واخذ فلوسك المدفوعه مباشره ويا دار ما دخلك شر
غلطتك الاستعجال ولو انت منت بمستعجل وهمه عارفين بأجازة الحج انهم مقفلين وانت شاري السياره دفولك سياره فيها مشاكل تصنيعيه ومصدومه او طايحه من اثر التزيل بالمينا واعادو اصلاحها وباعوها عليك في وقت الاجازه من اجل انهم ضامنين عدم عودتك في اليوم التالي الابعد الحج يمديك مشيت بالسياره وكذلك تكون حجتهم قويه ضدك بأستعمالك للسياره انا اقلك همه يتصيدون الزبائن بالسيارات المنكوبه عندهم ويبيعوها للزباين في هذا الوقت با التحديد وحصلت مع اكثر من زبون دائما الجميح ايام الاجازات يخبرك ويهول عليك الموظفين الموقف ويقول لك الوقت وما يمديك الا بعد الحج وتصر انت يطلبك الاسراع بأنجاز الاوراق والمستندات للاتمام البيع قبل الحج ويعطون الزبون السيارات التي لا تشترى في الايام العاديه اكثر من شخص حصل معاه
لا تثق بأي وكيل دون النظر والتأكد والتجربه في الشراء ولا يجبرك بسياره عن اخرى خذ الي انت مرتاح لها من نظره وكشف
لانه يعمل خصومات على السيارات ذات العيوب التصنيعيه والمصدومه والبائع يأخذ الفارق في الخصم ولا تسآل الشركة عن سياره بيعت بخلل او بدونه المسؤل مدير الصاله ومندوبي المبيعات

[moooj]

كلم-الأدارة-الأقليمية-في-دبي-
واعطهم-رقم-الشاسي-واشرح-لهم-المشكلة
والله-يوفقك
(صرنا-نطلب-الفزعة-من-الجيران-وربعنا-ما-درو-عنا-ليتنا-نسلم-من-مصايبهم)

[ابو سعود4500]

يازينتس اجل يالتوكيلات العالميه

[أبا مجاهد]

والله ياخوي لو اني محلك لاْدخل على الشيخ المزعوم الجميح بدون است~ذان وأهزأه في مكتبه وخلهم يكلمون الشرطه والموضوع يكبر وأدعي عليه بأنه سبني وهاوشني على قولة السكرتير (يهاوشك) أخذ الله عقله هو وهالحظرمي



لكن ماأقول غير ان الله يعينك ولايحللهم وحسبي الله عليهم


لايأخذ العميل من التجار الا الظلم وين العدل والانصاف

[زياد بن محمد]

بسبب غياب الرقيب..الكل يتلاعب

تجارنا فجّار.. لو خيروني لطلبت ان يمسك الوكلات عندنا يهود ولا يمسكها الجميح وجميل والحمراني..الخ من الـ....

الله يكون بعونك

===

حاول تتواصل مع الشركة الام عن طريق البريد لعل وعسى تستفيد

والله صدقت يا أبو راشد ..
اليهود أرحم .. الله يخسرهم




في عام 2002 شريت جيب gxr من شركة تويوتا وبعد أسبوع من تاريخ الشراء لاحظت رجه بألأمام بعد سرعة 100 توجهت على الفور للشركه أخذو السيارة وعطوني كامري لمدة أسبوع وكل يوم أراجعهم مافيه فايده قالو مافيه شي ما شيكنا عليه آخر شي قالو بنرسله لجدة بعد ما صلحو المستحيلات يصلحو ويطلعو يجربو لين هلكو السيارة غيرو كفرات جدد 4 ما فيه فايده وزن دركسون أذرعه مافيه شي كل شي تمام آخر شي صديق لي أقترح الذهاب معي كالعادة لشركة تويوتا الصيانه لأنه صار فطوري عندهم كل يوم لين كرهت السيارة فشافها صديقي قال هل غيرو الجنوط قلت والله مدري قال وين الكبير حقهم قلتله بالمكتب توجهنا له على الفور قاله ممكن تغيرو الجنطين اللي قدام ففعل المهندس وكانت المفاجئه راحت الرجه وفي تقريرهم عن الخلل أنه عيب تصنيعي وزيادة وزن بأحد الجنوط طيب يا تحف رصصو السيارة من أول طلع الجنط يبيله كيلو رصاص ما ينفع نهائي
الزبدة أني حينها طلعت بكفرات 4 جدد أفضل من الصفر حقت بلدها وفاتورة قيمتها 6400 تحملتها الشركه

الله يعينك أخوي هذا أمر مألوف في جميع الشركات


الله يكون في عونك يا اخي زياد انا شاري منهم جمس وكالة على الزيرو وطلع القير يهرب زيت انصح اتصل على جنرال موتورز في دبي لعلهم يفيدونك للأسف ربعنا ما يتحركون الا اذا تسلط عليهم اقوى منهم عليهم من الله ما يستحقون


انا يا اخ زياد حدثت نفس القصة مع الجميح الله لا يحله ولكن كان الدبل خربان والسيارة ما مشت الايوم بغيت اجرب الدبل ما اشتغل وكان الموديل 2006 يوكون

ياسر الرفاعي .. riyadco .. selsss55

مع الأسف ..
الواحد يروح يبي يشري سيارة جديده عشان يريّح راسه من الخربات على الأقل خمس سنوات ..
وبعدين يعطونه سيارة على الزيرو خربانه ومصدومه ..
وإذا اشتكيت قالوا حظك ..!!!



والله ما أقول إلا الله يكون بعونك ويعينك على هالنصابين والمحتالين , لكن والله ما عليهم شرهه !!!! لأن من أمن العقوبه أساء الأدب , وعلى قولت أخوانا المصريين ( اللي ما لوش كبير ... يشتري له كبير ) وهالنوعيات تلقاهم مشترين كباااااااااااااااارين ماهب كبير واحد بس !! يعني بالنهاية بتلقا نفسك تنطح جبل .

على فكرة !!! عنوان موضوعك (( ســيــارتـي جـديـدة والـدفـرنــس عـطــلان )) يصلح مطلع قصيدة مـرثـيـة ههههههههههههههههههههه , لاتزعل علي وانا اخوك بس حبيت امازحك ونسيك همك شوي والله يفرجه لك ويرد لك حقك في الدنيا والأخرة ,,,

ههههههههه
الله يوسع صدرك بالعافية يا غالي ..
و يا جعله ما يجيك إللي جاني .. قل آمين

[NAIFABDALLH]

الله يعينك اخي الكريم والافضل لك مراسلة دبي

انا شريت تاهو وبعد ايام حراراة الترانزميشن 92
مريت الصيانه قالوا لى عادي بصراحة خائف الله يعين اذا جاء الصيف

[زياد بن محمد]

يرفع لمناصرة القضية

الله يرفع قدرك يا عيون جهجاه ..


الافضل شف لك محامي اشطر محامي موجود بالبلد وقل له لا اقبل بغير ان تبدل السياره ولا يمشونهاعليك ترى الدفرنس للجمس والشفروليت ما يتوظب لو بأمريكا بمصنعه ما يتوظب ولا يمكن بأي شكل من الاشكا انه يكون على وزن المصنع حال صنعه بعكس الفورد يمكن تركب القطع التالفه بجديده ولا يخرب معاك في الوزن اليوكن استحاله التوظيب والسبب أستحالة وزن التروس بالدفرنس
يعني لو بيصلحوها لك غير الدفرنس جديد من عندهم ولا تفكر انه يوظب الدفرنس لو أيش ما يتوظب ولو توظب ما بينوزن ولا يمكن يكون بحالة الوكاله
بعدين انت شاري كاش على طول روح لديوان المظالم لو كاش
لو تقسيط رجع سيارتهم والله يعينك على الي انت دافعه اما تكون مطالبة ومحاكم على استرداد المبلغ الي انت دافعه او اعادة السياره واخذ فلوسك المدفوعه مباشره ويا دار ما دخلك شر
غلطتك الاستعجال ولو انت منت بمستعجل وهمه عارفين بأجازة الحج انهم مقفلين وانت شاري السياره دفولك سياره فيها مشاكل تصنيعيه ومصدومه او طايحه من اثر التزيل بالمينا واعادو اصلاحها وباعوها عليك في وقت الاجازه من اجل انهم ضامنين عدم عودتك في اليوم التالي الابعد الحج يمديك مشيت بالسياره وكذلك تكون حجتهم قويه ضدك بأستعمالك للسياره انا اقلك همه يتصيدون الزبائن بالسيارات المنكوبه عندهم ويبيعوها للزباين في هذا الوقت با التحديد وحصلت مع اكثر من زبون دائما الجميح ايام الاجازات يخبرك ويهول عليك الموظفين الموقف ويقول لك الوقت وما يمديك الا بعد الحج وتصر انت يطلبك الاسراع بأنجاز الاوراق والمستندات للاتمام البيع قبل الحج ويعطون الزبون السيارات التي لا تشترى في الايام العاديه اكثر من شخص حصل معاه
لا تثق بأي وكيل دون النظر والتأكد والتجربه في الشراء ولا يجبرك بسياره عن اخرى خذ الي انت مرتاح لها من نظره وكشف
لانه يعمل خصومات على السيارات ذات العيوب التصنيعيه والمصدومه والبائع يأخذ الفارق في الخصم ولا تسآل الشركة عن سياره بيعت بخلل او بدونه المسؤل مدير الصاله ومندوبي المبيعات

والله ما جاء على بالي إن فيه أمل أحد ينغش بالجديد .. وكان على بالي اني لو انغشيت راح يبدلونها على طول .. ما دريت إنهم حراميه غشاشين ..

والله يخلف على اللي ما دروا عن سياراتهم ، انا دريت وتكلمت وسويت زحمة بس غيري ما يدري وراح ياخذها ويبلش فيها .. والله كذابييين .. داق علي مدير الاستقبال والعلاقات العامة اسمه أحمد الجندي .. وقال لي إنه ما سوا شي بالسيارة وان دفرنسها نظيف ومالمسناه ووو ..
ولا درا إني جاي وشايفهم فاكينه وفيه كم سيارة مثل حالة سيارتي ..
أعدت عليه السؤال وقلت ما فتحتوا الدفرنس ولا لمستوه .. قال إيه
قالت له متأكد ؟ قال إيه
كررت عليه مره ثانيه متأكد ؟ قال / هاااه لا أصبر أتأكد وأرد لك بكرا ؟؟!! ( حس إني دريت )
فقلت له مع الأسف أنت قلت لي كلام خلاف الواقع .. وانا جيت وشفت سيارتي وكلمت ( جون ) الفلبيني إللي صلحها وعلمني كل شي ..
رد وقال / لا تقول عني كذاااب أنا من أبسط حقوقي إني أدافع عن نفسي ..!!

هههههه
بدأ بالمهاجمه عشان يسكتني .. نفس حركات الرافضة إذا حجّروا لهم السنة !!




كلم-الأدارة-الأقليمية-في-دبي-
واعطهم-رقم-الشاسي-واشرح-لهم-المشكلة
والله-يوفقك
(صرنا-نطلب-الفزعة-من-الجيران-وربعنا-ما-درو-عنا-ليتنا-نسلم-من-مصايبهم)


والله مع الأسف إنا نطلب فزعتهم على ربعنا ، بس ما ينفع معهم غير كذا ..
جزاك الله خير



والله ياخوي لو اني محلك لاْدخل على الشيخ المزعوم الجميح بدون است~ذان وأهزأه في مكتبه وخلهم يكلمون الشرطه والموضوع يكبر وأدعي عليه بأنه سبني وهاوشني على قولة السكرتير (يهاوشك) أخذ الله عقله هو وهالحظرمي



لكن ماأقول غير ان الله يعينك ولايحللهم وحسبي الله عليهم


لايأخذ العميل من التجار الا الظلم وين العدل والانصاف

والله صدقت يا أبا مجاهد ..
بس يقولون أبعدوا عن الكبار ولا تلعبون لعب أقشر معهم ..

[زياد بن محمد]

أخيراً لقيت صورة سيارتي .. وواضح صورة صدامها المايل ..

وأرجو من المشرف أن يضعها في أول موضوعي ، ما أقدر أرسل له رساله مشاركاتي ما وصلت 50

[YUKON_GMC]

المشكله اكبر من مشكلة صدام

البلا عطل الدفرنسات والقيرات في سيارات الجميح كلها

[ابو اسامه 2]

حسبي الله عليك يالجميح ، سياراتي جديدة والدفرنس علاطن !!




[ يا فرحة ما تمت ]


قدّر الله و ما شاء فعل .. والإنسان ما يدري وين الخيرة فيه ..؟!
والحمد لله على كل حال
السالفة و ما فيها
السيارة هي :يوكن 2010 4X4 طبعاً شريتها على الزيرو جديده
شريتها قبل ما تقفل الوكالة عشان اجازة الحج ب 3 أيام تقريباً ، و من يوم طلعتها وانا أسمع أصوات فيها عند كل حالة وأنا واقف يطلع صوت طقطقه غريب .. وإذا وصلت 100 ك يطلع صوت ونه ..وفيها رجه خفيفة ..
وبعد فيها رجة خفيفة ويتحرك الامبير حق الضغط وتهتز السيارة وهي واقفه كأنها مشكلة بواجي ..فيها ضعف بالعزم وصعوبة بالاستجابة
فيها حنه إذا جيت أشغله .. مع إني ما أعلق على السلف ، وحتى لو شغلتها بالريموت تطلع ..
وأكثر شي ضيّق صدري ، صوت يطلع من المكينه ، صارت تحسسني إنها سيارة قديمة


خل كل هذا كله على جنب .. السيارة يوم دققت فيها لقيت إن الصدام الأمامي مركّب وهو مايل ..!!
أي أن قاعده الصدامة مايله ، وش معنا هذا ..؟ يعني جايها ضربه !!


المهم وديتها لهم الأحد الماضي يعني قبل أسبوع وكان المقرر أن تطلع الخميس بالكثير !!
وكانت ماشية 2120 كم وعطيتهم كل المشاكل إللي فيها إللي هي 8 مشاكل أو 9 مشاكل
وكشف على شيئن إلى الأن وهما ..الأول (هذا بسيط) الكفرات محبّله يبي لها تغيّر !!
الثاني ( الطامة) الدفرنس عطلان !!
طبعاً انا قفّلت معي ورحت لهم ، قلت السيارة ما أبيها ، يا آخذ فلوسي وإلا استبدلوا السيارة قالوا ما فيه استبدال ..السيارة خربانه نصلحها على الضمان وبس ..حتى انهم ما راح يغيروا الدفرنس !!
يقولون ممكن إنا نغيّر كل القطع اللي جوا ..! بس الدفرنس لا..


الأن ما فحصوا إلا مشكلتين وطلعت هالنتيجه ، أو بالأصح (هذا إللي قالوا لي بس) وهي كافيه إني أطالبهم بتغيير سيارتي ..مع الأسف ما وجدت أي تجاوب معهم .. والمشكلة الثانية
يوم قلته لهم عطوني التقرير إللي يدل على ان سيارتي دفرنسها عطلان قالوا لا ممنوع !!
أكثر شي رفع ضغطي يوم رحت لأحد المدراء في قسم الخدمة بالجميح وكان سعودي وكنت متفائل في وجهه بس طلع خيبه ، وقلت له ان سيارتي من يوم استلمتها
وهي كلها أصوات وطلع فيها دفرنس عطلان ومصدومه وعدله تعديل مش حالك و غير المشاكل الثانية ..
رد علي بكل بروده وقال / هذا حضّك ، أنا شاري 7 سيارات من الجميح وكلها سليمه
وبالنسبة للدفرنس نوضبه لك ما عندك مشكله !!


بالله هذا رد عاقل !!
يعني انا شاري سيارة جديده عشان أصلح فيها وتخرب علي كل شوي !!
حسبي الله عليه ، الله يبلاها هو وسياراته السبع ..


----------
الأن وضبوا الدفرنس ، وقالوا لي تعال استلم السيارة
كل هذا بدون ما يشاورن !!


ورحت لمكتب حمد بن عبدالعزيز الجميح ..
ودخلت مدير مكتبه وقلت له أبي أقابل الشيخ حمد
قال وش تبي فيه ؟
قلت إذا دخلت عنده بقول له
قال لا ما تدخل إلا إذا قلت لنا أسمك وإللي تبيه منه وانا اقول له ، بعدين هو يسمح لك تدخل أو لا .. !!
قلت له أسمي ومشكلتي ،
قال / أهااه ، معروفه ، وصلت لنا المشكلة بس ترا ما راح يفيدك الشيخ حمد
قلت له / انت رح قل له اني أبي أقابله وأكون لك شاكر ..
وراح وقال له ..
بعدين رجع لي مدير مكتبه وقال / الشيخ حمد يقول لا يدخل علي مالي دخل في الموضوع ، رح للمعرض وتفاهم معهم !!
قلت لمدير المكتب / ياخي انا انغشيت في بضاعتكم ، بعتوني سيارة مصدومه ودفرنسها خربان
قال / هذي غلطتك المفروض ما تاخذها وهي مصدومه ، ولو درى الشيخ عن هالكلام بيزعل عليك ويهاوشك !!


حسيت إني بدخل على أمير ..!!
وآخرتها مالي دخل .. وهي غلطتك انت يالعميل الضعيّف ..


ومع هذا الاستهتار أزداد أصرارعلى المواصلة في المطالبة
قمة الجشع !


وأيضاً


اليوم كان موعدنا في وزارة التجارة مع وكالة الجميح على اساس انه يجي مديرهم أو وكيل شرعي ينوب عنه ..
وانتظرت وكما هو متوقع ، محد جاء واخذت خطاب ثاني منهم ..
وقلت للمسؤول بالوزارة السالفة كلها قال ما نقدر نطالب الجميح بتبديل السيارة ، قلت وش فايدتكم انت مكافحة الغش اذا ما وقفتوه عند حده من راح يوقفه قال هذا نظامنا
وصدر أمر سامي من الملك إنّا ما نطالبهم بتبديل السيارات
فقلت له / أجل الكلام إللي سمعته صدق ، يقولون إن وزارة التجارة مع التجار ؟ من أروح له ؟
قال / قال تبي تشتكي علينا اشتك ، والشرهه علي أنا فازع لك !!


بالله يا ناس وش فزع لي فيه ، وش فادني فيه
والرجال ما أدى إلا إللي عليه إن ما كان أقل بعد .. وهذي وظيفته إذا ما خدمنا وش يبي يسوي ؟! لازم يمّن علينا وكأن له فضل ..
حسبي الله ونعم الوكيل عليهم ، والله فوضى ما تُطاق ، من يوم شفت مكاتبهم حوسه وكلها أوراق منطّله وريحة المجاري داخله عندهم في بعض أسيابهم وأنا غاسل يدي ..



وأخيراً أعيد وأكرر وأقول لكم إن الوكالة هي [ الجميح ]
انتبهوا منهم
و أسأل الله أن ييسر لي ولكل مسلم أمره ..
والله العظيم يا جماعة هذا اللي حصل لي و لا افتريت على أحد ..
بس ما أقول غير ..
حسبي الله ونعم الوكيل


1432/1/1هـ


الثلاثاء



ادخل على امير المنطقة واشرح له المشكله


وقله انا حتى وزارة التجارة رحتها ما فيه فايده


ابغا منك أمر بإرجاع فلوسي منهم

روح لحقوق الانسان واعرض مشكلتك عندهم


والله يكتب لك ما فيه الخير


****


اسال الله لك الخلاص من هذي المشكله


جننهم بالبرقيات ولا تمل او تتهاون


ولا ترضى بحل وسط


لانهم شبعانين وعندهم ملايين وانت منت مثلهم


لو انت سكت وسكت غيرك بيتمادون


الله يكون بعونك

[ابو اسامه 2]

أخيراً لقيت صورة سيارتي .. وواضح صورة صدامها المايل ..

وأرجو من المشرف أن يضعها في أول موضوعي ، ما أقدر أرسل له رساله مشاركاتي ما وصلت 50

ابشر جاري وضعها في المقدمه

تحياتي لك

[الشعله 105]

اخوي زياد بن محمد الله يكون بعونك ويعينك عليهم بس راي انك تنتبه واي ورقه بيدك لو كانت بسيطه تحاول تحتفظ فيه والمفروض انك سجلت المحادثه الي صارت بينك وبين مدير المكتب او عللشان على الاقل تقدار تستفيدمنها المهم اخوي لا اوصيك احتفظ بالتقاير وحاول انك ما تمشي عليه كثير علشان الضمان وعندي لك نصحيه ادخل على مواقع الجميح وحطت مشكلتك مع الاادله والبرهاين قصدي الاورق وصدقيني رايح ربي ينصرك عليهم ولا يهمنوك الي يكسرون المجديف يقولون ايش رايح تستفيد لو تدخل موقع وزاره التجاره او ترسل اميلات واتمن نسمع خبرمفرح

[ســــهــــيل]

اسمع وانا اخوك لا يردك الا ديوان المظالم
بس ارفق رقم معاملتك عند وزارة التجارة وانهم ما افادوك بشي
ديوان المظالم



:good::good::good::good::good: %100
واتصل على جنرال موترز بـ دبي
وراح ان شاء الله يفيدونك

[الضامي 3333]

حسبي الله و نعم الوكيل والله المواطن مايدري منين يلقاة :hot::hot::hot: لكن الله يعينك ويسر امرك

[ابوعبدالله 22]

نصيحة لكل شخص بيشتري سيارة من الوكالة :
اشرط عليهم قبل الشراء أنك تشوف السيارة ثم اطلب ايضا تجربتها .. لانهم باختصار مجرمين واللي يراقب عليهم مشترك معهم في الاجرام .

لاتثق فيهم ابدا .. ولاياكلونك بالكلام الزين اعتبر اللي قدامك كلهم حراميه وطامعين في فلوسك والابتسامات هاللي توزع كلها من جيبك .. وتذكر انك اذا جيتهم بكره تبي شئ منهم تبخر الكلام زين ولا عليهم منك وعميل ماعميل كله كلام فاضي .

الله ينصرك عليهم ياخوي زياد وتأخذ حقك كامل

[فنجال شاهي]

بشرنا وش صار معك اخوي زياد

انا متابع لموضوعك والله يعوضك خير

وعليك بالدعاء ترا دعوة المظلوم مستجابة حتى لو الي انظلم كافر ليس لها حجاب عند الله :good2:

الدعاء الدعاء بعد كل صلاة


واي جديد يصير معك بشرنا والله يعوضك خير اخوي قول آمين

PNJ-wKWxkKU

[الشيخ وليد1]

حسبي الله و نعم الوكيل على كل ظالم والله المواطن مايدري منين يلقاة لكن الله يعينك ويسر امرك ويردلك حقك

[السليطين]

متابع لك وبانتظار الفرج ...

[زياد بن محمد]

شكراً لكم جميعا
أبو أسامه .. السليطين ..فنجال شاهي .. الشيخ وليد .. سهيل.. الشعلة ..

اليوم كان موعد في وزارة اللتجارة الاستدعاء الثاني (الأول ما جو)
ونفس الفكرة الثاني ما جو ..
يوم جت الساعة 11 تقريباً دق عضو هيئة الضبط بالوزراة وقال إنه جاء طال عمره ..
ويقول أصلاً سيارتهم مب عندنا ..!!
لا تسألوني وش السالفة .. لأني ما أدري عنهم ..
يمكنها ضاعت ذذ
طبعاً موعدنا الجاي يوم الاثنين ..
وعطيتهم خطاب شديد اللهجة .. وعساه يفيد
على حسب نظام الوزارة اذا ما جو المره الجاية راح يفصلون السستم اللي يشتغلون عليه الجميح

[عاشق حطب]

احتفظ بكل ورقة تسقط بيدك
ولا تستهين بأي ورقة

اللي ماتحتاجه اليوم يمكن تحتاجه بكرا
وانا مع الاخوان اللي يقولون اتصل بالشركة بدبي

الله يوفقك

[ويلومني]

الأخوان ماقصرو

عليك بالصبر
اللهم يسر أمور أخي زياد مع شركة الجميح وأموره الأخرى وأخلف له خيرا منه وأجعل ماأصابه تكفيرا للذنوب وأرزقه من حيث لا يحتسب
وأخواني في منتدى مكشات والمسلمين أجمعين

[ظل الماء]

الله يعينك ويسهل امورك

بس نصيحه أخوي ،، جب ارواق شراء السياره وواللي يثبت انك دخلتها عندهم بعد ماشريتها عشان يغيرون الدفرنس والخرابات اللي فيها ،، ومر كم ورشه من كبار الورش خلهم يشيكون على الموتر وخذ برنت عن المشاكل اللي فيها ........................

أوافق هذا الرأي واقترح المرور على وكالة العيسى لاستلام فحص كامل والله ييسر أمرك وينصرك على من ظلمك

[paper]

حسبنا الله ونعم الوكيل
الله يجبرك في مصيبتك ويرزقك خيرا منها

[زياد بن محمد]

آخر خبر ..
[ سر إختفاء سيارتي ]
تذكرون شي كتبته عن اليوكن

إللي هو إنه يسألون عن سيارتي ويقولون إنها مب عندهم ..

..
السالفة وما فيها ..
عرفنا واحد يعرف مدير كبير وقديم في الجميح .. وله كلمته والكل يعرفه في الشركة ..
فـ كلّم خوينا هذا هالمدير وقال له السالفة ..
و رد له وقال أبشر وو ..
و استمارة سيارتي عنده من الأول أصلاً عشان سالفة مشابهه لهذي حصلت الأسبوع الماضي ..
الشاهد إن هالمدير راح وسحب سيارتي من الورشة حقت الوكالة وباعها على شريطي يشتغل عندهم من زمان بدون ما ينقل مُلكيّة السيارة !!
وصار له أسبوع تقريباً ، وأنا ما أدري ولا عندي اي خلفية عن الموضوع ..
يوم راحت باخذ الاستمارة من عنده
قال المدير خلاص السيارة ماهي لكم .. نبي نبدلك بسيارة جديده روحوا واختاروا السيارة إللي تبون ..
قلنا الحمد لله فرجها الله وريحنا راسنا ، قلت خلاص ابي ابدالها بتاهو 2011 LT 4X4
..
وقالوا ادفعوا 5000 ريال وقالت خير ان شاء الله
كان المفترض التسليم اليوم ، بس في آخر لحضة !!
جاء اتصال من ((حمد الجميح)) حسبي الله عليه ، وقال لا تبيعونهم السيارة هذولا مشتكيننا عند جينرال موتورز ووو ...
واتكنسلت الدعوه كلها !!
قلنا الحمد لله خيره ..
عطوني فلوسي اللي بعتوا فيها السيارة إللي هي كما قال لنا ( 130،000) والله يخلف على إللي راح ..
قال مالكم عندنا إلا 120،000 ريال هذا اللي بعنا فيه السيارة ..!!
معقولة حدود 20 ألف وهي ماشية 2000 كيلو ..!
قال سيارتكم ما تسوى ؛ دفرنسها خربااان !!
طيب ليه بايعينها علي وهي خربانه ..!!
يوم شفنا الوضع كذا رفضنا نستلم المبلغ وقلنا رجعوا السيارة لمكانها (الورشة)
المشكلة وشي الأن يا جماعة ..
سيارتي بإسمي وهي مع واحد ثاني له حدود أسبوع أو أكثر أو أقل ..
يعني مشّاها كثير ، ويعني الله يعين على ساهر .. ووو ..
وقالت رجعوا السيارة للورشة وإلى الأن ما رجعت !!
أفكر أكبرها وأسوي إزعاااج !!
الفلوس الله يخلف علينا خلاص الحمد لله جت على كذا ، بس أبي أطلع حرتي .. أبي أزعجهم
وش أسوي يا جماعة والله غبنه !!

لا ويقول مديرهم .. روح عند الجميح نفسه بمكتبه واعتذر منه يمكن يسامحك !!

الله لا يسامحه !! طلعت أنا الغلطان

[العابر2222]

على طول بلغ ان سيارتك مسروقه ..

[زياد بن محمد]

أخاف الشكوى تخلي السيارة ترجع لي ..
وانا ما أبيها أبدا خلاص
والله يا جماعة اني كررررهت اليوكن والتاهو والجميح وكل سيارااته
الله يجازيهم باللي يستحقون ..
لا يُلدغ المؤمن من جرح مرتين ،

[صديق كلم رفيق]

لا حول ولا قوة إلا بالله ، حسبي الله ونعم الوكيل ، الله لا يوفقه هالجميح يا ويله من ربي ، سبحان الله تاجر ومنعم الله عليه ماهوب في حاجة هالميه وخمسين الف ، لكن هذا الجشع وعدم الخووف من الله ، الله لا يوفقه ويبلاه في حلاله . ويقولون ليه ما يجينا مطر لا حول ولا قوة إلا باالله


اخووي زياد عسى الله يفرج همك وييسر امرك ، المهم لا تيأس واصل في مطارتهم وإن شاء الله راح تأخذ حقك ماضاع حق وراه مطالب .

[YUKON_GMC]

ياخوي قلت من الاول روح لمدير المرور وقدم عليه معروض باللي حصل وأن السياره سرقت من ورشة الجميع من اكثر من عشرة ايام والسياره بأسمي

ولاتقول انهم بايعينها او شي .. قول لاأتحمل اية مسؤليه او مخالفات واطالب التحقيق بالموضوع او احالتي للشرطه والحقوق المدنيه

[زياد بن محمد]

حسبي الله على كل ظالم ..
ترقبوا الحلقة الأخيرة من مسلسل الغبنه ، سأضعها في موضوع آخر مستقل بعد قليل

[زياد بن محمد]

الحلقة الأخيرة
اضغط هُنا
(http://www.mekshat.com/vb/showthread.php?p=5776987#post5776987)
:)

[vxr99]

حسبي الله ونعم الوكيل
الله ينصرك على من ظلمك

[الأبرق2008]

اخي زياد/ خاطب الوكيل بالشرق الاوسط مهم جدا والسيارة اتركها عند باب المركز ( الورشة )

هناك رقم دولي على قزاز الخلفي او اي مكان وخاطب الوكيل بحكمه وصورة الى الشركة جنرال موتور

وسوف تاخذحقك بكل سهولة ويسر صدقني والله ان مدير الورشة مع مسر وايت الى جاي يشيك على الوكالة واقف ينتظر صاحب المشكلة عند الباب
والحمار الله يكرمكم السعودي مدير الورشه صار ذباب بعد مكان ينفخ على العموم لن نزود عليكم السالفة
الجميح حراااااااااااااااااااااااااااااااااااااااااااااااا اااااااااااااااااااااااااااااااااميه ويعتبرونها شطاااااااره
راسل الوكيل بالشرق الاوسط والشركة جنرال موتورز

والله معك

[القابوس]

ريح راسك وبعها

اشتر راحت بخسارة من ثمنها

والله يعوضك وان شاء الله انها تدفع عنك ضرر

[هوايتي مكشات]

الله يعينك ياغاااالي

[البوابه]

بسم الله الرحمن الرحيم

ياخي الايميل موجود راسل الشركه الام واذكر التواريخ وكل التفاصيل وراح يردون عليك
انا حصلت معي كان عندي سوبر 95 دفرنشين مشكلته القير اوقات يعلق مايعشق ودخلته كم مره عند التوكيلات العالميه عندما كان جديد ويوم عجزت فيهم كل مره يقولون مافيه شيئ راسلت الشركه وكلمني واحد المدير الاقليمي لشكة جمس اسمه نبيل شمس كان في جده وقال اليوم الفلاني تجيب السياره للوكاله وباكون انتضرك وفعلا في نفس التاريخ رحت للوكاله وقابلته وامرهم بتبديل القير واعطاني ضمان اضافي على القير والماكينه سنتان اضافيه بدل الثلاث سنوات صارت خمس سنوات وكتبها على دفتر الضمان ووقع وخلى التوكيلات يختمون عليها بعد ماشرحت له وقلت انا فقدت المصداقيه في جي ام سي ووكالاتها وسوف اخبر جميع من اعرف كي لايشترون من جي ام سي
الفايده ارسل رساله للشركه الام مع صور الفواتير ورقم الشاصي مهم جداجدا والعنوان والتلفون واضح وانا متاكد من انهم بيردون عليك وبسرعه

[وارف الظلال]

حسبي الله ونعم الوكيل
خذ حقك ولا تسكت ومايضيع حق وراه مطالب
أسال الله العلي العظيم أن ينصرك عليهم
وعليك بالدعاء لان دعوة المظلوم مستجابه

[كوتو المدمي]

اخوي زياد دق على المكتب الاقليمي بدبي وهم يتصرفون واحد من العيال خبط عليه القير ورفظ الجميح يصلحها على الضمان دق على المكتب الاقليمي على طول غيروله القير من احد الاسيارات المعروضه والله يعينك

[نجم000الشمال]

عمي معه يوكن 2007 من الجميح اخذه وكالة :)
اكتشف بالصدفة ان موتره مسمكر ومرشوش من الجنب الخلفي الايسر وحاول فيهم يغيرونة له بواحد جديد لكن اذن طين واذن من عجين والمشكله انه دايم مشغول ماهو فاظي لهم . حسبي الله عليهم

[ابا سديم]

والله ياخوي مالك الا الصبر والدعاء عليهم ورراسل دبي وخل عنك السيارات المريكي خاصه الجمس والشفر ورح للفورد تراه اقل خراب:hot::hot:

[bassam7770]

الله يعوضك
انا ترايل بليزر بعد 3 سنوات اوديه الصيانه طيلع لي تقرير صيانه 14 الف والسياره الحمد الله محافظ عليها وماجاتها اي صدمات وبالاضافه جميع تشيكاتها بالوكاله

لاكن ياخوي قدمت شكوه لجنرال موتورز وبعدها كلموني قسم الصيانه ونزلو تكلفت الصيانه حتى 6 الاف ريااااااااااال
اسئلكم بالله هذا ويش يسمونه في شي اكبر من النصب والاحتيال ؟؟؟؟؟؟؟؟؟؟؟

مع العلم السياره ماتشتكي من شي ولا اي مشاكل لاكن حرصي على التشيكات فقط
المقص الامامي تكلفته 1800 ريال سعودي وبعد الشكوه يقول لي مدير الصيانه راح نغير لك ربل المقص (جلد ) تكلفته 300 ريال للجانبين هذا شغله من الشغلات الي كان فيها نصب

الشاهد ياخوي عليك بجنرال موتورز ولا تتركهم وان شاء الله راح تحصل نتيجه